mobile_gaming_0_0_0_1_0_0_0_0_0_0_0_0_0_0_0

അടിക്കടി വര്‍ദ്ധിക്കുന്ന മൂബൈല്‍ നിരക്കുകള്‍ അടുത്ത വര്‍ഷത്തോടെ കുറയും. 40 ശതമാനം ഇടിവ് മൂബൈല്‍ നിരക്കുകള്‍ക്ക് ഉണ്ടാകുമെന്ന് യുടി സ്റ്റാര്‍കോം പറഞ്ഞു. റിലയന്‍സ് ജിയോയുടെ സേവനം വിപണിയിലേക്കെത്തുന്നതോടെ മുഴുവന്‍ കമ്പനികളും നിരക്കുകള്‍ കുറയ്ക്കാന്‍ നിര്‍ബന്ധിതരാകുമെന്ന് യുടിസ് പറയുന്നു.

മൊബൈല്‍, ബ്രോഡ്ബാന്‍ഡ്, ഡേറ്റാ സേവനങ്ങള്‍ നല്കുന്ന കമ്പനിയാണ് യു.ടി.എസ്. ഉയര്‍ന്ന വിലയ്ക്ക്പരിമിത സ്‌പെക്ട്രം എന്നതാണ് പ്രധാന വെല്ലുവിളി. കേബിളുകളിലൂടെ കുറഞ്ഞ തുകയ്ക്ക് മികച്ച സേവനം എത്തുന്നതോടെ ഇതര കമ്പനികള്‍ നിരക്ക് കുറയ്ക്കേണ്ടി വരും. വരുന്ന 12 – 18 മാസങ്ങള്ക്കുള്ളില്‍ ഈ വിലക്കുറവ് യാഥാര്‍ഥ്യമാകും.യുടിഎസ് മാനേജര്‍ ഷാലിന്‍ ഷാ പറയുന്നു.

ഗവണ്മെന്റിന്റെ ഡിജിറ്റല്‍ ഇന്ത്യ പദ്ധതി കൂടിയാകുമ്പോള്‍ നിരക്ക് ഇനിയും കുറയാനാണ് സാധ്യതയെന്ന് വിലയിരുത്തുന്നുണ്ട്. മുകേഷ് അംബാന്‍ ഗ്രൂപിന്റേതാണ് റിലയന്‍സ് ജിയോ. കേരളത്തിലെ സര്‍ക്കാര്‍ സ്ഥാപനങ്ങളില്‍ ടവര്‍ സ്ഥാപിക്കാനുള്ള അനുമതി ജിയോ നേടിയെടുത്ത് കഴിഞ്ഞു

Advertisements