മറാഠരുടെ അഭിമാനമായ ഛത്രപതി ശിവജിയെ അവതരിപ്പിക്കാൻ ഒരുങ്ങുകയാണ് ബോളീവുഡിന്റെ സ്വന്തം അക്ഷയ്കുമാർ.അക്ഷയ് കുമാര്‍ ഛത്രപതി ശിവജിയായി വേഷമിടുന്ന പുതിയ ചിത്രം ‘വേദാന്ത് മറാത്തേ വീര്‍ ദൗദലേ സാത്തി’ന്റെ ഫസ്റ്റ് ലുക്ക് പുറത്തുവിട്ടു. അക്ഷയ് കുമാറിന്റെ ആദ്യ മറാഠി ചിത്രമാണ് ഇത്. മഹേഷ് മഞ്ജരേക്കറാണ് ചിത്രം സംവിധാനം ചെയ്യുന്നത്. .സിനിമയുടെ ചിത്രീകരണം ഇന്ന് ആരംഭിച്ചു. സാമ്രാട്ട് പൃഥ്വിരാജിനെയും അക്ഷയ്കുമാർ അവതരിപ്പിച്ചിരുന്നു. എന്നാൽ ചിത്രത്തിന് ബോക്സ്ഓഫീസിൽ വേണ്ടത്ര ചലനം സൃഷ്ടിക്കാൻ സാധിച്ചിരുന്നില്ല.
ഛത്രപതി ശിവജിയെ അക്ഷയ്കുമാർ അവതരിപ്പിക്കുന്ന ചിത്രം മഹേഷ് മഞ്ജരേക്കര്‍ ആണ് സംവിധാനം ചെയ്യുന്നത് . ചിത്രം മറാഠിയിലാണ് ഒരുങ്ങുന്നത്. മറാഠിക്ക് പുറമെ തമിഴ്, തെലുങ്ക്, ഹിന്ദി ഭാഷകളിലും സിനിമ റിലീസ് ചെയ്യും. ചിത്രം അടുത്ത വർഷം ദീപാവലിക്ക് റിലീസ് ചെയ്യും. നിർമാണം വസീം ഖുറേഷി. ‘ഛത്രപതി ശിവജി മഹാരാജിന്റെ വേഷമാണ് ഞാന്‍ അവതരിപ്പിക്കുന്നത്. രാജ് താക്കറെ കാരണമാണ് എനിക്ക് ആ വേഷം ലഭിച്ചത്. ഇതൊരു വലിയ ദൗത്യമാണ്, എന്റെ ഏറ്റവും മികച്ചത് ഞാന്‍ നല്‍കും’ അക്ഷയ് കുമാര്‍ പറഞ്ഞു. എന്നാലിപ്പോൾ ചിത്രത്തെ സംബന്ധിക്കുന്ന ഒരു ട്രോൾ ആണ് വ്യാപകമാകുന്നത് .
സിനിമയുടെ പോസ്റ്ററുകളിൽ അക്ഷയ്കുമാർ ശിവജിയായി നിൽക്കുന്നതിനു മുകളിൽ വൈദ്യുത ദീപങ്ങൾ കത്തിക്കിടക്കുന്ന ചിത്രം ആണ് ട്രോൾ ചെയ്യപ്പെടുന്നത്. ശിവാജി ഭരിച്ചിരുന്നത് 1674 മുതൽ 1680 വരെ .എഡിസൺ വൈദ്യുത ബൾബ് കണ്ടു പിടിച്ചത് 1880 ൽ . ഈ കാലഗണനയിലെ വ്യത്യാസമാണ് ട്രോൾ ചെയ്യപ്പെടുന്നത്. ശിവാജിയുടെ കാലത്തു ഇല്ലാത്ത വൈദ്യുത ബൾബുകൾ എങ്ങനെ സിനിമയിൽ വന്നു എന്നാണു പലരും ചോദിക്കുന്നത്. വരും ദിവസങ്ങളിൽ ആദിപുരുഷ് ട്രോൾ ചെയ്യപ്പെട്ടപോലെ അക്ഷയ്കുമാറിന്റെ ശിവജിയും ട്രോൾ ചെയ്യപ്പെടുമോ എന്നാണു കാത്തിരുന്ന് കാണേണ്ടത്.
