ബിജെപിയുടെ പതനം ആസന്നമായ തിരഞ്ഞെടുപ്പ്

മതം പറഞ്ഞു കൊണ്ടല്ല, വികസനം പറഞ്ഞു കൊണ്ടാണ് ബിജെപി കഴിഞ്ഞ തെരഞ്ഞെടുപ്പില്‍ രാജ്യത്തെ തെരഞ്ഞെടുപ്പിനെ നേരിട്ടത്. അതോടൊപ്പം അഴിമതി തടയുമെന്നും പറഞ്ഞിരുന്നു.

മലയാളിയുടെ പുച്ഛം കളഞ്ഞ് കിട്ടിയൊരു നാണയമല്ല, തലമുറകൾ ഊതിക്കാച്ചിയെടുത്തതാണ്

നിർഭയത്വം, അഹന്ത, തന്റേടം, ആത്മവീര്യം, അഞ്ചലത, കേട്ടാൽ വേറിട്ടിരിക്കുന്ന കുറെ വാക്കുകൾ മാത്രം. ഇതെല്ലാം കൂട്ടി ഇടിച്ച് പിഴിഞ്ഞെടുത്താൽ അവശേഷിക്കുന്നത് അഗാധമായൊരു പുച്ഛരസമാണ്. അതിന്റെ ഒരു വശം കരുണമാണെങ്കിൽ മറുവശം ക്രൂരമാണ്. മലയാളിയുടെ പുച്ഛം കളഞ്ഞ് കിട്ടിയൊരു നാണയമല്ല, തലമുറകൾ ഊതിക്കാച്ചിയെടുത്തതാണ്.

സത്യാനന്തരകാലത്തെ പ്രധാനമന്ത്രി

കേരളത്തില്‍ അയ്യപ്പനാമം ഉച്ചരിക്കുന്നവരെ മുഴുവന്‍ ജയിലില്‍ അടക്കുകയാണെന്ന് പ്രധാനമന്ത്രി. കര്‍ണ്ണാടകത്തില്‍ വെച്ചാണിത് പറഞ്ഞത്. അതിന് മുമ്പ് കേരളത്തില്‍ വന്നപ്പോള്‍ ഇങ്ങനെ ഒരാക്ഷേപം ഉന്നയിക്കപ്പെട്ടിരുന്നില്ല. ഈ കാവല്‍ക്കാരന്റെ ഭരണ കാലത്ത് വന്‍സ്‌ഫോടനങ്ങളൊന്നും നടന്നിട്ടില്ല എന്ന് മഹാരാഷ്ട്രയില്‍ വെച്ച് പ്രധാനമന്ത്രി അവകാശപ്പെട്ടു. ഫുല്‍വാമയും ഉറിയും അടക്കം നിരവധി സ്‌ഫോടനങ്ങള്‍ വസ്തുതകളായി ഉയര്‍ന്നു നില്‍ക്കുമ്പോഴാണ് യാതൊരു മന:സാക്ഷിക്കുത്തും കൂടാതെ പ്രധാനമന്ത്രി ഇങ്ങനെ പച്ചക്കള്ളം പറഞ്ഞത്. മുമ്പും പ്രധാനമന്ത്രിമാര്‍ തെരഞ്ഞെടുപ്പിനെ നേരിട്ടിട്ടുണ്ട്. ബി ജെ പിക്കാരന്‍ പ്രധാനമന്ത്രിയും തെരഞ്ഞെടുപ്പിനെ നേരിട്ടിട്ടുണ്ട്. അവരൊന്നും തന്നെ ഇങ്ങനെ പച്ചക്കള്ളം പറഞ്ഞിട്ടില്ല. പിന്നെ എന്തുകൊണ്ട് ഇദ്ദേഹം ഇങ്ങനെ?

നസ്രത്ത് ജഹാൻ റാഫി ബംഗ്ലാദേശിന്റെ ‘നിർഭയ’യായി മാറുകയാണ്

കൊല്ലപ്പെടുമ്പോൾ 19 വയസ്സ് മാത്രമായിരുന്നു അവളുടെ പ്രായം. മണ്ണെണ്ണ ദേഹത്തൊഴിച്ചു തീ കൊളുത്തിയാണ് സഹപാഠികൾ കൊന്നത്. അവളുടെ നിലവിളി കേൾക്കാവുന്നത്ര അടുത്ത് സഹോദരൻ ഉണ്ടായിരുന്നു. പക്ഷേ കൊലയാളികൾ അവളുടെ അടുത്തെത്താൻ അയാളെ അനുവദിച്ചില്ല. 80 ശതമാനം പൊള്ളലേറ്റ താൻ വൈകാതെ മരിക്കുമെന്ന് അവൾക്കു ഉറപ്പുണ്ടായിരുന്നു. സഹോദരന്റെ മൊബൈൽ ഫോൺ വാങ്ങി അവൾ മരണമൊഴി രേഖപ്പെടുത്തി.

മോദിയോട് കുറച്ചു സംശയങ്ങൾ ചോദിക്കാനുണ്ട്

എൽ.ഡി.എഫും യു.ഡി.എഫുമല്ല, ബി.ജെ.പിയാണ് ഇനി കേരളത്തിലെ ജനങ്ങളുടെ ചോയ്സ് എന്ന തലക്കെട്ടോടെ അങ്ങ് ട്വിറ്ററിൽ ഷെയർ ചെയ്ത വീഡിയോ കണ്ടു. അങ്ങയെ ആരോ പറഞ്ഞ് പറ്റിച്ചതാണ്. അമ്മച്ചിയാണെ, ആ പ്രചരണത്തിൻ്റെ ശക്തി കാരണം താങ്കളിന്ന് കേരളത്തിലോട്ട് വരുന്നുണ്ടെന്ന് പോലും ഏതോ പയ്യന്മാര് ട്രോളിറക്കിത്തുടങ്ങിയപ്പൊഴാണ് അറിഞ്ഞത്. ഇനി ആത്മവിശ്വാസമാണെങ്കിൽ പണ്ട് യോദ്ധയിൽ ലാലേട്ടൻ പറഞ്ഞതേ പറയാനുള്ളൂ...വളരെ നല്ലതാണ്... അപ്പൊ നമുക്ക് കാര്യത്തിലേക്ക് കടക്കാം. പ്രസംഗം ആരുടെയാണെങ്കിലും ഞങ്ങള് കേരളീയർക്ക് ചില വിചിത്രമായ ആചാരങ്ങളുണ്ട്..ആചാരം സംരക്ഷിക്കാൻ ഉത്സുകനാവുന്ന അങ്ങ് ഈ ആചാരവും സംരക്ഷിക്കുമെന്ന് കരുതുന്നു.

കുന്നംകുളത്തെ ഈ കടുമാങ്ങക്ക് ഡ്യൂപ്ളിക്കേറ്റില്ല..!

ഉടയാതെ പുഴുങ്ങിയ മാങ്ങപൂളില്‍ പറ്റിചേര്‍ന്ന് കിടക്കുന്ന മസാല , വിരലുകൊണ്ട് കനത്തില്‍ തോണ്ടി നാവില്‍ തേച്ച് ഒരു കവിള്‍ ചൂട് കഞ്ഞി കുടിച്ചാല്‍ ലഭിക്കുന്ന കൊതിയൂറും രുചി വേറെയെവിടെ കിട്ടാനാണ്! ചുണ്ടോട് ചേര്‍ത്ത് കടുമാങ്ങാ പൂളിന്‍റെ കഷ്ണം ഒന്ന് കടിച്ച് തിന്നിട്ടുണ്ടെങ്കില്‍ കുന്നംകുളത്തുകാരന്‍ ഈ ദിവസങ്ങളില്‍ ലോകത്തിന്‍റെ ഏത് ഭാഗത്ത് നിന്നാലും അവന്‍റെ / അവളുടെ ഒാര്‍മ്മയിലേക്ക് കടുമാങ്ങയുടെ എരിയും പുളിയും ഓടിയെത്തും. കടുമാങ്ങയുണ്ടാക്കുന്നതും കുന്നംകുളത്ത് ആഘോഷമായാണ്. ചില പള്ളികളില്‍ ദേശക്കാരുടെ കൂട്ടായ്മയുടെ വകയായാണ് കടുമാങ്ങ നല്‍കുക. ചിലയിടങ്ങളില്‍ ചില കുടുംബങ്ങളുടെ വകയും.

അരാജകമായ അഞ്ചു വര്‍ഷങ്ങള്‍ക്കുശേഷം വീണ്ടും ഒരു തെരഞ്ഞെടുപ്പ് സംജാതമായിരിക്കുന്നു

2014 ലെ ലോക്സഭാ തിരഞ്ഞെടുപ്പിൽ നരേന്ദ്രമോഡിയെ ഉയര്‍ത്തിക്കാട്ടി ഭാരതീയ ജനതാ പാര്‍ട്ടി അധികാരത്തില്‍ വന്നു. ആ തെരഞ്ഞെടുപ്പിലൂടെ. രാജ്യം അസ്വാതന്ത്രത്തിലേക്ക് വീണ്ടും കടന്നുപോകുകയായിരുന്നു. അരാജകമായ അഞ്ചു വര്‍ഷങ്ങള്‍ക്കുശേഷം വീണ്ടും ഒരു തെരഞ്ഞെടുപ്പ് സംജാതമായിരിക്കുന്നു. വളരെ പ്രധാനപ്പെട്ട ഒരു തെരഞ്ഞെടുപ്പാണ് ഇക്കുറി നമ്മുടേത്. തെരഞ്ഞെടുപ്പ് ശരിയായ വിധം പ്രയോജനപ്പെടുത്തിയില്ലെങ്കില്‍ നമുക്കൊരു പാട് സ്വാതന്ത്ര്യങ്ങള്‍ ഇല്ലാതാവും. അതിലാദ്യത്തേത് ഇനിയൊരു തെരഞ്ഞെടുപ്പിനുള്ള അവസരം നമുക്കുണ്ടാവില്ലായെന്നതാണ്. സംഘപരിവാറിന്റെ സുപ്രധാന നേതാവാണ് അപ്രകാരമൊരു പ്രഖ്യാപനം നടത്തിയത്. നിങ്ങളെനിക്ക് വോട്ട് നല്‍കിയില്ലെങ്കില്‍ താന്‍ ശപിച്ചുകളയുമെന്ന് ഭീക്ഷണിപ്പെടുത്താനും ഇദ്ദേഹം തയ്യാറായി ജനങ്ങളോട്.

20000 പേരുടെ തൊഴിൽ കൂടി നഷ്ടമാക്കുന്ന കോർപ്പറേറ്റ് ഫാസിസ്റ്റ് ഭരണകൂടം

ജെറ്റ് എയർവേസ് പൈലറ്റുമാർ നരേന്ദ്ര മോദി യോട് SBI വഴി 1500 കോടി രൂപ അടിയന്തിരമായി തരപ്പെടുത്തിക്കൊടുക്കണമെന്നും 20000 തൊഴിലെടുക്കുന്നവരെ രക്ഷിക്കണമെന്നും ആവശ്യപ്പെട്ടെങ്കിലും ഒന്നും നടന്നില്ല... 2013 ൽ കിങ്ങ് ഫിഷർ വിമാനക്കമ്പനി തകരുകയുണ്ടായി. ഒരു കാലത്ത് രാജ്യത്തെ മുൻപന്തിയിലുള്ള വലിയ വ്യോമ കമ്പനി ആയിരുന്നു കിംഗ്ഫിഷർ .. കിംഗ്ഫിഷർ തകർന്നപ്പോൾ നിരവധി പേർക്ക് തൊഴിൽ നഷ്ടപ്പെട്ടെങ്കിലും 9000 കോടി രൂപയോളം ഇന്ത്യൻ ബാങ്കുകളിൽ കടബാദ്ധ്യത നിന്നിരുന്നുവെങ്കിലും 2016ൽ രോദിയുടെ ഭരണകൂടത്തിൻ കീഴിൽ എല്ലാവരുടെയും കൺമുന്നിലൂടെ വിജയ് മല്യ ഇംഗ്ലണ്ടിലേയ്ക്ക് കടന്നു... ഇപ്പോഴിതാ ഇപ്പോഴത്തെ രണ്ടാമത്തെ ഏറ്റവും വലിയ വ്യോമക്കമ്പനി 1100 കോടി ഡോളർ കടവുമായി 20000 ൽ പരം തൊഴിലുകൾ നഷ്ടപ്പെടുത്തി തകർന്നു വീഴുന്നു...

അച്ഛനെൻ കരള് പകുത്തു നൽകി

ജീവിതത്തിന്റെ തുലാസിന്റെ ഒരു വശത്ത് അച്ഛന്റെ ജീവൻ മറുവശത്ത് ശസ്ത്രക്രിയ സമ്മാനിക്കുന്ന വികൃതമായ മുറിപ്പാടുകളും തീവ്ര വേദനയും. ഇതിൽ ഏതു തിരഞ്ഞെടുക്കണമെന്ന് ആ 19കാരിക്ക് തെല്ലും സംശയമില്ലായിരുന്നു. തന്റെ കരളിന്റെ 65 ശതമാനം അച്ഛനു പകുത്തു നൽകി അവൾ ജീവിതത്തെ ധീരതയോടെ നേരിട്ടു. ആ മകളുടെ പേര് രാഖി ദത്ത. രണ്ട് പെൺമക്കളാണ് രാഖിയുടെ അച്ഛന്. അച്ഛന്റെ ആരോഗ്യസ്ഥിതി മോശമായപ്പോൾ ഇരുവരും ചേർന്ന് അദ്ദേഹത്തെ ആശുപത്രിയിലെത്തിച്ചു. രോഗം നിർണയിക്കാനും ഫലപ്രദമായ രീതിയിൽ ചികിൽസ നൽകാനും കൊൽക്കത്തയിലെ പ്രമുഖ ഡോക്ടർമാർക്ക് പോലും കഴിയാതെ വന്നതോടെയാണ് അച്ഛനെയും കൊണ്ട് ഇരുവരും ഏഷ്യൻ ഇൻസ്റ്റിറ്റ്യൂട്ട് ഓഫ് ഗ്യാസ്ട്രോ എൻഡ്രോളജിയിൽ എത്തിയത്.

ചരിത്രത്തിലെ ഏറ്റവും പ്രായം കുറഞ്ഞ അമ്മ !

ഹോസ്പിറ്റലില്‍ അഡ്മിറ്റ് ചെയ്യപ്പെട്ട ലിന 1939 മേയ് പതിനാലിനു ആറുപൌണ്ട് തൂക്കമുള്ള തികച്ചും ആരോഗ്യവാനായ ഒരു കുഞ്ഞിനു സിസേറിയനിലൂടെ ജന്മം നല്‍കി. അപ്പോള്‍ ലിനയുടെ പ്രായം അഞ്ചുവയസ്സും ഏഴു മാസവും 21 ദിവസവും മാത്രമായിരുന്നു. അങ്ങിനെ ചരിത്രത്തിലെതന്നെ ഏറ്റവും പ്രായം കുറഞ്ഞ അമ്മ എന്ന ബഹുമതി ലിന മെദീനയ്ക്ക് സ്വന്തമായി.ഏറ്റവും വലിയ ആകസ്മികത എന്തായിരുന്നു എന്നുവച്ചാല്‍ അക്കൊല്ലത്തെ മദേര്‍സ് ഡേ ആ ദിവസമായിരുന്നു എന്നതാണ്. കുഞ്ഞുലിനയുടെ ഗര്‍ഭത്തിനുത്തരവാദി അവളുടെ അച്ഛനാണെന്ന സംശയത്താല്‍ പോലീസ് അയാളെ അറസ്റ്റു ചെയ്യുകയും ജയിലടയ്ക്കുകയും ചെയ്തു.

സുരേഷ്-കമല ദമ്പതിമാർ; ഒരു പെൺകുട്ടിയെ എങ്ങനെ വളർത്തണമെന്നതിൻ്റെ മാതൃക

വയനാട്ടിലെ ഇടിയംവയൽ എന്ന ഗ്രാമത്തിൽ ഒരു ചെറിയ വീടുണ്ട്.കൂലിപ്പണിക്കാരായ സുരേഷിൻ്റെയും കമലയുടെയും ഭവനമാണത്.സിവിൽ സർവ്വീസ് പരീക്ഷയിൽ ഉജ്ജ്വല വിജയം കരസ്ഥമാക്കിയ ശ്രീധന്യ ആ വീട്ടിലാണ് ജനിച്ചത്.സുരേഷ്-കമല ദമ്പതിമാർ ഒരു വലിയ മാതൃകയാണ്.ഒരു പെൺകുട്ടിയെ എങ്ങനെ വളർത്തണം എന്നതിൻ്റെ മാതൃക !നിർദ്ധനകുടുംബങ്ങളിലെ കുട്ടികൾ മിക്കപ്പോഴും പഠനം പാതിവഴിയിൽ നിർത്താറുണ്ട്.അല്ലെങ്കിൽ നിർത്തേണ്ടിവരാറുണ്ട്.വിശേഷിച്ചും പെൺകുട്ടികൾ.ഭാവിയിൽ കെട്ടിച്ചുവിടേണ്ട പെൺകുട്ടികളെ കൂടുതൽ പഠിപ്പിച്ചിട്ട് പ്രയോജനമില്ല എന്ന ചിന്ത സമ്പന്നൻ്റെ തലയിൽ വരെ ഉദിക്കുമ്പോൾ പാവപ്പെട്ടവൻ്റെ കാര്യം പറയേണ്ടതില്ലല്ലോ !

പ്രസംഗം തർജ്ജമ; ഒരാൾക്ക് അഭിനന്ദനവും മറ്റേയാൾക്കു ട്രോളും

ഒരാളുടെ പ്രസംഗം അതേ സമയം തന്നെ മറ്റൊരു ഭാഷയിലേക്ക് മൊഴിമാറ്റം ചെയ്യുക എന്നത് എളുപ്പമുള്ള ജോലിയല്ല. ഭാഷ അറിഞ്ഞത് കൊണ്ട് മാത്രം കാര്യമില്ല. പ്രസംഗിക്കുന്ന ആളുടെ ഉച്ചാരണ രീതി, സാങ്കേതിക പദങ്ങൾ അധികം ഉണ്ടോ, എത്രമാത്രം സംസാരിച്ചതിന് ശേഷമാണ് തർജ്ജുമക്കായി ബ്രേക്ക് കൊടുക്കുന്നത്, സ്റ്റേജിലെ സംവിധാനങ്ങൾ, ജനക്കൂട്ടത്തിന്റെ ആരവം, ചുറ്റുമുള്ള ഒച്ചയനക്കങ്ങൾ (റോഡിനടുത്തോ കടലിനടുത്തോ ഒക്കെയാണെങ്കിൽ അതിന്റെ ഒച്ചകൾ), പ്രസംഗം നടത്തുന്നത് എത്രമാത്രം പ്രധാനിയായ വ്യക്തി എന്നിങ്ങനെ മൊഴിമാറ്റം വിഷമത്തിൽ ആക്കുന്ന പല വിഷയങ്ങളും ഉണ്ട്.

ജനാധിപത്യവിശ്വാസികളെ അസ്വസ്ഥമാക്കുന്ന ബിജെപിയുടെ അധാർമ്മിക മാർഗ്ഗങ്ങൾ !

ഇന്ത്യയുടെ തെരഞ്ഞെടുപ്പ് ചരിത്രത്തിൽ മുമ്പെങ്ങും കാണാത്തവിധം എതിർ പാർട്ടികൾക്ക് വ്യോമ പാതകൾ വരെ നിഷേധിച്ചുകൊണ്ടാണ് ബി ജെ പി അവരുടെ പ്രചാരണവുമായി മുന്നേറുന്നത്... രണ്ട് ദിവസം മുൻപ് ദ ഹിന്ദു പത്രത്തിൽ വന്ന ഒരു വാർത്തയാണ് എനിക്ക് ഓർമ്മവരുന്നത്.. ജയിച്ച് ചെന്നാൽ ആദ്യ നൂറ് ദിവസത്തെ കർമ പ്കദ്ധതികൾക്ക് രൂപം നൽകാൻ മോദി ഉദ്യോഗസ്ഥർക്ക് നിർദ്ദേശം നല്കിയത്രെ... ഉദ്യോഗസ്ഥർ തുടങ്ങി കഴിഞ്ഞു എന്ന് പറഞ്ഞാണ് വാർത്ത അവസാനിക്കുന്നത്... അത്രക്കും കരുക്കൾ നീക്കിക്കഴിഞ്ഞു എന്നർത്ഥം.. ഏത് വിധേനയും അധികാരം പിടിക്കും എന്ന് ഉറപ്പിച്ച് തന്നെയാണ് മുന്നോട്ട് പോക്ക്... സാധ്യത തള്ളിക്കളയാനാവില്ല

കെട്ടുകഥകളിൽ അഭിരമിക്കുന്ന മനുഷ്യരുടെ ലോകത്ത് ചരിത്രശേഷിപ്പുകൾ നഷ്ടമാകുന്നത് നിരാശാകരമാണ്

850 വർഷത്തോളം പഴക്കമുള്ള ഫ്രാൻസിലെ നേത്രദാം ദേവാലയ ഗോപുരം നവീകരണ പ്രവർത്തനങ്ങൾക്ക് ഇടയിൽ അഗ്നിക്കിരയായി. ഇരുന്നൂറ് വർഷത്തെ കൊണ്ട് പണിതു തീർത്ത പന്ത്രണ്ടാം നൂറ്റാണ്ടിൽ പണി പൂർത്തിയായ ഫ്രഞ്ച് വിപ്ലവത്തെ ഭാഗീകമായും, രണ്ടു ലോക മഹായുദ്ധങ്ങളെ പൂർണമായും അതിജീവിച്ച ദേവാലയമാണ് അഗ്നിക്കിരയായത്. യുദ്ധം, പ്രകൃതിക്ഷോഭം, ഭീകരാക്രമണം, ശ്രദ്ധക്കുറവ് തുടങ്ങി അനവധി കാരണങ്ങൾ മൂലം ചരിത്ര നിർമ്മിതികൾ പലപ്പോഴായി ഇല്ലായ്മ ചെയ്യപെടുന്നുണ്ട്. അതിൻ്റെ ലിസ്റ്റിലേക്ക് ഒന്നു കൂടി. മാസങ്ങൾക്ക് മുമ്പ് ബ്രസീലിൻ്റെ തലസ്ഥാന നഗരമായ റിയോ ഡി ജെനീറോയിൽ ഇരുന്നൂറ് വർഷത്തോളം പഴക്കമുള്ള നാഷ്ണൽ മ്യൂസിയം അഗ്നിക്കിരയായിരുന്നു. ഇരുപത് മില്ല്യണിൽ അധികം വരുന്ന ചരിത്ര അവശേഷിപ്പുകളാണ് നിമിഷനേരം കൊണ്ട് ഇല്ലാതായത്.

ഏത് ഇരുമ്പഴിയെ ഭേദിച്ചും സത്യം ഒരിക്കൽ ലോകമറിയും !

റോയിട്ടേഴ്‌സ് വാര്‍ത്താ ഏജന്‍സിയുടെ മ്യാന്‍മറിലെ റിപ്പോര്‍ട്ടര്‍മാരായ വാ ലോണും ക്യോ സോയി യൂവും വാര്‍ത്താ ശേഖരണത്തിനിടയിലാണ് ആ ഭീകര ദൃശ്യം കണ്ടത്. കുറേ മൃതശരീരങ്ങള്‍ കൂട്ടിയിട്ട ഒരു കുഴി. അതിനിടയില്‍നിന്ന് അസ്ഥികള്‍ പുറത്തുവന്നിട്ടുണ്ട്. തുടര്‍ന്ന് ഇരുവരും നടത്തിയ അന്വേഷണത്തില്‍ ഞെട്ടിക്കുന്ന വിവരങ്ങളാണ് ലഭിച്ചത്. രോഹിംഗ്യന്‍ മുസ്‌ലിംകളുടേതായിരുന്നു ആ മൃതശരീരങ്ങള്‍. ഇതുമായി ബന്ധപ്പെട്ട് ഗ്രാമവാസികള്‍ മൂന്ന് ചിത്രങ്ങള്‍ അവരെ കാണിച്ചു. രോഹിംഗ്യന്‍ വംശജരായ പത്ത് പുരുഷന്മാര്‍ കൈകള്‍ പുറകിലേക്ക് കൂട്ടിക്കെട്ടി മുട്ടുകുത്തി ഇരിക്കുന്നതായിരുന്നു ആദ്യ രണ്ട് ചിത്രങ്ങള്‍.

‘ബിജെപിയും വർഗ്ഗീയവാദവും കേരളത്തിൽ വളരാത്തത് ജനങ്ങളിലെ ഇടതുപക്ഷബോധം കൊണ്ട്’

ഇൻഡ്യയിലെ മറ്റു സംസ്ഥാനങ്ങളിൽ ബിജെപിക്ക് ഉണ്ടായ മുന്നേറ്റമൊന്നും ഇതുവരെ കേരളത്തിൽ ഉണ്ടാക്കാൻ സാധിക്കാതിരുന്നത് ഇവിടെ അതിശക്തമായ ഒരിടതുപക്ഷ ബോധം നിലനിൽക്കുന്നതു കൊണ്ടാണ്. കടുത്ത യാഥാസ്ഥിതികവാദത്തെ ചെറുക്കുവാനും പുരോഗമനാശയങ്ങളെ പ്രോത്സാഹിപ്പിക്കുവാനും ഉള്ള ശ്രമം ഇടതുപക്ഷത്തിന്റെ ഭാഗത്തുനിന്ന് മാത്രമാണുണ്ടാകുന്നത്. ചിന്തിക്കുന്നവരുടെ ആശയങ്ങൾക്ക് അളവറ്റ പിന്തുണ നൽകുന്ന ഇടതുപക്ഷം ഇവിടെയുണ്ട് എന്നുള്ളത് വലിയ ആശ്വാസവും പ്രതീക്ഷയുമാണ്.

കെ.എസ്.ആർ.ടി.സി; അഴിമതി മൂടിവയ്ക്കാൻ ചില നാടകങ്ങൾ

വൻ കെട്ടിടങ്ങൾ പണിയാൻ നാല് ഇരട്ടിയോളം കാശ് ചിലവഴിച്ച കെ.എസ്.ആർ.ടി.സി.യെ മുടിപ്പിച്ചത് മറച്ചുവെക്കുവാൻ വേണ്ടിയാണ് ഖന്ന കമ്മീഷൻ റിപ്പോർട്ടും പരിഷ്കരണങ്ങളും കൊണ്ട് നടക്കുന്നത്.വൻ തുകകൾ കടം എടുത്ത നിർമ്മാണ പ്രവർത്തനങ്ങളുടെയും മറ്റും പേരിൽ വഴിവിട്ട ചെലവാക്കി കോടികൾ വെട്ടിച്ചത് ചർച്ചയിൽ വരാതെ ഇരിക്കുവാൻ വേണ്ടി ആണ് കെ.എസ്.ആർ.ടി.സി. യുടെ നഷ്ടത്തിന് പുതിയ കാരണങ്ങൾ ആരോപിച്ച് ഉണ്ടാക്കിയത്.നൂറുകണക്കിന് കോടി രൂപയുടെ അഴിമതി നടന്നിട്ടുള്ളത് ആയതിനാൽ ഇത് സി.ബി.ഐ തന്നെ അന്വേഷിക്കണം.പ്രസ്തുത വിഷയത്തിൽ നിന്നും ചർച്ചകൾ വഴി മാറ്റി വിടുവാൻ വേണ്ടിയാണ് പരിഷ്കരണങ്ങളുടെ പേരിൽ തൊഴിലാളികളെ കൊല്ലാക്കൊല ചെയ്യുന്നത്.

നോട്ടുനിരോധനത്തിലൂടെ ജനങ്ങളെ വഞ്ചിച്ചവർക്കു തിരിച്ചടി കൊടുക്കണം

23നു രാജ്യത്തെ ഏറ്റവും സുപ്രധാനമായ തിരഞ്ഞെടുപ്പ് വരുന്നു. തിരുവനന്തപുരത്തെയും പത്തനം‌തിട്ടയിലെയും പ്രബുദ്ധരായ വോട്ടറന്മാർ വളരെ ആലോചിച്ചും ബുദ്ധിപൂർവ്വവും വോട്ട് ചെയ്യേണ്ടുന്നതിന്റെ ആവശ്യകതയാണ് ചില ഇലക്ഷൻ സർവ്വേകൾ ചൂണ്ടിക്കാണിക്കുന്നത്. ഭൂരിപക്ഷം വരുന്ന മോദിവിരുദ്ധ വോട്ടുകൾ ഭിന്നിക്കുന്നതിലൂടെ വർഗ്ഗീയ ശക്തികൾ വിജയത്തിലേക്ക് നീങ്ങുവാൻ യാതൊരു കാരണവശാലും അവസരമൊരുക്കരുത്.

വയസ്സായവരെ എന്തു ചെയ്യണം?

വയസ്സായവരെ എന്തു ചെയ്യണം? ചോദ്യം കേട്ട് നെറ്റി ചുളിക്കാൻ വരട്ടെ. കഴിഞ്ഞ 100 വർഷം കൊണ്ട് മനുഷ്യന്റെ ആയുർദൈർഘ്യം ഇരട്ടിയിലധികമാണ് വർദ്ധിച്ചിരിക്കുന്നത്. കേരളത്തിലെ മുതിർന്ന പൗരൻമാരുടെ ശതമാനം 13 അടുത്താണ്. അത് പോകെപ്പോകെ കൂടിവരികയേ ഉളളൂ. പ്രായമായവർ വീടിന്റെ ഐശ്വര്യമാണ് എന്നത്രേ പ്രമാണം. പറഞ്ഞു വരുമ്പോൾ ശരിയാണ് "മുടിയിൽ നരചൂടാൻ കാലം കഴിയുക തന്നെ വേണം" - രാവണൻ (ലങ്കാലക്ഷ്മി - ശ്രീകണ്ഠൻ നായർ) ''ഭൂമിയിൽ ദീർഘകാലത്തോളം ജീവിച്ചിരിക്കാൻ നിന്റെ മാതാവിനെയും പിതാവിനെയും ബഹുമാനിപ്പിൻ " - ബൈബിൾ മഹദ്വചനങ്ങൾ എത്രയെങ്കിലുമുണ്ട് വൃദ്ധപൂജയുമായി ബന്ധപ്പെട്ട് ഉദ്ധരിക്കാൻ.

ആ ഇറ്റലിക്കാരിയായ പെൺകുട്ടിയുടെ ചോദ്യംകേട്ട് ഞാൻ നാടിനെയോർത്തു ലജ്ജിച്ചു

രാത്രി എട്ടു മണിക്ക് ശേഷം ഒറ്റയ്ക്ക് യാത്ര ചെയ്തിട്ടില്ലെന്നും കേട്ടിരിക്കെ,എല്ലാ സ്ത്രീകളും ഇങ്ങനെത്തന്നെയാണോ അവിടെ എന്ന് അവൾ അതിശയത്തോടെ ചോദിച്ചു.മിക്കവാറും ഏകദേശം 70. ശതമാനം ഇങ്ങനെയാണെന്നു എന്റെ മറുപടിയിൽ അവളുടെഅടുത്ത ചോദ്യം എന്നെ ഞെട്ടിച്ചു.അപ്പോ നിങ്ങൾ ആദിവാസികൾ ആണോ?ഏയ്‌ അല്ല.. അങ്ങനെയല്ല.. ഞങ്ങൾ പരിഷ്‌കൃതരാണ്.ഞാനൊരു ദുർബലമായ സ്വരത്തിൽ എതിർത്തു.ഭാഗ്യം അപ്പോഴേക്കും അവളുടെ ബോയ് ഫ്രണ്ട് വന്നു.അവൾ അവനെ എനിക്ക് പരിചയപ്പെടുത്തി തന്നുഎന്നോട് അനുവാദം ചോദിച്ചുകൊണ്ട് അവൾ അപ്പുറത്തെ സീറ്റിലേക്ക് പോകാനൊരുങ്ങിപെട്ടെന്ന് ഞാനവളുടെ കയ്യിൽ പിടിച്ചുകൊണ്ടു ചോദിച്ചുനിങ്ങൾ കല്യാണം കഴിക്കുമോ?തീർച്ചയായും.അവൾ കണ്ണുകൾ വിടർത്തി ചിരിച്ചു.വീട്ടിൽ എതിർത്തലോ?ഒരു തമാശ കേട്ടപോലെ അവൾ ഉറക്കെ ചിരിച്ചു.ആരും എതിര്ക്കില്ല്ല, ഇത് എന്റെ ജീവിതം, എന്റെ തീരുമാനം.ഇവിടെ അങ്ങനെയാണ്.എന്ന് പറഞ്ഞുകൊണ്ട് അവൾ പെട്ടെന്ന് അവനെ ചുംബിച്ചു.

ചുറ്റിക്കളികളുടെ ഉസ്താദുമാരായ കുസുമങ്ങളും ഭ്രമരങ്ങളുമാണ് നാട്ടിലെ സദാചാരം നിയന്ത്രിക്കുന്നത്!

ചുറ്റി കളികളുടെ ഉസ്താദുമാരായ കുസുമങ്ങളും വണ്ടുകളുമാണ് നാട്ടിലെ സദാചാരം നിയന്ത്രിക്കുന്നത്. ഇവർ സദാ സമയം ഉയർന്ന സദാചാര മൂല്യങ്ങളെ കുറിച്ചു സംസാരിച്ചു കൊണ്ടേ ഇരിക്കും. അവർ അമ്പല കമ്മിറ്റികളിലും പള്ളികമ്മറ്റികളിലും, കരയോഗങ്ങളിലുമൊക്കെ നേത്യ മന്യന്മാരായിരിക്കും. പെണ്ണുങ്ങളാണങ്കിൽ അവർ അമ്മായിമാരായിരിക്കും. ചെറിയ നൂലു കെട്ടു മുതൽ വലിയ നൂലു കെട്ടുവരെ ഇവരുടെ കാർമ്മികത്വത്തിലായിരിക്കും പെൺകൂട്ടങ്ങൾ. ആചാര സംരക്ഷണ വിഭാഗം ഹെഡ് ഇവരായിരിക്കും. നാഷണൽ ഹൈവേയിൽ കുറെ സിന്ദൂരവും വാരിയിട്ടങ്ങനെ തല ഉയർത്തി നടക്കും.

കൊന്ന മരങ്ങളെ വിഷുക്കണി വെക്കാനെന്ന പേരിൽ കൊന്നുതള്ളുന്നു; സേവ് കണിക്കൊന്ന

വീണ്ടുമൊരു വിഷു വരവായി, നാട്ടിലൊക്കെ കണിക്കൊന്ന പൂവിട്ടു നിൽക്കുന്ന കാഴ്ച വളരെ ഹൃദയഹാരിയാണ്. ആരെയും കൊന്നിട്ടില്ലെങ്കിലും കൊന്നമരം എന്ന പേരുദോഷം കൊണ്ടാണോ എന്നറിയില്ല പല മരങ്ങളെയും വിഷുക്കണി വെക്കാനെന്ന പേരിൽ കൊന്നുതള്ളുന്നു.പ്രകൃതി ഒരുക്കിയ കണിയെ മനുഷ്യന്റെ കച്ചവട കണ്ണുകൾ പിച്ചിചീന്താൻ തുടങ്ങിക്കഴിഞ്ഞു.മുന്ന് ദിവസം മുൻപ് ഒരു വലിയ കണികൊന്നമരത്തിൽ നിന്നും പൂത്തുനിൽക്കുന്ന കൊമ്പുകൾ വെട്ടി പ്ലാസ്റ്റിക് കവറുകളിലാക്കി ഓട്ടോയിൽ കയറ്റുന്ന കാഴ്ച ഒരു യാത്രയുടെ മധ്യേ കാണാൻ കഴിഞ്ഞു. ഒരാഴ്ചയോളം വിഷുവിനുണ്ടെന്നിരിക്കെ ആ കൊണ്ടുപോയ പൂക്കളിൽ ഒരു പൂക്കുല പോലും വിഷുവിന് കൊഴിയാതെ കിട്ടുമെന്ന് തോന്നുന്നില്ല.

ഭരണഘടനയും ഡോ.അംബേദ്കറും രാജ്യം നേരിടുന്ന ഏതു വെല്ലുവിളിക്കുമുള്ള പ്രതിവിധി

രാജ്യത്തു ബലപ്പെടുന്ന അസഹിഷ്ണുതയുടെയും അതിനെ ഇല്ലായ്മ ചെയ്യേണ്ടത് എന്തുകൊണ്ട് എന്നതിനെ സംബന്ധിച്ച് രാജ്യത്താകമാനം നടന്ന, പാർലമെന്റുസമ്മേളനത്തിലേതുമുൾപ്പെടെയുള്ള ചർച്ചകളിലും ബ്രാഹ്മണാധിപത്യത്തിനെതിരായ സമരമുഖങ്ങളിലും ഏറ്റവും ഉയർന്നു കേട്ട രണ്ടു വാക്കുകളാണ് ഇന്ത്യൻ ഭരണഘടനയും ഡോ.ബാബാസാഹേബ് അംബേദ്കറും. ജനാധിപത്യവും സമത്വവും സാഹോദര്യവും തുല്യനീതിയും സംരക്ഷിക്കുന്നതിനുള്ള ഏറ്റവും മൂല്യമേറിയ സംഭാവന എന്ന നിലക്ക് ഭരണഘടനയും അതു നമുക്ക് സമ്മാനിച്ച അതുല്യപ്രതിഭ ഡോ.അംബേദ്കറും രാജ്യം നേരിടുന്ന ഏതു വെല്ലുവിളിക്കുമുള്ള പ്രതിവിധിയായി മാറുന്നത് സമീപകാല സംഭവങ്ങളിലൂടെ നാം അറിഞ്ഞും അനുഭവിച്ചുകൊണ്ടും ഇരിക്കുന്നു.

മുംബൈയുടെ മനസ് നിങ്ങൾക്കറിയാമോ ?

മലയാളികൾക്ക് ബോംബെ സിനിമകളിലൂടെ മാത്രം പരിചയമുള്ള അധോലോകങ്ങളുടെ നാടാണ്. ധാരാവിയിലെ ചേരി അവർക്ക് കൊള്ളക്കാരും പിടിച്ചു പറിക്കാരും മാത്രമുള്ള നഗരമാണ്. പക്ഷേ ഈ നഗരത്തിൽ ജീവിച്ച, ഒരിക്കലെങ്കിലും വന്നു പോയവർക്കും ബോംബെ നല്കുന്നത് മറ്റൊരു അനുഭവമാണ്. എന്തുകൊണ്ടാണ് സമീപകാല ഇന്ത്യ കണ്ട ഏറ്റവും വലിയ കർഷക സമരം 'കിസാൻ ലോങ്ങ് മാർച്ച്" ബോംബയിൽ എത്തിയപ്പോൾ അവരിൽ ബഹുഭൂരിഭാഗവും അത് ഹൃദയത്തിലേറ്റെടുത്തത് എന്നാലോചിച്ചിട്ടുണ്ടോ?.

ജാലിയൻ വാലാബാഗ്: ആ കണക്ക് ഞങ്ങൾ തീർത്തിട്ട് 79 വർഷമായി; മാപ്പ് നിങ്ങളുടെ കൈയിൽ വച്ചോളു.

ജാലിയൻ വാലാബാഗ്: ആ കണക്ക് ഞങ്ങൾ തീർത്തിട്ട് 79 വർഷമായി. മാപ്പ് നിങ്ങളുടെ കൈയിൽ വച്ചോളു.. 1919 ഏപ്രിൽ 13-നാണ് പഞ്ചാബിലെ ലെഫ്റ്റനന്റ് ഗവർണറായിരുന്ന മൈക്കേൽ ഒ ഡ്വയർ (Michael O'Dwyer) ആണ് ജാലിയൻ വാലാബാഗിലെ കൂട്ടക്കൊലക്ക് നിർദേശം നൽകിയത്. ബ്രിഗേഡിയർ ജനറായിരുന്ന റെജിനാൾഡ് ഡയറിനായിരുന്നു പട്ടാളത്തിന്റെ ചുമതല. ഒരു മുന്നറിയിപ്പ് പോലും നൽക്കാതെ നടത്തിയ വെടിവെപ്പിൽ സമാധാനപരമായി പ്രതിഷേധം നടത്തിയിരുന്ന 1800 പ്രക്ഷോഭകർ കൊല്ലപ്പെട്ടു. 1200 പേർക്ക് ഗുരുതരമായി പരിക്കേറ്റു. മുഴുവനാളുകളെയും കൊല്ലണം എന്ന ഉദ്ദേശത്തോടെയാണ് ആ വെടിവെപ്പിന് ലഫ്റ്റനൻറ് ഗവർണർ നിർദേശം നൽകിയത്.

തമോഗർത്തം അവർ കണ്ടുപിടിക്കട്ടെ നമുക്ക് ചാണകത്തിൽ നിന്നും പ്ലൂട്ടോണിയം വേർതിരിക്കാം

അഷ്ടഗ്രഹങ്ങളുമായി സൗരയൂഥ൦ വാണിരുന്ന ഇരുപതാം നൂറ്റാണ്ട് . സ്വന്തമായി വാനനിരീക്ഷണശാല ഉണ്ടായിരുന്ന , സമ്പന്നനായ ജ്യോതി ശാസ്ത്രജ്ഞൻ '' പെഴ്സിവൽ ലോവൽ '' -ന്റെ ചിന്താമണ്ഡലം നിറയെ ഒമ്പതാമന്റെ സാന്നിധ്യമായിരുന്നു . യുറാനസ് - നെപ്റ്റ്യൂൺ ദ്വയങ്ങളുടെ ഭ്രമണപഥം നിരീക്ഷിച്ചപ്പോ , അവയുടെ കറക്കങ്ങൾ അത്ര കൃത്യമല്ല എന്ന കാര്യം ലോവെൽ മനസ്സിലാക്കി

കറുത്ത സുന്ദരി

ലോകത്തെ ഏറ്റവും കറുത്ത സുന്ദരിയായ മോഡലാണ് Khoudia Diop (ഖൌഡിയ ദ്യോപ്).കറുത്ത നിറമുള്ളവരെ രണ്ടാം നിര പൌരന്മാരായി പുരാതന കാലം മുതല്‍ അകറ്റി നിര്‍ത്തിയിരുന്ന ലോകത്ത് അത്തരക്കാര്‍ക്ക്‌ ആത്മവിശ്വാസവും, പ്രേരണയുമാണ് Khoudia Diop എന്ന സെനഗല്‍ സുന്ദരി.ലോകത്ത് നിലനിന്നിരുന്ന അടിമവ്യവസായവും, ജാതിയുടെ പേരിലുണ്ടായിരുന്ന അടിച്ചമര്‍ത്തലുകളുമൊക്കെയായി മനുഷ്യന്‍റെ തൊലിയുടെ കറുപ്പുനിറം കെട്ടുപിണഞ്ഞു കിടക്കുന്നു.കറുത്ത വര്‍ഗ്ഗക്കാരോടുള്ള അവഗണനയും, അവജ്ഞയും ഒളിഞ്ഞും, തെളിഞ്ഞും ഇന്നും ലോകത്ത് പല ഭാഗങ്ങളിലും കാണാന്‍ കഴിയുന്നുണ്ട്. ഭാരതത്തിലും പരസ്യമായി ഇല്ലെങ്കിലും കാലാകാലങ്ങളായി നിലനിന്നിരുന്ന ഉച്ചനീചത്വത്തില്‍ അടിസ്ഥാനമാക്കിയ വര്‍ണ്ണ വിവേചനം ഇന്നും ചിലപ്പോഴൊക്കെ തലപൊക്കാറുണ്ട്. മാനസികമായ പരിപക്വത ആധുനികയുഗത്തിലും മനുഷ്യന് പൂര്‍ണ്ണമായി കൈവരിക്കാന്‍ കഴിഞ്ഞിട്ടില്ല എന്നതിന് തെളിവാണിത്.

“എന്നെ കൊന്നാലും നിങ്ങളുടെ തനിനിറം ലോകം അറിയും “

ലോകത്തെ ഒരു ശക്തിക്കും തകർക്കാനാവാത്ത അമേരിക്കയുടെ രഹസ്യ നിലവറകളിലെ അതീവ രഹസ്യ രേഖകളാണ് ജൂലിയന്‍ അസാഞ്ജി അനായാസം തകർത്ത് തെരുവിലേക്ക് വിതറിയിട്ടത്... ലോകമാകമാനമുള്ള രാജ്യങ്ങളിലെ അമേരിക്കയുടെ എംബസികൾ വഴി അതാത് രാജ്യങ്ങളുടെ രഹസ്യങ്ങൾ വാഷിങ്ടണിലേക്ക് ചോർത്തപ്പെടുന്നു എന്ന വാർത്തയും അതിന്റെ രേഖകളും ലോകം ഞെട്ടലോടെയാണ് കണ്ടത്... ഓസ്‌ട്രേലിയൻ പൗരനായ ജൂലിയന്‍ അസാഞ്ജിയായിരുന്നു രേഖകൾ സഹിതം

ബോണ്ടും ബോണ്ടയും

കിഫ്‌ബി എന്ന പ്രസ്ഥാനത്തിന്റെ സാന്പത്തിക മാതൃക എന്താണെന്ന് മനസ്സിലാക്കിയിട്ടുള്ളവരുടെ കൂട്ടത്തിൽ എൻറെ പേരില്ല. ശ്രീ തോമസ് ഐസക്ക് അത് പ്രഖ്യാപിച്ച സമയത്ത് ഒന്ന് മനസ്സിലാക്കാൻ നോക്കിയതാണ്, പക്ഷെ നടന്നില്ല. പിന്നെ വിചാരിച്ചു നികുതി വരുമാനത്തിന്റെ ഭൂരിഭാഗവും, ശന്പളത്തിനും ക്ഷേമ പദ്ധതികൾക്കും ആരോഗ്യത്തിനും വിദ്യാഭ്യാസത്തിനുമായി ചിലവാക്കുന്ന ഒരു സംസ്ഥാനമാണ്.

“വിശേഷം വല്ലതുമായോ പെണ്ണേ…”

1989ൽ അവര് ജനിച്ചുവീണപ്പൊ പെൺകുഞ്ഞാണല്ലോ, കഷ്ടമെന്ന് ആ മാതാപിതാക്കൾ ആലോചിച്ചിരിക്കില്ല. പ്രസവവിവരമറിഞ്ഞപ്പൊ പെണ്ണാണല്ലേ എന്ന് ബന്ധുക്കൾ സഹതപിച്ചുകാണില്ല. വളർന്നു വരുന്ന കുഞ്ഞു കാറ്റിയോട് മറ്റൊരു വീട്ടിൽ ചെന്നു കയറേണ്ടതാണെന്ന് കൂടെക്കൂടെ ഓർമിപ്പിച്ചുകാണില്ല. വിരുന്നിനു വരുന്ന അമ്മായി അടുക്കളയിൽ വച്ച് " അവക്ക് വെപ്പൊക്കെ അറിയാമോടിയേ " എന്ന് കുശുകുശുത്തുകാണില്ല. അവൾ കോളജിൽ ചെന്നപ്പൊ പെൺകൊച്ചിനെ അധികം പഠിപ്പിക്കണ്ട, വല്ലവൻ്റെയും കൂടെ ഇറക്കിവിടേണ്ടതല്ലേയെന്ന് വല്യപ്പനും വല്യമ്മയും ഉപദേശിച്ചുകാണില്ല. ഇരുപതു തികഞ്ഞപ്പൊ കല്യാണാലോചന തുടങ്ങിക്കാണില്ല. പ്രായം കൂടിയാൽ ചെക്കനെ കിട്ടില്ലെന്ന് പേടിച്ചുകാണില്ല. ഒന്നും ശരിയായില്ലേയെന്ന് ആശ്ചര്യപ്പെട്ടുകാണില്ല. അവളുടെ മനസിൽ വല്ലവരുമുണ്ടോയെന്ന് ചോദിക്കാൻ ശട്ടം കെട്ടിക്കാണില്ല.
Advertisements

Recent Posts