Share The Article

01

ഇന്റര്‍നെറ്റ്‌ വെബ് പേജുകളിലായാലും, അല്ലാതെ ഒരു ഡോക്യുമെന്റ് തയ്യാറാക്കാനായാലും മലയാളത്തില്‍ എഴുതുവാന്‍ തുടങ്ങുന്നവര്‍ക്കു സഹായകമായി നിരവധി എഴുത്ത് രീതികള്‍ (input methods) ഇന്ന് നിലവിലുണ്ട്. ഇ-മെയില്‍ ആയാലും, ബ്ലോഗ്‌ ,ഫേസ്ബുക്ക് തുടങ്ങിയ കമ്മ്യൂണിറ്റി സൈറ്റുകള്‍ ആയാലും മലയാളത്തില്‍ എഴുതുന്നതിനു ഇവയില്‍ ഏതു രീതിയും നമുക്ക് സ്വീകരിക്കാം. എഴുതുന്ന രീതി ഏതായാലും, കിട്ടുന്ന ഔട്പുട്ട് യുണിക്കോഡ് മലയാളത്തില്‍ ആവണം എന്ന് മാത്രം. എങ്കില്‍ മാത്രമേ നിങ്ങള്‍ എഴുതുന്ന ടെക്സ്റ്റ്‌ പബ്ലിഷ് ചെയ്യാനും, അത് മറൊരു കമ്പ്യൂട്ടറില്‍ ഒരാള്‍ തുറന്നു നോക്കുമ്പോള്‍ നിങ്ങള്‍ എഴുതിയ രീതിയില്‍ തന്നെ കാണുവാനും സാധിക്കുകയുള്ളൂ.എന്നാല്‍ ഒരു രീതിയില്‍ അല്ലെങ്കില്‍ മറ്റൊരു രീതിയില്‍ ഇവക്കു പ്രശ്നങ്ങളും ഉണ്ടെന്നതാണ് വാസ്തവം.

എന്നാല്‍ , ഇവക്കെല്ലാം ഇടയില്‍ വേറിട്ട്‌ നില്ക്കുന്ന ഒന്നാണ് ഇന്റര്‍നെറ്റ്‌ ഭീമനായ ഗൂഗിള്‍ തന്നെ തയാറാക്കിയ ഗൂഗിള്‍ എഴുത്ത് ഉപകരണങ്ങള്‍ (Google input tools). ഇന്റര്‍നെറ്റ്‌ കണക്ഷന്‍ ഇല്ലാതെ മലയാളം ടൈപ്പ് ചെയ്യാന്‍ സാധിക്കുന്ന മാര്‍ഗം ആണ് ഇത്.നിങ്ങള്‍ക്ക് വളരെ എളുപ്പം മലയാളം ടൈപ്പ് ചെയ്യാന്‍, ഈ വീഡിയോ കണ്ടു നോക്കൂ.