ഏതോ അഞ്ജാത ശക്തി – തമാശക്കഥ

44

ഇതും ന്റെ കോളേജ് ജീവിതവുമായി ബന്ധപ്പെട്ട ഒരു സംഭവം ആണ്.. ഞങ്ങള്‍ കുറച്ചു പേര്‍ക്ക് യൂനിവേര്‍സിട്ടി എക്സാം വരുന്നു എന്ന് കേട്ടാല്‍ സന്തോഷമാണ്,അപ്പോള്‍ നിങ്ങള്‍ വിചാരിക്കും ഞങ്ങള്‍ ബുജികള്‍ ആയോണ്ടാരിക്കുംന്ന് ല്ലേ? അല്ലേ അല്ല കാരണം ന്താന്ന് വെച്ചാ ആ സമയങ്ങളില്‍ ആണ് ഞങള്‍ കൂടുകാരുടെ ആരുടേലും വീട്ടിലൊക്കെ പോയി താമസിക്കുന്നത്, combined സ്റ്റഡി എന്ന പേരില്‍, അവസാന semester ലും ഞങ്ങള്‍ ഇത് പോലെ പോയിരുന്നു,അതുലേട്ടന്റെ വീട്ടില്‍.

ആ യാത്രയുടെ കഥയാണ് ഈ പോസ്റ്റില്‍..

അന്ന് രാവിലെ ഞാനും ബാബൂം അവന്റെ വീട്ടില്‍ (ചാരുംമൂട്,പറയംകുളം)നിന്ന് യാത്ര പുറപ്പെട്ടു, കരുനാഗപ്പള്ളിയില്‍ ആണ് അതുലേട്ടന്റെ വീട്. ബാബുന്റെ റോയല്‍ എന്ഫീല്ടില്‍ ആണ് യാത്ര. യാത്ര തുടങ്ങിയത് ആട്ടെ ഉച്ച സമയത്തും. 1.30 ഒക്കെ കഴിഞ്ഞപ്പോഴേക്കും ഞങ്ങള്‍ക്ക് വിശക്കാന്‍ തുടങ്ങി, പക്ഷേ ന്താ ചെയ്കാ കഴിക്കാന്‍ കേറാംന്ന് വെച്ചാ ഉള്ള ഒരു നൂറു രൂപക്ക് പെട്രോള്‍ അടിച്ചു കഴിഞ്ഞിരുന്നു ..അങ്ങനെ വ്യാകുലപ്പെട്ടു പോകുന്ന സമയത്താണ് ഹൈവേ യുടെ കിഴക്ക് വശത്ത്തായുള്ള ഓടിട്ടോരിയത്തില്‍ ഒരു ബഹളം..

യുറേക്കാ!!!!!!!!!

ഒരു ഇടിവെട്ട് കല്ല്യാണം,ഒരു മുസ്ലീം കല്യാണം, അവിടെ എങ്ങും മട്ടന്‍ ബിരിയാണിയുടെ കൊതിപ്പിക്കുന്ന മുട്ടന്‍ മണം.. ബാബു ന്റെ മുഖം സന്തോഷം കൊണ്ട് കറുത്തു,എന്റേം (ചുമന്നു എന്ന് പറയണംന്നുണ്ട്!) അവന്‍ പറഞ്ഞു, ഡാ അരുണേ നമുക്ക് കേറാം,എന്താ നിന്റെ അഭിപ്രായം? ഞാന്‍:അയ്യേ മോശം.. പോടാ,വിളിക്കാത്ത കല്ല്യാനത്തിനു കേറി ഉണ്ണുകയോ!!! ..ആരെങ്കിലും അറിഞ്ഞാല്‍ എന്ത് വിചാരിക്കും അയ്യേ,ശ്ഹെ ..നമുക്ക് അതൊന്നും വേണ്ടാ, നീ വണ്ടി എടുക്ക് ഇനി കുറച്ചൂടെ അല്ലേ ഉള്ളൂ … ബാബു മനസ്സില്ലാ മനസ്സോടെ വണ്ടി പതിയെ മുന്നോട്ടെടുത്തു, അപ്പോള്‍ ഞാന്‍, അല്ലേല്‍ അത്രക്ക് മോശം ഒന്നും അല്ല അല്ലേടാ .. നമുക്ക് കേറിയാലോ?,ആരറിയാനാ.. @#$@#$%^ ഇതല്ലേടാ കോപ്പേ ഞാനും പറഞ്ഞെ… എന്തായാലും ഞാനും അവനും അവിടെ വലിഞ്ഞു കേറി.. ബാബു അല്ലേലും ഓവര്‍ ആക്റ്റിംഗ്ആ !! കഴിക്കാന്‍ ഇരുന്ന പാടെ അവന്‍ എന്നോടായിട്ടു “ഡാ ഷുക്കുരെ എടുത്ത് കഴിക്കെടാ,ഒന്നും ബാക്കി ബെക്കണ്ടാ”ന്ന്!!!!!! അടുത്തിരുന്ന ഒരു ഇക്കാക്ക എന്നെ അതി രൂക്ഷമായി അടിമുടി നോക്കുന്ന കണ്ടു, കാര്യം മറ്റൊന്നും അല്ല ന്റെ നെറ്റിക്ക് നീളന്‍ ഒരു ചന്ദന കുറിയും കയ്യില്‍ കുറെ ഏറെ ചരടിന്റെ കെട്ടുകളും ഉണ്ടായിരുന്നു. ഞാന്‍ പേടിച്ചു പേടിച്ചു ആ ഇക്കാക്കയോട് ഇങ്ങനെ പറഞ്ഞു , ഞാന്‍ വാവര് സാമിയാ….(???)..
ബാബുനു ഇതൊന്നും ഒരു വിഷയം അല്ലാരുന്നു അവന്‍ പിന്നേം പിന്നേം മേടിച്ചു കഴിക്കുന്നത് കണ്ടു, എന്തായലും നല്ല സൂപ്പര്‍ മട്ടന്‍ ബിരിയാണി ആരുന്നു.. ഇതെഴുതുമ്പോഴും അതിന്റെ ടേസ്റ്റ് നാവിന്‍ തുമ്പില്‍ തന്നെ ഉണ്ട്..

അങ്ങനെ അവിടുന്ന് ഇറങ്ങി ഞങ്ങള്‍ വീണ്ടും യാത്ര തുടര്‍ന്നു .. അല്പം കഴിഞ്ഞ് ഞങ്ങള്‍ അതുലെട്ടന്റെ വീട്ടില്‍ എത്തി ..അതുല്നു ഒരു അനിയന്‍ ഉണ്ട് കണ്ണന്‍, അവന്‍ അന്ന് 8 ലോ മറ്റോ ആണോ പഠിക്കുന്നത് .. ഹോ ഒരു സംഭവം ആണ്ട്ടോ അവന്‍, കമ്പ്യൂട്ടറിന്റെ ഏതാണ്ടൊക്കെ എനിക്കറിയാം എന്നുള്ള അഹങ്കാരം എന്നില്‍ ഇല്ലണ്ടാക്കിയത് അവനാ .. അവനു അറിയാത്ത ഒരു കാര്യോം ഇല്ല കമ്പ്യൂട്ടറില്‍.. ഒരു സ്മാര്‍ട്ട് പയ്യന്‍.. അന്ന് ഞങ്ങള്‍ ചെല്ലുമ്പോ കണ്ണന്‍ ഒരു വെള്ള uniformil നില്ക്കാരുന്നു ,

ബാബു:എന്താ കണ്ണാ ഈ യൂണിഫോമില് ? അരയില്‍ ബെല്‍റ്റ്‌ ഒക്കെ കെട്ടി വെച്ചിട്ടുണ്ടല്ലോ എന്താ ഇത്,?

കണ്ണന്‍: ഞാന്‍ കരാട്ടെ പഠിക്കുന്നുണ്ട് ചേട്ടാ അതാ..

ബാബു : ആഹാ കൊള്ളാലോ, കുട്ടികളായാ ഇങ്ങനെ വേണം.. ഞാന്‍ അടുപ്പിച് 5 വര്‍ഷം Mr പറയംകുളം ആരുന്നു…. 10 പേരെ ഒറ്റക്ക് മലത്തിയിട്ടുണ്ട് ഞാന്‍!!! ജൂഡോ ആണ് എന്റെ ഐറ്റം.

കണ്ണന്‍:കൊള്ളാലോ ചേട്ടാ..

ബാബു :ഡാ മോനെ നീ ഒരു കാര്യം ചെയ്യ്‌,ന്റെ വയറ്റത്ത് ശക്തി ആയിട്ട് ഇടിക്ക് ,നോക്കട്ടെ നീ എത്രത്തോളം ആയെന്നു..

കണ്ണന്‍:അയ്യോ ചേട്ടാ അത് വേണോ,ഞാന്‍ പഠിച്ചു തുടങ്ങുന്നേ ഉള്ളല്ലോ…

ബാബു : സാരമില്ല മോനെ , നീ ഇടിക്ക്,ഇടിക്കുമ്പോ വേണേല്‍ കയ്യില്‍ ഗ്ലൌസ് ഇട്ടോ, കയ്യിനു നോവണ്ട!…

കണ്ണന്‍:ഞാന്‍ പതിയെ ഇടിക്കൂ കേട്ടോ.

കണ്ണന്‍ മനസ്സില്ലാ മനസ്സോടെ ഒന്ന് ഓങ്ങുന്നത് കണ്ടു.. ബ്രൂസ്ലിയുടെ സിനിമയില്‍ കേള്‍ക്കുന്ന മാതിരി ഒരു ശബ്ദം ..

((((((യ്യ്യ്യോ!!!!!!!!!!!!!!!))))

ഞങ്ങള്‍ കരുത്യത് കണ്ണന്‍ ആരിക്കും അതുണ്ടാക്കിയതെന്നാ…
പിന്നാണ് ശബ്ദത്തിന്റെ ഉറവിടം മനസ്സിലായത് …

ഞങ്ങള്‍ നോക്കുമ്പോ പുള്ളിക്കാരന്‍(ബാബു) അപ്പി ഇടാന്‍ ഇരിക്കുന്ന മാതിരി കുത്തി ഇരിക്കുന്നു…

മുകളിലെ നിലയില്‍ നിന്ന് ഇറങ്ങി വന്ന അച്ഛന്‍ ബാബൂനോടായിട്ടു ചോതിച്ചു
എന്ത് പറ്റി ബാബു ?
അവന്റെ മറുപടി ഇന്‍സ്ടന്റ്റ് ആരുന്നു
” ഏതോ അഞ്ജാത ശക്തി!!!!!!!!!!!!!!!… ”

[NB :മീശമാധവന്‍ കണ്ടപ്പോ ഞങ്ങള്‍ ആരും അത്രേം ചിരിച്ചിട്ട് ണ്ടാവില്ല.]

Write Your Valuable Comments Below
SHARE
Previous articleഫ്ലാഷ് ബാക്ക്
Next articleകിണ്ടാണ്ടം കണ്ടു കാണുമോ?? ഏയ്‌..!!
ഞാന്‍ അരുണ്‍ എന്ന കണ്ണന്‍, ഒരു കൈ ബ്ലോഗിലും മറു കൈ കോഡിലും.. :) പ്രണയവും കോളേജ് ജീവിതവും കുട്ടിക്കാല നൊസ്റ്റാള്‍ജിക്ക് മെമ്മറീസും എഴുതി വെക്കാനായ് ബ്ലോഗിനെ ഉപയോഗിക്കുന്നു, ഇടയ്ക്ക് കഥയെന്നും കവിതയെന്നും ലേബലടിച്ച് ചുമ്മാ ഓരോന്നെഴുതി ആളെ വടിയാക്കുന്നു. ബ്ലോഗ് : http://loverofevening.blogspot.com/