വണ്ണം കുറയ്ക്കാന്‍ നിങ്ങള്‍ ചെയ്യുന്ന ‘ചെയ്യാന്‍ പാടില്ലാത്ത’ കാര്യങ്ങള്‍

7

new

എല്ലാം വാരി വലിച്ചു തിന്നുകയും അലസമായ ജീവിത രീതികള്‍ അവലംബിക്കുകയും ചെയ്ത ശേഷം പിന്നീട് വണ്ണം കുറയ്ക്കാന്‍ വേണ്ടി പെടാപ്പാട് പെടുന്നവരാണ് നമ്മള്‍ മലയാളികള്‍. ആരെങ്കിലും “തടി അല്‍പ്പം കൂടിയിട്ടുണ്ട്” എന്ന് ഒരു കമന്റ് പറഞ്ഞാല്‍ പിന്നെ  തടി എങ്ങനെ കുറക്കാമെന്ന് ഊണും ഉറക്കവും കളഞ്ഞ് ചിന്തിച്ചിരിക്കലാണ് നമ്മുടെ ഒരു സൈക്കോളജി.

പക്ഷെ ഇങ്ങനെ തടി കുറയ്ക്കാന്‍ ഓടുമ്പോള്‍ നമ്മള്‍ ചെയ്യുന്ന ചില തെറ്റുകള്‍ ഉണ്ട്..അവയെ ഇവിടെ പരിചയപ്പെടാം…

1. തടി കുറക്കാന്‍ ശ്രമിക്കുന്നതിന് വരുത്തുന്ന പിഴവുകളില്‍ ഏറെ ഗുരുതരമായ ഒന്നാണ് പ്രഭാത ഭക്ഷണം ഒഴിവാക്കുക എന്നത്.

ഒരു ദിവസത്തെ നിര്‍ണയിക്കുന്ന പ്രധാന അഹാരമാണു പ്രഭാത ഭക്ഷണം. ഒരു ദിവസത്തെ ഉന്മേഷം പ്രാതലിലാണിരിക്കുന്നത് എന്നാണ് പറയാറ്, അല്ല അത് തന്നെയാണ് സത്യം. അമിതവണ്ണം കുറയ്ക്കാന്‍ ചിലര്‍ പ്രഭാത ഭക്ഷണം ഒഴിവാക്കാറുണ്ട്. ഇതു തീര്‍ത്തും തെറ്റാണ്. പ്രാതല്‍ കഴിക്കുന്നത് അമിത കലോറി ഇല്ലാതാക്കുന്നതിനും, ഇടയ്ക്കിടക്കുള്ള ഭക്ഷണം കഴിക്കുന്നത് ഒഴിവാക്കുന്നതിനും സഹായിക്കും. പ്രഭാത ഭക്ഷണം കഴിക്കുന്നത് ഒഴിവാക്കിയാല്‍ തടികുറയുമെന്ന് ചിന്തിക്കുന്നത് തന്നെ മണ്ടത്തരമാണ്. ഇത് മറ്റ് രേഗങ്ങള്‍ ക്ഷണിച്ച് വരുത്തുകയേ ഉള്ളൂ.

2. ആഹാരം കുറച്ചാല്‍ അമിതവണ്ണം കുറയു

കുറയും പക്ഷെ വിട്ടുമാറാതെ അസുഖങ്ങള്‍ കൂടുകയും ചെയ്യും. നമ്മുടെ ശരീരത്തിന് ആവശ്യമുള്ള ആഹാരം കഴിക്കാന്‍ എപ്പോഴും ശ്രദ്ധിക്കണം.അതായത് ശരീരത്തിന് ഗുണകരമായിട്ടുള്ള ആഹാരം. അതും മൂന്ന് നേരം.

3. ഹോട്ടല്‍ ഭക്ഷണം

മികവാറും ഹോട്ടല്‍ ഭക്ഷണം എന്നത്  അമിതവണ്ണം കുറയ്ക്കുക എന്ന ലക്ഷ്യത്തെ ഇല്ലാതാക്കും. പുറത്തുനിന്നും കഴിക്കുന്ന ആഹാരങ്ങളില്‍ പഞ്ചസാര, ഉപ്പ് എന്നിവയുടെ അളവ് വളരെ കൂടുതലായിരിക്കും.

4. ഉറക്ക കുറവ്

ഉറക്കുറവ് അമിതവണ്ണത്തിന് കാരണമാകുമെന്ന കാര്യം പലര്‍ക്കും അറിയില്ല. ഉറങ്ങുമ്പോള്‍ ശരീരത്തിലെ കൊഴുപ്പ് പെട്ടെന്ന് ഇല്ലാതാകും. അതുകൊണ്ട് തന്നെ ദിവസം എട്ടുമണിക്കൂറെങ്കിലും ഉറങ്ങണം.

5. ഗുളികയും മരുന്നും

മിക്കവരും പരീക്ഷിച്ച് വരുന്ന പ്രക്രിയയാണ് അമിതവണ്ണം കുറക്കാന്‍ പലതരം ഗുളികകളെ ആശ്രയിക്കുക എന്നത്. ഇത്തരം ഗുളികകള്‍ പൂര്‍ണ്ണമായും ഒഴിവാക്കുക. അത് നിങ്ങളുടെ ആരോഗ്യത്തെ ബാധിക്കും.

6. പട്ടിണി

ഒരു ദിവസം പട്ടിണി കിടന്നാല്‍ തടി കുറയില്ല. ആഹാരക്രമീകരണം മാറിയാല്‍ തടി കുറയുമെന്ന ചിന്തയും തെറ്റാണ്. ആഹാരക്രമീകരണം നടത്തുന്നതോടൊപ്പം തന്നെ വ്യായാമവും ചെയ്യാന്‍ ശ്രദ്ധിക്കുക.

 

Write Your Valuable Comments Below