Share The Article

സൗഹൃദമോ പ്രണയമോ കാമമോ മറ്റേതെങ്കിലും ബന്ധമോ ഉണ്ടായിരുന്ന സമയത്ത് പറയുന്ന/ ചെയ്യുന്ന കാര്യങ്ങൾ, അയക്കുന്ന സന്ദേശങ്ങൾ ഒക്കെ വീഡിയോ/ഓഡിയോ/സ്ക്രീൻ ഷോട്ട് രേഖകളായി സൂക്ഷിക്കുന്നവരെ,ആണോ, പെണ്ണോ ആകട്ടെ, അവരെ വിശ്വസിക്കരുത്. അവർ വലിയ ചതി ഉള്ളിൽ കൊണ്ടു നടക്കുന്നവരാണ്. ഏകപക്ഷീയമായേ അവരതു പുറത്തുവിടൂ. തന്റെ സുരക്ഷിതത്വം പരമാവധി ഉറപ്പാക്കാനുള്ള ചതി അവരിൽ സഹജമായുണ്ടായിരിക്കും.

പ്രണയത്തിന്റെയും സൗഹൃദത്തിന്റെയും അടയാളങ്ങൾ മനസ്സിലാണുണ്ടാകേണ്ടത്. പിന്നീടു വേണ്ടി വരുമെന്ന ആലോചനപോലും അശ്ലീലമാണ്. അത്തരക്കാർ സാമൂഹിക വിപത്തുകളാണ്. ആണായാലും പെണ്ണായാലും. ഒരിക്കൽ നൽകിയ സ്നേഹത്തിന് / വിശ്വാസത്തിന് ലഭിച്ച ശിക്ഷയായി അത്തരം അനുഭവങ്ങളെ കാണാൻ ഞാനെന്നെ പണ്ടേ ശീലിപ്പിച്ചിട്ടുണ്ട്.

വിശ്വസിക്കുന്നതിലും സുരക്ഷിതം അവിശ്വസിക്കുന്നതാണ് എന്നെന്നെ ബോധ്യപ്പെടുത്തിത്തന്നത് ഒരു കൗമാരക്കാരി പെൺകുട്ടിയാണ്.

എസ്.ശാരദക്കുട്ടി
13.4.2019

  • 15
    Shares
ടീം ബൂലോകം. നിങ്ങള്‍ക്കും എഴുതാം, Boolokam.com - ല്‍. നിങ്ങളുടെ ബ്ലോഗിങ്ങ് അഭിരുചി പുറം ലോകം കാണട്ടെ.