സച്ചിനെ മിമിക്രി കാണിച്ച് ദ്രാവിഡ്‌; വീഡിയോ യൂട്യൂബില്‍ ഹിറ്റ്‌

198

ക്രിക്കറ്റ്‌ ദൈവം സച്ചിന്‍ ടെണ്ടുല്‍ക്കറെ അനുകരിച്ച് മിമിക്രി കാണിച്ച രാഹുല്‍ ദ്രാവിഡിന്റെ വീഡിയോ യൂട്യൂബില്‍ വൈറല്‍ വീഡിയോ ആയി മാറുന്നു. വീഡിയോ അപ്‌ലോഡ്‌ ചെയ്യപ്പെട്ട് ദിവസങ്ങള്‍ക്കകം തന്നെ 28,400 ഓളം പേരാണ് ഈ വീഡിയോ കണ്ടത്. കളിക്കളത്തിലെ ശാന്തനും ഗൌരവക്കാരനുമായ ദ്രാവിഡ്‌ എന്ന വന്മതില്‍ കളിക്കൂട്ടുകാരനായ ക്രിക്കറ്റ് ദൈവം സച്ചിന്‍ ടെണ്ടുല്‍ക്കറെ കുറിച്ച് സംസാരിക്കാന്‍ തുടങ്ങിയപ്പോള്‍ ഒന്നാന്തരം മിമിക്രികാരനായതാണ് ഈ വീഡിയോയെ ഇത്രയധികം പ്രസിദ്ധമാക്കിയത്.

സച്ചിന്‍ : ബോണ്‍ ടു ബാറ്റ് എന്ന ഖാലിദ്‌ അന്‍സാരി രചിച്ച പുസ്തകം പുറത്തിറക്കുന്നതിനിടെയാണ് ദ്രാവിഡ് രസകരമായ പരാമര്‍ശം നടത്തിയത്. സഞ്ജയ് മഞ്ജരേക്കര്‍ പറഞ്ഞ കഥ വേദിയില്‍ അവതരിപ്പിക്കുമ്പോഴാണ്‌ ദ്രാവിഡ് സച്ചിന്റെ ശബ്ദം അനുകരിച്ചത്. പശ്ചിമമേഖലയും തെക്കന്‍ മേഖലയും തമ്മിലുള്ള ക്രിക്കറ്റ് മത്സരത്തിനിടെയാണ് സംഭവം. സ്പിന്നിന് അനുകൂലമായ പിച്ചില്‍ വേണ്ടത്ര ബൗളര്‍മാരില്ലാതെ ബുദ്ധിമുട്ടിയ നായകനു മുന്നിലെത്തിയ സച്ചിന്‍ ‘മേ ഡാലേഗാ’ എന്നു തന്റെതായ ശൈലിയില്‍ പറഞ്ഞതാണ് ദ്രാവിഡ് അനുകരിച്ചത്.

ദ്രാവിഡിന് ശേഷം പ്രസംഗിച്ച ഹര്‍ഷ ഭോഗ്ലെ ദ്രാവിഡിനു നേരെ നോക്കി ഇങ്ങനെ പറഞ്ഞതോടെ സദസ്സില്‍ വീണ്ടും ചിരി പടര്‍ത്തി.

ഈ വീഡിയോ തീര്‍ച്ചയായും യൂട്യൂബില്‍ വൈറല്‍ ആകും തീര്‍ച്ച..