Share The Article

ബഷീർ വള്ളിക്കുന്നിന്റെ (Basheer Vallikkunnu)ഈ ഞെട്ടിപ്പിക്കുന്ന പോസ്റ്റ് വായിക്കൂ.നമ്മൾ എത്രത്തോളം വഞ്ചിതരായി എന്ന് മനസിലാകും.

=========

നോട്ട് നിരോധനത്തിന്റെ പിന്നിലെ ഞെട്ടിക്കുന്ന കള്ളക്കളികളാണ് കപിൽ സിബൽ പുറത്ത് വിട്ടിരിക്കുന്നത്.

മൂന്ന് ലക്ഷം കോടി രൂപയുടെ വ്യാജ കറൻസികളാണ് ബി ജെ പി അദ്ധ്യക്ഷൻ മുഖേന മാറ്റി നൽകിയിരിക്കുന്നത് എന്നാണ് ആരോപണം. പ്രധാനമന്ത്രിയും ബി ജെ പി അദ്ധ്യക്ഷനും റിസർവ് ബാങ്കും ഒത്തു ചേർന്നുള്ള സ്വതന്ത്ര ഇന്ത്യയുടെ ചരിത്രത്തിലെ ഏറ്റവും വലിയ കൊള്ള. നാല്പത് ശതമാനമാണ് കമ്മീഷൻ. അതായത് ഒരു കോടി നോട്ട് മാറ്റി നൽകിയാൽ നാല്പത് ലക്ഷം ഇവന്മാർക്ക്. കപിൽ സിബൽ ഇന്ന് മാധ്യമങ്ങൾക്ക് മുന്നിൽ പ്രദർശിപ്പിച്ചത് ടി എൻ എൻ ഡോട്ട് വേൾഡ് പുറത്ത് വിട്ട സ്റ്റിങ് ഓപ്പറേഷനാണ്.

കാബിനറ്റ് സെക്രട്ടറിയേറ്റിലെ ഫീല്‍ഡ് അസിസ്റ്റന്റ് രാഹുല്‍ രാത്തറേക്കറാണ് വീഡിയോയില്‍ ഇടപാടുകള്‍ വെളിപ്പെടുത്തുന്നത്. അദ്ദേഹം പറഞ്ഞ കാര്യങ്ങൾ ഇതാണ്..

“ഒരു ലക്ഷം കോടി രൂപയുടെ മൂന്ന് സീരിസുകള്‍ വ്യാജമായി അച്ചടിച്ചു. വിദേശത്ത് അച്ചടിച്ച മൂന്ന് ലക്ഷം കോടി രൂപയുടെ നോട്ട് ഡല്‍ഹി അതിര്‍ത്തിയിലെ ഹിന്ദോന്‍ വ്യോമസേനാ വിമാനങ്ങളില്‍ വ്യോമസേനാ താവളത്തില്‍ എത്തിച്ചു. കറന്‍സി മാറ്റി നല്‍കലിനുള്ള എല്ലാ സംവിധാനവും ഒരുക്കിയത് അമിത് ഷായാണ്. പല വകുപ്പുകളില്‍ നിന്നായി 26 ഉദ്യോഗസ്ഥരെ റിക്രൂട്ട് ചെയ്തു. ആര്‍ബിഐയുമായി പ്രവര്‍ത്തനങ്ങള്‍ ഏകോപിക്കുകയായിരുന്നു മുഖ്യലക്ഷ്യം. റിസര്‍വ്വ് ബാങ്കില്‍ തുടര്‍ച്ചയായി നോട്ട് മാറ്റി നല്‍കുന്നത് കാണിക്കാന്‍ റിലയന്‍സ് ജിയോ ഡാറ്റാ ബേസ് ദുരുപയോഗം ചെയ്തു. ഊര്‍ജിത് പട്ടേലിന്റെ ഒപ്പുള്ള പുതിയ കറന്‍സികള്‍ നവംബറിന് ആറ് മാസം മുന്‍പേ പ്രിന്റ് ചെയ്തിരുന്നു. ചില രാഷ്ട്രീയ നേതാക്കളുടേയും ഭീമന്‍ ബിസിനസ് സ്ഥാപനങ്ങളുടേയും പണം മുന്‍പേ തന്നെ മാറ്റി നല്‍കി. ആദ്യം 15 ശതമാനമായിരുന്ന കമ്മീഷന്‍ പിന്നീട് 35-40 ശതമാനം വരെയെത്തി. അമിത് ഷാ നിയന്ത്രിക്കുന്ന ശൃംഖലയ്ക്ക് ഒരു നിശ്ചിത ശതമാനം കമ്മീഷന്‍ കൊടുത്തുകൊണ്ടിരിക്കണമായിരുന്നു. പ്രധാനമന്ത്രിയുടെ ഓഫീസില്‍ ഇതിനെല്ലാം മേല്‍നോട്ടം വഹിക്കാന്‍ ഒരു ഡിപ്പാര്‍ട്‌മെന്റ് ഉണ്ടായിരുന്നു.”

എന്തൊരു കൊള്ളയാണ് ഈ രാജ്യത്തോട് ഇവന്മാർ നടത്തിയിരിക്കുന്നത് എന്ന് നോക്കൂ.. ഇത് ചർച്ചയാക്കാൻ മാധ്യമങ്ങൾ തയ്യാറാകുമെന്ന് നിങ്ങൾ കരുതുന്നുണ്ടോ?, ഇല്ല, മാധ്യമങ്ങളെ മുച്ചൂടും വിലക്ക് വാങ്ങിയും ഭീഷണിപ്പെടുത്തിയും വരുതിയിലാക്കിക്കഴിഞ്ഞു. ബാക്കിയുള്ളവർക്ക് വാ തുറക്കാൻ പേടിയും. ചർച്ച ചെയ്യുന്നത് പോകട്ടെ, കോൺഗ്രസ് പുറത്ത് വിട്ട ഈ വീഡിയോ സംപ്രേഷണം ചെയ്യാൻ പോലും മാധ്യമങ്ങൾ ധൈര്യം കാണിച്ചില്ല.

ഇന്ത്യൻ ജനതക്ക് മുന്നിൽ ഒരേ ഒരു പോംവഴിയേ ഇനി ബാക്കിയുള്ളൂ.. അത് ഈ തെരഞ്ഞെടുപ്പിലെ വോട്ടാണ്..

നമ്മുടെ പ്രിയപ്പെട്ട രാജ്യത്തെ ഈ കൊള്ളക്കാരുടെ കൈകളിൽ വീണ്ടും ഏല്പിക്കണമോ വേണ്ടയോ എന്നത് അവർ തീരുമാനിക്കട്ടെ.

  • 34
    Shares