0 Shares 80 Views

പത്തു പേരുടെ വാളില്‍ പോസ്റ്റുക അല്ലങ്കില്‍?

ഇത് വായിച്ചയുടനെ അടത്തറിയുന്ന പത്തു പേരുടെ വാള്ളില്‍ കൊണ്ട്‌പൊയ് പോസ്റ്റുക അല്ലങ്കില്‍!!??

ഇത് വായിചിട്ട് അയക്കാതിരുന്ന ഒരു ദുഫായ്ക്കാരന്റെ ഫേസ് ബുക്ക് അക്കൗണ്ട് വൈറസ് വന്നു ബ്ലോക്ക് ആയി, അപ്‌ലോഡ് ചെയ്യുന്ന സകല ഫോട്ടോകളും സ്പാം ഗണത്തില്‍ പെട്ടു, കമ്പ്യൂട്ടര്‍ ഹാര്‍ഡ് ഡിസ്‌ക് അടിച്ചു പോയി, സകല പെണ്ണുങ്ങളും ഫേസ് ബുക്കില്‍ നിന്നും ബ്ലോക്ക് ആക്കി, ഫേസ് ബുക്ക് ഓഫീസില്‍ നിന്നും തുറക്കുന്നത് കണ്ട് മാനേജര്‍ പണി യില്‍ നിന്നും പുറത്താക്കി !!

ഇത് പത്തു പേര്‍ക്കു അയച്ചു കൊടുത്ത് ഒരു തേരാപാര നടക്കുന്ന ഒരാള്‍ക്കു ഗള്‍ഫില്‍ നല്ല ജോലി കിട്ടി, ഫേസ് ബുക്കില്‍ നിറയെ ഫൈക് പെണ്‍ തരുണികളുടെ റികൊസ്റ്റ്, കമ്പനി വക ലാപ് ടോപ്!

നോട്ടീസില്‍ നിന്നും തുടങ്ങി, മൊബൈല്‍ മെസ്സേജ്, ഇ മൈല്‍ അങ്ങനെ അവസാനം നേരിട്ട് തന്നെ ആള്‍ക്കാര്‍ ടിവി യില്‍ കൂടി പറയാന്‍ തുടങ്ങി.
പൈസ ഉണ്ടക്കാന്‍ പണ്ടൊക്കെ വല്ല തുക്കട നോട്ടീസ് അടിക്കുന്ന കമ്പനിക്കാര്‍ ഉണ്ടാക്കുന്ന ഒരു വേല ആയിരുന്നു ഇത്തരം ഭീഷണി നോട്ടീസുകള്‍ എന്നാ നമ്മളൊക്കെ കരുതിയത്. ഹിന്ദു സമൂഹം കൂടുതല്‍ ഉള്ള പ്രദേഷത്ത് വല്ല ശബരിമലക്കഥയും, മുസ്ലിം വിഭാഗം എങ്കില്‍ വല്ല ജാറമോ ജിന്നിന്റെയോ കഥയും, ക്രിസ്ത്യാനി പ്രദേഷം എങ്കില്‍ വല്ല കുരിശിന്റെ കഥയുംപൊടിപ്പും തൊങ്ങലും വെച്ച് അടിച്ചിറക്കും. ഒരു കാര്യം ഓര്‍ക്കേണ്ടതു നാം ഭാരതീയര്‍ ഇക്കാര്യത്തില്‍ എല്ലാ മതങ്ങളും നല്ല ഐക്യത്തിലാണ്.

നോട്ടീസിന്റെ അവസാനം ഒരു ഭീഷണിയും കാണാം, ഈ നോട്ടീസ് കീറിയവന്‍ തലയില്‍ തേങ്ങ വീണ് ഹാര്‍ട്ട് അറ്റാക്ക് വന്നു മരിച്ചു. അത് നൂറ് കോപ്പി എടുത്ത് വിതരണം ചെയ്തവന്‍ വിമാനത്തില്‍ നിന്നും പാമ്പ് കടി കൊള്ളാതെ രക്ഷപെട്ടു!! ഇത് ആയിരം കോപ്പി എടുത്തവനു ആയിരം രൂപ ലോട്ടറി അടിച്ചു. ഇതിനെ കളിയാക്കിയവന്റെ കവിളത്തു കടന്നല്‍ കുത്തി. ഇത് കോപ്പി എടുത്ത സ്‌കൂളില്‍ പോകാത്ത കുട്ടി പരീക്ഷയില്‍ ജയിച്ചു. കോപ്പി എടുക്കാതെ ബൂക്കില്‍ മടക്കി വെച്ച ക്ലാസ്സ് ലീഡര്‍ പരീക്ഷയില്‍ എട്ടു നിലയില്‍ പൊട്ടി. കോപ്പി എടുത്ത പൊട്ടനായ ചെറുക്കന് പൊട്ടത്തി ആയ നല്ല പെണ്ണിനെ കിട്ടി. കോപ്പി എടുക്കാതിരുന്ന ചെറുക്കന്റെ പ്രേമം കുടുമ്പക്കാര്‍ കലക്കി. ഹാവൂ എന്താ ഒരു ഭീഷണി അല്ലെ? മുകളില്‍ കാണുന്ന പോലെ ഭീഷണി മെയില്‍, SMS അതുമല്ലങ്കില്‍ ഒരു നോട്ടിസോ വായിക്കാത്ത ഒരു മലയാളിയും ഈ ഭൂലോകത്ത് ഉണ്ടാവില്ല!!

ഇത് പുരാണ കഥ, ഇന്നു കാലം മാറി കോലവും വളര്‍ച്ചക്കനുസരിച്ചു മനുഷ്യന്റെ ഭുദ്ധിയും വളര്‍ന്നു എന്നു വെറുതെ തെറ്റിദ്ധരിച്ചു. ഇല്ലാത്ത കുബേര്‍ കുഞ്ചിയും, അറബി മാന്ത്രിക തകിടും നമ്മുടെ വീട്ടിന്റെ സല്‍ക്കാര മുറിയില്‍ വെച്ച ടെലിവിഷനിലെ ‘കോര്‍പ്പറേറ്റ് ബുദ്ധി രാക്ഷസന്‍മാര്‍’ രാപകല്‍ എന്തെങ്കിലും ന്യുസ് ഉണ്ടക്കാന്‍ വേണ്ടി കഷ്ട്ടപ്പെടുന്ന ചാനലുകളില്‍ കൂടി കച്ചോടം പൊടിപൊടിക്കുന്നു!! അതിലെ നായികാ നായകന്‍ മാര്‍ നല്‍കുന്ന അനുഭവങ്ങളും പണ്ടൊക്കെ അടിച്ചിറക്കുന്ന നോട്ടീസുകളിലെ കഥകളും തമ്മില്‍ വലിയ വ്യത്യാസം ഒന്നും ഇല്ല. അവര്‍ നോട്ടീസിറക്കി ഇവര്‍ ദ്രിശ്യാ വിഷ്‌കാരം നല്‍കി അത്ര തന്നെ വ്യത്യാസം. ഇനിയും എഴുതി ഞാന്‍ നിങ്ങളെ ഭീഷണി പ്പെടുത്തുന്നില്ല. അപ്പോള്‍ മുകളില്‍ പറഞ്ഞ വരികള്‍ വീണ്ടും വായിക്കുക എന്നിട്ട് ഒരു പത്തു പേരുടെ വാള്ളില്‍ കൊണ്ടു പോയ് പൊസ്സൂക അല്ലെങ്കില്‍ നിങ്ങളുടെ ഫൈസ് ബൂക്ക് അക്കൌണ്ട് ഇപ്പോള്‍ തന്നെ ഫൈക് ആകും, എല്ലാവരും ബ്ലോക്ക് അക്കി പണ്ടാരം അടങ്ങും.

ബുദ്ധി പണയം വെക്കാത്ത സുഹുര്‍ത്തുക്കള്‍ വേണ്ടി സമര്‍പ്പിക്കുന്നു…

Write Your Valuable Comments Below

Related News Or Articles