Advertisements

ഇന്ന് അഭയാർത്ഥികൾ നാളെ നമ്മൾ; ഫാസിസ്റ്റു നിയമങ്ങളുടെ ഓരോ തടവറകൾ ഒരുങ്ങിവരുന്നുണ്ട്

സിറിയയിൽയിൽ നിന്ന് ജർമ്മനിയിലേക്ക് നാലായിരം കി. മീ. ദൂരമുണ്ട്. എല്ലാം ഉപേക്ഷിച്ചു വെറും കയ്യോടെ നാലായിരം കി.മീ. താണ്ടി, സിറിയയിൽ നിന്നും ജർമ്മനിയിൽ എത്തിയ ആറര ലക്ഷം പേരെയാണ്, എട്ടേകാൽ കൂടിയുള്ള ജർമ്മൻ സമൂഹത്തിന്റെ ഭാഗമാക്കിയത്.

ഈ മനുഷ്യർ തെരുവിൽ നിൽക്കുന്നത് മനുഷ്യ വംശത്തിന് വേണ്ടി കൂടിയാണ്

ഇക്വഡോറിലെ പുയോ ക്രിമിനൽ കോടതി ഏതാനും മാസങ്ങൾക്ക് മുമ്പ് ഒരു വിധി പുറപ്പെടുവിച്ചിരുന്നു, ഒരുപക്ഷെ മനുഷ്യ വംശത്തിൽ തന്നെ സ്വാധീനം ചെലുത്താൻ കഴിയുന്ന കോടതി വിധി

‘എന്തൊക്കെ വന്നാലും കാശ്മീരിൽ സംഭവിച്ചു കൊണ്ടിരിക്കുന്ന കാര്യങ്ങൾ റിപ്പോർട്ട് ചെയ്യുന്നത് ഞങ്ങൾ തുടരും’

കാശ്മീരിലെ പല നിയന്ത്രണങ്ങളെയും മറികടന്നാണ് ഞങ്ങൾ റിപ്പോർട്ട് ചെയ്യുന്നത് അവിടെ നടക്കുന്ന സംഭവങ്ങൾ തെറ്റായി വ്യാഖ്യാനിച്ചു എന്ന ആരോപണം ശക്തമായി നിഷേധിക്കുന്നു, കൃത്യവും നിഷ്പക്ഷവും ആയി മാത്രമാണ് റിപ്പോർട്ട് ചെയ്യുന്നതെന്ന് പറഞ്ഞത് ബിബിസി ആണ്

ഇന്ത്യയുടെ മാറേണ്ട വിദേശ ബന്ധങ്ങൾ – ഇറാനുമായുള്ള ഇന്ത്യയുടെ ഇന്ധന വ്യാപാരത്തിൻറ്റെ പ്രസക്തി

ഇറാനുമായുള്ള സംഘർഷങ്ങളെ തുടർന്ന് ഗൾഫ് മേഖല സംഘർഷത്തിലേക്ക് പോവുകയാണെന്ന രീതിയിൽ വാർത്തകൾ വന്നതിന് പിന്നാലെ ആഗോള വിപണിയില് എണ്ണയുടെ വില ഇപ്പോൾ ഉയരുകയാണ്.

ചൈനക്കാർ മനുഷ്യനെ അപ്രത്യക്ഷനാക്കുന്ന വസ്ത്രം കണ്ടുപിടിച്ചെന്ന്

മനുഷ്യനെ അപ്രത്യക്ഷനാക്കാൻ സഹായിക്കുന്ന വസ്ത്രം കണ്ടെത്തി. ഒരു ചൈനീസ് ഓൺലൈൻ മാധ്യമം ആണ് ഈ വാർത്ത പുറത്തുവിട്ടിരിക്കുന്നത്. ഈ വിദ്യ മിലിട്ടറി സേനയ്ക്ക് ഉപയോഗപ്പെടുമെന്നും അവർ പറയുന്നു .

ലാൽ ബഹദൂർശാസ്ത്രിയുടെ മരണം – ദി താഷ്കന്റ് ഫയൽസ് – ചില നിഗൂഢ അജണ്ടകൾ

ഭാരതത്തിന്റെ രണ്ടാമത്തെ പ്രധാനമന്ത്രിയായ ലാൽ ബഹാദൂർ ശാസ്ത്രിയുടെ ദുരൂഹ മരണത്തെക്കുറിച്ച് വിവേക് അഗ്നിഹോത്രി സംവിധാനം ചെയ്ത ചിത്രമാണ് The Thashkent Files. ശാസ്ത്രിയുടെ മരണത്തിനു പുറകിലെ രഹസ്യങ്ങൾ ആദ്യമായി തുറന്നു കാണിക്കുന്നു എ

അമേരിക്ക ‘മാൻ ഓഫ് ദി മില്ലെനിയം’ആയി ആദരിച്ച ഇന്ത്യക്കാരനെ പക്ഷെ നമുക്കറിയില്ല !

അമേരിക്കൻ ഗവണ്മെന്റ് ആദരിച്ച ഒരു ഇന്ത്യക്കാരൻ ! പക്ഷേ നമ്മിൽ പലർക്കും ഇങ്ങനൊരു മഹദ് വ്യക്തിത്വത്തെ അറിയില്ല.

വ്യാപാരമാന്ദ്യം നേരിടുന്ന ദൈവങ്ങൾ

തീവ്രവാദി ആക്രമണവും പ്രകൃതി ദുരന്തവും പകർച്ച വ്യാധിയും ഒക്കെ ഉണ്ടായാൽ ദൈവങ്ങളെ ഉപേക്ഷിച്ച് മുങ്ങുന്ന ദൈവ കച്ചവടക്കാരെ യാ ണ് ലോകമെങ്ങും കാണുന്നത്.

മലയാളിയായ അമ്മ ആശുപത്രിയില്‍ ഉപേക്ഷിച്ച കുഞ്ഞ് ഇന്ന് സ്വിറ്റ്‌സര്‍ലന്‍ഡില്‍ എംപി..!

നിക്‌ളൗസ് സാമുവല്‍ ഗുഗ്ഗര്‍ എന്ന നിക്കിന്റെ ജീവിതമാണ് ആരെയും അതിശയപ്പെടു ത്തുന്നത്.അരനൂറ്റാണ്ടു മുന്‍പാണ് അനസൂയയെന്ന മലയാളി സ്ത്രീയുടെ മകനായി നിക് പിറന്നത്.

തീവ്രവാദത്തിന്റെ രാഷ്ട്രീയം

തീവ്രവാദികൾക്കും തീവ്രവാദ ഗ്രൂപ്പുകൾക്കും വ്യക്തമായ രാഷ്ട്രീയമുണ്ട്.. തീവ്രവാദി ഗ്രൂപ്പുകൾക്ക് പിന്നിൽ ശക്തമായ ഒരു ഭരണകൂടമുണ്ടാകും.. തീവ്രവാദി ഗ്രൂപ്പുകൾക്ക് കൃത്യമായ ലക്ഷ്യമുണ്ടാകും

ശ്രീലങ്കയിലെ കൂട്ടക്കുരുതി, കേരളത്തിനുള്ള പാഠങ്ങൾ

ഈസ്റ്റർ ദിവസം രാവിലെ ശ്രീലങ്കയിലെ ക്രിസ്ത്യൻ പള്ളികളിലും ഹോട്ടലുകളിലുമുണ്ടായ ഭീകരവാദി ആക്രമണത്തിൽ 290 പേർ മരിച്ചതായിട്ടാണ് ഇപ്പോഴത്തെ കണക്കുകൾ. അതിൽ ഇരട്ടിയോളം പേർക്ക് ഗുരുതരമായ പരിക്കേറ്റിട്ടുണ്ട്.

ചില അനുഭവങ്ങളെ മറക്കാൻ മോഹമുണ്ടാകും, മനുഷ്യനെപ്പോലെ ചില നാടുകൾക്കും !

ഒന്ന് മറക്കാൻ കഴിഞ്ഞെങ്കിൽ എന്നാഗ്രഹിക്കുന്ന ചില അനുഭവങ്ങളുണ്ടാവില്ലേ ആർക്കും?വ്യക്തികൾക്ക് മാത്രമല്ല, നാടുകൾക്കുമുണ്ടാവും അങ്ങനെ.

നസ്രത്ത് ജഹാൻ റാഫി ബംഗ്ലാദേശിന്റെ ‘നിർഭയ’യായി മാറുകയാണ്

കൊല്ലപ്പെടുമ്പോൾ 19 വയസ്സ് മാത്രമായിരുന്നു അവളുടെ പ്രായം. മണ്ണെണ്ണ ദേഹത്തൊഴിച്ചു തീ കൊളുത്തിയാണ് സഹപാഠികൾ കൊന്നത്. അവളുടെ നിലവിളി കേൾക്കാവുന്നത്ര അടുത്ത് സഹോദരൻ ഉണ്ടായിരുന്നു. പക്ഷേ കൊലയാളികൾ അവളുടെ അടുത്തെത്താൻ അയാളെ അനുവദിച്ചില്ല. 80 ശതമാനം പൊള്ളലേറ്റ താൻ വൈകാതെ മരിക്കുമെന്ന് അവൾക്കു ഉറപ്പുണ്ടായിരുന്നു. സഹോദരന്റെ മൊബൈൽ ഫോൺ വാങ്ങി അവൾ മരണമൊഴി രേഖപ്പെടുത്തി.

ചരിത്രത്തിലെ ഏറ്റവും പ്രായം കുറഞ്ഞ അമ്മ !

ഹോസ്പിറ്റലില്‍ അഡ്മിറ്റ് ചെയ്യപ്പെട്ട ലിന 1939 മേയ് പതിനാലിനു ആറുപൌണ്ട് തൂക്കമുള്ള തികച്ചും ആരോഗ്യവാനായ ഒരു കുഞ്ഞിനു സിസേറിയനിലൂടെ ജന്മം നല്‍കി. അപ്പോള്‍ ലിനയുടെ പ്രായം അഞ്ചുവയസ്സും ഏഴു മാസവും 21 ദിവസവും മാത്രമായിരുന്നു. അങ്ങിനെ ചരിത്രത്തിലെതന്നെ ഏറ്റവും പ്രായം കുറഞ്ഞ അമ്മ എന്ന ബഹുമതി ലിന മെദീനയ്ക്ക് സ്വന്തമായി.ഏറ്റവും വലിയ ആകസ്മികത എന്തായിരുന്നു എന്നുവച്ചാല്‍ അക്കൊല്ലത്തെ മദേര്‍സ് ഡേ ആ ദിവസമായിരുന്നു എന്നതാണ്. കുഞ്ഞുലിനയുടെ ഗര്‍ഭത്തിനുത്തരവാദി അവളുടെ അച്ഛനാണെന്ന സംശയത്താല്‍ പോലീസ് അയാളെ അറസ്റ്റു ചെയ്യുകയും ജയിലടയ്ക്കുകയും ചെയ്തു.

കെട്ടുകഥകളിൽ അഭിരമിക്കുന്ന മനുഷ്യരുടെ ലോകത്ത് ചരിത്രശേഷിപ്പുകൾ നഷ്ടമാകുന്നത് നിരാശാകരമാണ്

850 വർഷത്തോളം പഴക്കമുള്ള ഫ്രാൻസിലെ നേത്രദാം ദേവാലയ ഗോപുരം നവീകരണ പ്രവർത്തനങ്ങൾക്ക് ഇടയിൽ അഗ്നിക്കിരയായി. ഇരുന്നൂറ് വർഷത്തെ കൊണ്ട് പണിതു തീർത്ത പന്ത്രണ്ടാം നൂറ്റാണ്ടിൽ പണി പൂർത്തിയായ ഫ്രഞ്ച് വിപ്ലവത്തെ ഭാഗീകമായും, രണ്ടു ലോക മഹായുദ്ധങ്ങളെ പൂർണമായും അതിജീവിച്ച ദേവാലയമാണ് അഗ്നിക്കിരയായത്. യുദ്ധം, പ്രകൃതിക്ഷോഭം, ഭീകരാക്രമണം, ശ്രദ്ധക്കുറവ് തുടങ്ങി അനവധി കാരണങ്ങൾ മൂലം ചരിത്ര നിർമ്മിതികൾ പലപ്പോഴായി ഇല്ലായ്മ ചെയ്യപെടുന്നുണ്ട്. അതിൻ്റെ ലിസ്റ്റിലേക്ക് ഒന്നു കൂടി. മാസങ്ങൾക്ക് മുമ്പ് ബ്രസീലിൻ്റെ തലസ്ഥാന നഗരമായ റിയോ ഡി ജെനീറോയിൽ ഇരുന്നൂറ് വർഷത്തോളം പഴക്കമുള്ള നാഷ്ണൽ മ്യൂസിയം അഗ്നിക്കിരയായിരുന്നു. ഇരുപത് മില്ല്യണിൽ അധികം വരുന്ന ചരിത്ര അവശേഷിപ്പുകളാണ് നിമിഷനേരം കൊണ്ട് ഇല്ലാതായത്.

ഏത് ഇരുമ്പഴിയെ ഭേദിച്ചും സത്യം ഒരിക്കൽ ലോകമറിയും !

റോയിട്ടേഴ്‌സ് വാര്‍ത്താ ഏജന്‍സിയുടെ മ്യാന്‍മറിലെ റിപ്പോര്‍ട്ടര്‍മാരായ വാ ലോണും ക്യോ സോയി യൂവും വാര്‍ത്താ ശേഖരണത്തിനിടയിലാണ് ആ ഭീകര ദൃശ്യം കണ്ടത്. കുറേ മൃതശരീരങ്ങള്‍ കൂട്ടിയിട്ട ഒരു കുഴി. അതിനിടയില്‍നിന്ന് അസ്ഥികള്‍ പുറത്തുവന്നിട്ടുണ്ട്. തുടര്‍ന്ന് ഇരുവരും നടത്തിയ അന്വേഷണത്തില്‍ ഞെട്ടിക്കുന്ന വിവരങ്ങളാണ് ലഭിച്ചത്. രോഹിംഗ്യന്‍ മുസ്‌ലിംകളുടേതായിരുന്നു ആ മൃതശരീരങ്ങള്‍. ഇതുമായി ബന്ധപ്പെട്ട് ഗ്രാമവാസികള്‍ മൂന്ന് ചിത്രങ്ങള്‍ അവരെ കാണിച്ചു. രോഹിംഗ്യന്‍ വംശജരായ പത്ത് പുരുഷന്മാര്‍ കൈകള്‍ പുറകിലേക്ക് കൂട്ടിക്കെട്ടി മുട്ടുകുത്തി ഇരിക്കുന്നതായിരുന്നു ആദ്യ രണ്ട് ചിത്രങ്ങള്‍.

വയസ്സായവരെ എന്തു ചെയ്യണം?

വയസ്സായവരെ എന്തു ചെയ്യണം? ചോദ്യം കേട്ട് നെറ്റി ചുളിക്കാൻ വരട്ടെ. കഴിഞ്ഞ 100 വർഷം കൊണ്ട് മനുഷ്യന്റെ ആയുർദൈർഘ്യം ഇരട്ടിയിലധികമാണ് വർദ്ധിച്ചിരിക്കുന്നത്. കേരളത്തിലെ മുതിർന്ന പൗരൻമാരുടെ ശതമാനം 13 അടുത്താണ്. അത് പോകെപ്പോകെ കൂടിവരികയേ ഉളളൂ. പ്രായമായവർ വീടിന്റെ ഐശ്വര്യമാണ് എന്നത്രേ പ്രമാണം. പറഞ്ഞു വരുമ്പോൾ ശരിയാണ് "മുടിയിൽ നരചൂടാൻ കാലം കഴിയുക തന്നെ വേണം" - രാവണൻ (ലങ്കാലക്ഷ്മി - ശ്രീകണ്ഠൻ നായർ) ''ഭൂമിയിൽ ദീർഘകാലത്തോളം ജീവിച്ചിരിക്കാൻ നിന്റെ മാതാവിനെയും പിതാവിനെയും ബഹുമാനിപ്പിൻ " - ബൈബിൾ മഹദ്വചനങ്ങൾ എത്രയെങ്കിലുമുണ്ട് വൃദ്ധപൂജയുമായി ബന്ധപ്പെട്ട് ഉദ്ധരിക്കാൻ.

ആ ഇറ്റലിക്കാരിയായ പെൺകുട്ടിയുടെ ചോദ്യംകേട്ട് ഞാൻ നാടിനെയോർത്തു ലജ്ജിച്ചു

രാത്രി എട്ടു മണിക്ക് ശേഷം ഒറ്റയ്ക്ക് യാത്ര ചെയ്തിട്ടില്ലെന്നും കേട്ടിരിക്കെ,എല്ലാ സ്ത്രീകളും ഇങ്ങനെത്തന്നെയാണോ അവിടെ എന്ന് അവൾ അതിശയത്തോടെ ചോദിച്ചു.മിക്കവാറും ഏകദേശം 70. ശതമാനം ഇങ്ങനെയാണെന്നു എന്റെ മറുപടിയിൽ അവളുടെഅടുത്ത ചോദ്യം എന്നെ ഞെട്ടിച്ചു.അപ്പോ നിങ്ങൾ ആദിവാസികൾ ആണോ?ഏയ്‌ അല്ല.. അങ്ങനെയല്ല.. ഞങ്ങൾ പരിഷ്‌കൃതരാണ്.ഞാനൊരു ദുർബലമായ സ്വരത്തിൽ എതിർത്തു.ഭാഗ്യം അപ്പോഴേക്കും അവളുടെ ബോയ് ഫ്രണ്ട് വന്നു.അവൾ അവനെ എനിക്ക് പരിചയപ്പെടുത്തി തന്നുഎന്നോട് അനുവാദം ചോദിച്ചുകൊണ്ട് അവൾ അപ്പുറത്തെ സീറ്റിലേക്ക് പോകാനൊരുങ്ങിപെട്ടെന്ന് ഞാനവളുടെ കയ്യിൽ പിടിച്ചുകൊണ്ടു ചോദിച്ചുനിങ്ങൾ കല്യാണം കഴിക്കുമോ?തീർച്ചയായും.അവൾ കണ്ണുകൾ വിടർത്തി ചിരിച്ചു.വീട്ടിൽ എതിർത്തലോ?ഒരു തമാശ കേട്ടപോലെ അവൾ ഉറക്കെ ചിരിച്ചു.ആരും എതിര്ക്കില്ല്ല, ഇത് എന്റെ ജീവിതം, എന്റെ തീരുമാനം.ഇവിടെ അങ്ങനെയാണ്.എന്ന് പറഞ്ഞുകൊണ്ട് അവൾ പെട്ടെന്ന് അവനെ ചുംബിച്ചു.

തമോഗർത്തം അവർ കണ്ടുപിടിക്കട്ടെ നമുക്ക് ചാണകത്തിൽ നിന്നും പ്ലൂട്ടോണിയം വേർതിരിക്കാം

അഷ്ടഗ്രഹങ്ങളുമായി സൗരയൂഥ൦ വാണിരുന്ന ഇരുപതാം നൂറ്റാണ്ട് . സ്വന്തമായി വാനനിരീക്ഷണശാല ഉണ്ടായിരുന്ന , സമ്പന്നനായ ജ്യോതി ശാസ്ത്രജ്ഞൻ '' പെഴ്സിവൽ ലോവൽ '' -ന്റെ ചിന്താമണ്ഡലം നിറയെ ഒമ്പതാമന്റെ സാന്നിധ്യമായിരുന്നു . യുറാനസ് - നെപ്റ്റ്യൂൺ ദ്വയങ്ങളുടെ ഭ്രമണപഥം നിരീക്ഷിച്ചപ്പോ , അവയുടെ കറക്കങ്ങൾ അത്ര കൃത്യമല്ല എന്ന കാര്യം ലോവെൽ മനസ്സിലാക്കി

കറുത്ത സുന്ദരി

ലോകത്തെ ഏറ്റവും കറുത്ത സുന്ദരിയായ മോഡലാണ് Khoudia Diop (ഖൌഡിയ ദ്യോപ്).കറുത്ത നിറമുള്ളവരെ രണ്ടാം നിര പൌരന്മാരായി പുരാതന കാലം മുതല്‍ അകറ്റി നിര്‍ത്തിയിരുന്ന ലോകത്ത് അത്തരക്കാര്‍ക്ക്‌ ആത്മവിശ്വാസവും, പ്രേരണയുമാണ് Khoudia Diop എന്ന സെനഗല്‍ സുന്ദരി.ലോകത്ത് നിലനിന്നിരുന്ന അടിമവ്യവസായവും, ജാതിയുടെ പേരിലുണ്ടായിരുന്ന അടിച്ചമര്‍ത്തലുകളുമൊക്കെയായി മനുഷ്യന്‍റെ തൊലിയുടെ കറുപ്പുനിറം കെട്ടുപിണഞ്ഞു കിടക്കുന്നു.കറുത്ത വര്‍ഗ്ഗക്കാരോടുള്ള അവഗണനയും, അവജ്ഞയും ഒളിഞ്ഞും, തെളിഞ്ഞും ഇന്നും ലോകത്ത് പല ഭാഗങ്ങളിലും കാണാന്‍ കഴിയുന്നുണ്ട്. ഭാരതത്തിലും പരസ്യമായി ഇല്ലെങ്കിലും കാലാകാലങ്ങളായി നിലനിന്നിരുന്ന ഉച്ചനീചത്വത്തില്‍ അടിസ്ഥാനമാക്കിയ വര്‍ണ്ണ വിവേചനം ഇന്നും ചിലപ്പോഴൊക്കെ തലപൊക്കാറുണ്ട്. മാനസികമായ പരിപക്വത ആധുനികയുഗത്തിലും മനുഷ്യന് പൂര്‍ണ്ണമായി കൈവരിക്കാന്‍ കഴിഞ്ഞിട്ടില്ല എന്നതിന് തെളിവാണിത്.

“എന്നെ കൊന്നാലും നിങ്ങളുടെ തനിനിറം ലോകം അറിയും “

ലോകത്തെ ഒരു ശക്തിക്കും തകർക്കാനാവാത്ത അമേരിക്കയുടെ രഹസ്യ നിലവറകളിലെ അതീവ രഹസ്യ രേഖകളാണ് ജൂലിയന്‍ അസാഞ്ജി അനായാസം തകർത്ത് തെരുവിലേക്ക് വിതറിയിട്ടത്... ലോകമാകമാനമുള്ള രാജ്യങ്ങളിലെ അമേരിക്കയുടെ എംബസികൾ വഴി അതാത് രാജ്യങ്ങളുടെ രഹസ്യങ്ങൾ വാഷിങ്ടണിലേക്ക് ചോർത്തപ്പെടുന്നു എന്ന വാർത്തയും അതിന്റെ രേഖകളും ലോകം ഞെട്ടലോടെയാണ് കണ്ടത്... ഓസ്‌ട്രേലിയൻ പൗരനായ ജൂലിയന്‍ അസാഞ്ജിയായിരുന്നു രേഖകൾ സഹിതം

“വിശേഷം വല്ലതുമായോ പെണ്ണേ…”

1989ൽ അവര് ജനിച്ചുവീണപ്പൊ പെൺകുഞ്ഞാണല്ലോ, കഷ്ടമെന്ന് ആ മാതാപിതാക്കൾ ആലോചിച്ചിരിക്കില്ല. പ്രസവവിവരമറിഞ്ഞപ്പൊ പെണ്ണാണല്ലേ എന്ന് ബന്ധുക്കൾ സഹതപിച്ചുകാണില്ല. വളർന്നു വരുന്ന കുഞ്ഞു കാറ്റിയോട് മറ്റൊരു വീട്ടിൽ ചെന്നു കയറേണ്ടതാണെന്ന് കൂടെക്കൂടെ ഓർമിപ്പിച്ചുകാണില്ല. വിരുന്നിനു വരുന്ന അമ്മായി അടുക്കളയിൽ വച്ച് " അവക്ക് വെപ്പൊക്കെ അറിയാമോടിയേ " എന്ന് കുശുകുശുത്തുകാണില്ല. അവൾ കോളജിൽ ചെന്നപ്പൊ പെൺകൊച്ചിനെ അധികം പഠിപ്പിക്കണ്ട, വല്ലവൻ്റെയും കൂടെ ഇറക്കിവിടേണ്ടതല്ലേയെന്ന് വല്യപ്പനും വല്യമ്മയും ഉപദേശിച്ചുകാണില്ല. ഇരുപതു തികഞ്ഞപ്പൊ കല്യാണാലോചന തുടങ്ങിക്കാണില്ല. പ്രായം കൂടിയാൽ ചെക്കനെ കിട്ടില്ലെന്ന് പേടിച്ചുകാണില്ല. ഒന്നും ശരിയായില്ലേയെന്ന് ആശ്ചര്യപ്പെട്ടുകാണില്ല. അവളുടെ മനസിൽ വല്ലവരുമുണ്ടോയെന്ന് ചോദിക്കാൻ ശട്ടം കെട്ടിക്കാണില്ല.

എല്ലാവർക്കും വരുമാനം; യൂണിവേഴ്സൽ ബേസിക് പേ സാദ്ധ്യമാണോ ?

ലോകം മുഴുവൻ അസമത്വങ്ങൾ നമുക്ക് കാണാം. ഒരു കൂട്ടർ സമ്പത്തും, പ്രകൄതി വിഭവങ്ങളും സാമാഹരിച്ചു കൂട്ടുമ്പോൾ മറ്റൊരു വിഭാഗം പോവർട്ടി ട്രാപ്പിൽ നിന്ന് രക്ഷപെടാനാവാതെ ജീവിക്കുന്നു. ആധുനിക ധനതത്വശാസ്ത്ര തിയറികളെല്ലാം ഗ്യാരണ്ടി ചെയ്യുന്ന ഈ ട്രിക്കിൾ ഡൌണ് എല്ലായ്പ്പോഴും നടക്കണമെന്നില്ല. നവലിബറൽ സാമ്പത്തിക ശാസ്ത്ര മോഡലുകൾ മാത്രമല്ല, 20 ആം നൂറ്റാണ്ട് പരീക്ഷിച്ച ഒരു സാമ്പത്തിക മോഡലിനും ഈ പ്രകടമായ അസമത്വങ്ങൾ ഇല്ലാതാക്കാൻ സാധിച്ചിട്ടില്ല. കമ്യൂണിസം എന്ന ഇക്കണോമിക് മോഡലിനു പോലും അത് സാധിച്ചില്ല എന്ന് മനസ്സിലാക്കണം. ഇത് ആധുനിക ധനതത്വശാസ്ത്രജ്ഞരെ കുഴക്കുന്ന ഒരു പ്രഹേളിക ആയി ഇന്നും അവശേഷിക്കുന്നു.

ജൂലിയ, ഒരു മസിൽ ദേവതൈ !

ഞാനൊരു പത്രസ്ഥാപനത്തിൽ ജോലിചെയ്തിരുന്ന സമയത്താണ് സുഹൃത്തായ അഞ്ജു എന്ന ജേർണലിസ്റ്റ് റഷ്യൻ ബോഡി ബിൽഡർ ആയ ജൂലിയവിൻസിനെ കുറിച്ചുള്ള ഒരു ആർട്ടിക്കിൾ കേരളകൗമുദി ഓൺലൈനിൽ പ്രസിദ്ധീകരിക്കുന്നത്. (അക്കാലത്തു ഞാനും ബോഡി ബിൽഡിങ്ങിൽ കമ്പം കയറി നടക്കുകയായിരുന്നു) ബാർബി ഗേളിന്റെ മുഖച്ഛായയുള്ള ബോഡി ബിൽഡർ എന്നോ മറ്റോ ആയിരുന്നു തലക്കെട്ട്. ജൂലിയയ്ക്കു മുൻപും പേശികൾ പെരുകി അനവധി സ്ത്രീകൾ ലോകത്തിന്റെ നാനാഭാഗങ്ങളിൽ രംഗത്തുവന്നിരുന്നെകിലും ഈ മസിൽ സുന്ദരിയോടായിരുന്നു അഗാധമായ പ്രണയം.

സാർവ്വത്രിക ആരോഗ്യസേവനം എല്ലാവർക്കും എല്ലായിടത്തും

ലോകാരോഗ്യ സംഘടനയുടെ നേതൃത്വത്തിൽ ലോകമെമ്പാടും ഇന്ന് ലോകാരോഗ്യ ദിനം വിവിധ പരിപാടികളോടെ ആചരിക്കുന്നു. ലോകാരോഗ്യ സംഘടനയുടെ സ്ഥാപക ദിനമായ ഏപ്രിൽ 7 നു ലോകാരോഗ്യ ദിനമായി 1950 മുതൽ ആചരിച്ച് വരുന്നു. . ലോകജനതയിൽ ആരോഗ്യ ബോധം വളർത്തുന്നതിനും ആരോഗ്യമേഖല നേരിടുന്ന വെല്ലുവിളികൾ ഭരണാധികാരികളുടെയും ആസൂത്രണ ഏജൻസികളൂടെയും ശ്രദ്ധയിൽ കൊണ്ടുവരുന്നതിനുമാണ് ലോകാരോഗ്യ സംഘടന ലോകാരോഗ്യദിനത്തിൽ നടത്തുന്ന വിവിധ പ്രവർത്തനങ്ങളിലൂടെ ശ്രമിച്ച് വരുന്നത്.

മകളെ ലൈംഗികമായി പീഡിപ്പിച്ചവരിൽ ഒരാളെ വെട്ടിക്കൊന്ന ‘ലയൺ മമ്മ’

ദക്ഷിണാഫ്രിക്കക്കാരിയായ നൊകുബങ്ക ആ പേരിലാണ് അറിയപ്പെടുന്നത്.അതിന് വ്യക്തമായ കാരണവുമുണ്ട്.തൻ്റെ മകളെ ലൈംഗികമായി പീഡിപ്പിച്ച മൂന്നുപേരിൽ ഒരാളെ അവർ സംഭവസ്ഥലത്തുവെച്ചുതന്നെ വെട്ടിക്കൊന്നു ! മറ്റു രണ്ടുപേരെ സാരമായി മുറിവേൽപ്പിക്കുകയും ചെയ്തു ! ഈ അമ്മയുടെയും മകളുടെയും കഥ ലോകം മുഴുവൻ അറിഞ്ഞിരിക്കേണ്ടതാണ്.

രാജ്യത്തിന്റെ സമ്പത്തായ കുട്ടികളെ നമുക്ക് എങ്ങനെ സംരക്ഷിക്കാം?

യുകെയിലെ പത്രങ്ങളിലും ടീവിയിലുമൊക്കെ അന്നാ കുഞ്ഞിന്റെ പടവും വാർത്തകളും തുടർച്ചയായി വന്നിരുന്നതായും ഓർമ്മയുണ്ട്. കുഞ്ഞിന്റെ അമ്മയും അമ്മയുടെ കാമുകനുമായിരുന്നു ആ ദുഷ്ടതകൾക്കു പിറകിൽ. മേലത്തെ നിലയിൽ നിന്നും തൂക്കിയെറിഞ്ഞതുകൊണ്ടായിരുന്നു കുഞ്ഞിന്റെ നട്ടെല്ല് വരെ തകർന്നു പോയിരുന്നത്, കുഞ്ഞിന്റെ നഖങ്ങൾ പോലും വലിച്ചൂരിയെടുത്ത നിലയിലായിരുന്നു.

ബ്രെക്സിറ്റ്‌:ചുമ്മാ ചില ചോദ്യങ്ങൾ

“അല്ല , എംജി മാഷേ എങ്ങനെയാ, പുതിയ മതിൽ കെട്ടേണ്ടി വരുമോ? “ഇപ്പോൾ മതിലുകളുടെ കാലമാണല്ലോ എനിക്കറിയാം ചോദിക്കുന്നത് യൂറോപ്പിലെ പുതിയ മതിലിനെ കുറിച്ച് ആണെന്ന്. അതെ യൂറോപ്പിൽ പുതിയ മതിൽ വേണമോ വേണ്ടയോ എന്നുള്ള ചോദ്യം യൂറോപ്പിനെയും പ്രത്യേകിച്ച് യൂറോപ്യൻ യൂണിയനിലെ ഇപ്പോൾ അംഗമായ യുകെയും ആകെ പിടിച്ചുലച്ചിരിക്കുന്നു.“അല്ല മതിൽ വരുമോ, എവിടെയാണ് മതിൽ ?”മതിൽ വരേണ്ടത് അയർലൻഡ് റിപ്പബ്ലിക്കിനും നോർത്തേൺ അയർലൻഡ് നും ഇടയിലാണ്. എന്താണ് 2016 ജൂൺ ഇരുപത്തിമൂന്നാം തീയതി സംഭവിച്ചത് എന്ന് അറിയാമല്ലോ. യുകെയിൽ ചരിത്രം കുറിക്കുന്ന ഹിതപരിശോധന (referendum) നടന്നു. യുകെ യൂറോപ്യൻ യൂണിയനിൽ തുടരണമോ വേണ്ടയോ എന്നുള്ളതായിരുന്നു ചോദ്യം. 2016 ജൂൺ 24 വെള്ളിയാഴ്ച ഉറക്കമുണർന്ന യുകെ യും യൂറോപ്പും ലോകം മുഴുവനും ശരിക്കും ഒന്നു ഞെട്ടി.

അവരെപ്പോലെ ജനാധിപത്യത്തിലേക്ക് നമുക്കിനി എത്ര സഞ്ചരിക്കണം ?

കാനഡയാണ് പ്രധാനമന്ത്രി ജസ്റ്റിൻ ട്രൂഡോ ജനങ്ങളുമായി തുറന്ന ചർച്ചയിലാണ്.ഒരാൾ എഴുന്നേറ്റ് കുടിയേറ്റ വിരുദ്ധ വംശീയ മനോഭാവത്തെ തഴുകി സംസാരിച്ചു തുടങ്ങുന്നു.ഫ്രാൻസിൽ ഇതാണ് നടക്കുന്നത് ലോകം മുഴുവനും ഇതാണ് നടന്നു കൊണ്ടിരിക്കുന്നത് സാർ.Justin Trudeau : സോറി സാർ, എന്താണ് നടക്കുന്നത് ?ആ രണ്ട് സംസ്കാരങ്ങൾ തമ്മിൽ കൂട്ടിച്ചേരുന്നതിനെ ജനങ്ങൾ എതിരാണ്.Justin : ഏത് രണ്ട് സംസ്കാരങ്ങൾ ?ഇസ്ലാമും ക്രിസ്ത്യനും.ആ മറുപടി കേട്ട് ബഹളം വയ്ക്കുന്ന ആളുകളോട് ജസ്റ്റിൻ ട്രൂഡോ പറയുന്നത് കാനഡ ഒരു ജനാധിപത്യ രാജ്യമാണ്, പൗരൻമാർക്ക് അവരുടെ ചിന്തകൾ, അഭിപ്രായങ്ങൾ തുറന്നു പറയാൻ ചർച്ച ചെയ്യാൻ സ്വാതന്ത്ര്യം ഉണ്ടെന്ന ജനാധിപത്യ ബോധ്യം ഓർമ്മപ്പെടുത്തി കൊണ്ടാണ് ജസ്റ്റിൻ ട്രൂടോ ചോദ്യം ചോദിച്ച ആൾക്ക് തുടർന്നു മറുപടി നൽകുന്നത്.

ഇന്ത്യയുടെ ഉപഗ്രഹവേധ മിസൈൽ; ആവശ്യവും ആശങ്കയും

ബഹിരാകാശ ഗവേഷണ രംഗത്തെ മുന്നിര രാജ്യങ്ങളിലൊന്നാണ് ഇന്ത്യ. ഇപ്പോഴിതാ ബഹിരാകാശത്ത് രാജ്യം പ്രതിരോധ ശക്തിയും ഉറപ്പിക്കുകയാണ്. ഉപഗ്രങ്ങളെ വീഴ്ത്തുന്ന ഉപഗ്രഹവേധ അഥവാ ആന്റി സാറ്റലൈറ്റ് (എസാറ്റ് )മിസൈൽ വിജയകരമായി പരീക്ഷിച്ചുവെന്ന് പ്രധാനമന്ത്രി നരേന്ദ്രമോദിയാണ് നാടിനെ അറിയിച്ചത്. ഇന്ത്യ സ്വന്തമായി വികസിപ്പിച്ച മിസൈലാണ് പരീക്ഷിച്ചത്. മിഷൻ ശക്തി എന്ന ദൗത്യം മിനിറ്റുകൊണ്ടാണ് ബഹിരാകാശത്ത് ലക്ഷ്യം വെച്ച ഉപഗ്രഹത്തെ തകർത്തത്.തന്ത്രപരമായ സൈനിക ആവശ്യങ്ങൾക്കായി ശത്രുരാജ്യങ്ങൾ ഉപയോഗിക്കുന്ന ഉപഗ്രഹങ്ങളെ തകർക്കുന്നതിനായാണ് എ സാറ്റ് ആയുധങ്ങൾ ഉപയോഗിക്കുന്നത്. നിരവധി രാജ്യങ്ങൾ ഇത് കൈവശം വെക്കുന്നുണ്ട്.
Advertisements

Recent Posts