ഒരാൾ എന്നെ ഉപദ്രവിച്ചപ്പോൾ അനുഭവിച്ച ഒറ്റപ്പെടൽ അവൾ അനുഭവിക്കരുത്

ഒരു സാമൂഹ്യജീവിയെന്ന ബോധം നമ്മിൽ എത്രപേർക്കുണ്ട് ? നമ്മിൽ എത്രപേർക്ക് ഈ സമൂഹത്തോട് പ്രതിബദ്ധതയുണ്ട് ? എന്തും നാം അനുഭവിക്കുന്നതുവരെ അവയൊന്നും നമ്മെ ബാധിക്കില്ല എന്ന വിചാരത്തോടെയാകും നടക്കുന്നത്. സഹജീവികളിൽ നമുക്കെത്രമാത്രം കെയർ ഉണ്ട് ?

മലയാളിയുടെ പുച്ഛം കളഞ്ഞ് കിട്ടിയൊരു നാണയമല്ല, തലമുറകൾ ഊതിക്കാച്ചിയെടുത്തതാണ്

നിർഭയത്വം, അഹന്ത, തന്റേടം, ആത്മവീര്യം, അഞ്ചലത, കേട്ടാൽ വേറിട്ടിരിക്കുന്ന കുറെ വാക്കുകൾ മാത്രം. ഇതെല്ലാം കൂട്ടി ഇടിച്ച് പിഴിഞ്ഞെടുത്താൽ അവശേഷിക്കുന്നത് അഗാധമായൊരു പുച്ഛരസമാണ്. അതിന്റെ ഒരു വശം കരുണമാണെങ്കിൽ മറുവശം ക്രൂരമാണ്. മലയാളിയുടെ പുച്ഛം കളഞ്ഞ് കിട്ടിയൊരു നാണയമല്ല, തലമുറകൾ ഊതിക്കാച്ചിയെടുത്തതാണ്.

മനുഷ്യന് ഭക്ഷണം കൊടുക്കാതെ പീഡിപ്പിച്ചു കൊല്ലുന്നതാകണോ ജയിലുകൾ ?

തൊടുപുഴയിൽ രണ്ടാനച്ഛന്റെ ക്രൂരമായ പീഡനമേറ്റു ബാലൻ മരിക്കാനുണ്ടായ സാഹചര്യം ഇപ്പോഴും ദുഃഖത്തോടെയല്ലാതെ ആരും ഓർക്കുന്നുണ്ടാകില്ല. പ്രതിയായ അരുൺ എന്ന നരാധമനെ ജയിലടയ്ക്കുകയുണ്ടായി. ചപ്പാത്തിയും മട്ടനും കഴിച്ചു പ്രതി ജയിലിൽ സസുഖം വാഴുന്നു എന്നുള്ള മാധ്യമറിപ്പോർട്ടുകൾ വായിച്ചു ജനങ്ങൾ രോഷംകൊണ്ടു. തിന്നു ചീർത്തു ക്രിമിനലുകൾ ജയിലിൽ സുഖമായി ഉറങ്ങുമ്പോൾ സ്‌കൂളുകളിൽ കുഞ്ഞുങ്ങൾക്ക് കഞ്ഞിയും പയറും കഴിച്ചു തൃപ്തരാകേണ്ടിവരുന്നു

മതം കുത്തികയറ്റുന്നത് വരെ കുട്ടികൾ യുക്തിയോടെ ചിന്തിക്കുന്നു

കേൾവിയും, കാഴ്ചയും ഉറക്കുന്നതോടെ അവർ അത്ഭുതങ്ങളുടെ ലോകത്തെ സാകൂതം നിരീക്ഷിച്ചു തുടങ്ങും .. നാവു വഴങ്ങുമ്പോൾ ചോദ്യങ്ങൾ ചോദിക്കുന്നു.. നാം കൊടുക്കുന്ന ഉത്തരങ്ങൾ ശെരിയാണെങ്കിലും, തെറ്റാണെങ്കിലും അവർ വീണ്ടും ചോദ്യങ്ങൾ ആവർത്തിക്കും.. ഉത്തരങ്ങളിൽ നിന്ന് അവർ പുതിയ ചോദ്യങ്ങളുണ്ടാകുന്നു.. പുതിയ അറിവിനെ ശാസ്ത്രം ഇഴകീറി പരിശോധിച്ച്, പരീക്ഷണ നീരിക്ഷങ്ങളോടെ, ഉറപ്പുവരുത്തുന്ന അതേ പ്രക്രിയ പോലെയാണ് കുട്ടികൾ കാര്യങ്ങളെ നിരീക്ഷിക്കുന്നത്? സംശയങ്ങളാണ് അവരെ വളർത്തുന്നത്.. നാമാകട്ടെ അവരുടെ ചോദ്യങ്ങളെ കളിയാക്കുന്നു, ഉത്തരം അറിയില്ലെങ്കിൽ ദേഷ്യപെടുന്നു, അറിവില്ലാത്തതൊക്കെ ദൈവത്തിന്റെ ശക്തിയെന്ന് പറഞ്ഞൊഴിയുന്നു

സ്ത്രീകൾ ഭർതൃവീട്ടിലെ അഭയാർത്ഥികളാണോ ?

സ്വന്തം വീട്ടിൽ നിന്നും വിവാഹത്തോടെ ഭർതൃ വീട്ടിലേക്ക് താമസം മാറേണ്ടി വരുന്ന സ്ത്രീകൾ ഒരർത്ഥത്തിൽ അഭയാർത്ഥികളാണ്. ചെന്നുകേറുന്ന വീട്‌ സ്വന്തം പോലെ കരുതണം എന്ന് ചെറുപ്പം മുതൽ കണ്ടിഷൻ ചെയ്യപ്പെടുന്നവരാണ് സ്ത്രീകൾ. പക്ഷെ പ്രായോഗികമായി എത്രമാത്രം സാധ്യമാണിത് ?ഒത്തൊരുമയോടെ അങ്ങ് കഴിഞ്ഞു പോയാൽ പോരെ എന്ന് കാരണവർ ചമയുന്നവരാണാധികവും. വീടെന്നാൽ ചാരുകസേരയും ചായക്കോപ്പയും ആണെന്ന് ധരിച്ചുവെച്ചവർക്ക് അങ്ങിനെ പറയാം.

ജീവിതത്തിൽ പ്രാവർത്തികമാക്കാൻ ഒരമ്മ മകൾക്കുനൽകുന്ന 10 നിർദ്ദേശങ്ങൾ

പത്തു വയസ്സാവുമ്പോഴേക്കും കല്യാണം,കെട്ട്യോന്‍, കുട്ടികള്‍, ആണ് ഒരു പെണ്ണിന്റെ ജീവിത ലക്‌ഷ്യം എന്നും കല്ലാനാലും കണവന്‍, പുല്ലാനാലും പുരുഷന്‍ എന്നൊക്കെയുള്ള ആപ്തവചനങ്ങള് മനപാഠമാവുന്ന വരെ ചൊല്ലിക്കൊടുക്കുകയും, ഭര്‍ത്താവിന്റെ വീട്ടില്‍ തനിക്കു ബുദ്ധിമുട്ടുണ്ടെന്ന് പറയുമ്പോള്‍‍, അവളുടെ വാക്ക് വിശ്വസിക്കുന്നതിന് പകരം അയാള്‍ ആവശ്യപ്പെടുന്ന ദ്രവ്യങ്ങള്‍ കൊടുത്ത് മകളെ അറവുശാലയിലേക്ക് തിരിച്ചയക്കുന്നതിലും നല്ലത് വയറ്റില്‍ വച്ചോ , ജനിക്കുമ്പോള്‍ തന്നെയോ കൊന്നു കളയുന്നതല്ലേ?

പോസ്റ്റ്പാർട്ടം ഡിപ്രഷൻ ഒരു സത്യമാണ്, മനസിലാക്കുക

തുടരെ തുടരെയുണ്ടായ രണ്ടു നഷ്ടങ്ങൾ.. അതുണ്ടാക്കിയ മാനസികവും ശാരീരികവുമായ മുറിവുകൾ എല്ലാം ഉണങ്ങി എന്നു തോന്നിയപ്പോഴാണ്‌ ഒരിക്കൽ കൂടി ഗർഭിണിയായത്‌. സന്തോഷം നിറയേണ്ടുന്ന നാളുകൾ. പക്ഷെ സംഭവിച്ചത്‌ അതല്ല. മുൻകാല മുറിവുകൾ ഒരു ഒഴിയാബാധ പോലെ പിടികൂടി. ഓരോ സെക്കന്റിലും ഭയം മാത്രം. തീയിലൂടെ നടക്കുമ്പോലെ. പിടിവിട്ടു പോകുന്ന ചിന്തകളെ അതിജീവിക്കാൻ ഓഫീസിൽ കൂടുതൽ ജോലികളേറ്റെടുത്തു. വിശ്രമമില്ലാതെ പണിയെടുത്തു. ഗർഭിണിയാണ്‌ എന്ന്‌ എന്ന കാര്യം പോലും മറക്കാൻ ശ്രമിച്ചു. പ്രസവിക്കുന്നതിന്റെ തലേന്നു വരെ ജോലിക്കു പോയത്‌ അസാമാന്യ ധൈര്യം കൊണ്ടൊന്നുമല്ല.

വിശ്വാസങ്ങളുടെ പേരില്‍ മണ്ടത്തരങ്ങള്‍ കാണിക്കാന്‍ മലയാളികള്‍ കേമന്മാരാണല്ലോ

കണിക്കൊന്ന പൂത്തൊഴിഞ്ഞത് കൊന്നക്ക് വട്ടായത് കൊണ്ടല്ല വിഷു (സമരാത്രദിനം) എന്നോ കഴിഞ്ഞു. മാര്‍ച്ച് 21ന്. തെറ്റിയത് വിഷു ആഘോഷിക്കുന്നവര്‍ക്കാണ്. എന്നോ കഴിഞ്ഞുപോയ വിഷു... ഏപ്രില്‍ 14 വച്ചുള്ള പഞ്ചാംഗവും വിഷു ആഘോഷവും.. എന്താണ് വിഷു..??? രാത്രിയും പകലും തുല്യമായ ദിവസം. വർഷത്തിൽ 6 മാസ ഇടവേളകളിൽ രണ്ടു ദിവസങ്ങൾ രാവും പകലും തുല്യമാണ്. സൂര്യ പഥവും ഖഗോള മധ്യരേഖയും സന്ധിക്കുന്ന ബിന്ദുവില്‍ സൂര്യന്‍ എത്തുന്നതാണ് കാരണം. അതായത് കൃത്യം ഭൂമധ്യരേഖക്ക് നേ൪മുകളില്‍ സൂര്യന്‍ വരുന്ന ദിവസങ്ങള്‍. മറ്റു ദിവസങ്ങളിൽ രാവും പകലും തമ്മിലുള്ള സമയ ദൈര്‍ഘ്യം വ്യത്യാസപ്പെട്ടിരിക്കും. ഭൂമിയുടെ അച്ചുതണ്ടിന്റെ ചെരിവാണിതിന് കാരണം. ഇൗ കാരണത്താലുള്ള അയന ചലനങ്ങളാണ് കാലാവസ്ഥക്ക് അടിത്തറ. മേടം 1 ന് സൂര്യൻ കൃത്യം കിഴക്കുദിച്ച് പടിഞ്ഞാറ് അസ്തമിക്കും.

പാരന്റിംഗ് അഥവാ രക്ഷാകർതൃത്വത്തെ കുറിച്ച് നിങ്ങൾ നിർബന്ധമായി അറിയേണ്ടത്

പാരന്റിംഗ് എന്നു തുടങ്ങണം , എന്നു നിങ്ങൾക്കൊരു രക്ഷിതാവ് ആവണം എന്നുള്ളത് , അത് സ്ത്രീ ആയാലും പുരുഷൻ ആയാലും നിങ്ങളുടെ മാത്രം ചോയിസും തീരുമാനവും ആണെന്നുള്ള കാര്യം ആദ്യം മനസ്സിലാക്കുക . പാരന്റിംഗ് എന്നുള്ളത് വലിയൊരു ഉത്തരവാദിത്തവും , കടമയുമാണ് . അതിൽ നാട്ടുനടപ്പിനോ , ബന്ധുക്കളുടെ ചോദ്യങ്ങൾക്കോ അല്ല പ്രാധാന്യം കൊടുക്കേണ്ടത് . മറിച്ച് , മാനസികവും , ശാരീരികവുമായ നിങ്ങളുടെ തയ്യാറെടുപ്പിനാണ് സ്ഥാനമുള്ളത് . കുഞ്ഞു ഗര്ഭപാത്രത്തിനു ഉള്ളിരിക്കുമ്പോൾ തന്നെ പാരന്റിംഗ് ആരംഭിക്കാം . അത് സ്ത്രീയുടെ മാത്രം ഉത്തരവാദിത്തമല്ല . നല്ല മാനസികാന്തരീക്ഷം , പോഷകാഹാരം , ആവശ്യമുള്ള വൈദ്യ സഹായം എന്നിവ പങ്കാളിക്ക് ഒരുക്കിക്കൊടുക്കുക എന്നുള്ളത് വളരെ പ്രാധാന്യമർഹിക്കുന്ന ഒന്നാണ്

വയസ്സായവരെ എന്തു ചെയ്യണം?

വയസ്സായവരെ എന്തു ചെയ്യണം? ചോദ്യം കേട്ട് നെറ്റി ചുളിക്കാൻ വരട്ടെ. കഴിഞ്ഞ 100 വർഷം കൊണ്ട് മനുഷ്യന്റെ ആയുർദൈർഘ്യം ഇരട്ടിയിലധികമാണ് വർദ്ധിച്ചിരിക്കുന്നത്. കേരളത്തിലെ മുതിർന്ന പൗരൻമാരുടെ ശതമാനം 13 അടുത്താണ്. അത് പോകെപ്പോകെ കൂടിവരികയേ ഉളളൂ. പ്രായമായവർ വീടിന്റെ ഐശ്വര്യമാണ് എന്നത്രേ പ്രമാണം. പറഞ്ഞു വരുമ്പോൾ ശരിയാണ് "മുടിയിൽ നരചൂടാൻ കാലം കഴിയുക തന്നെ വേണം" - രാവണൻ (ലങ്കാലക്ഷ്മി - ശ്രീകണ്ഠൻ നായർ) ''ഭൂമിയിൽ ദീർഘകാലത്തോളം ജീവിച്ചിരിക്കാൻ നിന്റെ മാതാവിനെയും പിതാവിനെയും ബഹുമാനിപ്പിൻ " - ബൈബിൾ മഹദ്വചനങ്ങൾ എത്രയെങ്കിലുമുണ്ട് വൃദ്ധപൂജയുമായി ബന്ധപ്പെട്ട് ഉദ്ധരിക്കാൻ.

കേരളീയരുടെ വിഷുവും കാലംതെറ്റി പൂക്കുന്ന കണിക്കൊന്നയും

ഭൂമിശാസ്ത്രപരമായും ജ്യോതിശ്ശാസ്ത്രപരമായും വളരെയധികം പ്രാധാന്യമാണ് വിഷുവിനുള്ളത്. "വിഷു' എന്ന പദത്തിനര്‍ത്ഥം തുല്യാവസ്ഥയോടു കൂടിയത് എന്നാണ്. രാവും പകലും തുല്യമായി വരുന്ന ദിനങ്ങളാണ് വിഷുദിനങ്ങള്‍. ഓരോ വര്‍ഷവും ഇപ്രകാരം രണ്ട് ദിവസങ്ങളുണ്ട്. ഒരു രാശിയിൽനിന്നും അടുത്ത രാശിയിലേക്ക് സൂര്യൻ പോകുന്നതിനെ സംക്രാന്തി എന്നു പറയുന്നു. സംക്രാന്തികളിലെ പ്രധാനമായത് മഹാവിഷു എന്നും പറയുന്നു. ഈ വിശേഷ ദിവസങ്ങൾ പണ്ടു മുതലേ ആഘോഷിച്ചു വരുന്നുണ്ടാവണം. സംഘകാലത്ത് ഇതിനെക്കുറിച്ച് പരാമർശങ്ങൾ പതിറ്റുപത്ത് എന്ന് കൃതിയിൽ ഉണ്ട്. എന്നാൽ വർഷാരംഭമായി കേരളത്തിൽ ആചരിക്കുന്നത് ഒരു പക്ഷേ കൊല്ലവർഷാരംഭത്തോടെ ആയിരിക്കണം. വിഷുവങ്ങളിൽ പ്രധാനമായ മഹാവിഷു ഇപ്പൊൾ 24 ദിവസത്തോളം പിന്നിലാണ്‌. ഭൂമിയുടെ അച്ചുതണ്ടിന്റെ പുരസ്സരണം ആണ് ഇതിന്‌ കാരണം.

ആ ഇറ്റലിക്കാരിയായ പെൺകുട്ടിയുടെ ചോദ്യംകേട്ട് ഞാൻ നാടിനെയോർത്തു ലജ്ജിച്ചു

രാത്രി എട്ടു മണിക്ക് ശേഷം ഒറ്റയ്ക്ക് യാത്ര ചെയ്തിട്ടില്ലെന്നും കേട്ടിരിക്കെ,എല്ലാ സ്ത്രീകളും ഇങ്ങനെത്തന്നെയാണോ അവിടെ എന്ന് അവൾ അതിശയത്തോടെ ചോദിച്ചു.മിക്കവാറും ഏകദേശം 70. ശതമാനം ഇങ്ങനെയാണെന്നു എന്റെ മറുപടിയിൽ അവളുടെഅടുത്ത ചോദ്യം എന്നെ ഞെട്ടിച്ചു.അപ്പോ നിങ്ങൾ ആദിവാസികൾ ആണോ?ഏയ്‌ അല്ല.. അങ്ങനെയല്ല.. ഞങ്ങൾ പരിഷ്‌കൃതരാണ്.ഞാനൊരു ദുർബലമായ സ്വരത്തിൽ എതിർത്തു.ഭാഗ്യം അപ്പോഴേക്കും അവളുടെ ബോയ് ഫ്രണ്ട് വന്നു.അവൾ അവനെ എനിക്ക് പരിചയപ്പെടുത്തി തന്നുഎന്നോട് അനുവാദം ചോദിച്ചുകൊണ്ട് അവൾ അപ്പുറത്തെ സീറ്റിലേക്ക് പോകാനൊരുങ്ങിപെട്ടെന്ന് ഞാനവളുടെ കയ്യിൽ പിടിച്ചുകൊണ്ടു ചോദിച്ചുനിങ്ങൾ കല്യാണം കഴിക്കുമോ?തീർച്ചയായും.അവൾ കണ്ണുകൾ വിടർത്തി ചിരിച്ചു.വീട്ടിൽ എതിർത്തലോ?ഒരു തമാശ കേട്ടപോലെ അവൾ ഉറക്കെ ചിരിച്ചു.ആരും എതിര്ക്കില്ല്ല, ഇത് എന്റെ ജീവിതം, എന്റെ തീരുമാനം.ഇവിടെ അങ്ങനെയാണ്.എന്ന് പറഞ്ഞുകൊണ്ട് അവൾ പെട്ടെന്ന് അവനെ ചുംബിച്ചു.

കറുത്ത സുന്ദരി

ലോകത്തെ ഏറ്റവും കറുത്ത സുന്ദരിയായ മോഡലാണ് Khoudia Diop (ഖൌഡിയ ദ്യോപ്).കറുത്ത നിറമുള്ളവരെ രണ്ടാം നിര പൌരന്മാരായി പുരാതന കാലം മുതല്‍ അകറ്റി നിര്‍ത്തിയിരുന്ന ലോകത്ത് അത്തരക്കാര്‍ക്ക്‌ ആത്മവിശ്വാസവും, പ്രേരണയുമാണ് Khoudia Diop എന്ന സെനഗല്‍ സുന്ദരി.ലോകത്ത് നിലനിന്നിരുന്ന അടിമവ്യവസായവും, ജാതിയുടെ പേരിലുണ്ടായിരുന്ന അടിച്ചമര്‍ത്തലുകളുമൊക്കെയായി മനുഷ്യന്‍റെ തൊലിയുടെ കറുപ്പുനിറം കെട്ടുപിണഞ്ഞു കിടക്കുന്നു.കറുത്ത വര്‍ഗ്ഗക്കാരോടുള്ള അവഗണനയും, അവജ്ഞയും ഒളിഞ്ഞും, തെളിഞ്ഞും ഇന്നും ലോകത്ത് പല ഭാഗങ്ങളിലും കാണാന്‍ കഴിയുന്നുണ്ട്. ഭാരതത്തിലും പരസ്യമായി ഇല്ലെങ്കിലും കാലാകാലങ്ങളായി നിലനിന്നിരുന്ന ഉച്ചനീചത്വത്തില്‍ അടിസ്ഥാനമാക്കിയ വര്‍ണ്ണ വിവേചനം ഇന്നും ചിലപ്പോഴൊക്കെ തലപൊക്കാറുണ്ട്. മാനസികമായ പരിപക്വത ആധുനികയുഗത്തിലും മനുഷ്യന് പൂര്‍ണ്ണമായി കൈവരിക്കാന്‍ കഴിഞ്ഞിട്ടില്ല എന്നതിന് തെളിവാണിത്.

പെൺകുട്ടികൾക്ക് രക്തദാനത്തെക്കുറിച്ചുള്ള തെറ്റിദ്ധാരണ ആർത്തവസംബന്ധമായതാണോ ?

2015 ഇൽ ഡിഗ്രിക്ക് പഠിക്കുമ്പോഴാണ് ആദ്യമായ് രക്തം ദാനം ചെയ്തത്. അതൊരു രക്തദാനക്യാമ്പ് ആയിരുന്നു. അറുപതോളം കുട്ടികൾ ഉണ്ടായിരുന്ന, അതിൽ പകുതിയിൽ ഏറെ പെൺകുട്ടികൾ ആയിരുന്ന ആ ക്ലാസ്സിൽ നിന്നും ഇഷ്ടം പോലെ ആൺകുട്ടികൾ രക്തം ദാനം ചെയ്തപ്പോൾ വെറും രണ്ടേ രണ്ട് പെൺകുട്ടികളാണ് രക്തം ദാനം ചെയ്തത്. ഞാനും എന്റെ ഒരു കൂട്ടുകാരിയും. ഇന്ന് ആർ സി സിയിൽ ബ്ലഡ് ഡൊണേറ്റ് ചെയ്യാൻ പോയപ്പോൾ അവിടെ വെച്ച് ഒരു നേഴ്സ് ഫ്രണ്ടിനെ പരിചയപ്പെട്ടു. വളരെ കുറച്ച് പെൺകുട്ടികൾ മാത്രമെ ബ്ലഡ് കൊടുക്കാൻ വരാറുളളൂ അത്രേ! ഒന്ന് നിരീക്ഷിച്ച് നോക്കിയപ്പോൾ സംഗതി ശരിയാണ് എന്റെ കൂടെ ആ റൂമിൽ ബ്ലഡ് കൊടുക്കാനായി അടുത്തു കിടന്നവരിൽ ഒരു പെൺകുട്ടി പോലും ഉണ്ടായിരുന്നില്ല.

“വിശേഷം വല്ലതുമായോ പെണ്ണേ…”

1989ൽ അവര് ജനിച്ചുവീണപ്പൊ പെൺകുഞ്ഞാണല്ലോ, കഷ്ടമെന്ന് ആ മാതാപിതാക്കൾ ആലോചിച്ചിരിക്കില്ല. പ്രസവവിവരമറിഞ്ഞപ്പൊ പെണ്ണാണല്ലേ എന്ന് ബന്ധുക്കൾ സഹതപിച്ചുകാണില്ല. വളർന്നു വരുന്ന കുഞ്ഞു കാറ്റിയോട് മറ്റൊരു വീട്ടിൽ ചെന്നു കയറേണ്ടതാണെന്ന് കൂടെക്കൂടെ ഓർമിപ്പിച്ചുകാണില്ല. വിരുന്നിനു വരുന്ന അമ്മായി അടുക്കളയിൽ വച്ച് " അവക്ക് വെപ്പൊക്കെ അറിയാമോടിയേ " എന്ന് കുശുകുശുത്തുകാണില്ല. അവൾ കോളജിൽ ചെന്നപ്പൊ പെൺകൊച്ചിനെ അധികം പഠിപ്പിക്കണ്ട, വല്ലവൻ്റെയും കൂടെ ഇറക്കിവിടേണ്ടതല്ലേയെന്ന് വല്യപ്പനും വല്യമ്മയും ഉപദേശിച്ചുകാണില്ല. ഇരുപതു തികഞ്ഞപ്പൊ കല്യാണാലോചന തുടങ്ങിക്കാണില്ല. പ്രായം കൂടിയാൽ ചെക്കനെ കിട്ടില്ലെന്ന് പേടിച്ചുകാണില്ല. ഒന്നും ശരിയായില്ലേയെന്ന് ആശ്ചര്യപ്പെട്ടുകാണില്ല. അവളുടെ മനസിൽ വല്ലവരുമുണ്ടോയെന്ന് ചോദിക്കാൻ ശട്ടം കെട്ടിക്കാണില്ല.

ഗര്‍ഭപാത്രമില്ലാത്ത സ്ത്രീകളുടെ നാട് !

ഗര്‍ഭപാത്രമില്ലാത്ത സ്ത്രീകളുടെ നാടോ? കേട്ടുകേള്‍വി പോലുമില്ലാത്ത ഒരു സംഭവം അല്ലേ? അതെ സത്യമാണ്. മഹാരാഷ്ട്രയിലെ ബീഡ് ജില്ലയില്‍ കരിമ്പ് തോട്ടങ്ങളില്‍ ജോലി ചെയ്യുന്ന സ്ത്രീകളെക്കുറിച്ചാണ് പറയുന്നത്. ജന്മനാ ഗര്‍ഭപാത്രമില്ലാതെ ജനിക്കുന്നവരല്ല ഇവര്‍. ജോലിക്ക് വേണ്ടി, ഉപജീവനത്തിന് വേണ്ടി ഗര്‍ഭപാത്രം നീക്കം ചെയ്തവര്‍. മറ്റ് മാര്‍ഗങ്ങളേതും മുന്നിലില്ലാതിരിക്കുമ്പോള്‍ മനസില്ലാമനസോടെ ഈ ക്രൂരതയ്ക്ക് വേണ്ടി സ്വയം പാകപ്പെടുത്തുന്നവര്‍.

പിറന്നാൾ സമ്മാനമായി ഭാര്യയെ ഗ്രീസിലേക്കു സോളോ ട്രിപ്പിന് വിട്ട മലയാളി !

നിനക്ക് എന്താ അതിനു മാത്രം ഈ വീട്ടിൽ പണി ഉള്ളത്"…?പാത്തുവിനെ ദേഷ്യം പിടിപ്പിക്കാൻ വേണ്ടി ഞാൻ ഇടക്ക് പറയുന്ന ഡയലോഗ് ആയിരുന്നു അത്.അതിനു എപ്പോഴും പാത്തു മറുപടി പറയും,"ഇവിടെ മൂന്ന് മക്കളെയും നോക്കി വീട്ടിൽ ഞാൻ ഇല്ലാതെ കുറച്ചു ദിവസം ഒറ്റക് ഇരുന്നു നോക്ക്, അപ്പോൾ മനസിലാവും അതിന്റെ കഷ്‌ടപ്പാട്‌"അങ്ങനെ ഇരിക്കുമ്പോൾ ആണ് പാത്തുവിന്റെ ജന്മദിനം വന്നത്, പിറന്നാളിന് സമ്മാനം ഒന്നും കൊടുത്തില്ലെങ്കിൽ തലയ്ക്കു ഒലക്ക കൊണ്ട് അടി കിട്ടും എന്ന് ഉറപ്പുള്ള ഞാൻ ഇരുന്നു ആലോചിച്ചു,"എന്ത് സമ്മാനം ആണ് കൊടുക്കേണ്ടത്"?അപ്പോഴാണ് ആ ആശയം മനസ്സിൽ വന്നത്, പാത്തുവിനെ ഒരു സോളോ ട്രിപ്പിന് അയക്കുക, ജനിച്ച ദിവസം തന്നെ ഈ ലോകത്തു യാതൊരു വിധ ചുമലതകളും ടെൻഷനും ഇല്ലാതെ ഒരു ഫ്രീ ബേർഡ് ആയി പാറി പറന്നു നടക്കുക.

കൗമാരക്കാരികളുടെ മാതാപിതാക്കളുടെ ശ്രദ്ധക്ക്

കൗമാരക്കാരികളുടെ മാതാപിതാക്കളുടെ ശ്രദ്ധക്ക്, നിങ്ങൾക്ക് പതിനാലിനും പതിനേഴിനും ഇടയ്ക്ക് പ്രായമുള്ള ഒരു മകൾ ഉണ്ടെന്നിരിക്കട്ടെ. അവൾ കാണാൻ തരക്കേടില്ലാത്താവളും അത്യാവശ്യം ശരീരവളർച്ചയുള്ളവളും ആണെന്നു വയ്ക്കുക . ഒരുപക്ഷെ വേറെയും ഒന്നോ രണ്ടോ മക്കൾ ഉണ്ടാവാം നിങ്ങൾക്ക് . ഒരു ദിവസം രാത്രി യാദൃച്ഛികമായി അവളുടെ കിടപ്പുമുറിയിൽ പ്രവേശിച്ച നിങ്ങൾ അവളോടൊപ്പം ഒരു ആൺ സുഹൃത്തിനെക്കണ്ടു എന്നിരിക്കട്ടെ. എന്താവും നിങ്ങളുടെ പ്രതികരണം? 1, എടീ എന്ന് ഒരലർച്ച കയ്യിൽ കിട്ടുന്നതുകൊണ്ടോ കൈകൊണ്ടു തന്നെയോ അവളെ തലങ്ങും വിലങ്ങും അടിക്കുക, മുടിക്കുകുത്തിപ്പിടിച്ചു നിലത്തിട്ടു ചവിട്ടുക, നിങ്ങൾ പുരുഷനാണെങ്കിൽ ആ പയ്യനെ നിങ്ങളുടെ ആരോഗ്യം അനുവദിക്കുന്ന തരത്തിൽ മർദ്ദിച്ചവശനാക്കുക,

കേരളിയ കുടുംബങ്ങളിൽ ചൈൽഡ് അബ്യുസ് സംസ്കാരം !

വളർത്തലിന്റെ ഭാഗമായി കേരളിയ കുടുംബങ്ങളിൽ ഒരു ചൈൽഡ് അബ്യുസ് സംസ്കാരം ഒളിഞ്ഞു കിടപ്പുണ്ട്.നല്ല പ്രായത്തിൽ തല്ലു കിട്ടാതെ വളർന്നതിന്റെ കേടാണെന്നൊക്കെയുള്ള സ്റ്റൈലൻ ചൊല്ലുകളുമുണ്ട് .മാതാ പിതാക്കളുടെ ആഗ്രഹത്തിനനുസരിച്ചുള്ള നല്ല പെരുമാറ്റം ഉണ്ടാകാനും ,മികച്ച മാർക്ക് നേടാനുമൊക്കെയായി വാക്കാലുള്ള നോവിക്കൽ സർവ സാധാരണമാണ്.നല്ലൊരു ശതമാനവും ശാരീരികമായും വേദനിപ്പിക്കാറുണ്ട്.

അപകടത്തില്‍ പരിക്കേറ്റു കിടക്കുന്നവരെ കണ്ടാല്‍ മുഖം തിരിച്ച് കടന്നുപോകുന്നവര്‍ കണ്ടുപഠിക്കണം !

ഒരു കൈയ്യിൽ അപകടം പറ്റിയ കോഴിക്കുഞ്ഞും മറുകൈയ്യിൽ പത്തു രൂപ നോട്ടുമായി നിൽക്കുന്ന ഈ കുരുന്ന് ബാലന്റെ ചിത്രം സമൂഹമാധ്യമങ്ങളിൽ അടുത്തിടെ ഏറെ ശ്രദ്ധനേടുകയുണ്ടായി. ഒരപകടം കണ്ടാൽ തങ്ങളെ ബാധിക്കുകയേ ഇല്ലെന്ന മട്ടിൽ അത് ശ്രദ്ധിക്കാതെ പോകുന്നവർ ഈ കുഞ്ഞുമനസിലെ കാരുണ്യത്തെ മാതൃകയാക്കേണ്ടതാണ്. മിസോറാമിലെ സൈരാങ്ക് എന്ന സ്ഥലത്തുള്ള ഡെറക് ലാൽചൻഹിമ എന്ന ഈ ബാലന്‍ വീടിന് സമീപത്തുകൂടി സൈക്കിൾ ഓടിക്കുകമായിരുന്നു.

സൂര്യനെല്ലിയിലെ പെൺകുട്ടിയോട് ഹൈക്കോടതി ചോദിച്ചതും അങ്ങനെയായിരുന്നു !

സൂര്യനെല്ലിയിലെ പെൺകുട്ടിയോട് ഹൈക്കോടതി ചോദിച്ചതും അങ്ങനെയായിരുന്നു , ഓടിപ്പൊയ് ക്കൂടായിരുന്നോ ,ഒച്ച വെച്ച് ആളെക്കൂട്ടിക്കൂടായിരുന്നോ? അതൊന്നും ചെയ്യാത്തത് ആ കൂട്ടബലാൽക്കാരങ്ങൾ ഇഷ്ടപ്പെട്ടതുകൊണ്ട് , ആസ്വദിച്ചതുകൊണ്ട് അല്ലേ ? എങ്ങോട്ട് ഓടിപ്പോണമായിരുന്നു ?എങ്ങനെ ഓടിപ്പോണമായിരുന്നു? പോയാൽ എന്താകുമായിരുന്നു? കോടതിക്ക് അതൊന്നും ആലോചിക്കേണ്ടതില്ല. പക്ഷേ മനുഷ്യപറ്റുള്ളവർ ആ വിധിക്കും പരാമർശത്തിനുമെതിരെ പ്രതികരിച്ചു ,പ്രതിരോധിച്ചു.

നിങ്ങൾ കരുതുന്നപോലെ കുഞ്ഞുങ്ങളെ തൊട്ടുനോവിക്കാത്തവരല്ല ഞങ്ങൾ അമ്മമാർ

"ഈ ആളുകളൊക്കെ എന്താ വിചാരിച്ചു വെച്ചിരിക്കുന്നതെന്ന് ഒട്ടും മനസ്സിലാകുന്നില്ല...അമ്മമാർ കുഞ്ഞുങ്ങളെ ഒന്ന് തൊട്ടു നോവിക്കില്ലെന്നോ...?എപ്പോഴും പുന്നാരിച്ചു കൊണ്ടു നടക്കുമെന്നോ....?തല്ലില്ലെന്നോ,നല്ല വഴക്ക് കൊടുക്കില്ലെന്നോ....?ജോലികളൊന്നും ചെയിപ്പിക്കില്ലെന്നോ....?എങ്കിൽ ഇതൊന്നുമല്ല സത്യങ്ങൾ...ഞങ്ങൾ അമ്മമാർ നല്ല ദുഷ്ടകളാണ്....കുട്ടികൾക്ക് ഞങ്ങൾ നല്ല സുന്ദരൻ തല്ലുകൊടുക്കും,ഭർത്താവ് കുടിച്ചിട്ട് വന്നിട്ടുള്ള സമയത്തോ മറ്റെന്തെങ്കിലും ടെൻഷനിൽ ഇരിക്കുന്ന സമയത്തോ ആണെങ്കിൽ രണ്ട്‌ തല്ല് കൂടുതൽ കിട്ടുകയും ചെയ്യും

ജൂലിയ, ഒരു മസിൽ ദേവതൈ !

ഞാനൊരു പത്രസ്ഥാപനത്തിൽ ജോലിചെയ്തിരുന്ന സമയത്താണ് സുഹൃത്തായ അഞ്ജു എന്ന ജേർണലിസ്റ്റ് റഷ്യൻ ബോഡി ബിൽഡർ ആയ ജൂലിയവിൻസിനെ കുറിച്ചുള്ള ഒരു ആർട്ടിക്കിൾ കേരളകൗമുദി ഓൺലൈനിൽ പ്രസിദ്ധീകരിക്കുന്നത്. (അക്കാലത്തു ഞാനും ബോഡി ബിൽഡിങ്ങിൽ കമ്പം കയറി നടക്കുകയായിരുന്നു) ബാർബി ഗേളിന്റെ മുഖച്ഛായയുള്ള ബോഡി ബിൽഡർ എന്നോ മറ്റോ ആയിരുന്നു തലക്കെട്ട്. ജൂലിയയ്ക്കു മുൻപും പേശികൾ പെരുകി അനവധി സ്ത്രീകൾ ലോകത്തിന്റെ നാനാഭാഗങ്ങളിൽ രംഗത്തുവന്നിരുന്നെകിലും ഈ മസിൽ സുന്ദരിയോടായിരുന്നു അഗാധമായ പ്രണയം.

തൊടുപുഴയിലെ ദാരുണമായ സംഭവം ചിലത് ചിന്തിപ്പിക്കേണ്ടതുണ്ട്

ഒന്ന്, മദ്യവും ലഹരി മരുന്നുകളും അത്തരം സാമൂഹ്യ ചുറ്റുപാടുകളും ഒരു മനുഷ്യന്റെ തലച്ചോറിനെ, അതിന്റെ ജൈവരസതന്ത്രത്തെ എത്രത്തോളം മാറ്റിമറിക്കാമെന്ന കാര്യം.( ഇതേ രീതിയിൽ തലച്ചോറിന്റെ സന്തുലനം മാറ്റിമറിക്കുന്ന ഒന്നാണ് പല കാരണങ്ങളാൽ ഒരാളിൽ വികലമായി രൂപപ്പെടുന്ന ലൈംഗികത്വര. മദ്യവും ഡ്രഗ്സും ഇതിനെ ആളിക്കത്തിക്കുകയും ചെയ്യും)

ടിഷ്യു പേപ്പർ അത്ര ഭീകരനല്ല

ആര്‍ത്തവ സമയത്ത് സ്ത്രീകള്‍ അനുഭവിക്കുന്ന ബുദ്ധി മുട്ടുകള്‍ അവതരിപ്പിക്കുന്ന അനുഭവക്കുറിപ്പ് കണ്ടു. ഇത്തരം കാര്യങ്ങള്‍ ചര്‍ച്ച ചെയ്യപ്പെടുന്നതും, ആര്‍ത്തവം സധാരണ ജൈവീക പ്രക്രിയ ആണെന്ന് ഉള്‍ക്കൊള്ളുന്നതും, അത് സംബന്ധിച്ച തെറ്റിധാരണകള്‍ /അവജ്ഞ ഒക്കെ നീക്കം ചെയ്യപ്പെടുന്നതും ശ്ലാഘനീയം തന്നെ. ആ അര്‍ത്ഥത്തില്‍ കുറിപ്പ് സ്വീകാര്യത നേടിയതില്‍ സന്തോഷം ഉണ്ട്, എന്നാല്‍ ഒടുവിലെ ഭാഗത്ത് പറയുന്ന മെഡിക്കല്‍ കാര്യങ്ങളില്‍ ചെറിയ ആശയക്കുഴപ്പങ്ങള്‍ ഉണ്ട്.

കണ്ണേ മടങ്ങുക

കുട്ടികളോടുള്ള ശാരീരികവും മാനസികവുമായ അതിക്രമങ്ങൾ അത്ര അസാധാരണമായ ഒരു സംഭവമല്ല. ലോകാരോഗ്യ സംഘടനയുടെ കണക്കുകൾ പ്രകാരം ഏകദേശം 21 ശതമാനം കുട്ടികൾക്ക് കടുത്ത രീതിയിലുള്ള ശാരീരിക ശിക്ഷകളും, 75 ശതമാനം കുട്ടികൾക്ക് മറ്റ് സാധാരണ ശാരീരിക ശിക്ഷകളും ലഭിച്ചിട്ടുണ്ട്. ലോകാരോഗ്യസംഘടനയും വിവിധ രാജ്യങ്ങളും കുട്ടികളോടുള്ള അതിക്രമം തടയുന്നതിന് പലതരത്തിലുള്ള നിയമനിർമ്മാണങ്ങളും മറ്റു പ്രതിരോധമാർഗങ്ങളും സ്വീകരിച്ചുവരുന്നു. എന്നിരുന്നാലും കുട്ടികളോടുള്ള അതിക്രമം ഇന്നും നിലനിൽക്കുന്നു എന്നതാണ് സത്യം.

ഈ ഐ എ എസിന്റെ ദൂരത്തിന് മുന്നിൽ എഴുന്നേറ്റ് നിൽക്കുന്നു

ഒന്നാം ക്ലാസ്സിൽ ആദ്യത്തെ ദിവസം തന്നെ ടീച്ചർ ചോദിക്കും ... " സ്കൂളിന്ന് പൈസ കിട്ടുന്ന അരി കിട്ടുന്ന കുട്ടികൾ എഴുന്നേറ്റ് നിന്നേ ന്ന് " ആദ്യത്തെ കൊറച്ച് സമയത്തേക്ക് ആരും എഴുന്നേൽക്കില്ല.... മിക്കവാറും ആദ്യം പൊന്തുക ഞാനായിരിക്കും.... അത് അന്നൊക്കെ പട്ടിക ജാതിക്കാരിയാണെങ്കിലും ഞങ്ങൾക്ക് പൊതുവെയുള്ള കറുത്ത നിറം ചുരുണ്ട പ്രാന്തി തലമുടി (ആ അതെനിക്കുണ്ട് ) ചപ്പാത്തി പരുവ മുള്ള മൂക്ക് ....എല്ലുന്തിയ അപകർഷതാ ബോധം ദാരിദ്ര്യം ,തീരെ പഠിക്കാത്തവർ, ഒന്നിനും കൊള്ളാത്തവർ എന്നീ അളവുകൾക്ക് പുറത്താണ് ഞാൻ എന്ന അഹംഭാവം പോലെ എന്തോ എനിക്കും എന്റെ ചുറ്റുമുള്ളവർക്കും ഉണ്ടായിരുന്നത് കൊണ്ടാണ് തീർച്ച....

ആൺമക്കളെ ശ്രദ്ധയോടെ വളർത്താൻ ഒരമ്മ നൽകുന്ന ഏഴു പാഠങ്ങൾ

വല്ലപ്പോഴുമൊക്കെ തോന്നാറുണ്ട് ... ഒരു കത്തിയെടുത്തു കുത്തിയങ്ങു കൊന്നാലോ എന്ന്... ചിലരെ.... എനിക്കയാളെ കൊല്ലാൻ തോന്നുന്നു .. അരുൺ ആനന്ദിനെ!!ആ കുഞ്ഞിന്റെ ചിത്രം പലയിടത്തും കണ്ടു..പെൺകുട്ടികളെ കത്തിച്ചു കൊന്ന നിധീഷിന്റെയും അജിന്റെയും ആദർശിന്റെയും മുഖങ്ങൾ പലയിടത്തും കണ്ടു...അവരും ഏതൊക്കെയോ അമ്മമാരുടെ മക്കൾ !!മരിച്ചു പോയ കുഞ്ഞിന്റെ മുഖം വിങ്ങലായി നെഞ്ചിൽ കിടക്കുന്നു.. ഒപ്പം പ്രണയം നിഷേധിച്ച പെൺകുട്ടികളെ കത്തിച്ചു കൊല്ലുന്ന ചില ആൺകുട്ടികളുടെ മുഖവും !!!!എന്നാൽ എന്റെ മനസ്സിൽ ഇപ്പോൾ തെളിയുന്നത് എന്റെ മക്കളുടെ മുഖമാണ്...

ശ്രീധന്യയുടെ സിവിൽ സർവ്വീസ് വിജയത്തിൽ കുറ്റബോധം തോന്നുന്നുണ്ടോ ?

കേരളത്തിലെ ആദിവാസി വിഭാഗത്തിൽ നിന്നൊരാൾ ആദ്യമായാണ് സിവിൽ സർവ്വീസ് നേടുന്നതെന്ന യാഥാർത്ഥ്യം തിരിച്ചറിഞ്ഞിട്ടും മലയാളിക്ക് കുറ്റബോധം തോന്നുന്നില്ലെങ്കിൽ കാര്യമായ തകരാറുണ്ട് ഈ സമൂഹത്തിന്. ഇന്ന് മഹാഭൂരിപക്ഷം മലയാളികളും ജീവിക്കുന്നത് കാലങ്ങളായി മണ്ണിൻ ഉട​യോരെ കബളിപ്പിച്ച് കവർന്നെടുത്ത മുതലിലാണ്. ഈ നാണക്കേട് പുറത്തറിയിക്കാതിരിക്കാനുളള ശ്രമമാണ് അറിഞ്ഞും അറിയാതെയും നമ്മൾ നടത്തുന്നത്.

തനിക്കുനേരെ നടന്ന ശാരീരികാക്രമണം വിവരിച്ച് വനിതാ ഡോക്ടർ

നട്ടുച്ചയ്ക്ക് ഒരാൾ എന്നെ ശാരീരികമായി ഉപദ്രവിച്ചു. ആശുപത്രിയ്ക്ക് താഴെയുള്ള ഹോട്ടലിൽ ഭക്ഷണം കഴിക്കുവാൻ പോയതാണ് ഞാൻ.കൈകഴുകുന്ന സ്ഥലത്തു ഒരു തടി കൊണ്ടുള്ള മറ വെച്ചിട്ടുണ്ട്. അവിടെ രണ്ടു വാഷ് ബേസിൻ ഉണ്ട്. അതിൽ ഒന്നിൽ ഒരു ചെറുപ്പക്കാരൻ കൈ കഴുകുന്നുണ്ട്. മറ്റേ വാഷ് ബേസിനിൽ ഞാൻ കൈ കഴുകുവാൻ തുടങ്ങി. പെട്ടെന്ന് എന്റെ പിറകിൽ ഒരു കൈ ഇഴയുന്നത് ഞാൻ അറിഞ്ഞു. തൊടുക ആയിരുന്നില്ല, ആഴത്തിൽ ആ കൈകൾ സ്പർശിച്ചു.കുറച്ചു നിമിഷം ഞാൻ മരവിച്ചു നിന്നു. പിന്നെ എന്റെ സകല ദേഷ്യവും പുറത്തു വന്നു. അവൻ പോയിരുന്ന മേശയുടെ അടുത്തേയ്ക്ക് ഞാൻ അലറികൊണ്ട് ചെന്നു. "താൻ എന്തിനാണ് എന്നെ കയറി പിടിച്ചത്?"
Advertisements

Recent Posts