അന്ന് അയാൾ മോശമായി സ്പർശിച്ചതിനു ശേഷം മഞ്ഞ ഡ്രെസ് ഇടാൻ ഭയമായിരുന്നു

തെന്നിന്ത്യൻ ചലച്ചിത്രനടിയും മോഡലുമാണ് ഐശ്വര്യ ലക്ഷ്മി . ഫഹദ് ഫാസിൽ, ടൊവീനോ തോമസ്, ആസിഫ് അലി, കാളിദാസ് ജയറാം എന്നിവരുടെ നായിക വേഷങ്ങളിൽ ശ്രദ്ധിക്കപ്പെട്ടു. 2014-ൽ മോഡലിംഗ് രംഗത്തു പ്രവർത്തിച്ചുതുടങ്ങിയ ഐശ്വര്യ 2017-ൽ ഞണ്ടുകളുടെ നാട്ടിൽ ഒരിടവേള എന്ന ചലച്ചിത്രത്തിൽ ആദ്യമായി അഭിനയിച്ചു. 2017-ൽ പുറത്തിറങ്ങിയ മായാനദിയാണ് ഐശ്വര്യയുടെ രണ്ടാമത്തെ ചലച്ചിത്രം.ഈ ചിത്രമാണ് താരത്തിന് ഏറെപ്രശസ്തി നേടിക്കൊടുത്തത്.

1990 സെപ്റ്റംബർ 6ന് കേരളത്തിൽ തിരുവനന്തപുരം ജില്ലയിലാണ് ഐശ്വര്യ ലക്ഷ്മിയുടെ ജനനം.ഹോളി ഏഞ്ചൽസ് ഐ.എസ്.സി. സ്കൂളിലെ പഠനശേഷം എറണാകുളത്തെ ശ്രീ നാരായണ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ നിന്നും എം.ബി.ബി.എസ്. ബിരുദം നേടി. ബിരുദ പഠനകാലത്തു തന്നെ മോഡലിംഗ് തുടങ്ങിയിരുന്നു. പിന്നീട് കൊച്ചിയിൽ താമസം തുടങ്ങി.ഹൗസ് സർജൻസി ചെയ്തുകൊണ്ടിരിക്കുമ്പോഴാണ് ആദ്യ സിനിമയിലേക്ക് അവസരം ലഭിച്ചത്. അതിനുമുമ്പ് പ്രേമം എന്ന ചലച്ചിത്രത്തിൽ ‘മേരി’ എന്ന കഥാപാത്രത്തെ അവതരിപ്പിക്കുവാൻ അവസരം ലഭിച്ചിരുന്നുവെങ്കിലും പഠനത്തിരക്കുകൾ കാരണം അഭിനയിക്കുവാൻ കഴിഞ്ഞില്ല.

2014 മുതൽ മോഡലിംഗ് രംഗത്തു പ്രവർത്തിച്ചുവന്ന ഐശ്വര്യ ലക്ഷ്മി ഫ്ലവർ വേൾഡ്, സാൾട്ട് സ്റ്റുഡിയോ, വനിത, എഫ്.ഡബ്ല്യു.ഡി. ലൈഫ് എന്നീ മാസികകളുടെ കവർ പേജിലും ഇടം നേടിയിരുന്നു. കരിക്കിനേത്ത് സിൽക്ക്സ്, ലാ ബ്രെൻഡ, എസ്വാ, അക്ഷയ ജൂവലറി എന്നീ സ്ഥാപനങ്ങളുടെ പരസ്യചിത്രങ്ങളിൽ അഭിനയിച്ചു. 2017-ൽ നിവിൻ പോളി നായകനായ ഞണ്ടുകളുടെ നാട്ടിൽ ഒരിടവേള എന്ന ചിത്രത്തിൽ നായികയായി വേഷമിട്ടുകൊണ്ട് ചലച്ചിത്രരംഗത്തേക്കു കടന്നുവന്നു. അതേവർഷം ടൊവിനോ തോമസ് നായകനായി പുറത്തിറങ്ങിയ മായാനദിയാണ് ഐശ്വര്യ ലക്ഷ്മിയുടെ രണ്ടാമത്തെ ചലച്ചിത്രം. താരത്തിന്റെ വളർച്ച വളരെ പെട്ടന്നായിരുന്നു. ഇപ്പോൾ ഐശ്വര്യ തെന്നിന്ത്യൻ ഭാഷകൾ കീഴടക്കി മുന്നേറുകയാണ്. ഒടുവിലിതാ മണിരത്നത്തിന്റെ പൊന്നിയിൻ സെൽവനൈൽ വരെ എത്തിനിൽക്കുന്ന കരിയർ വളർച്ച

ഇപ്പോൾ താരം തനിക്ക് നേരിടേണ്ടിവന്ന ദുരനുഭവത്തെക്കുറിച്ച് തുറന്നുപറഞ്ഞ് നടി ഐശ്വര്യ ലക്ഷ്മി. വർഷങ്ങൾക്ക് മുമ്പ് ഒരാൾ മോശമായി സ്പർശിച്ചതിനെക്കുറിച്ചാണ് നടിയുടെ വെളിപ്പെടുത്തൽ. ഒരു മാദ്ധ്യമത്തിന് നൽകിയ അഭിമുഖത്തിൽ സംസാരിക്കുകയായിരുന്നു നടി.ചെറുപ്പത്തിൽ ഗുരുവായൂരിൽവച്ച് ഒരാൾ മോശമായി സ്‌പർശിച്ചെന്ന് നടി പറയുന്നു. ഇന്നാണെങ്കിൽ താൻ പ്രതികരിക്കും. പക്ഷേ ചെറുപ്രായത്തിൽ എങ്ങനെ പ്രതികരിക്കണമെന്ന് നമുക്ക് അറിയില്ലല്ലോ. ആ സംഭവം ഉണ്ടായപ്പോൾ മഞ്ഞയിൽ സ്‌ട്രോബറി പ്രിന്റുകളുള്ള ഉടുപ്പായിരുന്നു ധരിച്ചിരുന്നത്.ആ സംഭവത്തിന് ശേഷം മഞ്ഞ ധരിച്ചാൽ മോശമായത് എന്തെങ്കിലും സംഭവിക്കുമെന്ന പേടിയുണ്ടായിരുന്നു. അതിനാൽ കുറേക്കാലം മഞ്ഞ ഡ്രസ് ഇട്ടില്ല. പിന്നെ ആ പേടി മാറി. ഇന്ന് ഞാൻ കൂടുതലായും മഞ്ഞ ഡ്രസാണ് ധരിക്കുന്നത്.സമൂഹത്തിലെ ഇത്തരത്തിലുള്ള പ്രശ്‌നങ്ങളിൽ മാറ്റം വരുമോയെന്ന് അറിയില്ല…- നടി പറഞ്ഞു.