PF-car-traffic_1868428i

കാറുകളില്ലാത്ത നഗരങ്ങള്‍ ഈ ഭൂമിയിലുണ്ട് എന്ന് നിങ്ങള്‍ക്ക് അറിയായിരുന്നോ? ലോകത്തിലെ പല വന്‍ നഗരങ്ങളിലും കാറുകള്‍ ഇല്ലയെന്നതാണ് സത്യം…കാറുകള്‍ കടക്കാത്ത ചില നഗരങ്ങളെ ഇവിടെ പരിച്ചയപ്പെടാം..
സാര്‍ക്ക് ഐലന്‍ഡ്

ഇംഗ്ലീഷ് ചാനലില്‍ ഏതാണ്ട് 40 കിലോമീറ്ററോളം വരുന്ന കടല്‍ത്തീരത്തോടു കൂടിയ ദ്വീപാണ് സാര്‍ക്ക് ഐലന്‍ഡ്. ഇവിടെ കുതിരവണ്ടികളും സൈക്കിളുകളും ട്രാക്ടറുകളും മാത്രമേ നിരത്തിലിറക്കാന്‍ അനുവാദമുള്ളൂ. വിമാനങ്ങള്‍ക്കും സാര്‍ക്ക് ദ്വീപിന്റെ ആകാശത്തേക്കു പ്രവേശനമില്ല. കപ്പലിലാണ് ആവശ്യമായ ചരക്കുകള്‍ വന്നെത്തുന്നത്. മുതിര്‍ന്ന പൗരന്മാര്‍ക്കു മാത്രം ബാറ്ററിയില്‍ പ്രവര്‍ത്തിക്കുന്ന വാഹനങ്ങളുപയോഗിക്കാന്‍ അനുവാദമുണ്ട്.
മാന്‍ഡ്രിഡ്

ചില നഗരങ്ങളിലെ തെരുവുകളില്‍ വാഹനങ്ങള്‍ പൂര്‍ണമായും നിരോധിച്ചിരിക്കുകയാണ് മാന്‍ഡ്രിഡ്. കാര്‍ രഹിത മേഖലയെ കൂടുതല്‍ വ്യാപിപ്പിക്കാനാണ് സര്‍ക്കാരിന്റെ തീരുമാനം എന്നറിയുന്നു. ഒരു ചതുരശ്ര മൈല്‍ വ്യാപ്തിയില്‍ വാഹനങ്ങള്‍ നിരോധിക്കപ്പെട്ടിട്ടുണ്ട് ഇതിനകം തന്നെ. ഇവിടെയുള്ള താമസക്കാര്‍ക്കു മാത്രമേ വാഹനങ്ങളുമായി അകത്തു പ്രവേശിക്കാനാവൂ. മറ്റാരെങ്കിലും വാഹനവുമായി പ്രവേശിച്ചാല്‍ 100 ഡോളറിലധികം പിഴയടയ്‌ക്കേണ്ടി വരും. അടുത്ത അഞ്ച് വര്‍ഷത്തിനുള്ളില്‍ നഗരത്തിലെ പ്രധാനപ്പെട്ട പല തെരുവുകളും കാല്‍നടയാത്രക്കാര്‍ക്കു വേണ്ടി മാത്രമുള്ളതാക്കി മാറ്റും.
പാരിസ്

മലിനീകരിക്കപ്പെട്ട പുകപടലങ്ങള്‍ മൂടി പാരിസ് നഗരം പ്രസന്ധിയിലായിരുന്നു കഴിഞ്ഞവര്‍ഷത്തില്‍. അധികാരികള്‍ ഇപ്പോള്‍ ഏറെ ജാഗ്രതയിലാണ്. ആഴ്ചാവസാനങ്ങളില്‍ നഗരത്തിലെ താമസക്കാര്‍ക്ക് സ്വന്തം ഏരിയ വിട്ട് അധികദൂരം കാര്‍യാത്ര ചെയ്യാന്‍ അനുവാദമില്ല നിലവില്‍. ഇത് ആഴ്ചയില്‍ എല്ലാ ദിവസങ്ങളിലും ബാധകമാക്കാനുള്ള തീരുമാനത്തിലാണ് അധികാരികള്‍. പൊതുഗതാഗത സംവിധാനം ഉപയോഗിക്കാനാണ് സര്‍ക്കാര്‍ ആവശ്യപ്പെടുന്നത്. 2020 ആകുമ്പോഴേക്കും പാരിസ് നഗരത്തിലെ സൈക്കിള്‍ പാതകളുടെ സൗകര്യങ്ങള്‍ വര്‍ധിപ്പിക്കും.
ഹാംബര്‍ഗ്

കാറെടുക്കാതെ തന്നെ നഗരത്തിലിറങ്ങാന്‍ ഉടമകളെ പ്രേരിപ്പിക്കുന്ന വിധത്തില്‍ നഗരത്തെ മാറ്റിപ്പണിയുകയാണ് അധികാരികള്‍. കാറുകള്‍ പൂര്‍ണമായും നിരോധിക്കുകയില്ല. പകരം കാറെടുക്കുന്നതിനെക്കാള്‍ നടക്കുന്നതാണ് നല്ലതെന്ന് ആളുകളെക്കൊണ്ട് തീരുമാനമെടുപ്പിക്കും. നഗരത്തിലെ പാര്‍ക്കുകള്‍ തമ്മില്‍ ബന്ധിപ്പിക്കലാണ് ഇതിനായി ആസുത്രണം ചെയ്തിട്ടുള്ള പിരപാടികളിലൊന്ന്. അടുത്ത പത്തുപതിനഞ്ച് കൊല്ലം കൊണ്ട് വലിയ മാറ്റങ്ങള്‍ കൊണ്ടുവരാന്‍ സാധിക്കുമെന്ന് ഹാംബര്‍ഗ് അധികാരികള്‍ കരുതുന്നു.
മിലന്‍

സ്വന്തം കാര്‍ വീട്ടില്‍ വെച്ചാണ് പുറത്തിറങ്ങുന്നതെങ്കില്‍ സൗജന്യ പൊതുഗതാഗത വൗച്ചറുകള്‍ നല്‍കുന്ന ഒരു പദ്ധതിക്ക് മിലനില്‍ തുടക്കമിട്ടിട്ടുണ്ട്. സൗജന്യയാത്ര പറ്റുന്നയാളുടെ കാറിന്റെ ലൊക്കേഷന്‍ കൃത്യമായ മനസ്സിലാക്കാനുള്ള സാങ്കേതികതയും സര്‍ക്കാര്‍ തയ്യാറാക്കിയിട്ടുണ്ട്, കാറിന്റെ ഡാഷ്‌ബോഡില്‍ ഘടിപ്പിച്ചിട്ടുള്ള ഒരുപകരണം വഴിയാണിത് മനസ്സിലാക്കുക.
കോപന്‍ഹേഗന്‍

ട്രാഫിക് കുരുക്കുകള്‍ക്ക് പേരുകേട്ട നഗരമായിരുന്നു കോപന്‍ഹേഗന്‍. ഇന്ന് നഗരത്തിലെ പകുതിയോളമാളുകള്‍ ജോലിസ്ഥലത്തേക്ക് സൈക്കിളിലാണ് യാത്ര ചെയ്യുന്നത്. യുഎസ്സിലെ ഏറ്റവും കൂടുതല്‍ സൈക്കിള്‍ ഉപയോക്താക്കളുള്ള നഗരമായ പോര്‍ട്‌ലാന്‍ഡിനെക്കാള്‍ ഒമ്പതിരട്ടി ആളുകള്‍ കോപന്‍ഹേഗനില്‍ സൈക്കികള്‍ ഉപയോഗിക്കുന്നു. ഇത് ഇനിയും വര്‍ധിപ്പിക്കാനാണ് അധികാരികള്‍ ശ്രമിക്കുന്നത്. ഭാവിയിലെ പ്രധാനപ്പെട്ട കാര്‍രഹിത നഗരമായി കോപന്‍ഹേഗന്‍ മാറിയേക്കാം.
വെനിസ്, ഇറ്റലി

നടക്കുകയോ ജലഗതാഗത മാര്‍ഗങ്ങള്‍ ഉപയോഗിക്കുകയോ ആകാം. മറ്റെല്ലാ വാഹനങ്ങളും നിരോധിച്ചിരിക്കുന്നു ഈ നഗരത്തില്‍. യൂറോപ്പിലെ ഏറ്റവും വലിയ കാര്‍രഹിത നഗരമാണിത്. നാനൂറിലധികം പാലങ്ങളുണ്ട് വെനിസില്‍. 118 ചെറുദ്വീപുകളെ ബന്ധിപ്പിക്കുന്നത് ഈ പാലങ്ങളാണ്.
ലാ കുമ്പ്രെസിറ്റ, അര്‍ജന്റീന

അര്‍ജന്റീനയുടെ ഇക്കോ ടൂരിസം പദ്ധതിയുടെ ഒരു ഭാഗമാണ് ഈ നഗരം. യാതൊരു വാഹനവും ഈ നഗരത്തില്‍ അനുവദിക്കുന്നില്ല. പ്രധാന കവാടത്തില്‍ വാഹനങ്ങള്‍ പാര്‍ക്ക് ചെയ്ത് നഗരത്തിലേക്ക് നടന്നുനീങ്ങാവുന്നതാണ്.

Advertisements