പാളം തെറ്റി ഓടുന്ന ഇന്ത്യന്‍ റെയില്‍വേ

16

images-(1)

ലോകത്തിലെ ഏറ്റുവും വലിയ റെയില്‍വേ ശൃംഖകളില്‍ ഒന്നായ ഇന്ത്യന്‍ റെയില്‍വേക്ക് തുടരെ തുടരെ പാളം തെറ്റുന്നു എന്നതിന്‍റെ ഏറ്റുവും ഒടുവിലെ ഉദാഹരണമാണ് ഹോസൂര്‍ അപകടം.

ചൈന ഉള്‍പ്പടെയുള്ള മിക്ക വിദേശ രാജ്യങ്ങള്‍ക്കുമോപ്പം അതിവേഗ ട്രെയിന്‍ എന്നതിലേക്ക് ചുവടുവയ്ക്കുന്ന ഇന്ത്യക്ക് ഇപ്പോഴും മതിയായ സുരക്ഷിതത്വമോ സൗകര്യങ്ങളോ യാത്രക്കാര്‍ക്ക് വാഗ്ദാനം ചെയ്യാന്‍ ഇല്ല എന്നത് ഒരു പോരായ്മയാണ്. അടിക്കടി ഉണ്ടാകുന്ന അപകടങ്ങളെ കുറിച്ചുള്ള അന്വേഷണ റിപ്പോര്‍ട്ടുകള്‍ കാര്യമായി ശ്രദ്ധിക്കാതെ പോവുകയാണ് പതിവ്. ഇതേ തുടര്‍ന്ന് സുരക്ഷിതത്ത്വം തുടരെ തുടരെ അവഗണിക്കപെടുന്നു. ഇതുമൂലം നഷ്ട്ടപെടുന്നത് അമൂല്യമായ ജീവനുകള്‍ ആണ്.

ആധുനിക സാങ്കേതിക വിദ്യകള്‍ ഇന്ത്യന്‍ റെയില്‍വേയുടെ അപകടങ്ങള്‍ കുറയ്ക്കുമെന്നിരിക്കെ കാലഹരണപെട്ടതും ജീര്‍ണ്ണിച്ചതുമായ ബോഗികളും സിഗ്നലുകളും പിന്നെ ഉദ്യോഗസ്ഥരുടെ അശ്രദ്ധകളുമായി ജനങ്ങള്‍ പഴകി  പോയതിന്‍റെ വിലയായാണ് അടിക്കടി ഉണ്ടാകുന്ന ഈ അപകടങ്ങള്‍. ഹോസൂരില്‍ സംഭവിച്ചത് തികച്ചും ഒഴുവാക്കാമായിരുന്ന അപകടമായിരുന്നു. പക്ഷെ സുരക്ഷ ഉദ്യോഗസ്ഥരുടെ കാര്യശേഷിയില്ലായ്മയും വീഴ്ചകളും അപകടങ്ങള്‍ ക്ഷണിച്ചുവരുത്തുന്നു.

റെയില്‍വേയുടെ തലവന്മാരുടെ സ്ഥാനപോളിച്ചെഴുത്തിലെക്കാണ് ഈ അപകടങ്ങള്‍ ഒക്കെ വിരല്‍ ചൂണ്ടുന്നത്. മര്‍മ്മപ്രധനാമായ റെയിവേ വകുപ്പിനോടുള്ള രാഷ്ട്രീയക്കാരുടെ ആര്‍ത്തിയും കൂടി മാറിയാലേ ഇന്ത്യന്‍ തീവണ്ടികളിലെ യാത്രകരുടെ അപകടങ്ങള്‍ക്ക് ഒരു വിരാമം സംഭവിക്കുകയുള്ളൂ.

ഇപ്പോഴത്തെ റെയില്‍വേ മത്രിയായ സുരേഷ്പ്രഭു അടുത്തു തന്നെ റെയില്‍വേ   ബജറ്റ് അവതരിപ്പിക്കുമെന്നിരിക്കെ പുതിയ സര്‍വീസുകളും ലൈനുകളും പ്രഖ്യാപിക്കുന്ന ധാരാളിത്തത്തില്‍ നിന്നും മാറി യാത്രക്കാരുടെ സുരക്ഷിതത്ത്വം ഉറപ്പാക്കുന്ന പദ്ധതികള്‍ക്ക് ഊന്നല്‍ കൊടുക്കുമെന്ന് നമുക്ക് പ്രതീക്ഷിക്കാം.

മറ്റൊരു അപകടത്തിലേക്ക് രാജ്യത്തിന്‍റെ ശ്രദ്ധ ആകര്‍ഷിക്കാതിരിക്കാം.

Write Your Valuable Comments Below