ഞങ്ങള്‍, പുരുഷന്മാര്‍ അപരാധികളോ ?

sad-man-street-kathmandu-nepal-asia-max-drukpa

രണ്ട് മൂന്ന് ദിവസമായി, ഞാനൊന്ന് നേരെയുറങ്ങിയിട്ട്. വല്ലാത്ത ഒരു തരം പേടി മനസ്സിനെ ഗ്രസിച്ചിരിക്കുന്നൂ. ഡല്‍ഹിയില്‍ ബസ്സില്‍ വച്ച് ആ കുട്ടിയെ വെറിപൂണ്ട ആ കാപാലികന്മാര്‍ പീഡിപ്പിച്ച നാള്‍ തൊട്ട് തുടങ്ങിയതാണ് ഈ സംഭ്രമം. ഡെല്‍ഹിയില്‍ തെരുവ് യുദ്ധം. നാട്ടില്‍ വാര്‍ത്തായുദ്ധം. 12 വയസ്സുള്ള പെണ്‍കുട്ടിയെ അച്ഛന്‍ പീഡിപ്പിച്ചു, 14 വയസ്സുള്ള പെണ്‍കുട്ടി പ്രസവിച്ചൂ, കാരണക്കാരനായ ചെറിയച്ഛനെ പോലീസ് അറസ്റ്റ് ചെയ്തൂ. പതിനൊന്ന് വസ്സായ പെണ്‍കുട്ടിയെ, അച്ഛ്ന്‍ നൂറു രൂപ വീതം പ്രതിഫലം പറ്റി എട്ട് പേര്‍ക്ക് കാഴ്ച വച്ചൂ. അച്ഛനും മറ്റ് ആറുപേരും പിടിയില്‍ ഇനിയുള്ള ഒരാള്‍ക്കായി പോലീസ് ഊര്‍ജിതമായ അന്വേക്ഷണം ആരംഭിച്ചൂ. പത്ര ലേഖികയെ ബസ്സിനുള്ളില്‍ വച്ച് പീഡിപ്പിച്ചയാളെ ലേഖിക തന്നെ കൈകാര്യം ചെയ്ത് പോലീസിനെ ഏല്‍പ്പിച്ചൂ. ഇന്നലെ വൈകുന്നേരത്തെ എഷ്യാനെറ്റ് ന്യൂസ്സിലെ പ്രധാന വാര്‍ത്തകളാണിത്. ഞാനും,എന്റെ അമ്മയും, ഭാര്യയും, ഭാര്യയുടെ സഹോദരീ പുത്രിയും(17 വയസുകാരി) ഈ വാര്‍ത്ത കാണുകയായിരുന്നൂ. അമ്മ അടുക്കളയിലേക്ക് എണീറ്റ് പോയി. ഭാര്യ എന്നേയും, ഞാന്‍ ഭാര്യയേയും നോക്കി, ഞങ്ങളെ രണ്ട് പേരേയും, 17 വയസ്സുള്ള മകള്‍ നോക്കിയിരിക്കുന്നൂ. ഞാന്‍ കസേരവിട്ട് പുറത്തിറങ്ങി.

ഇടറോഡ് വിട്ട് മെയിന്‍ റോഡില്‍ ഇറങ്ങാന്‍ തുടങ്ങുമ്പോള്‍ പിന്നില്‍ നിന്നും ‘ചേട്ടാ’ എന്ന വിളിയോശ. ഞാന്‍ തിരിഞ്ഞു നിന്നു. അയല്‍ക്കാരനായ സുബാഷ്.

‘ചേട്ടന്‍ എവിടെക്കാ’
‘ കവല വരെ… വെറ്റിലയും അടക്കയും വങ്ങണം…എന്താ സുഭാഷ്..?’
‘ചേട്ടന്റെ…കാര്‍ ഞാനൊന്നെടുത്തോട്ടെ…സിറ്റി വരെ പോകാനാ’
‘എന്താ സുബാഷ് …വിശേഷം വല്ലതും.’
‘പ്രത്യേകിച്ചൊന്നുമില്ലാ…സിനിയെ ഒന്ന് വിളിക്കാനാ..ഓഫീസ് വിട്ട് കാണും’
‘ താങ്കളുടെ ഭാര്യ സാധാരണ ബസ്സിലല്ലേ വരുന്നത്… ബസ്സ് സമരം വല്ലതും ഉണ്ടായോ?’
‘ഇല്ല..ഇന്ന് മോളെയും കൂട്ടിയാ അവള്‍ പോയത്…’
‘മോള്‍ക്ക് ഇപ്പോള്‍ ക്രിസ്തുമസ്സ് അവധിയല്ലേ,പത്താം തരമായില്ലേ,വീട്ടിലിരുത്തി പി പ്പിക്കാതെ എന്തിനാ ഓഫീസില്‍ കൊണ്ട് പോയത്?’
‘ ഇന്ന് എനിക്ക് അവധിയാ’
അയ്യാളുടെ മുഖത്ത് തെന്നിമറഞ്ഞ എതോ വികാരം എന്നെ അലോസരപ്പെടുത്തി.
‘ചെല്ലൂ ചേച്ചി വീട്ടില്‍ കാണും, കാറിന്റെ താക്കോല്‍ ചോദിച്ചാല്‍ മതി.’
‘താങ്ക്‌സ് ചേട്ടാ’

അവന്‍ തിരിഞ്ഞ് നടന്നപ്പോള്‍ എന്റെ മനസ്സ് വേദനിച്ചു. കേരളത്തിലെ, അല്ലെങ്കില്‍ ഭാരത്തിലെ ഒട്ടുമിക്ക അച്ഛന്മാര്‍ നേരിടുന്ന ഒരു വിഷമ സന്ധിയാണിത്. മകളെ അച്ഛന്റെ അടുത്ത് നിര്‍ത്തിയിട്ട് പോയാല്‍ അവള്‍ പീഡിപ്പിക്കപ്പെടുമോ? എന്ന് സംശയം കൂറുന്ന അമ്മമാര്‍ … ‘എന്റെ അടുത്ത് നിര്‍ത്തിയിട്ട് പോവൂ’ എന്ന് ഉറക്കെ പറയാന്‍ മടിക്കുന്ന അച്ഛന്മാര്‍ നമ്മുടെ നാട് എങ്ങോട്ടാ ?

ഇവിടെ ഞാന്‍ കുറ്റപ്പെടുത്തുന്നത് അച്ഛനെയോ, അമ്മയെയോ അല്ലാ…മറിച്ച് മാദ്ധ്യമങ്ങളെയാണ്…

125 കോടി ജനങ്ങള്‍ ജീവിക്കുന്ന നമ്മുടെ നാട്ടില്‍ പത്തോ, പന്ത്രണ്ടോ കാമഭ്രാന്ത് പിടിച്ച അച്ഛന്മാരുണ്ടാകാം. എന്ന് കരുതി എല്ലാ അച്ഛന്മാരും മകളെ പീഡിപ്പിക്കാന്‍ നടക്കുകയാണ് എന്ന ഒരു ഭീതി വളര്‍ത്തുകയാണ് നമ്മുടെ മാദ്ധ്യമങ്ങള്‍, പ്രാധാന വാര്‍ത്തകളായും, പെണ്ണിനെ ക്യാമറക്ക് മുന്നിലെത്തിച്ച് പീഡനകഥകള്‍ പൊടിപ്പും തൊങ്ങലും വച്ച് വിളമ്പുന്ന ഇക്കൂട്ടം പെണ്‍കുട്ടിയുടെ മുഖം മാത്രം ക്രിത്രിമമായി മറക്കുന്നൂ. ആ മറ ആണുങ്ങളുടെ മനസ്സില്‍ ഉണ്ടാക്കുന്ന വിങ്ങല്‍ ആരും കാണുന്നില്ലാ

ഇത്തരം പീഡന ക്രൂരതകള്‍ കാണിക്കുന്നവരുടെ മാനസ്സിക നിലയില്‍ കാര്യ മായി വ്യതിയാനങ്ങളുണ്ട്. അവരെ ചികിത്സിപ്പിക്കാനുള്ള തയ്യാറെടുപ്പിക്കുകയാണ് ആദ്യം വേണ്ടത്. അല്ലെങ്കില്‍ മാധ്യമങ്ങള്‍ വഴി അവരെ ബോധവല്‍ ക്കരിക്കുക. അല്ലാതെ പാവപ്പെട്ട അച്ഛന്മാരെ ഭ്രാന്തന്മാരാക്കുന്ന ഏര്‍പ്പാടല്ലാ മാധ്യമങ്ങള്‍ ചെയ്യേണ്ടത്.

കുട്ടികളേയും,സ്ത്രീകളെയും കമന്റടിക്കുന്നവര്‍ക്ക് 25000 രൂപയും,3വര്‍ഷം തടവും നല്‍കണം എന്നൊരു നിയമം പ്രാബല്ല്യത്തില്‍ വരാന്‍ പോകുന്നൂ അത് ഗുണത്തേക്കാള്‍ ദോഷം ചെയ്യും എന്നാണെന്റെ വിശ്വാസം.തമ്മില്‍ എതിര്‍പ്പുള്ള ആര്‍ക്കും പുര്‍ഷന്മാരെ ഇക്കാര്യം പറഞ്ഞ് പോലീസ് സ്‌റ്റേഷനിലും, കല്‍ത്തുറുങ്കിലും അടയ്ക്കാന്‍ കഴിയും.

സ്ത്രീക്ക് സമ സ്വാതന്ത്ര്യം നല്‍കണം എന്ന പക്ഷക്കാരനാണ് ഞാന്‍. പുരുഷനെക്കാള്‍ സ്ത്രീകള്‍ കൂടുതലുള്ള നാടുമാണ് നമ്മുടെത്.എന്ന് കരുതി എല്ലാ പുരുഷന്മാരും പീഡിപ്പിക്കാന്‍ നടക്കുന്നവരല്ലാ. പുരുഷനും കൂടിയുള്ളവരാണ് സ്ത്രീകള്‍, അമ്മയായും,മകളായും, കാമുകിയായും,പെങ്ങളായും ഒക്കെ….

പ്രീയപ്പെട്ട മാദ്ധ്യമ സോദരങ്ങളേ… വാര്‍ത്താ സെന്‍സേഷനും,വാണിജ്യത്തിനും ഒക്കെ നിങ്ങള്‍ പലവഴികളും തേടിക്കോളൂ…പക്ഷേ സ്ത്രീകളെ വിറ്റ് കാശാക്കുകയും,ആണുങ്ങളെ കിരാതന്മാരുമാക്കുന്ന ഇത്തരം വാര്‍ത്തകള്‍, വശങ്ങളിലേക്കൊതുക്കൂ…ഇല്ലെങ്കില്‍ നിങ്ങളും വീഴും ഈ വാരിക്കുഴിയില്‍ പിന്നെ കരകയറാന്‍ വലിയ ബുദ്ധിമുട്ടാകും…ഞങ്ങള്‍ പുരുഷന്മാരും ജീവിച്ചോട്ടെ. ഞാന്‍ പീഡനങ്ങള്‍ക്കെതിരാണ്. കാരണം എനിക്കുമുണ്ട് അമ്മയും,ഭാര്യയും,പെങ്ങന്മാരും മക്കളും. പെണ്ണുങ്ങളെ കണ്ടാല്‍ കെട്ടഴിഞ്ഞ് പോകുന്ന ഞരമ്പ് രോഗികളല്ലാ.. ഞങ്ങള്‍ നല്ല പുരുഷന്മാര്‍

SHARE