Share The Article

new

ഇതൊരു നുണ കഥയും പ്രചാരണവും മാത്രമാണ്.

ഈ കഥയ്ക്കോ ഇതിലെ കഥാപാത്രങ്ങള്‍ക്കൊ ജീവിച്ചിരിക്കുന്നവരോ മരിച്ചവരോയായി യാതൊരു ‘കുല’ ബന്ധം പോലുമില്ല. ഇനി അഥവാ നിങ്ങള്‍ക്ക് അങ്ങനെഎന്തെങ്കിലും തോന്നിയാല്‍…ചില തോന്നലുകളില്‍ അല്‍പ്പം കാര്യമുണ്ട് എന്ന് മാത്രം വിചാരിച്ചാല്‍ മതി !

കേരളത്തില്‍ ഒരു മുഖ്യമന്ത്രിയെ ഉള്ളുവെങ്കില്‍ കൂരളത്തില്‍ രണ്ടു മുഖ്യമന്ത്രിമാര്‍ ഉണ്ട്. കൂരളം എന്നാ സ്ഥലത്തെ പറ്റി നിങ്ങള്‍ളില്‍ പലരും കേട്ടു കാണില്ല. കാരണം ഈ കേരളത്തിലെ ഓരോരോ അവസ്ഥകള്‍ കണ്ടു കുറച്ചു നേരം മുന്‍പ് കേരളത്തെ മത്സരിച്ചു തോല്‍പ്പിക്കാന്‍ വേണ്ടി ഞാന്‍ എന്റെ നെറ്റും ലാപ്ടോപ്പും ഒക്കെ പണയം വച്ച് ഉണ്ടാക്കിയ എടുത്ത സ്ഥലാണ് കൂരളം.

നമ്മള്‍ പറഞ്ഞു വന്നത് മുഖ്യമന്ത്രിയുടെ കാര്യം. അതെ കേരളത്തില്‍ ഒരു മുഖ്യന്‍ അല്ലെയുള്ളൂ, അത് കൊണ്ട് കൂരളത്തില്‍ രണ്ടു എണ്ണം എങ്കിലും വേണം. ഇപ്പോള്‍ നിങ്ങള്‍ ചോദിക്കും ഇന്ത്യയിലെ എല്ലാ സംസ്ഥാനങ്ങളിലും ഒരു മുഖ്യന്‍ അല്ലെയുള്ളൂവെന്നു..അപ്പോള്‍ എന്റെ മറു ചോദ്യം ഇതാണ്, നിങ്ങള്‍ ഈ പറയുന്ന ഏതെങ്കിലും ഒരു സംസ്ഥാനത്ത്, എസ്എസ്എല്‍സി പരീക്ഷയുടെ റിസള്‍ട്ട് ആഴ്ചയില്‍ രണ്ടും മൂന്നും തവണ വരാറുണ്ടോ? പരീക്ഷ എഴുതാത്ത കുട്ടിക്ക് റാങ്ക് ലഭിക്കാറുണ്ടോ? എന്തിനു പരീക്ഷയുടെ തലേദിവസം, പരീക്ഷയുടെ അന്ന്, അതിന്റെ അടുത്ത ദിവസം ഇങ്ങനെ തുടര്‍ച്ചയായി പച്ച ലഡ്ഡു വിതരണം നടത്താറുണ്ടോ? ബുദ്ധിമാന്മാരായ കുട്ടികളെ മണ്ടന്മാരക്കുന്ന ഈ നാട്ടിലെ സര്‍ക്കാരിനെ വെല്ലാന്‍ കൂരളത്തില്‍ രണ്ടു മുഖ്യന്മാര്‍ തന്നെ വേണം..!

തലകുത്തി നിന്നാലും എസ്എസ്എല്‍സി തോല്‍ക്കാന്‍ പറ്റില്ലായെന്ന അവസ്ഥ അവിടെയുണ്ടായിട്ടുണ്ട് എന്നും ഇനി ഇതിലും തോല്‍ക്കുന്നവരെ കൂരാളത്തിലോട്ട് ‘പമ്പ’ കടത്തുന്നുവെന്നു ഒരു രഹസ്യവിവരവും കിട്ടിയിട്ടുണ്ട്. എന്തിനു കൂരളത്തിന്റെ ആക്രമണം ഭയന്ന് മലപ്പുറം ജില്ലയിലെ ഒരു സ്ക്കൂളില്‍ ദിവസകൂലിക്ക് പണിയെടുക്കാന്‍ എത്തിയ ൪ ബംഗാളികള്‍ക്ക് എസ്എസ്എല്‍സി സര്‍ട്ടിഫിക്കറ്റ് കൊടുത്ത് പോലീസില്‍ പണിക്കെടുത്തുവെന്നും വാര്‍ത്തകള്‍ പുറത്തു വരുന്നു.   (ജനിക്കാത്ത കുട്ടികള്‍ വരെ എസ്എസ്എല്‍സി പാസാകുന്ന നാടാണ്, കളിക്കുമ്പോള്‍ ഒന്ന് സൂക്ഷിക്കണം)

അപ്പോള്‍ കൂരളവുമായി അതിനു 2 മുഖ്യന്മാരുമായി. ഇനി കേരളത്തെ ചുരുട്ടി കെട്ടാനുള്ള പണി തുടങ്ങണം. അഴിമതി നടത്തി അവരെ ചാക്കില്‍ കയറ്റം എന്ന് വിചാരിച്ചാല്‍ ആ ചാക്കിന് വരെ കമ്മിഷന്‍ ചോദിക്കുന്നവനാണ് അവിടത്തെ ധനകാര്യ മന്ത്രി.

അങ്ങനെ ഈ എസ്എസ്എല്‍സി ഉപയോഗിച്ച് കൊണ്ടുള്ള ആക്രമണത്തെ’ നേരിടാന്‍ കൂരാളത്തെ മുഖ്യമന്തൃമാര്‍ ഒരു വിദ്യ കണ്ടുപിടിച്ചു, എന്താണ് എന്നല്ലേ…? അവര്‍ ആ വിദ്യക്ക് ഇട്ട പേരാണ്,

“അതക്കും മേലെ”

അതായത് കേരളത്തില്‍ പട്ടിയേയും പൂച്ചയേയും വരെ ജയിപ്പിക്കുമ്പോള്‍, കൂരാളം ഒരു വര്ഷം കുറഞ്ഞത് ഒരു 3 എസ്എസ്എല്‍സി റിസള്‍ട്ട് എങ്കിലും പ്രഖ്യാപിക്കും. ഇതിന്റെ തുടക്കം എന്ന നിലയില്‍ അടുത്ത വര്‍ഷത്തെ എസ്എസ്എല്‍സി ഫലം ഈ വര്‍ഷം ഒടുവില്‍ തന്ന പ്രഖ്യാപിച്ചു ഈ സര്‍ക്കാര്‍ പലരെയും വെല്ലുന്ന “ലോക റെക്കോര്‍ഡ്‌” പ്രകടനം നടത്തുമെന്ന് കൂരാളം വിദ്യാഭ്യാസ മന്ത്രി അറിയിച്ചു.

ഇതു കേരളത്തിന്‌ ഉള്ള മറുപടിയാണോ എന്നാ ചോദ്യത്തിന് മന്ത്രിയുടെ ഉത്തരം ഇങ്ങനെയായിരുന്നു,

“അതക്കും മേലെ”

Advertisements