രക്തസാക്ഷി
ഞാന്‍ എന്തിനു ജയിലില്‍ ആയി? പാര്‍ട്ടിക്കുവേണ്ടി ചില്ലറ പ്രവര്‍ത്തനങ്ങള്‍ നടത്തിയിട്ടുണ്ട്. അത് ബസിനു കല്ലെറിഞ്ഞും വഴിതടഞ്ഞുമൊക്കെ ചില്ലറ ഗുണ്ടായിസങ്ങള്‍. അന്നൊന്നും എന്നെ ആരും പിടികൂടിയിട്ടില്ല. ഇതിപ്പോള്‍ ഒരാളെ കൊന്നതിനാണ് പോലീസ് പിടിച്ചിരിക്കുന്നത്. അതും ഞാന്‍ ആ പരിസരത്തെ ഇല്ലാത്തപ്പോള്‍. എതിര്‍ പാര്‍ട്ടികാര്‍ ഒറ്റിയെന്നാണ് ബ്രാഞ്ച് സെക്രട്ടറി പറഞ്ഞത്. അതല്ല അയാളുടെ മരുമകനെ രേക്ഷിക്കാന്‍ അയാള്‍ തന്നെ കുടുക്കിയതനെന്നും ശ്രുതിയുണ്ട്. ഞാന്‍ ചെയ്ത കാര്യമാനെങ്ങില്‍ സമ്മതിക്കുന്നതിനു വിഷമമൊന്നുമില്ല.. ഇത്? അയാള്‍ക്ക് വിഷമമായി.
61 total views
ഞാന്‍ എന്തിനു ജയിലില്‍ ആയി? പാര്‍ട്ടിക്കുവേണ്ടി ചില്ലറ പ്രവര്‍ത്തനങ്ങള്‍ നടത്തിയിട്ടുണ്ട്. അത് ബസിനു കല്ലെറിഞ്ഞും വഴിതടഞ്ഞുമൊക്കെ ചില്ലറ ഗുണ്ടായിസങ്ങള്‍. അന്നൊന്നും എന്നെ ആരും പിടികൂടിയിട്ടില്ല. ഇതിപ്പോള്‍ ഒരാളെ കൊന്നതിനാണ് പോലീസ് പിടിച്ചിരിക്കുന്നത്. അതും ഞാന്‍ ആ പരിസരത്തെ ഇല്ലാത്തപ്പോള്‍. എതിര്‍ പാര്‍ട്ടികാര്‍ ഒറ്റിയെന്നാണ് ബ്രാഞ്ച് സെക്രട്ടറി പറഞ്ഞത്. അതല്ല അയാളുടെ മരുമകനെ രേക്ഷിക്കാന്‍ അയാള്‍ തന്നെ കുടുക്കിയതനെന്നും ശ്രുതിയുണ്ട്. ഞാന്‍ ചെയ്ത കാര്യമാനെങ്ങില്‍ സമ്മതിക്കുന്നതിനു വിഷമമൊന്നുമില്ല.. ഇത്? അയാള്‍ക്ക് വിഷമമായി.
വേറെയും രണ്ടു മൂന്ന് പേരുണ്ടായിരുന്നു കൂട്ടത്തില്‍. ആരെയും പരിചയമില്ല. വെറുതെ സംസാരിച്ചപ്പോള്‍ എന്നെപോലെ അവരും കുടുങ്ങിയതാണെന്ന് മനസ്സിലായി. രോഷം കൊണ്ട് തിളച്ചങ്കിലും ഒന്നുമുണ്ടായില്ല. പോലീസിന്റെ ശാസന മാത്രം മിച്ചം. അയാള്‍ക്ക് കരച്ചില്‍ വന്നു.
പിന്നെ പോലിസ് കാരുടെ മര്‍ദ്ദനം, കുറ്റം സമ്മതിപ്പിക്കാന്‍ പ്രയോഗങ്ങള്‍ , വക്കീലന്മാരുടെ ചോദ്യങ്ങള്‍. എന്തുപറയാന്‍ ഏഴു വര്‍ഷത്തെ തടവുകിട്ടി. കുടുംബത്തെ കുറിച്ചോര്‍ത്ത് കുറെ കരഞ്ഞു. എന്തിനും പാര്‍ട്ടി ഉണ്ടാവുമെന്ന വിശ്വാസം ആശ്വാസമായി. പക്ഷെ ഒന്ന് രണ്ടു മാസം മാത്രമേ പാര്‍ട്ടി ഉണ്ടായുള്ളൂ. അവര്‍ക്ക് വേറെ സഖാക്കളേക്ക് സംരക്ഷണം കൊടുക്കണമായിരുന്നു. പുതിയ രക്തസാക്ഷികളെ ഉണ്ടാക്കണമായിരുന്നു.
വിസ്മൃതിയിലേക്ക് പോയ പ്രവര്‍ത്തകനായി ഞാനും മാറി. കാലം വേഗം പോയികൊണ്ടിരുന്നു. എനിക്ക് സ്വാതന്ത്ര്യം കിട്ടി.
നാടിലേക്ക് തിരിച്ചു. നാട്ടിലും വീടിലും വലിയ സ്വീകരണം ഉണ്ടായില്ല. നാടിലെ മാറ്റം നന്നായി മനസ്സിലായി. പാര്‍ട്ടിയുടെ ഓഫീസ് കണ്ടപ്പോള്‍ പണം എത്ര മാത്രം സ്വാധീനിചിട്ടുണ്ടെന്നും മനസ്സിലായി. വെറും പാര്‍ട്ടി പ്രവര്‍ത്തകന്റെ വീട് കണ്ടപ്പോള്‍ കാര്യങ്ങള്‍ ഏറെ കുറെ ബോദ്ധ്യമായി. കുറച്ചു ദിവസം പാര്‍ട്ടി ഓഫീസ് ആയിരുന്നു വിശ്രമകേന്ദ്രം. അവിടെ നടക്കുന്ന പലകാര്യങ്ങളും പാര്‍ട്ടിക്ക് ചേരുന്നതല്ലെന്ന് മനസ്സിലായി. എതിര്‍ക്കുവാന്‍ ആരംഭിചു. ഞാന്‍ അവര്‍ക്ക് കണ്ണിലെ കരടായി. പലതും ഞാന്‍ വിളിച്ചുപറഞ്ഞു. അതൊന്നും അവര്‍ക്ക് ദഹിച്ചില്ല.
ഒരു രാത്രി പുറത്തിറങ്ങി മൂത്രമൊഴിച്ചു വീടിലേക്ക് കയറുകയായിരുന്നു. ഒരു സംഖം മുഖംമൂടികാര്‍ വളഞ്ഞു. കയ്യില്‍ മാരഘയുധങ്ങള്‍ ഉണ്ടായിരുന്നു. പരക്കെ ആക്രമിച്ചു.വീടുകാര്‍ക്കും വെട്ടേറ്റു. ചത്ത് എന്ന് തോന്നിയപ്പോള്‍ അവിടെ തന്നെ ഉപേഷിച്ച് കടന്നു.
പിറ്റേന്ന് വിളിച്ചുകൂടിയ അനുശോചന യോഗത്തില്‍ പുതിയ ഒരു രക്തസാക്ഷിയെ കുറിച്ച് പറയാന്‍ എല്ലാവര്ക്കും വലിയ നാവയിരുന്നു. എതിര്‍പാര്‍ട്ടിയുടെ പ്രതികാരമായി ചിത്രീകരിക്കുവാന്‍ എല്ലാവരും മത്സരിച്ചു. ഒരു വലിയ തലവേദനയെ ഇല്ലായ്മ ചെയ്തതോര്‍ത്തു ബ്രാഞ്ച് സെക്രട്ടറി മാത്രം ഊറി ചിരിച്ചു.
62 total views, 1 views today
