ഗർഭിണിയുടെ നിറവയർ തൊട്ടു ഇലക്ഷൻ പ്രചാരണം നടത്തിയ സുരേഷ് ഗോപിക്കൊരു തുറന്ന കത്ത്

ഗർഭിണിയുടെ നിറവയർ തൊട്ടു ഇലക്ഷൻ പ്രചാരണം നടത്തിയ എൻ ഡി എ സ്ഥാനാർഥി സുരേഷ് ഗോപിക്കൊരു തുറന്ന കത്ത്..ഒട്ടും പ്രിയമല്ലാത്ത സുരേഷ് ഗോപിക്ക്,സംഘ് പരിവാർ പ്രത്യയശാസ്ത്രം പേറുന്ന സുരേഷ് ഗോപീ താങ്കൾ ഗർഭിണിയുടെ ഉദരത്തിൽ കൈവച്ച് ഇലക്ഷൻ പ്രചാരണം നടത്തുമ്പോൾ ഞങ്ങൾക്ക് തോന്നുന്ന വികാരം എന്താണെന്ന് താങ്കൾക്കറിയുമോ ഭയമാണ്...നിറഞ്ഞ ഭയം... കാരണം താങ്കൾ ഉയർത്തുന്ന പ്രത്യയശാസ്ത്രം അത്രമേൽ ക്രൂരമാണ് ..

വോട്ട് ചെയ്യണം, ഇതെല്ലാം ഓർത്ത് ചെയ്യണം

നാഷണൽ ക്രൈം റെക്കോർഡ്സ് ബ്യൂറോ ഓഫ് ഇന്ത്യ പുറത്തുവിട്ട കണക്കുകളുടെ അടിസ്ഥാനത്തിൽ യിലാകട്ടെ, ദലിതർക്കെതിരായുള്ള അട്രോസിറ്റി കേസുകളിൽ 40,801 കേസുകളാണ് 2016ൽറിപ്പോർട്ട് ചെയ്യപ്പെട്ടത് അതിൽ 38,670 കേസുകൾ ദലിത് സ്ത്രീകൾക്കും പെൺകുഞ്ഞുങ്ങൾക്കുമെതിരേയുള്ള കുറ്റകൃത്യങ്ങൾ, കൊലപാതകം, ഒറ്റക്കും സംഘം ചേർന്നും ഉള്ള ക്രൂരമായ ലൈംഗിക പീഡനം, ശാരീരികാക്രമണം, തുടങ്ങിയ അതീവ ഗൗരവമുള്ള കുറ്റകൃത്യങ്ങളാണ്

മനുഷ്യന് ഭക്ഷണം കൊടുക്കാതെ പീഡിപ്പിച്ചു കൊല്ലുന്നതാകണോ ജയിലുകൾ ?

തൊടുപുഴയിൽ രണ്ടാനച്ഛന്റെ ക്രൂരമായ പീഡനമേറ്റു ബാലൻ മരിക്കാനുണ്ടായ സാഹചര്യം ഇപ്പോഴും ദുഃഖത്തോടെയല്ലാതെ ആരും ഓർക്കുന്നുണ്ടാകില്ല. പ്രതിയായ അരുൺ എന്ന നരാധമനെ ജയിലടയ്ക്കുകയുണ്ടായി. ചപ്പാത്തിയും മട്ടനും കഴിച്ചു പ്രതി ജയിലിൽ സസുഖം വാഴുന്നു എന്നുള്ള മാധ്യമറിപ്പോർട്ടുകൾ വായിച്ചു ജനങ്ങൾ രോഷംകൊണ്ടു. തിന്നു ചീർത്തു ക്രിമിനലുകൾ ജയിലിൽ സുഖമായി ഉറങ്ങുമ്പോൾ സ്‌കൂളുകളിൽ കുഞ്ഞുങ്ങൾക്ക് കഞ്ഞിയും പയറും കഴിച്ചു തൃപ്തരാകേണ്ടിവരുന്നു

നസ്രത്ത് ജഹാൻ റാഫി ബംഗ്ലാദേശിന്റെ ‘നിർഭയ’യായി മാറുകയാണ്

കൊല്ലപ്പെടുമ്പോൾ 19 വയസ്സ് മാത്രമായിരുന്നു അവളുടെ പ്രായം. മണ്ണെണ്ണ ദേഹത്തൊഴിച്ചു തീ കൊളുത്തിയാണ് സഹപാഠികൾ കൊന്നത്. അവളുടെ നിലവിളി കേൾക്കാവുന്നത്ര അടുത്ത് സഹോദരൻ ഉണ്ടായിരുന്നു. പക്ഷേ കൊലയാളികൾ അവളുടെ അടുത്തെത്താൻ അയാളെ അനുവദിച്ചില്ല. 80 ശതമാനം പൊള്ളലേറ്റ താൻ വൈകാതെ മരിക്കുമെന്ന് അവൾക്കു ഉറപ്പുണ്ടായിരുന്നു. സഹോദരന്റെ മൊബൈൽ ഫോൺ വാങ്ങി അവൾ മരണമൊഴി രേഖപ്പെടുത്തി.

മോദിയോട് കുറച്ചു സംശയങ്ങൾ ചോദിക്കാനുണ്ട്

എൽ.ഡി.എഫും യു.ഡി.എഫുമല്ല, ബി.ജെ.പിയാണ് ഇനി കേരളത്തിലെ ജനങ്ങളുടെ ചോയ്സ് എന്ന തലക്കെട്ടോടെ അങ്ങ് ട്വിറ്ററിൽ ഷെയർ ചെയ്ത വീഡിയോ കണ്ടു. അങ്ങയെ ആരോ പറഞ്ഞ് പറ്റിച്ചതാണ്. അമ്മച്ചിയാണെ, ആ പ്രചരണത്തിൻ്റെ ശക്തി കാരണം താങ്കളിന്ന് കേരളത്തിലോട്ട് വരുന്നുണ്ടെന്ന് പോലും ഏതോ പയ്യന്മാര് ട്രോളിറക്കിത്തുടങ്ങിയപ്പൊഴാണ് അറിഞ്ഞത്. ഇനി ആത്മവിശ്വാസമാണെങ്കിൽ പണ്ട് യോദ്ധയിൽ ലാലേട്ടൻ പറഞ്ഞതേ പറയാനുള്ളൂ...വളരെ നല്ലതാണ്... അപ്പൊ നമുക്ക് കാര്യത്തിലേക്ക് കടക്കാം. പ്രസംഗം ആരുടെയാണെങ്കിലും ഞങ്ങള് കേരളീയർക്ക് ചില വിചിത്രമായ ആചാരങ്ങളുണ്ട്..ആചാരം സംരക്ഷിക്കാൻ ഉത്സുകനാവുന്ന അങ്ങ് ഈ ആചാരവും സംരക്ഷിക്കുമെന്ന് കരുതുന്നു.

ഞങ്ങൾക്ക്‌ വോട്ട് ചെയ്യാത്തവരെ വെടിവെച്ച് കൊല്ലും എന്നുമാത്രമേ ഇനി കേൾക്കാനുള്ളു

എനിക്ക് വോട്ട് ചെയ്യാത്തവരെ വെടിവെച്ച് കൊല്ലും എന്ന് മാത്രം ഇതുവരെ ആരും പറഞ്ഞുകേട്ടില്ല...അത്രത്തോളമില്ലങ്കിലും മരണമാണ് ഭേദം എന്ന് തോന്നിപ്പിക്കുമാറുള്ള എല്ലാ ഭീക്ഷണികളും വന്നുകഴിഞ്ഞു..സ്വതന്ത്ര ഭാരതത്തിന്റെ ഇന്നോളമുള്ള തിരഞ്ഞെടുപ്പ് ചരിത്രത്തിൽ ഭാരതത്തിലെ ജനങ്ങൾക്ക് ഇത്രത്തോളം പേടിപ്പെടുത്തുന്ന ഭീക്ഷണികൾ കേൾക്കേണ്ടി വന്നിട്ടില്ല...നരേന്ദ്ര മോദിയടക്കം ഈയിടെ നടത്തിയ വർഗീയ വിദ്വേഷ പ്രചാരണങ്ങളിൽ എന്ത് നടപടി സ്വീകരിച്ചു എന്നാണ് ഇലക്‌ഷൻ കമ്മീഷനോട്‌ ഇന്നലെ സുപ്രിം കോടതി ചോദിച്ചത്...വിശദീകരം ആവശ്യപ്പെട്ടുകൊണ്ട് നോട്ടീസ് അയക്കുകയും പരാതിപ്പെടുകയുമല്ലാതെ ഈ അവസരത്തിൽ കമ്മീഷന് മറ്റൊന്നും ചെയ്യാനില്ല എന്നാണ് കമ്മീഷൻ സുപ്രിം കോടതിയെ അറിയിച്ചത്...കമ്മീഷന്റെ അധികാരത്തെ കുറിച്ച് നിശ്ചയമുണ്ടോ ഇല്ലങ്കിൽ പറഞ്ഞുതരാം ഇരുപതാം തിയതി നേരിട്ട് ഉദ്യോഗസ്ഥൻ കോടതി മുൻപാകെ ഹാജരാവാനാണ് സുപ്രിം കോടതി ഇന്നലെ ഉത്തരവിട്ടത്...

ഒരൊറ്റ ‘ക്ലിക്കിൽ’ ജീവിതം നാശമായേക്കാം !

മിഷേൽ ഒബാമ കൗമാരക്കാരുടെ സോഷ്യൽ മീഡിയ ഇടപെടലുകളെ പറ്റി മിക്കവാറും സംസാരിച്ചു കേൾക്കാറുണ്ട്. കുട്ടികൾക്ക് ഇന്റർനെറ്റ് ഉപയോഗിക്കുന്നതിന് നിയന്ത്രണവും, മോണിട്ടറും ചെയ്യേണ്ടുന്നതിന്റെ ആവശ്യകതയെ പറ്റി. അവർക്കും രണ്ടു കൗമാരക്കാരായ കുട്ടികൾ ഉണ്ട്. ട്വിറ്റർ ആയാലും ഫേസ്ബുക്കായാലും , വായിൽ വരുന്നതെല്ലാം വെളിച്ചം കാണാനുള്ള നിലവാരമുണ്ടെന്നു കരുതരുതെന്നു.എന്തെങ്കിലും പോസ്റ്റ് ചെയ്യുന്നത് രണ്ടു തവണ ആലോചിച്ചിട്ട് എന്നുള്ളത് എട്ടു തവണ എന്ന് മാറ്റുന്നതായിരിക്കും ഉചിതം. ഒരൊറ്റ 'ക്ലിക്കിൽ' ജീവിതം നാശമാവാനുള്ള എല്ലാ അവസരങ്ങളും ഇപ്പോൾ ഉണ്ട്.സ്മാർട്ട് ഫോണും ഇന്റർനെറ്റും പോപ്പുലർ ആയതിനു ശേഷം ഉണ്ടായ ഏറ്റവും വലിയ സ്കാൻഡൽ ആണ് പാരിസ് ഹിൽട്ടൻ സെക്സ് സ്കാൻഡൽ. സി.എൻ.എൻ. പ്രൈം ടൈം പിയേഴ്സ് മോർഗൻ ഷോയിൽ പാരീസ് ഹിൽട്ടണും, കൂടെ അമ്മയും വന്നു ഇതിനെ കുറിച്ച് പറഞ്ഞതൊക്കെ വലിയ വ്യൂവർഷിപ്പായിരുന്നു.

നല്ലോണം മതം കലക്കി ഒരു ഗ്ലാസ്സും കൂടി തരട്ടെ ഇന്ത്യക്കാരേ?

നല്ലോണം മതം കലക്കി ഒരു ഗ്ലാസ്സും കൂടി തരട്ടെ ഇന്ത്യക്കാരെ എന്നാണ് അഞ്ചു വർഷത്തെ ഭരണം കഴിഞ്ഞ് വീണ്ടും ജനവിധി തേടുമ്പോൾ ബി ജെ പി ജനങ്ങളോട് ചോദിക്കുന്നത്.. നൂറ്റി മുപ്പത് കോടി അർദ്ധപട്ടിണിക്കാരായ ജനങ്ങൾ അധിവസിക്കുന്ന ലോകത്തിലെ ഏറ്റവും വലിയ ജനാതിപത്യ രാജ്യത്തിലെ തിരഞ്ഞെടുപ്പ് പ്രചാരണങ്ങളും വാൿധാനങ്ങളും വാക്ക്വാദങ്ങളും മതങ്ങളെയും ദൈവങ്ങളെയും കുറിച്ചാണെന്നത് ലോകം സഹതാപത്തോടെയാണ് വീക്ഷിക്കുന്നത്... അഞ്ചു വർഷത്തെ ഭരണം കഴിഞ്ഞിറങ്ങിയ പ്രധാനമന്ത്രി നരേന്ദ്രമോഡി വീണ്ടും ജനങ്ങളെ സമീപിക്കുന്നത് അതാത് പ്രാദേശിക ജാതി മത ദൈവ വിഷയങ്ങളെ കൂട്ട് പിടിച്ചാണ് എന്നത് രാജ്യത്തെ ഭരണകർത്താക്കളുടെയും ജനങ്ങളുടെയും നിലവാരം വെളിവാക്കുന്നു...

ദാരിദ്ര്യത്തിന്റെയും അസമത്വങ്ങളുടെയും അക്രമങ്ങളുടെയും നാട്; ചില കണക്കുകൾ !

പല സ്രോതസ്സുകളിൽ നിന്ന് സമാഹരിച്ച കുറെ കണക്കുകളാണ്. നമുക്കു പൊതുവെ കണക്കുകൾ സൂക്ഷ്മമായി പരിശോധിക്കുന്ന ശീലമില്ല. എന്നാൽ ഈ കണക്കുകൾ എല്ലാവരും ശ്രദ്ധയോടെ വായിക്കണം. ഒരു രാജ്യത്തിൻറെ അവസ്ഥ ചില കണക്കുകളിലൂടെ അവതരിപ്പിക്കുകയാണ്. സാമൂഹികസംഘർഷങ്ങളുടെ ഇൻഡക്സിൽ 2016ൽ പ്യു റിസേര്ച് സെന്റർ 198 രാജ്യങ്ങളിൽ ഏറ്റവും താഴെയുള്ള 8 രാജ്യങ്ങളിൽ ആണ് ഇന്ത്യയെ ഉൾപ്പെടുത്തിയിരിക്കുന്നത്. ലോകബാങ്കിന്റെ വിദ്യാഭ്യാസം, ആരോഗ്യം എന്നിവ പരിശോധിക്കുന്ന ഹ്യൂമൻ ക്യാപിറ്റൽ ഇന്ഡക്സില് നമ്മൾ തൊട്ടടുത്തുള്ള നേപ്പാളിനേക്കാളും ബംഗ്ലാദേശിനേക്കാളും പിറകിലാണ്.

“എന്നെ കൊന്നാലും നിങ്ങളുടെ തനിനിറം ലോകം അറിയും “

ലോകത്തെ ഒരു ശക്തിക്കും തകർക്കാനാവാത്ത അമേരിക്കയുടെ രഹസ്യ നിലവറകളിലെ അതീവ രഹസ്യ രേഖകളാണ് ജൂലിയന്‍ അസാഞ്ജി അനായാസം തകർത്ത് തെരുവിലേക്ക് വിതറിയിട്ടത്... ലോകമാകമാനമുള്ള രാജ്യങ്ങളിലെ അമേരിക്കയുടെ എംബസികൾ വഴി അതാത് രാജ്യങ്ങളുടെ രഹസ്യങ്ങൾ വാഷിങ്ടണിലേക്ക് ചോർത്തപ്പെടുന്നു എന്ന വാർത്തയും അതിന്റെ രേഖകളും ലോകം ഞെട്ടലോടെയാണ് കണ്ടത്... ഓസ്‌ട്രേലിയൻ പൗരനായ ജൂലിയന്‍ അസാഞ്ജിയായിരുന്നു രേഖകൾ സഹിതം

ആ കുഞ്ഞു ജീവനെ ഇല്ലാതാക്കിയതിന്റെ ഉത്തരവാദിത്തം നമ്മളിലും

ആ കുഞ്ഞു ജീവനെ ഇല്ലാതാക്കിയത് അവർ രണ്ടുപേർ മാത്രമാണോ???അല്ലാ എന്ന് തന്നെയാണ് ഉത്തരം!!!ആരും പറഞ്ഞത് വക വെക്കാതെ, വഴക്കിട്ടു, സ്വന്തം ഇഷ്ടപ്രകാരം പോയ മകളുടെ/മരുമകളുടെ/ബന്ധുവിന്റെ/സുഹൃത്തിന്റെ കാര്യം നോക്കണ്ട.പക്ഷേ ആ കുഞ്ഞുങ്ങൾ... അവരെങ്ങനെ ജീവിക്കുന്നെന്നോ, എന്തൊക്കെ ചെയ്യുന്നെന്നോ, എന്തെങ്കിലും കഴിക്കാറുണ്ടോ എന്ന് പോലും ആരും അന്വേഷിക്കാതിരുന്നതിനു എന്ത് ന്യായീകരണമാണ് നമുക്കൊക്കെ പറയാനുള്ളത്?ആ കുഞ്ഞുങ്ങളെ വല്ലപ്പോഴും ഒന്നു വിളിച്ചു വിവരങ്ങൾ അറിയാൻ ശ്രമിച്ചിരുന്നെങ്കിൽ…അവരുടെ സ്കൂളിൽ പോയി ഒരു പ്രാവശ്യമെങ്കിലും അവരെ കാണാനുള്ള മനസ്സ് തോന്നിയിരുന്നെങ്കിൽ…ഇനി അതൊന്നും നടക്കില്ലെന്നിരിക്കട്ടെ -

“അച്ഛനാണെങ്കിൽ പോലും മക്കളുടെ ജീവന് ഭീഷണിയായാൽ കൊന്നു കളയണം”

ലോകത്തിൽ വെച്ച് ഏറ്റവും ഭീകരമായ വേദന പ്രസവവേദന ആണ് എന്നത് പറഞ്ഞു പഴകിയ ഒരു കഥ മാത്രം. വേദന സംഹാരികളുടെ ഇന്നത്തെ ലോകത്തിൽ ആ കഥ ബോധമുള്ളവർ വിശ്വസിക്കേണ്ടതില്ല. പക്ഷെ പ്രസവശേഷം തന്റെ ഗർഭ അറയിൽ കാലിട്ടടിച്ചു ഇക്കിളിപ്പെടുത്തിയ ആ കുഞ്ഞാവയെ ആദ്യമായി കാണുമ്പോളുള്ള സന്തോഷമാണ് ജന്മം നല്കിയവൾക്ക് കിട്ടുന്ന ഭൂമിയിലെ ഏറ്റവും വലിയ സന്തോഷം എന്ന് വിശ്വസിക്കുന്നു. അതിനപ്പുറം ഒരു ആനന്ദം ഒരു പെണ്ണിനും ഉണ്ടാകില്ല എന്നുതന്നെ കരുതുന്നു.

പ്രണയമുള്ള ഒരു പുരുഷനും ഇണയുടെ ലൈംഗികത പകര്‍ത്തി വെക്കുകയില്ല

സോഷ്യൽ മീഡിയയില്‍ കാമുകരോടൊപ്പം സ്വകാര്യതകളോ കുസൃതികളോ പങ്കിട്ട പെണ്‍കുട്ടികളുടെ വീഡിയോകള്‍ ധാരാളമായി പ്രചരിക്കപ്പെടുന്നുണ്ട്.കാമുകര്‍ തന്നെ പുറത്ത് വിട്ടവ, സുഹൃത്തുക്കള്‍ക്ക് വിശ്വാസ പൂര്‍വ്വം നല്കി കൈമാറിക്കൈമാറി ചെയിന്‍ റിയാക്ഷനിലൂടെ പടര്‍ന്നവ, മൊബൈല്‍ ഫോൺ കളവു പോയിട്ടോ റിപ്പയറിനായോ നല്കപ്പെട്ട് ചോര്‍ത്തിയെടുക്കപ്പെട്ടവഫോൺ വിറ്റതില്‍ നിന്നും ചോര്‍ത്തിയവ.തുടങ്ങി പലനിലകളിലാണ് ഫോണില്‍ നിന്നും സ്വകാര്യ വീഡിയോകളും ഫോട്ടോകളും പ്രചരിക്കുന്നത്.ഫോണില്‍ നിന്നും ഡിലിറ്റ് ചെയ്തു കഴിഞാലും അവകള്‍ പൂര്‍ണ്ണ അര്‍ത്ഥത്തില്‍ മാഞു പോകുന്നില്ല.

കേരളിയ കുടുംബങ്ങളിൽ ചൈൽഡ് അബ്യുസ് സംസ്കാരം !

വളർത്തലിന്റെ ഭാഗമായി കേരളിയ കുടുംബങ്ങളിൽ ഒരു ചൈൽഡ് അബ്യുസ് സംസ്കാരം ഒളിഞ്ഞു കിടപ്പുണ്ട്.നല്ല പ്രായത്തിൽ തല്ലു കിട്ടാതെ വളർന്നതിന്റെ കേടാണെന്നൊക്കെയുള്ള സ്റ്റൈലൻ ചൊല്ലുകളുമുണ്ട് .മാതാ പിതാക്കളുടെ ആഗ്രഹത്തിനനുസരിച്ചുള്ള നല്ല പെരുമാറ്റം ഉണ്ടാകാനും ,മികച്ച മാർക്ക് നേടാനുമൊക്കെയായി വാക്കാലുള്ള നോവിക്കൽ സർവ സാധാരണമാണ്.നല്ലൊരു ശതമാനവും ശാരീരികമായും വേദനിപ്പിക്കാറുണ്ട്.

രണ്ട് തരം സാഹചര്യങ്ങളിലെ പെണ്ണുങ്ങളാണ് വിഷയം

കടുത്ത നിസ്സഹായതയുടെയും അരക്ഷിതാവസ്ഥയുടെയും പിടിയിലാകുമ്പോൾ ആശ്രയിക്കാമെന്ന പ്രതീതി നൽകുന്ന ഏതൊരാളുമായും കൂട്ട് ചേരാനിടയുള്ള സ്ത്രീയാണ് ആദ്യത്തെ കഥാപാത്രം.ആള് നല്ലതാണോയെന്ന യുക്തി ബോധമൊന്നും ആ നേരങ്ങളിൽ പെണ്ണിന്റെ മനസ്സിൽ തെളിയില്ല.ബന്ധം ഒരു കെണിയായി മാറി കഴിഞ്ഞാൽ പിന്നെ രക്ഷപെടാൻ പ്രയാസമാകും.സാമൂഹ്യ വിരുദ്ധ പ്രവണതയുള്ള വ്യക്തിയാണെങ്കിൽ ഭീഷണിയും വിരട്ടലുമൊക്കെയായി പിടിച്ചു നിർത്തും.

ആ മരവിപ്പിൽ ഇനി ഒരമ്മയും ചെന്നെത്തരുതേ ..

എന്റെ മോൾടെ / മോന്റെ ബുദ്ധി ഒന്ന് നോക്കണം എന്ന് പറഞ്ഞു വരുന്ന എത്രയോ മാതാപിതാക്കൾ ..അവരോടൊക്കെ ഞാൻ ചോദിക്കാറുണ്ട് ..IQ' പോലെ EQ' എന്ത് കൊണ്ട് നോക്കുന്നില്ല ?ജീവിക്കാൻ വേണ്ടത് വൈകാരികമായ ഉയർച്ച അല്ലെ ?പ്രായോഗിക ബുദ്ധി അല്ലെ ?എത്രയോ പ്രൊഫഷനലുകളായ ക്രിമിനലുകൾ നമുക്കിടയിൽ ഉണ്ട് ..എത്രയോ പേര് പഠനത്തിൽ മികച്ച ഉയർച്ച കാട്ടി , ഉന്നത ഉദ്യോഗം നേടിയിട്ടും ജീവിതത്തിൽ ഏറ്റവും ദുർബലഹൃദയർ ആകുന്നു .

എന്റെ നാട്ടിലാണത് സംഭവിച്ചത് !

അശ്വതി ശ്രീകാന്ത് (Aswathy Sreekanth)എഴുതുന്നു കുഞ്ഞിനെ മുറിയിൽ ഉറക്കി കിടത്തി ഡൈനിങ്ങ് ടേബിളിൽ വന്നു ഭക്ഷണം കഴിക്കുന്ന അമ്മമാരെ കണ്ടിട്ടുണ്ടോ? ഏതു നിമിഷവും ഓടിയെത്താൻ തയ്യാറായി പാതി ദേഹം മാത്രം കസേരയിൽ തൊട്ടാവും...

എന്തുകൊണ്ട് പ്രണയവും കൊലപാതകങ്ങളും?

ഉപദേശം കൊണ്ടും അനുകൂലമായ സാഹചര്യങ്ങൾ കൊണ്ടും മനുഷ്യരുടെ ജൈവമായ വികാരങ്ങളും കാമനകളും ഭാവനാ രൂപങ്ങളും നിയന്ത്രണവിധേയമാക്കാനാകുമെന്നാണ് കാലാകാലങ്ങളായി വിശ്വസിച്ചു് വരുന്നത്.സ്വഭാവരൂപങ്ങൾ, ജീവിതശൈലികൾ തുടങ്ങിയവ കൗൺസിലിംഗ് ,ആധ്യാത്മിക രൂപങ്ങൾ

അരുൺ ആനന്ദ് എന്ന നരാധമന്റെ ജീവിത പശ്ചാത്തലം

കുഞ്ഞിനെ എറിഞ്ഞു കൊന്ന 36 വയസ്സുള്ള അരുണിന്റെ പിന്നാലെ ഒരു അന്വേ ഷണം നടത്തി. തിരുവനന്തപുരം നന്തങ്കോട് ഉള്ള അയാളുടെ അച്ഛനും അമ്മയും ഫെഡറൽ ബാങ്കിലെയും എസ് ബി ഐ യിലെയും ഉദ്യോഗസ്ഥർ ആയിരുന്നു. കുഞ്ഞിന്റെ അച്ഛനായ ബിജുവിന്റെ പിതൃ സഹോദരിയുടെ മകനാണ് അരുൺ. ബിജു ദളിത് വിഭാഗത്തിൽ പെട്ട ആളാണ്. അരുണിന്റെ അച്ഛൻ ജഗതിയിലേ തമ്പി കുടുംബത്തിൽ പെട്ട ആനന്ദും.

കേരളത്തെ മയക്കുമരുന്നിന് അടിമപ്പെടുത്താൻ മാറിമാറി ഭരിച്ചവർ ചെയ്തത് !

കേരളത്തെ മയക്കുമരുന്നിന് അടിമപ്പെടുത്തിയത് കേരളം മാറി മാറി ഭരിച്ച ഭരണകൂടങ്ങളാണ്.. തുടക്കമിട്ടത് എ കെ ആന്റണിയാണ്.. ആന്റണി എന്തിന് ചാരായം നിരോധിച്ചു എന്നതിന് ആന്റണി ഇന്നും വ്യക്തമായ മറുപടി പറഞ്ഞിട്ടില്ല.. അതുകൊണ്ടുണ്ടായ നേട്ടം എന്ത് എന്നതും ഇന്നും ദുരൂഹമാണ്... എന്നാൽ ചാരായം നിരോധിച്ചതുകൊണ്ട് ജനങ്ങൾക്കുണ്ടായ ദോഷങ്ങങ്ങളും നിരോധിക്കാൻ പിന്നിൽ പ്രവർത്തിച്ച വ്യക്തികൾക്കും സർക്കാരിനും ഉണ്ടായ നേട്ടങ്ങളും വിശദമായി പരിശോധിച്ചാൽ വിവരങ്ങൾ നമ്മെ ഞെട്ടിക്കും.... ! 1995 കേരളം... ജനസംഖ്യ.. രണ്ട് കോടി എൺപത്തഞ്ചു ലക്ഷം.. പ്രധാന ലഹരി പദാർത്ഥങ്ങൾ.. ചാരായം, ബീഡി, സിഗരറ്റ്, മുറുക്കാൻ, അപൂർവ്വം കഞ്ചാവ്..

തൊടുപുഴയിലെ ദാരുണമായ സംഭവം ചിലത് ചിന്തിപ്പിക്കേണ്ടതുണ്ട്

ഒന്ന്, മദ്യവും ലഹരി മരുന്നുകളും അത്തരം സാമൂഹ്യ ചുറ്റുപാടുകളും ഒരു മനുഷ്യന്റെ തലച്ചോറിനെ, അതിന്റെ ജൈവരസതന്ത്രത്തെ എത്രത്തോളം മാറ്റിമറിക്കാമെന്ന കാര്യം.( ഇതേ രീതിയിൽ തലച്ചോറിന്റെ സന്തുലനം മാറ്റിമറിക്കുന്ന ഒന്നാണ് പല കാരണങ്ങളാൽ ഒരാളിൽ വികലമായി രൂപപ്പെടുന്ന ലൈംഗികത്വര. മദ്യവും ഡ്രഗ്സും ഇതിനെ ആളിക്കത്തിക്കുകയും ചെയ്യും)

കണ്ണേ മടങ്ങുക

കുട്ടികളോടുള്ള ശാരീരികവും മാനസികവുമായ അതിക്രമങ്ങൾ അത്ര അസാധാരണമായ ഒരു സംഭവമല്ല. ലോകാരോഗ്യ സംഘടനയുടെ കണക്കുകൾ പ്രകാരം ഏകദേശം 21 ശതമാനം കുട്ടികൾക്ക് കടുത്ത രീതിയിലുള്ള ശാരീരിക ശിക്ഷകളും, 75 ശതമാനം കുട്ടികൾക്ക് മറ്റ് സാധാരണ ശാരീരിക ശിക്ഷകളും ലഭിച്ചിട്ടുണ്ട്. ലോകാരോഗ്യസംഘടനയും വിവിധ രാജ്യങ്ങളും കുട്ടികളോടുള്ള അതിക്രമം തടയുന്നതിന് പലതരത്തിലുള്ള നിയമനിർമ്മാണങ്ങളും മറ്റു പ്രതിരോധമാർഗങ്ങളും സ്വീകരിച്ചുവരുന്നു. എന്നിരുന്നാലും കുട്ടികളോടുള്ള അതിക്രമം ഇന്നും നിലനിൽക്കുന്നു എന്നതാണ് സത്യം.

ആൺമക്കളെ ശ്രദ്ധയോടെ വളർത്താൻ ഒരമ്മ നൽകുന്ന ഏഴു പാഠങ്ങൾ

വല്ലപ്പോഴുമൊക്കെ തോന്നാറുണ്ട് ... ഒരു കത്തിയെടുത്തു കുത്തിയങ്ങു കൊന്നാലോ എന്ന്... ചിലരെ.... എനിക്കയാളെ കൊല്ലാൻ തോന്നുന്നു .. അരുൺ ആനന്ദിനെ!!ആ കുഞ്ഞിന്റെ ചിത്രം പലയിടത്തും കണ്ടു..പെൺകുട്ടികളെ കത്തിച്ചു കൊന്ന നിധീഷിന്റെയും അജിന്റെയും ആദർശിന്റെയും മുഖങ്ങൾ പലയിടത്തും കണ്ടു...അവരും ഏതൊക്കെയോ അമ്മമാരുടെ മക്കൾ !!മരിച്ചു പോയ കുഞ്ഞിന്റെ മുഖം വിങ്ങലായി നെഞ്ചിൽ കിടക്കുന്നു.. ഒപ്പം പ്രണയം നിഷേധിച്ച പെൺകുട്ടികളെ കത്തിച്ചു കൊല്ലുന്ന ചില ആൺകുട്ടികളുടെ മുഖവും !!!!എന്നാൽ എന്റെ മനസ്സിൽ ഇപ്പോൾ തെളിയുന്നത് എന്റെ മക്കളുടെ മുഖമാണ്...

തകരുന്ന ഹൃദയത്തോടെ…കുഞ്ഞേ മാപ്പ്

ഒടുവിൽ ‍ ആ ഏഴുവയസ്സുകാര‍ൻ മരണത്തിന് കീഴടങ്ങി.. ജീവിതത്തിലേയ്ക്ക് പിച്ചവെച്ചു തുടങ്ങിയിട്ടേയുള്ളൂ ഈ കുരുന്ന്...ഒരു ജീവിതം ആയുസ്സറ്റ് മരണത്തിന് കീഴടങ്ങുമ്പോൾ തലകുനിച്ച് നിൽ‍ക്കുകയാണ് നമ്മുടെ സമൂഹം.. ജീവിതത്തിൽ‍ ഏതൊക്കെയോ ഉന്നതിയിലേയ്ക്ക് കുതിച്ചു കയറേണ്ട ഒരു നവമുകുളമാണ് കഴിഞ്ഞ പത്തുദിവസത്തോളമായി ജീവിതത്തിനു വേണ്ടി മല്ലടിച്ചു ഒടുവിൽ കൊഴിഞ്ഞു വീണത്... ആ മരണ വാർത്ത മനസ്സിനെ വല്ലാതെ അസ്വസ്ഥമാക്കുകയാണ്.. അതൊരു വേദനയാണ്. ഒരിക്കലും ഉണങ്ങാത്ത, ഒടുങ്ങാത്ത തീവ്രമായ വേദന.. 

തനിക്കുനേരെ നടന്ന ശാരീരികാക്രമണം വിവരിച്ച് വനിതാ ഡോക്ടർ

നട്ടുച്ചയ്ക്ക് ഒരാൾ എന്നെ ശാരീരികമായി ഉപദ്രവിച്ചു. ആശുപത്രിയ്ക്ക് താഴെയുള്ള ഹോട്ടലിൽ ഭക്ഷണം കഴിക്കുവാൻ പോയതാണ് ഞാൻ.കൈകഴുകുന്ന സ്ഥലത്തു ഒരു തടി കൊണ്ടുള്ള മറ വെച്ചിട്ടുണ്ട്. അവിടെ രണ്ടു വാഷ് ബേസിൻ ഉണ്ട്. അതിൽ ഒന്നിൽ ഒരു ചെറുപ്പക്കാരൻ കൈ കഴുകുന്നുണ്ട്. മറ്റേ വാഷ് ബേസിനിൽ ഞാൻ കൈ കഴുകുവാൻ തുടങ്ങി. പെട്ടെന്ന് എന്റെ പിറകിൽ ഒരു കൈ ഇഴയുന്നത് ഞാൻ അറിഞ്ഞു. തൊടുക ആയിരുന്നില്ല, ആഴത്തിൽ ആ കൈകൾ സ്പർശിച്ചു.കുറച്ചു നിമിഷം ഞാൻ മരവിച്ചു നിന്നു. പിന്നെ എന്റെ സകല ദേഷ്യവും പുറത്തു വന്നു. അവൻ പോയിരുന്ന മേശയുടെ അടുത്തേയ്ക്ക് ഞാൻ അലറികൊണ്ട് ചെന്നു. "താൻ എന്തിനാണ് എന്നെ കയറി പിടിച്ചത്?"

പ്രേമിച്ചില്ലെങ്കിൽ കാമുകൻ കത്തിക്കും, പ്രേമിച്ചാൽ തന്ത വെട്ടിക്കൊല്ലും

കുട്ടികൾ വളർന്നു വലുതാകുന്പോൾ മറ്റുള്ളവരോട് ഇഷ്ടം തോന്നുന്നതും ഇണകളെ തേടുന്നതും സ്വാഭാവികമാണ്. ഇത് ആദ്യമേ സമൂഹം അംഗീകരിക്കണം. കുട്ടികൾക്ക് ഇഷ്ടം തോന്നിയാൽ അത് പരസ്പരം പറയാനും വീട്ടിൽ പറയാനുമുള്ള സ്വാതന്ത്ര്യം വേണം. ഏതെങ്കിലും ഒരാൾ മകളോട് പ്രേമാഭ്യർത്ഥന നടത്തി എന്ന് കേട്ടാൽ ‘അവനു രണ്ടു കൊടുക്കണം’ എന്നോ, ‘ഇനി നീ കെട്ടി ഒരുങ്ങി പഠിക്കാൻ പോകേണ്ട’ എന്നോ പറയുന്ന മാതാപിതാക്കൾ ഉണ്ടാകുന്പോൾ ഇത്തരം പ്രശ്നങ്ങൾ വീട്ടിൽ പറയാൻ കുട്ടികൾ മടിക്കും.

ഓൺലൈൻ ജോലി വാഗ്ദാനം: തട്ടിപ്പുകൾക്കെതിരെ ജാഗ്രതവേണം

പ്രമുഖ കമ്പനികളിൽ വലിയതുക ശമ്പളം വാഗ്ദാനം ചെയ്ത് ഇന്റർവ്യൂവിനു ക്ഷണിക്കുകയും. യാത്രച്ചെലവ് കമ്പനി വഹിക്കുമെന്നും . എങ്കിലും ഉറപ്പിനു വേണ്ടി കോഷൻ ഡിപ്പോസിറ്റ് ആയി നിശ്ചിത തുക താഴെപ്പറയുന്ന ബാങ്ക് അക്കൗണ്ടിൽ അടയ്ക്കണമെന്നും . ഇത് ഇന്റർവ്യൂവിനു ശേഷം തിരികെ തരുന്നതായിരിക്കും എന്നൊക്കെ പറഞ്ഞു പലർക്കും ഇമെയിലിൽ ഇത്തരം ഓഫർ ലെറ്ററുകൾ വരാറുണ്ട്. ഇത്തരത്തിൽ വരുന്ന ഇമെയിലുകൾ വിശദമായി പരിശോധിച്ചാൽ തന്നെ തട്ടിപ്പു വ്യക്തമാകും. പലതിലും നിലവാരമില്ലാത്ത ഇംഗ്ലിഷും മോശം ലേഔട്ടുമായിരിക്കും. ഒരു കമ്പനിയും വെറുതെ വിവരങ്ങൾ ശേഖരിച്ച് ഓഫർ ലെറ്റർ അയയ്ക്കില്ല. കൃത്യമായ അപേക്ഷയുടെയും എച്ച്ആർ പ്രോസസിങ്ങിന്റെയും അടിസ്ഥാനത്തിലേ നടപടികളുണ്ടാകൂ.

ഒരു ട്രാൻസ്‌ജെൻഡർ ആയതിനാൽ ഞാനും വധിക്കപ്പെട്ടേക്കാം

എന്റെ പേര് സുകന്യ കൃഷ്ണ, ഞാൻ ഒരു ട്രാൻസ് വ്യക്തിയാണ്. ഈ കുറിപ്പെഴുതുമ്പോൾ ജീവനോടെയുള്ള ഞാൻ, നാളെ ഇതേസമയത്ത് ജീവനോടെ ഉണ്ടാകണമെന്നില്ല. അത്രത്തോളം അരക്ഷിതമാണ് ദൈവത്തിന്റെ സ്വന്തം നാട്ടിലെ ട്രാൻസ് ജീവിതങ്ങൾ. കഴിഞ്ഞ വർഷങ്ങളിൽ കേരളത്തിൽ മൂന്ന് ട്രാൻസ്‌ജെന്റർ വ്യക്തികൾ പൊതുയിടങ്ങളിൽ കൊല്ലപ്പെട്ടു എന്ന് കൂടി പറയുമ്പോൾ ഞാൻ പറഞ്ഞതിൽ ഒട്ടും അതിശയോക്തിയില്ല എന്ന് നിങ്ങൾക്ക് ബോധ്യമാകും.

കുട്ടികളുടെ നഗ്നചിത്രങ്ങള്‍ പ്രചരിപ്പിക്കുന്നവരെ കുറിച്ച് പൊലീസിന് വിവരം നൽകുക

കുട്ടികളുടെ നഗ്നചിത്രങ്ങളും വീഡിയോകളും പ്രചരിപ്പിക്കുന്നവരെ കണ്ടെത്താനായി കേരളാ പോലീസ് സംസ്ഥാന വ്യാപകമായി കഴിഞ്ഞ ദിവസം നടത്തിയ റെയ്ഡില്‍ 21 പേര്‍ അറസ്റ്റിലായി. 12 ജില്ലകളിലായി 45 സ്ഥലങ്ങളിലാണ് റെയ്ഡ് നടത്തിയത്. ഇതില്‍ 29 സ്ഥലങ്ങളില്‍ നിന്ന് ലാപ്ടോപ്പ്, മൊബൈല്‍ ഫോണുകള്‍, ഹാര്‍ഡ് ഡിസ്ക്, യു.എസ്.ബി ഡ്രെവ് മുതലായവ പിടിച്ചെടുത്തിട്ടുണ്ട്. ഓപ്പറേഷന്‍ പി-ഹണ്ട് എന്നാണ് റെയ്ഡിന് പേര് നല്‍കിയിരിക്കുന്നത്. നഗ്നചിത്രങ്ങള്‍ പ്രചരിപ്പിക്കുന്നവരുടെയും കാണുന്നവരുടെയും ലോഗ് വിവരങ്ങള്‍ ഉള്‍പ്പെടെ കൃത്യമായി മനസ്സിലാക്കാന്‍ കേരളാ പോലീസിനുള്ള സാങ്കേതിക സംവിധാനം ഉപയോഗിച്ചാണ് നടപടി സ്വീകരിച്ചതെന്ന് സംസ്ഥാന പോലീസ് മേധാവി ലോകനാഥ് ബെഹ്റ അറിയിച്ചു.

തല്ലാതെയും കുട്ടികളെ വളർത്താം

തൊടുപുഴയിലെ കുട്ടിയോട് കാണിച്ച ക്രൂരത കേട്ട് രോഷം തോന്നാത്തവർ ആരും തന്നെ ഉണ്ടാവില്ല.ഏറ്റവും കൂടുതൽ ബാല പീഡനങ്ങൾ നടക്കുന്ന രാജ്യങ്ങളിൽ ഒന്നാണ് ഇന്ത്യ.‘കുട്ടികളെ അടിക്കാമോ', എന്ന ചോദ്യം ചോദിച്ചാൽ പലരും, "കുറ്റം കാണിച്ചാൽ പിന്നെ അടിക്കാതെ പറ്റുമോ?"എന്ന ഉത്തരമാവും വരിക.എന്റെയൊക്ക ചെറുപ്പത്തിൽ സുഹൃത്തുക്കൾ പലരും ക്രൂരമായ ശിക്ഷാ വിധികൾക്ക് വിധേയമാക്കപ്പെട്ടവർ ആണ്.അന്നൊക്കെ എണ്ണ തൂത്തു വച്ചിരിക്കുന്ന ചൂരൽ വടികൾ മിക്കവാറും എല്ലാ വീടുകളുടെയും ഉത്തരത്തിൽ ഉണ്ടായിരുന്നു.കുട്ടികൾക്കും ഉണ്ട് അവകാശങ്ങൾ, അവർക്കുമുണ്ട് ആത്മാഭിമാനം. അച്ചടക്ക ലംഘനം കാണിച്ചാൽ ശിക്ഷിക്കാതെ പറ്റില്ലല്ലോ?ഗ്രീക്ക് ചിന്തകനായ പ്ളേറ്റോ പറഞ്ഞതിൽ നിന്നും തുടങ്ങാം
Advertisements

Recent Posts