ഇത് മോര്‍ഗന്‍ ഫ്രീമാന്റെ യഥാര്‍ത്ഥ ചിത്രം ആണെന്ന് കരുതിയെങ്കില്‍ തെറ്റി !

പ്രമുഖ ഹോളിവുഡ് നടന്‍ വെറ്ററന്‍ താരം മോര്‍ഗന്‍ ഫ്രീമാന്റെ ഈ ചിത്രം സത്യത്തില്‍ യഥാര്‍ത്ഥമല്ല എന്നറിയുമ്പോള്‍ തീര്‍ച്ചയായും നിങ്ങളില്‍ ഒരു ഞെട്ടലുണ്ടാകും.

01

അവിശ്വസനീയമായ രീതിയില്‍ യഥാര്‍ത്ഥ ചിത്രം എന്ന് തന്നെ കരുതാവുന്ന വിധത്തില്‍ നിങ്ങള്‍ കാണുന്ന പ്രമുഖ ഹോളിവുഡ് നടന്‍ വെറ്ററന്‍ താരം മോര്‍ഗന്‍ ഫ്രീമാന്റെ ഈ ചിത്രം സത്യത്തില്‍ യഥാര്‍ത്ഥമല്ല എന്നറിയുമ്പോള്‍ തീര്‍ച്ചയായും നിങ്ങളില്‍ ഒരു ഞെട്ടലുണ്ടാകും. ഐപാഡ് എയറില്‍ തന്റെ കൈകള്‍ ഉപയോഗിച്ച് എല്ലാം ഒരേ ഒരു ലെയറില്‍ ആക്കി ഐപാഡ് ഡിസൈന്‍ ആപ്ലിക്കേഷന്‍ ആയ പ്രൊക്രിയേറ്റ് ഉപയോഗിച്ചാണ്‌ ഈ ചിത്രം നിര്‍മ്മിച്ചത് എന്നറിയുമ്പോള്‍ നിങ്ങള്‍ വീണ്ടുമൊന്നു ഞെട്ടും.

യുകെയില്‍ നിന്നുമുള്ള പ്രമുഖ ഓയില്‍ പെയിന്റര്‍ ആയ കൈല്‍ ലാംബെര്‍ട്ട് ആണ് അത്ഭുത സൃഷ്ടിക്ക് പിന്നിലെ ശില്‍പ്പി. ഒരു മാസത്തോളം എടുത്ത് 200 ഓളം മണിക്കൂറുകള്‍ ഇതിനു മുന്‍പില്‍ തന്നെ ചെലവഴിച്ചാണ് ലാംബെര്‍ട്ട് ഈ അത്ഭുത സൃഷ്ടി നടത്തിയത്. എന്തായാലും താഴെ കാണുന്ന വീഡിയോ കാണുമ്പോള്‍ നമ്മള്‍ ആംഗ്രി ബേര്‍ഡ്സ് കളിച്ചു കൊണ്ടിരിക്കുന്ന അതെ ഡിവൈസ് ഉപയോഗിച്ചാണ് ഈ ഓയില്‍ പെയിന്റര്‍ ഈ സൃഷ്ടി നടത്തിയത് എന്ന സത്യം നമുക്ക് അംഗീകരിക്കുവാന്‍ കുറച്ചധികം ബുദ്ധിമുട്ട് കാണും, തീര്‍ച്ച

മറ്റു പല പ്രമുഖരുടെയും ഒറിജിനല്‍ എന്ന് തോന്നിക്കുന്ന വിധത്തില്‍ കൈല്‍ ലാംബെര്‍ട്ട് തന്നെ തയാറാക്കിയ ചില ചിത്രങ്ങളുടെ നിര്‍മ്മാണം താഴെ വീഡിയോയില്‍ കാണാം

Write Your Valuable Comments Below