Share The Article

new

മൂന്ന് ഓപ്ഷനുകള്‍ ഉണ്ടായിരുന്നു. മാസ്സ് പ്രേമം ഇവിടെ..സമയക്കുറവുമൂലം ഇവയില്‍ ഒരെണ്ണം മാത്രമേ കാണാന്‍ സാധിക്കുമായിരുന്നോളൂ.

മാസ്സ് ഒരു മസാല ഫിലിം എന്ന നിലയിലും പ്രേമം കുറച്ചു കാലമായി മലയാളത്തില്‍
കണ്ട് വരുന്ന വിജയ ചിത്രങ്ങളുടെ ഫോര്‍മുല പിന്തുടരുന്ന ചിത്രമെന്നനിലയിലും ഹിറ്റാകുമെന്ന് ഉറപ്പുള്ള സിനിമകള്‍ ആയിരുന്നു.

ഇനിയിപ്പം ഹിറ്റായില്ലെങ്കിലും ഡിവിഡി ഇറങ്ങുമെന്നും അതുവഴി ടോറെന്റില്‍ എത്തുമെന്നും പ്രതീക്ഷിക്കാവുന്ന രണ്ട് സിനിമകള്‍.

ശ്യാമപ്രസാദിന്‍റെ തന്നെ ഇലക്ട്ര ഇതുപോലെ കാത്തിരുന ഒരു ചിത്രമായിരുന്നു. അന്ന് ആ സിനിമ തിയേറ്ററില്‍ വന്നതും (വിക്കിപീഡിയ പറയുന്നു) പോയതും വളരെ വേഗമായിരുന്നു,മറ്റെല്ലാ ശ്യാമപ്രസാദ് സിനിമകള്‍ പോലെ തന്നെ ഡിവിഡിയായി തിരിച്ചെത്തിയതുമില്ല…

ഇവിടേക്ക് ആ ഗതി ഉണ്ടാകില്ലെന്ന് പ്രതീക്ഷിക്കാം. പക്ഷെ സിനിമ തിയേറ്ററില്‍ നിന്ന് തന്നെ കാണണമെന്ന ആഗ്രഹം ഉള്ളത് കൊണ്ട് തന്നെയാണ് ഈ സിനിമയ്ക്ക് കയറിയത്..

വിജയിക്കേണ്ട ക്രൈം ത്രില്ലെറുകള്‍ക്ക് മലയാള സിനിമ കല്‍പ്പിക്കുന്ന ഒരു ചട്ടക്കൂടുണ്ട്‌..അതിവേഗം തെന്നിമാറേണ്ട ഫ്രെയിമുകളും മിനിറ്റ് ഇടവിട്ട്‌ വരുന്ന പഞ്ച് ഡയലോഗും..ഈ അവിഞ്ഞ സമ്പ്രദായത്തെ പിന്തുടരാത്ത ഒരു ടിപിക്കല്‍ ശ്യാമപ്രസാദ് ഫിലിം ആണ് ഇവിടെ..

കെട്ടിലും മട്ടിലുമെല്ലാം ഒരു ഹോളിവുഡ് ചിത്രം ആണെന്ന് തോന്നിപ്പിക്കുന്ന അനന്യസാധാരണമായ മേകിംഗ് സ്ടൈലാണ് ശ്യാമപ്രസാദ് കൈകൊണ്ടിരിക്കുന്നത്. ഒരു ഇന്റര്‍നാഷണല്‍ ഫില്മ്നു യോജിച്ച ബാക്ഗ്രൌണ്ട് സ്കോറാണ് ഗോപി സുന്ദര്‍ ഇവിടെയ്ക്കായി അണിയിച്ചൊരുക്കിയിരിക്കുന്നത്. പാട്ടുകള്‍ ശരാശരി മാത്രമാണെങ്കിലും ബാക്ക്ഗ്രൌണ്ട് സ്കോറിലൂടെ അദ്ദേഹം സ്കോര്‍ ചെയ്യുന്നുണ്ട്..

മുകേഷ് ഉഴിഞ്ഞുവച്ച ആ പഴയ കാമുക-പൂവാല സമ്മിശ്ര കുപ്പായം എടുത്തണിഞ്ഞ നിവിന്‍ പൌളിയുടെ ഒരച്ചില്‍ വാര്‍ത്ത കഥാപാത്രങ്ങളില്‍ നിന്നും വ്യത്യസ്തമായ കഥാപാത്രമാണ് ഇവിടെയിലേത്..

സംഭാഷണങ്ങളിലേ പോരായ്മ നിഴലിക്കുന്നുണ്ടെങ്കിലും അദേഹം ആ കഥാപാത്രത്തോട് നീതി പുലര്‍ത്തിയിട്ടുണ്ട്.എടുത്ത്പറയേണ്ട മറ്റൊരു പ്രകടനം ഭാവനയുടെതാണ്. ഭാവനയുടെ കരിയറിലെ ഏറ്റവും പക്വതയുള്ള പ്രകടനമാണ് ഇവിടെയിലേത്..

എല്ലാത്തിലുമുപരി ഈ സിനിമയുടെ നട്ടെല്ല് പ്രിത്വിരാജ് എന്ന നടനാണ്‌. ഇനിവരുന്ന കാലം മലയാള സിനിമ അഭിമാനം കൊള്ളുന്നത്‌ ഈ ചെറുപ്പക്കാരനിലൂടെയായിരിക്കുമെന്നതില്‍ സംശയമില്ല.വരുണ്‍ ബ്ലയിക്ക് എന്ന കഥാപാത്രം അദ്ധെഹത്തിന്‍റെ കയ്യില്‍ ഭദ്രമായിരുന്നു എന്ന് പറഞ്ഞാല്‍ അത് തീരെ ചെറിയ വിശേഷണമായിരിക്കും..

കഥാപാത്രങ്ങളുടെ, എല്ലാം സ്വഭാവ സവിശേഷതകളെയും, അവരുടെ ചിന്തകളെപ്പോലും ,ഇത്ര ആഴത്തില്‍ മനോഹരമായി അവതരിപ്പിക്കുന്ന വേറൊരു സംവിധായകനുണ്ടോ എന്നത് സംശയമാണ്. അത് തന്നെയാണ് ശ്യാമപ്രസാദ് സിനിമകളുടെ പ്രത്യെകതയും. ഇവിടെയും ആ
ശ്യാമപ്രസാദ് സിഗ്നെച്ചറില്‍ നിന്നു വ്യതിചലിചിട്ടില്ല..

അടുത്തകാലത്തിറങ്ങിയ ഏറ്റവും മികച്ച സിനിമകളില്‍ ഒന്നാണ് ഇവിടെ…

If you are interested in a performance oriented film with that shyama prasad touch..
Please grab your tickets for IVIDE‬