മാമൂലുകളുടെ തടവറയില്‍ ഒതുങ്ങി കഴിഞ്ഞ മലയാള സാഹിത്യത്തെ ആധുനികതയിലേക്ക് കൈപിടിച്ച് നടത്തിയ സാഹിത്യകാരിയാണ് മാധവിക്കുട്ടി. കഴിഞ്ഞ നൂറ്റാണ്ടിന്റെ ആദ്യ മൂന്നു പാദങ്ങളില്‍ മലയാള സാഹിത്യം നേടിയ അഭൂതപൂര്‍വമായ വളര്‍ച്ചക്ക് നിദാനമായത് മഹാരഥന്മാരായ അനേകം സാഹിത്യകാരന്‍മാരുടെ ലോകോത്തര നിലവാരത്തിലുള്ള സൃഷ്ടികള്‍ ആണെങ്കില്‍, അവസാനപാദത്തില്‍ നമ്മുടെ ഭാഷയുടെ സ്ഥാനം ലോക ഭൂപടത്തില്‍ രേഖപ്പെടുത്തിയവരുടെ മുന്‍നിരയില്‍ മാധവിക്കുട്ടിക്ക് സ്ഥാനം ഉണ്ട്.

സ്ത്രീകള്‍ക്ക് മൃദു റൊമാന്റിക് കാല്പനികതയിലോ ദാര്‍ശനികതയിലോ ഒതുങ്ങി നിന്ന് മാത്രം എഴുതാന്‍ അനുമതി ലഭ്യമായിരുന്ന ഒരു കാലഘട്ടത്തില്‍, ബാലാമണിയമ്മ, സിസ്റ്റര്‍ മേരി ബനീഞ്ഞാ, ലളിതാംബികാ അന്തര്‍ജ്ജനം, ആനി തയ്യില്‍ തുടങ്ങി വിരലില്‍ എണ്ണാവുന്ന സ്ത്രീകള്‍ ഒരു പുരുഷമേധാവി സമൂഹം കല്‍പ്പിച്ചുകൊടുത്ത ചട്ടക്കൂടിനുള്ളില്‍ നിന്നുകൊണ്ട് ചില സംഭാവനകള്‍ നല്‍കിയെങ്കില്‍ പോലും; സമകാലീനരായ സാഹിത്യകാരന്മാരുടെ പ്രഭയില്‍ അവരുടെ സൃഷ്ട്ടികള്‍ അത്രയൊന്നും പ്രകാശം പരത്തിയതായി തോന്നുന്നില്ല.

ലളിതാംബികാ അന്തര്‍ജനം

ലളിതാംബികാ അന്തര്‍ജനമോ, കെ സരസ്വതി അമ്മയോ സമൂഹത്തിലെ അനാചാരങ്ങളെ ചെറിയ തോതില്‍ വെല്ലുവിളിക്കാന്‍ ശ്രമിച്ചിട്ടുണ്ടാവാം എങ്കിലും, ആ കാലഘട്ടത്തില്‍ കേരളത്തില്‍ ഉണ്ടായ വലുതായ സാമൂഹ്യ പരിവര്‍ത്തനങ്ങളില്‍ സ്ത്രീകളായ എഴുത്തുകാര്‍ ഉളവാക്കിയ സ്വാധീനം തുലോം ചെറുതായിരുന്നു.

മേല്‍പ്പറഞ്ഞ സാഹിത്യകാരികള്‍ ലൈംഗികതയെയും, വിവാദമായേക്കാവുന്ന വിഷയങ്ങളെയും തീണ്ടാപ്പാടകലെ നിര്‍ത്തുവാന്‍ പ്രത്യേകം ശ്രദ്ധിച്ചതിനാല്‍ ആവണം സമൂഹം അവര്‍ക്ക് സാഹിത്യ ലോകത്ത് തുടരാന്‍ അനുവാദം നല്‍കിയത്. യാഥാസ്ഥിതിക സമൂഹത്തെ വെല്ലുവിളിച്ചു എഴുതിയ രാജലക്ഷ്മിയാകട്ടെ മുപ്പത്തഞ്ചാം വയസ്സില്‍ സാഹിത്യ ലോകത്ത് തുരടരാന്‍ ആവാത്ത വിധമുള്ള സമ്മര്‍ദ്ദത്താല്‍ അത്രേ സ്വജീവന്‍ ഒടുക്കുകയും ഉണ്ടായി.

അങ്ങനെ സ്ത്രീകളുടെ സ്വതന്ത്രാവിഷ്‌കാരത്തിന് പരിമിതി കല്‍പ്പിച്ച ഒരു സമൂഹത്തെ ഞെട്ടിച്ചുകൊണ്ട് ആയിരത്തി തൊള്ളായിരത്തി എഴുപത്തി അഞ്ചില്‍ ‘എന്റെ കഥയുമായി’ മാധവിക്കുട്ടി കടന്നുവന്നപ്പോള്‍ ആവിഷക്കാര സ്വാതന്ത്ര്യത്തിന്റെ വലിയൊരു വാതായനം മലയാളത്തിലെ സ്ത്രീ എഴുത്തുകാര്‍ക്ക് മുന്‍പില്‍ തുറക്കപ്പെട്ടു. പോസ്റ്റ് മോഡേണ്‍ സാഹിത്യത്തിന്റെ മുഖമുദ്രയായ വിമത ലൈംഗികത, ആത്മകഥാംശം തുളുമ്പി നില്‍ക്കുന്ന ഭ്രമാത്മകമായ കാല്പനികത തുടങ്ങി മലയാളി പെണ്‍കൊടികള്‍ അന്നുവരെ സഞ്ചരിക്കാത്ത പാതകള്‍ മാധവിക്കുട്ടി പിന്ഗാമികള്‍ക്കായി വെട്ടിത്തുറന്നു. ഫെമിനിസം എന്ന മുദ്ര ചാര്‍ത്തികൊടുത്തും, പെണ്ണെഴുത്തിന്റെ തലതൊട്ടമ്മ എന്ന് നാമകരണം ചെയ്തും ചിലര്‍ മാധവിക്കുട്ടിയുടെ രചനകളുടെ പ്രാമുഖ്യം കുറച്ചു കാണിക്കാന്‍ ശ്രമിക്കാറുണ്ട് എങ്കിലും, മാതളപ്പൂപോലെ നനുത്ത സ്ത്രൈണ ഭാവങ്ങളും, പ്രണയനിലാവ് കിനിയുന്ന മനോഹാരിതയും തൊട്ടെടുക്കാന്‍ ആവുന്ന ഒരു പിടി രചനകള്‍ നമുക്കായി അവശേഷിപ്പിച്ചു കടന്നുപോയ ആ പ്രതിഭയുടെ ഓര്‍മയ്ക്ക് മുന്‍പില്‍ നമുക്ക് ആദരാഞ്ജലികള്‍ അര്‍പ്പിക്കാം.

മാധവിക്കുട്ടിയുടെ മൂന്നാം ചരമ വാര്‍ഷിക വേളയില്‍ മലയാളത്തിലെ പ്രശസ്തരായ സാഹിത്യകാരികള്‍, അവരെ ബൂലോകം ഡോട്ട് കോമിലൂടെ അനുസ്മരിക്കുന്നു.

ബൂലോകം മാധവിക്കുട്ടി സ്‌പെഷ്യല്‍ പതിപ്പില്‍ പ്രസിദ്ധീകരിച്ച മറ്റു ലേഖനങ്ങള്‍.

You May Also Like

ആപ്പിള്‍ വീണ്ടും പറ്റിച്ചു . പണി കിട്ടിയവര്‍ ആപ്പിളിനും പണികൊടുത്തു

ഐഒഎസ് 8 ഇറങ്ങിയ കാലം മുതല്‍ ആപ്പിളിന് ശനി ദശയാണ്. അത് സൃഷ്ടിച്ച അപ്‌ഡേറ്റ് വിവാദങ്ങള്‍ക്ക് പിന്നാലെ പുതിയ പ്രശ്‌നവും ആപ്പിള്‍ നേരിടുകയാണ്.

തടാകങ്ങളുടെ നഗരത്തിലൂടെ ഒരു യാത്ര – രാജസ്ഥാന്‍..

“..ഇപ്രാവശ്യത്തെ യാത്രയില്‍ മനസ്സിലേക്ക് കേറി വന്ന മുഖം ഒരു എട്ടോ പത്തൊ വയസ്സുള്ളകുട്ടിയുടെ നിസംഗതയായ മുഖമാണ്. ഞങ്ങള്‍ താമസിച്ചിരുന്ന ഹോട്ടലുകാര്‍ വൈകുന്നേരങ്ങളില്‍ പാവക്കളി ഏര്‍പ്പേടുത്തിയിട്ടുണ്ടായിരുന്നു. പാവക്കളി, കൊച്ചുനാളില്‍ ഒരുപാട് കൌതുകം തോന്നിയിട്ടുള്ളതാണ്…”

ഒരു കൊച്ചു പെണ്‍കുട്ടി പാട്ട് പാടുന്നു; പിന്നാലെ വീഴുന്ന ബോംബും – വൈറല്‍ യൂട്യൂബ് വീഡിയോ

ലോക മനസാക്ഷിയെ ഞെട്ടിച്ച ഈ വീഡിയോ സിറിയയിലെ ഒരു മാര്‍ക്കറ്റില്‍ വെച്ച് എടുത്തതാണ്. ഒരു കൊച്ചു പെണ്‍കുട്ടി സമാധാനത്തെ കുറിച് പാട്ടുന്നു തൊട്ടുപിന്നാലെ അവിടം ബോംബ്‌ സ്പോടനത്താല്‍ തകര്‍ന്ന്‍ ആ പെണ്‍കുട്ടി ഉള്‍പടെ നൂറുകണക്കിന് ആള്‍ക്കാര്‍ക്ക് പരിക്കുപറ്റുന്ന ഈ ഭീകരമായ വീഡിയോ യുദ്ധത്തിന്‍റെ വിക്രതമായ രൂപം എടുത്ത് കാണിക്കുന്നു. കഴിഞ്ഞ വര്‍ഷം നവംബറില്‍ എടുത്ത് എന്ന വിശ്വസിക്കുന്ന ഈ വീഡിയോ ഏതാനും ദിവസങ്ങള്‍ക്ക് മുന്‍പാണ്‌ youtube ല്‍ പ്രത്യക്ഷപ്പെട്ടത്.

നിങ്ങളുടെ ഫേസ്ബുക്ക് അക്കൗണ്ട്‌ എങ്ങിനെ ഡിലീറ്റ് ചെയ്യാം..?

നമ്മളില്‍ പലരും ഐടി മേഖലയില്‍ ജോലി ചെയ്യുന്നവര്‍ ആണ്. അങ്ങിനെ ഉള്ളവരില്‍ പലര്‍ക്കും ഉണ്ടാകാവുന്ന ഒരു അസുഖമാണ് ഫേസ്ബുക്ക് അഡിക്ഷന്‍ . അതില്‍ നിന്നും രക്ഷപ്പെടുവാനുള്ള ശ്രമത്തില്‍ തങ്ങളുടെ ഫേസ്ബുക്ക് അക്കൗണ്ട്‌ ഡിലീറ്റ് ചെയ്യുകയാണ് എന്ന മനസ്സിലാക്കി പലരും ചെയ്യുന്ന കാര്യമാണ് അക്കൗണ്ട്‌ ഡീആക്ടിവേഷന്‍ . എന്നാല്‍ അക്കൗണ്ട്‌ ഡീആക്റ്റിവേറ്റ് ചെയ്യുന്നത് കൊണ്ട് ആ അക്കൗണ്ട്‌ ഡിലീറ്റ് ആകുന്നില്ല, അതിലെ ഫയലുകളും ഡിലീറ്റ് ആവില്ല. പകരം എല്ലാ വിവരങ്ങളും ഫേസ്ബുക്ക് സെര്‍വറില്‍ അവശേഷിക്കും. അക്കൗണ്ട്‌ റീലോഗിന്‍ ചെയ്യുമ്പോള്‍ ആ അക്കൗണ്ട്‌ വീണ്ടും ആക്റ്റിവേറ്റ് ആവുകയും ചെയ്യും. ഇതില്‍ നിന്നും എങ്ങിനെ രക്ഷപ്പെടാം?