Adv Sreejith Perumana എഴുതുന്നു 

“നെന്മ ട്രീ ഇൻവെസ്റ്റ്മെന്റ്‌സ് പ്രൈ. ലി. ; അറിയാം ഈ പുതുതലമുറ തൊഴിൽ സംരംഭത്തെക്കുറിച്ച്

ആമുഖം: വ്യാജ ചാരിറ്റിക്കെതിരെയുള്ള കഴിഞ്ഞ 4 വർഷങ്ങളായുള്ള പോരാട്ടങ്ങളിൽ വസ്തുതാപരമല്ലാത്ത യാതൊരു ഇടപെടലും നടത്തിയിട്ടില്ല. എന്നിട്ടും മറ്റൊരു സ്ത്രീയുമായി ബന്ധപ്പെട്ട് ഫിറോസ് എന്നയാൾ നടത്തിയ പരാമർശങ്ങളിൽ അഭിപ്രായം പറഞ്ഞതിന്റെ പേരിൽ കഴിഞ്ഞ രാത്രിയിലും ഇന്ന് പകലുമായി അനാവശ്യമായ തെറിവിളികളാണ് കേൾക്കേണ്ടിവരുന്നത്..

ഈ സിസ്റ്റം അതിത്രയും വേരോടുകൂടിയതും, നെറ്റ്‌വർക്കുള്ളതും , ഗുണ്ടാ സംരക്ഷണമുള്ളതുമാണെന്ന് ബോധ്യപ്പെട്ടതിനെ അടിസ്ഥാനത്തിൽ വരും തലമുറയ്ക്ക് ഏറ്റവും ശക്തമായ ഒരു തൊഴിൽ അടിത്തറ നൽകുന്ന മേഖലയായി ഓൺലൈൻ ചാരിറ്റി മാറും എന്നതിൽ സംശയമില്ല. അതുകൊണ്ടുതന്നെ ഈ തൊഴില്മേഖലയെക്കുറിച്ച് കൂടുതൽ അറിയാം..

യുവാക്കൾക്കിടയിൽ വലിയ ആശങ്കയുയർത്തുന്ന തൊഴിലില്ലായ്മ എന്ന പ്രശ്നത്തിന് പരിഹാരമാകുകയാണ് കേരളത്തിലെ ഒരുപറ്റം യുവാക്കൾ കണ്ടെത്തിയ ഇന്നോവ കമ്പനിയുടെ കീഴിൽ പ്രവർത്തിക്കുന്ന “നെന്മ ട്രീ ഇൻവെസ്റ്റ്മെന്റ്‌സ് പ്രൈ. ലിമിറ്റഡ്” എന്ന പുതിയ ബ്രോക്കറേജ് സംരംഭം.

മണി ചെയിൻ മാതൃകയിലാണ് കമ്പനിയുടെ പ്രവർത്തനം. ക്യാമറ ഫോണും, വെള്ള ഷർട്ടും മുണ്ടുമുള്ള പുരുഷന്മാർക്കും, തപാൽ വഴി നീന്തൽ പഠിച്ചിട്ടുള്ള സ്ത്രീകൾക്കും കമ്പനിയിൽ രജിസ്റ്റർ ചെയ്യാം. തുടർന്ന് 6 മാസത്തെ നെന്മ ട്രീ ട്രെയിനിങ് പീരിഡാണ്. ട്രെയിനിങ് കാലയളവിൽ ഓരോ അംഗങ്ങളും ഫാൻസ് അംഗങ്ങളെ സബ് ട്രീ/മെരം (sub -Tree )ആയി ചേർക്കണം. പ്രൊബേഷൻ കാലയളവിൽ ഓരോ നെന്മ ട്രീയും 1 ലക്ഷം രൂപ മുതൽ 15 ലക്ഷം വരെ ഏറ്റവും കുറഞ്ഞ സമയത്തിനുള്ളിൽ വീഡിയോ ലൈവിലൂടെ സമാഹരിക്കണം.

ജോയന്റ് അക്കൗണ്ടും, ബ്രോക്കർ എഗ്രിമെന്റും ചെയ്യാൻ തയ്യാറാകുന്ന വ്യത്യസ്ത മതവിഭാഗങ്ങളിൽ ഉൾപ്പെട്ടവരുടെ 20 ലക്ഷം വരെയുള്ള വിവിധങ്ങളായ വീഡിയോകളാണ് ഈ കാലയളവിൽ ചെയ്യേണ്ടത്. സീനിയർ നെന്മ ട്രീ എക്സികുട്ടീവ് ഓഫീസർ മാസാമാസം പെർഫോമൻസ് പരിശോധിക്കുന്നതും ആറു മാസങ്ങൾക്ക് ശേഷം ചുരുങ്ങിയത് കേരളത്തിലെ ആറു വ്യത്യസ്ത പ്രദേശങ്ങളിലായി 10k സബ് ട്രീകൾ ഫാൻസുകാരായി ചേർക്കുന്നവർക്ക് അസിസ്റ്റന്റ് നെന്മ ട്രീ എന്ന പോസ്റ്റും ഔദ്യോദിക യൂണിഫോമും (വെള്ളയും വെള്ളയും) കൈമാറുന്നതാണ്.

10k സബ് ട്രീകളെ ചേർത്ത അസിസ്റ്റന്റുമാർ ഓരോരുത്തരും 3 മാസങ്ങൾക്കുള്ളിൽ കേരളത്തിന്റെ അങ്ങോളമിങ്ങളുമുള്ള നാട്ടിൽ നിന്നും 8 ന്റെ പൊങ്കാലയിടാനും, തെറി പറയാനും അറിയുന്ന ഏതെങ്കിലും സാമൂഹിക മാധ്യമത്തിൽ 2 വർഷത്തിൽ കുറയാത്ത ന്യായീകരണ എക്സ്പീരിയൻസുള്ള 100 സോഷ്യൽ മീഡിയ വെട്ടുകിളകളെ ഔദ്യോദിക “വെട്ട് ബേർഡ്‌സ് “( Vettu Birds )ആയി ചേർക്കേണ്ടതാണ്.

ട്രെയിനിങ് വിജയകരമായി പൂർത്തിയാകുന്നവർ ഇതോടെ ഔദ്യോദിക നെന്മ ട്രീയായി പ്രഖ്യാപിക്കപ്പെടും. നെന്മ ട്രീകളായവർ മാസത്തിൽ ചുരുങ്ങിയത് 5 മുതൽ 10 വരെ ആശുപത്രികൾ, ലാബുകൾ, മോർച്ചറികൾ, മരുന്ന് കടകൾ എന്നിവയുടെ ഉത്ഘാടനം നടത്തേണ്ടതും റിപ്പോർട്ട് സമർപ്പിക്കേണ്ടതുമാണ്.

നെന്മ ട്രീ പോസ്റ്റിൽ ഒരു വർഷം ജോലി ചെയ്യുകയും കീഴിൽ വർക്ക് ചെയ്യുന്ന സബ് ട്രീകളുടെ എണ്ണം കൂട്ടുകയും ചെയ്യുന്നതോടൊപ്പം രണ്ട് വീഡിയോ ആൽബം, ഒരു പാട്ട് 5 ഫ്ളക്സ് ബോർഡുകൾ, മിനിമം 15 അവാർഡുകൾ ജെഎന്നീ ടാർജറ്റുകൾ പൂർത്തിയാക്കുന്നവർ കമ്പനിയുടെ “പടത്തലവൻ” എന്ന പോസ്റ്റിൽ നിയമിതനാവുന്നതാണ്.

പാവങ്ങളുടെ പടത്തലവൻ എന്ന പോസ്റ്റിലെത്തിയാൽ പിന്നീട് അടുത്ത ഘട്ടമായ ഇന്നോവ ചാരിറ്റിയിലേക്കും, ഐഫോൺ ക്ലാരിറ്റി ചാരിറ്റിയിലേക്കും എത്തും. ഈ ഘട്ടത്തിൽ കമ്പനി ടാർജെറ്റുകളോ ഉണ്ടാകില്ല. ഡിവിഡന്റും, ഇൻസെന്റീവ്സും, അലവൻസും ജോയന്റ് അക്കൗണ്ടിലൂടെ ലഭിച്ചുകൊണ്ടിരിക്കും.

സബ് ട്രീകളും, ട്രെയിനി ട്രീകളും ഉൾപ്പെടെയുള്ള കമ്പനിയുടെ പൂർണ മേൽനോട്ടം പടത്തലവനായിരിക്കും. അസറപ്പ് പച്ചപ്പട, സുമേഷ് കാവിപ്പട, അണ്ടിമുക്ക് സഖാക്കൾ, ജോസപ്പ് ത്രിവർണപ്പട എന്നവരുമായി കമ്പനി MOU ഒപ്പിട്ടുള്ളതിനാൽ ഇവരുമായി നമ്മ ട്രീകൾ സഹകരിക്കേണ്ടതും,മേൽ ഗ്രൂപ്പുകൾ നെന്മ ട്രീകളെ പാടിപ്പുകഴ്ത്തുന്നതുമാണ്.

വലിയ മത്സരമുള്ള മേഖലയായതിനാൽതന്നെ നെന്മ മെരങ്ങൾക്കെതിരെ സംസാരിക്കുന്നവർക്കെതിരെ ആൾക്കൂട്ട ആക്രമണം നടത്തേണ്ട ഉത്തരവാദിത്വം ഓരോ നെന്മ മെര ഫാൻസുകൾക്കും, വെട്ടുകിളികൾക്കുമായിരിക്കും.

വാൽ : കേരളത്തിലെ യുവാക്കൾ തൊഴിലില്ലായ്മയുലൂടെ കടന്നുപോകുമ്പോൾ അവരെ പൂർണമായും പുതിയ തൊഴിൽ മേഖലയിലേക്ക് കൊണ്ടുവന്ന ഈ ന്യുജെൻ സംരംഭത്തിന് “ഇന്നോവ നെന്മമെര യോജന എന്ന പേരിൽ കേന്ദ്ര സർക്കാർ പദദ്ധികൾ ആവിഷ്ക്കരിക്കണമെന്നാണ് എന്റെ ഒരു ഇത്.

NB /
സുപ്രസിദ്ധ വൈറസ് രോഗ വിദഗ്ദ്ധൻ ഡോക്ടർ ചേർത്തല മോഹനൻ പറഞ്ഞതുപോലെ “ആരും ജനിക്കുന്നുമില്ല മരിക്കുന്നുമില്ല” എന്നതാണ് സത്യം എന്നതുകൊണ്ട് ഈ പോസ്റ്റ്
ജീവിച്ചിരിക്കുന്നവരോ മരിച്ചവരോ ആയിട്ടുള്ള ആറുമായിട്ടേണ്ടകിലും എന്തെങ്കിലും ബന്ധം തോന്നിയാൽ ആലം പൊൻ കാര്യവും, ലേശം നെല്ലിക്കാ ജ്യൂസും, കഴിച്ചാൽ മതിയാകും.

വാൽ: ഇങ്ങനെയൊന്നും പറയണം എന്നാഗ്രഹിച്ചതല്ല, പറയിപ്പിക്കുന്നതാണ്/.
ആത്മാർഥമായി സഹജീവികളോട് സഹാനുഭൂതി കാണിക്കുകയും സഹായിക്കുകയും ചെയ്യുന്നരോടുള്ള ആദരവും സ്നേഹവും കടപ്പാടും അറിയിക്കട്ടെ ..

NB:- 440 ലക്ഷത്തോളം രൂപയാണ് കഴിഞ്ഞ ഒന്നര വർഷത്തിനുള്ളിൽ ഒരു പ്രമുഖ ചാരിറ്റി പ്രവർത്തകൻ മാത്രം നൽകിയ അക്കൗണ്ടുകളിലൂടെ വിനിമയം നടത്തപ്പെട്ടിട്ടുള്ളത് എന്നും അവയൊന്നും യാതൊരു നിയമങ്ങളും പാലിക്കപ്പെടാതെയാണ് നടന്നിട്ടുള്ളതെന്നും അങ്ങേയറ്റം ഗൗരവമേറിയതാണ്.

അഡ്വ ശ്രീജിത്ത് പെരുമന

Advertisements
ഇന്ത്യയിലെ ആദ്യത്തെ സിറ്റിസൺ ജേർണലിസം പോർട്ടൽ. ഇവിടെ പ്രസിദ്ധീകരിക്കപ്പെടുന്ന ലേഖനങ്ങളും കമന്റുകളും ബൂലോകത്തിന്റെ അഭിപ്രായങ്ങളല്ല.അവയുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.