ചരിത്രം വിചിത്രം -1- അയിത്തം

28

untouchability

നമ്മള്‍ക്ക് മുന്‍പ് നമ്മെ കടന്നു പോയ എത്രയോ തലമുറകള്‍. അവര്‍ പലരും അനുഭവിച്ച സുഖങ്ങളോ ദു:ഖങ്ങളോ മറ്റു അനുഭവങ്ങളോ നമ്മുടെ സങ്കല്പ്പങ്ങള്ക്കും അപ്പുറം ആണ്. അന്നത്ത പലതും സാമൂഹിക വ്യവസ്ഥകള്‍ ആയതിനാല്‍ ആരും അതില്‍ കുറ്റവാളികള്‍ ആയിരുന്നില്ല. എങ്കിലും അവയെ കുറിച്ച് അറിഞ്ഞിരിക്കേണ്ടത് നമുക്ക് നല്ലതാണ്.

അയിത്തം :
കേരളത്തില്‍ ഒരു കാലത്ത് നില നിന്നിരുന്ന ജാതി പരമായ വേര്തിരിവ് ആയിരുന്നു അയിത്തം..

  • പൊതു പരിപാടികളില്‍ ബ്രാഹ് മണര്‍ക്കൊപ്പം ഭഷണം കഴിക്കാന്‍ പാടില്ല.
  • ചായകടകളില്‍ ഓരോ ജാതിക്കാര്‍ക്കും പ്രത്യേക കപ്പ്.
  • ഹോട്ടലുകളില്‍ പ്രത്യേക പാത്രം,ഇരിപ്പിടം.
  • ക്ഷേത്രങ്ങളില്‍ കയറി ആരാധന നടത്താന്‍ വിലക്ക്.
  • ചെരിപ്പ്, കുട തുടങ്ങിയവ ഉപയോഗികാന്‍ വിലക്ക്.
  • ഉയര്‍ന്ന ജാതികാരുടെ വീടുകളില്‍ പ്രവേശിക്കുന്നതിന് വിലക്ക്.
  • പൊതുനിരത്തുകളില്‍ നടക്കാന്‍ വിലക്ക്.
  • ശവസംസ്‌കാരം പ്രത്യേക സ്ഥങ്ങളില്‍.
  • സ്‌കൂളുകളില്‍ പ്രത്യേക ഇരിപ്പിടങ്ങള്‍.
  • വിവാഹം ,മരണം തുടങ്ങിയ ചടങ്ങുകളില്‍ വിലക്ക്.

സവര്‍ണ വിഭാഗത്തില്‍ത്തന്നെ ബ്രാഹ്മണനും നായര്‍ക്കും തമ്മില്‍ അയിത്തമുണ്ട്. പുലയര്‍ക്കും പറയര്‍ക്കും മറ്റും ഈഴവന്റെ അടുത്തും ചെല്ലാന്‍ പാടില്ല. ഈ അയിത്താചാരത്തിന്റെ ഫലമായി അവര്‍ണര്‍ക്കു സാധാരണ പൗരാവകാശങ്ങള്‍പോലും നിഷേധിക്കപ്പെട്ടു.

പൊതുനിരത്തുകളിലൂടെയും നടക്കാന്‍ അവരെ അനുവദിച്ചിരുന്നില്ല. ക്ഷേത്രങ്ങളില്‍ കയറി ആരാധന നടത്താന്‍ സ്വാതന്ത്ര്യമുണ്ടായിരുന്നില്ല. വിദ്യാലയങ്ങള്‍, പോസ്റ്റാഫീസുകള്‍ തുടങ്ങിയ പൊതുസ്ഥാപനങ്ങളിലും അവര്‍ക്കു പ്രവേശനമില്ലായിരുന്നു. ഈ സാമൂഹികാചാരങ്ങളെ നിലനിര്‍ത്തിപ്പോന്ന ഭരണകൂടങ്ങളാണ് നൂറ്റാണ്ടുകളായി കേരളത്തില്‍ നിലനിന്നിരുന്നത്.

സ്വാമി വിവേകാനന്ദന്‍ കേരളം സന്ദര്‍ശിച്ചപ്പോള്‍ ഇവിടെ നിലനിന്നിരുന്ന അയിത്താചാരത്തെയും സാമൂഹ്യാധഃപതനത്തെയും വിരല്‍ചൂണ്ടി പരിഹസിക്കുകയുണ്ടായി.
” കേരളം ഒരു ഭ്രാന്താലയം ” എന്നായിരുന്നു സ്വാമിജി പറഞ്ഞത്..

എന്നാല്‍ ശ്രീ നാരായണ ഗുരു, അയ്യന്‍കാളി, തുടങ്ങി പല സാമൂഹിക നവോത്ഥാന നേതാക്കളും ചേര്‍ന്ന് ഈ അയിത്തം ഇല്ലാതാക്കാന്‍ ശ്രമിച്ചതിന്റെ ഫലമായി കേരളത്തില്‍ അയിത്തം ഇല്ലാതായി.

Write Your Valuable Comments Below