എന്റെ അറിവ് ശരിയാണോ എന്നെനിക്കറിയില്ല !
ഒരു സാമൂഹ്യ സ്‌നേഹി ആവണമെങ്കില്‍ രാഷ്ട്രീയബോധം വേണമെന്ന് പലരും എന്നെ ധരിപ്പിച്ചു. പഴയ വിപ്ലവകാരികളെയും ചരിത്രത്തില്‍ സ്വാധീനം ചെലുത്തിയ മറ്റു വ്യക്തികളെയും കുറിച്ച് കൂടുതലൊന്നും ഞാന്‍ പഠിച്ചിട്ടില്ല. എന്നാല്‍ രാഷ്ട്രസേവനം കൊണ്ട് നമ്മുടെ നേതാക്കള്‍ ഉദ്ദേശിക്കുന്നത് സത്ഭരണമോ അതോ സംഭരണമോ എന്നെനിക്കറിയില്ല !

നമ്മുടെ മഹത്തായ ജനാധിപത്യ സമ്പ്രദായത്തിന്റെ തിരഞ്ഞെടുപ്പില്‍ എന്റെ വോട്ടും വിലയേറിയതാണ് പക്ഷേ,
ഒരു ഭാഗത്ത് ഭീതിപ്പെടുത്തുന്ന അരുംകൊലകളും അനുയായികള്‍ക്ക് ‘രക്ത സാക്ഷി’ പട്ടം വാങ്ങികൊടുക്കുന്ന കപട നേതാക്കളും, മറുഭാഗത്ത് പട്ടിണിപ്പാവങ്ങള്‍ വര്‍ദ്ധിക്കുമ്പോഴും വന്‍ അഴിമതികളും വിദേശ പര്യടനങ്ങളും നടത്തി രാജ്യത്തെ തന്നെ വില്‍ക്കുന്നവര്‍, എല്ലാറ്റിനും പുറമെ വര്‍ഗ്ഗീയ വിഷം കുത്തിവെച്ച് സമാധാന അന്തരീക്ഷം തകര്‍ക്കുന്നവര്‍. യഥാര്‍ത്തത്തില്‍ ആന്തരികമായി ഇവരെല്ലാം ഒന്നുതന്നെയല്ലേ! പണം തന്നെയല്ലേ ഇവരെയെല്ലാം നയിക്കുന്നത് എനിക്കറിയില്ല !

ഒരു യൌവ്വനം മുഴുവന്‍ ഇവര്‍ക്കുവേണ്ടി കൊടിപിടിക്കുകയും വിഭാഗീയതയില്‍ പോരടിക്കുകയും ചെയ്യുന്നവര്‍, ഇവര്‍ക്കു നല്ലൊരു ജീവിതം കാഴ്ച്ചവെക്കാന്‍ കഴിഞ്ഞോ! മറ്റുള്ളവരെ ജീവിപ്പിച്ചോ! സമാധാനം കൈവരിച്ചോ! എനിക്കറിയില്ല!

എന്റെ ധാരണകളെ ഇത്തരത്തില്‍ ഒരെഴുത്തിലേക്ക് എത്തിച്ച മാധ്യമങ്ങള്‍ അവരുടെ ധര്‍മ്മം നിറവേറ്റിയോ!
സേവനം കൈമുതലാക്കുകയും നിഷ്പക്ഷമായി ചിന്തിക്കുകയും അധികാരം മോഹിക്കാതിരിക്കുകയും ചെയ്യുന്നവരെ ഞാന്‍ വിജയിപ്പിക്കാം, എന്നാല്‍ നാളെ അവരും നമ്മെ വഞ്ചിക്കുമോ എന്നെനിക്കറിയില്ല!

ഇനി ഞാന്‍ എങ്ങനെ സാമൂഹ്യസ്‌നേഹി ആവും, ഏതു പാര്‍ട്ടിയില്‍ വിശ്വസിക്കണം എന്നെനിക്കറിയില്ല!

എന്ന്
പൗരനാണോ എന്നെനിക്കറിയില്ല .

You May Also Like

രഞ്ജിത്ത് നേർപ്പിച്ചെഴുതിയ ടോക്സിക് രക്ഷകർത്താക്കളിൽ പ്രധാനിയാണ് നന്ദനത്തിലെ തങ്കം

Theju P Thankachan രഞ്ജിത്ത് നേർപ്പിച്ചെഴുതിയ ടോക്സിക് രക്ഷകർത്താക്കളിൽ പ്രധാനിയാണ് നന്ദനത്തിലെ തങ്കം. ഒട്ടും ലൗഡ്…

ഫേസ്ബുക്ക്, വാലന്‍ന്റൈന്‍, പിന്നെ ശശിയും – ജോഷി കുര്യന്‍

‘ശശീ, ഡാ ഒരു ഹണ്‍ട്രെഡ് റുപീസ് താടാ, ജസ്റ്റ് റീച്ഡഡ് ബൈ ടുഡേസ് കൊച്ചുവേളി. ഓട്ടോയ്ക്ക് കൊടുക്കാനാ… ബൈ ദി ബൈ, ഐ സോ ഹേര്‍ ലാസ്റ്റ് വീക്ക് അറ്റ് പുഷ്പഗിരി വൈല്‍ ഐ വാസ് ഇന് കേരള…’

ബാലപീഡകർ( ബാല പീഡനം) ദൈവത്തിന്റെ സ്വന്തം നാട്

കുറച്ചു മുൻപാണ് ഫർഹാദ് എന്ന ചെറുപ്പക്കാരൻ സ്വന്തം പീഡോഫിലിയേ അഭിമാനത്തോടെ സമൂഹ മാധ്യമത്തിൽ പങ്കു വെച്ചത്. ചെറുപ്പക്കാരന്റെ പോസ്റ്റ് ഇങ്ങനെയായിരുന്നു.

ബില്‍ ഗേറ്റ്സ്സും മൈക്രോസോഫ്റ്റും; നിങ്ങള്‍ അറിഞ്ഞിരിക്കേണ്ട 9 കാര്യങ്ങള്‍

എക്കാലത്തെയും മികച്ച ടെക്ക് കമ്പനികളില്‍ ഒന്നായ മൈക്രോസോഫ്റ്റിന് തുടക്കമിട്ട ഗേറ്റ്‌സിനെക്കുറിച്ചുളള കൂടുതല്‍ രസകരമായ ചില കാര്യങ്ങള്‍ ചുവടെ ചേര്‍ക്കുന്നു.