അസുസ് സെന്‍ ഫോണ്‍ 5 – ഒരു കിടിലന്‍ സ്മാര്‍ട്ട്‌ ഫോണ്‍

0
264

zenphone

പതിനായിരം രൂപയില്‍ താഴെ ഒരു മികച്ച സ്മാര്‍ട്ട്‌ ഫോണ്‍ അന്വേഷിക്കുന്ന ആളാണോ നിങ്ങള്‍? എങ്കില്‍ അതികം തിരയേണ്ടതില്ല. അസുസ് സെക്സ് ഫോണ്‍ 5 നിങ്ങള്ക്ക് വാങ്ങാം.

ഫോണില്‍ അസുസ് എന്ന പേര് പരിചിതമല്ല എന്നുള്ള ഭയം വേണ്ടതില്ല, ഇതുവരെയും ഗൂഗിള്‍ നെക്സസ് ടാബ്ലെറ്റുകള്‍ നിര്‍മ്മിച്ചിരുന്നത് അസുസ് ആണ്.

കൊര്‍നിംഗ് ഗോറില്ല ഗ്ലാസ്‌ 3 സംരക്ഷണമുള്ള 5 ഇഞ്ച്‌ 720×1280 പിക്സല്‍ റെസലൂഷന്‍ ഡിസ്പ്ലേ തന്നെയാണ് പ്രധാന ആകര്‍ഷണം. ഇന്‍റെല്‍ പ്രോസസ്സര്‍ ഉപയോഗിക്കുന്ന ചുരുക്കം ചില ഫോണുകളില്‍ എന്നുള്ള വിശേഷണവും സ്വന്തം. 2 ജിഗ ഹെര്‍ട്സ് ഡ്യുവല്‍ കോര്‍ ഇന്‍റെല്‍ ആറ്റം ആണ് പ്രോസസ്സര്‍. റാം 2 GB, 16 GB ഇന്റെര്‍ണല്‍ മെമ്മറി. 64 GB വരെയുള്ള മെമ്മറി കാര്‍ഡ്‌ ഉപയോഗിക്കാന്‍ സാധിക്കും. രണ്ടു സിം കാര്‍ഡുകള്‍ ഉപയോഗിക്കാന്‍ സാധിക്കും. 3G ഫോണ്‍ ആണ്.

മൊബൈല്‍ ഫോട്ടോഗ്രഫി പ്രേമികളെയും ഈ ഫോണ്‍ നിരാശപ്പെടുത്തില്ല. മെയിന്‍ ക്യാമറ 8 മെഗാ പിക്സല്‍ ആണ്. മുന്‍ ക്യാമറ 2 മെഗാ പിക്സല്‍. 8 മെഗാ പിക്സല്‍ മെയിന്‍ ക്യാമറ ഓട്ടോ ഫോക്കസും എല്‍ എ ഡി ഫ്ലാഷും ഉള്ളതാണ്. ആന്‍ഡ്രോയിഡ് കിറ്റ്‌കാറ്റ് ഒ എസ്. ബാറ്ററി 2110 mAh ആണ്. ബാറ്ററി ഊറി മാറ്റാന്‍ സാധിക്കില്ല എന്നത് ഒരു പോരായ്മയായി വേണമെങ്കില്‍ പറയാം. എങ്കിലും 10,000 രൂപയില്‍ താഴെ ഇതിലും മികച്ച ഫീച്ചറുകള്‍ ഉള്ള ഒരു നല്ല ഫോണ്‍ വേറെ കണ്ടു പിടിക്കാന്‍ പ്രയാസമാണ്.

Advertisements