‘എലോൺ’ തികച്ചും വ്യത്യസ്തമായ സിനിമയെന്ന് പ്രേക്ഷകാഭിപ്രായം

രാജേഷ് ജയരാമൻ തിരക്കഥയെഴുതി ഷാജി കൈലാസ് സംവിധാനം ചെയ്ത് ആശിർവാദ് സിനിമാസ് വഴി ആന്റണി പെരുമ്പാവൂർ നിർമ്മിച്ച, ത്രില്ലർ ചിത്രമാണ് എലോൺ. ചിത്രത്തിൽ പ്രത്യക്ഷപ്പെടുന്ന ഒരേയൊരു കഥാപാത്രമായ കാളിദാസായി മോഹൻലാൽ എത്തുന്നു. ജേക്‌സ് ബിജോയ് ആണ് ചിത്രത്തിന്റെ പശ്ചാത്തല സംഗീതം ഒരുക്കിയിരിക്കുന്നത്. 2021 ഒക്ടോബറിൽ 18 ദിവസം കൊണ്ട് പ്രധാന ഫോട്ടോഗ്രഫി പൂർത്തിയാക്കി.എലോൺ 2023 ജനുവരി 26-ന് തിയേറ്ററുകളിൽ റിലീസ് ചെയ്തു വ്യത്യസ്ഥമായ കാഴ്ചപ്പാടിൽ അവതരിപ്പിച്ച എലോണിന്ന് സമ്മിശ്ര പ്രതികരണങ്ങളാണ് എത്തിക്കൊണ്ടിരുന്നത്.

ഇന്ത്യയിൽ കോവിഡ്-19 പടർന്നുപിടിക്കുന്ന സാഹചര്യത്തിൽ തൊഴിലില്ലായ്മയിലൂടെ ബുദ്ധിമുട്ടുന്ന സിനിമാ മേഖലയിലെ തൊഴിലാളികളെ സഹായിക്കാൻ മോഹൻലാൽ ഒരു ‘ചെറിയ സിനിമ’ നിർമ്മിക്കാനുള്ള നിർദ്ദേശം മുന്നോട്ട് വച്ചതിന് ശേഷമാണ് ‘എലോൺ’ സൃഷ്ടിച്ചതെന്ന് ഷാജി കൈലാസ് പറഞ്ഞു. അദ്ദേഹത്തിന്റെ നിർദ്ദേശപ്രകാരം, നിർമ്മാതാവ് ആന്റണി പെരുമ്പാവൂർ കൈലാസിനോട് ഇത്തരമൊരു ചിത്രത്തിന് സാധ്യതയുള്ള ഒരു കഥയെക്കുറിച്ച് ചോദിച്ചു, കോയമ്പത്തൂരിൽ നിന്ന് യാത്ര ചെയ്യുന്നതിനിടയിൽ മഹാമാരിയിൽ കാളിദാസ് എന്ന മനുഷ്യൻ കേരളത്തിൽ കുടുങ്ങിക്കിടക്കുന്ന ഒറ്റ കഥാപാത്രചിത്രം കൈലാസ് നിർദ്ദേശിച്ചു. പൃഥ്വിരാജ് ചിത്രമായ കടുവയുടെ നിർമ്മാണം ആരംഭിച്ചതിന് ശേഷമാണ് കൈലാസ് ഈ പ്രോജക്റ്റ് ഏറ്റെടുത്തത്, അതിന്റെ ഷൂട്ടിംഗ് ഇടവേളയിൽ ചിത്രീകരിച്ചു.

   2021 നവംബറിൽ, എലോൺ ഒരു ഡിജിറ്റൽ സ്ട്രീമിംഗ് പ്ലാറ്റ്‌ഫോമിൽ റിലീസ് ചെയ്യുമെന്ന് റിപ്പോർട്ട് ചെയ്യപ്പെട്ടു.2022 ജൂണിൽ, ചിത്രം 2022 ഓഗസ്റ്റിൽ OTT പ്ലാറ്റ്‌ഫോമിൽ റിലീസ് ചെയ്യുമെന്ന് ഷാജി കൈലാസ് വെളിപ്പെടുത്തി.2022 ഒക്ടോബർ 21 ന്, ചിത്രം ഒരു തിയേറ്ററിൽ റിലീസ് ചെയ്യുമെന്ന് പ്രഖ്യാപിച്ചുകൊണ്ട് ചിത്രത്തിന്റെ ഒരു ടീസർ പുറത്തിറങ്ങി.എലോൺ 2023 ജനുവരി 26-ന് തിയേറ്ററുകളിൽ റിലീസ് ചെയ്തു.
ചിത്രത്തിന്റെ പ്രധാന ഛായാഗ്രഹണം 2021 ഒക്ടോബർ 5-ന് ആരംഭിച്ചു. 2021 ഒക്ടോബർ 22-ന് ചിത്രീകരണം പൂർത്തിയായി. 18 ദിവസം കൊണ്ട് മുഴുവൻ ചിത്രീകരണവും പൂർത്തിയാക്കി. സംവിധാനം- ഷാജി കൈലാസ്, നിർമ്മാണം- ആന്റണി പെരുമ്പാവൂർ, രചന- രാജേഷ് ജയരാമൻ , സംഗീതം- – ജേക്സ് ബിജോയ്, ഛായാഗ്രഹണം- അഭിനന്ദൻ രാമാനുജം, ചിത്രസംയോജനം- ഡോൺ മാക്സ് സ്റ്റുഡിയോ

എലോണിന്ന് സമ്മിശ്ര പ്രതികരണങ്ങളാണ് എത്തിക്കൊണ്ടിരുന്നത്. ചില പ്രേക്ഷാഭിപ്രായങ്ങൾ വായിക്കാം

Manas Vinod

Alone 🎥
ആളും ആരവവുമില്ലാതെ ഒരു മോഹൻലാൽ സിനിമയുടെ റിലീസ്. പടം ഇഷ്ടായി, നല്ല രീതിയിൽ തന്നെ ഷാജി കൈലാസ് പടം അടുത്ത് വെച്ചിട്ടുണ്ട്. സൗണ്ട് ഡിസൈൻ ഒക്കെ നല്ല പക്ക ആയി തന്നെ ചെയ്തു. പിന്നെ ഒറ്റയാൽ പോരാട്ടം എത്ര മാത്രം ലാലേട്ടന് കൊണ്ട് പറ്റു എന്നൊരു ചോദ്യം എല്ലാവരുടെയും മനസ്സിൽ ഉണ്ടായിരുന്നു, പക്ഷെ വളരെ neat ആയി പുള്ളി ‘kalidas’ എന്ന് കഥാപാത്രം കൈകാര്യം ചെയ്തു. തീയറ്ററിൽ നിന്നും നിർബന്ധമായും കാണേണ്ട ഒരു സിനിമയൊന്നുമല്ല ‘Alone’. കാണുന്നവർക്ക് നഷ്ടമില്ല എന്നു മാത്രം. പിന്നെ മോഹൻലാലിന്റെ മുഖത്ത് ഇനി ഭാവങ്ങളൊന്നും വരില്ല എന്നൊക്കെ പറഞ്ഞു നടക്കുന്ന ചില സ്ഥാപിത താല്പര്യക്കാരുടെ ചെപ്പാക്കുറ്റിക്ക് പോകുന്ന പോക്കിൽ പുറംകൈ കൊണ്ട് ചെറുതല്ലാത്ത ഒരടി കൊടുക്കുന്നുണ്ട് കാളിദാസൻ എന്ന കഥാപാത്രം. ബാക്കി ‘റാമും’ ‘മലൈക്കോട്ടൈ വാലിബനും’ ‘എമ്പുരാനും’ കൊടുത്തോളും. 2023 ന് എന്തായാലും ആശ്വാസകരമായ തുടക്കം.

***
Hari Panangad

നിഴൽ കൊണ്ട് പോലും മറ്റൊരു മനുഷ്യരൂപമില്ലാത്ത സിനിമ. കാളിദാസൻ മാത്രം സ്‌ക്രീനിൽ വരുന്ന സിനിമ.ആ സിനിമയെ രണ്ടുമണിക്കൂർ എൻഗേജിങ് ആയി നിർത്തുന്നത് ഷാജി കൈലാസിന്റെ
സംവിധാന മികവും മോഹൻലാലിന്റെ മികച്ച പ്രകടനവുമാണ്. ക്ലോസപ്പ് ഷോട്ടുകളുടെ തമ്പുരാനാണ് ഷാജി കൈലാസ്. ഒപ്പം സ്ക്രീൻ പ്രെസൻസിന്റെ തലതൊട്ടപ്പനായ മോഹൻലാലും ചേരുമ്പോൾ മികച്ച മുഹൂർത്തങ്ങൾ സംഭവിക്കുന്നുണ്ട്. ഷാജി കൈലാസിന്റെ ഫ്രെയിംസിന് എപ്പോഴും ഒരു ഫ്രഷ്‌നെസ്സ് അനുഭവപ്പെടാറുണ്ട്. ഇവിടെയും മനോഹരമായി അത് സംഭവിക്കുന്നുണ്ട്. ഒപ്പം എഡിറ്റിങ്ങും സിനിമയെ ത്രില്ലിംഗ് ആയി നിലനിർത്താൻ സഹായിക്കുന്നുണ്ട്.ശബ്ദം കൊണ്ട് പ്രിത്വിരാജ് മികച്ചു നിന്നു.
മോഹൻലാലിന്റെ പ്രശ്നം മാറിയ മുഖമോ താടിയോ ഒന്നുമല്ല.നല്ല തിരക്കഥ വന്നപ്പോൾ പ്രതിഭയുടെ പ്രതിഫലനം കാണാം.അദ്ദേഹത്തിലേക്ക് നല്ല തിരക്കഥകൾ എത്തട്ടെ. അല്ലെങ്കിൽ അദ്ദേഹം നല്ല തിരക്കഥകളിലേക്കെത്തേട്ടെ.രണ്ടായാലും ഗുണം മലയാള സിനിമയ്ക്കാണ്.Real heros are always Alone

***
Lineesh Kavassery

ഒട്ടും പ്രതീക്ഷയില്ലാതെ കാണാൻ പോയ ഒരു സിനിമ.. പക്ഷേ നിരാശപ്പെടുത്തിയില്ല..ഒരാൾ മാത്രം അഭിനയിച്ച സിനിമ..നിഴലിനു പോലും ഫ്രെയിമിലേക്ക് മറ്റ് ഒരു കഥാപാത്രങ്ങളാരൂം കടന്നു വരുന്നില്ല..
അതും ഭൂരിഭാഗവും ക്ലോസപ്പ് ഷോട്ടുകളിൽ..അങ്ങിനെ ഒരു സിനിമ ബോറടിപ്പിക്കാതെ രണ്ടു മണിക്കൂർ വരെ കൊണ്ട് പോകാൻ സാധിച്ചു എന്നതാണ് ഈ സിനിമയുടെ ഏറ്റവും വലിയ പ്ളസ് പോയിൻ്റ്…
സമീപകാലത്ത് ഇറങ്ങിയ മോഹൻലാൽ സിനിമകളിൽ നല്ലത് Alone തന്നെയെന്ന് നിസ്സശയം പറയാം
***

Sarath SR Vtk

കോവിഡ് കാലഘട്ടത്തിൽ ott ലക്ഷ്യമാക്കി ഒരുക്കപ്പെട്ട മോഹൻലാൽ -ഷാജി കൈലാസ് ചിത്രമാണ് “alone”.

➡️മോഹൻലാൽ മാത്രമാണ് സിനിമയിൽ ഉള്ളത്. മറ്റു കഥാപാത്രങ്ങൾ എല്ലാം ശബ്ദ സാന്നിധ്യങ്ങളാണ്. അത്തരത്തിൽ ഉള്ള ഒരു experimental movie ആണ് ഇത്.
➡️കാളിദാസ് എന്നയാൾ ഒരു ഫ്ലാറ്റ് ൽ താമസിക്കാൻ എത്തുന്നതും അവിടെ അയാൾക് നിഗൂഢമായ ചില അനുഭവങ്ങൾ ഉണ്ടാകുന്നു.
➡️ott material, single character, single location ഇതെല്ലാം കൊണ്ടുണ്ടാണ്ടാകുന്ന ലാഗ് momments കളും പരിമിതികളും നല്ലോണം ഉണ്ട് ചിത്രത്തിൽ.
➡️total script ഒരു okayish ലെവൽ നിൽകുമ്പോൾ,dramatic dialogues നല്ലൊരു പോരായ്മ ആയിരുന്നു.അത് അതിന്റെ മാക്സിമം പറ്റാവുന്ന രീതിയിൽ present ചെയ്തിട്ടുണ്ട്.
➡️ഷാജി കൈലാസ് ന്റെ execution neat ആയിരുന്നു.
➡️മോഹൻലാൽ എന്ന നടനെ challenge ചെയ്യാൻ പോന്ന ഒരു കഥാപാത്രം ഒന്നും അല്ലെങ്കിലും,സമീപ കാലത്ത് മോഹൻലാൽ നു കിട്ടിയിട്ടുള്ള കഥാപാത്രങ്ങളെക്കൾ കുറച്ചു കൂടി depth കാളിദാസ് നു നല്കപ്പെട്ടിട്ടുണ്ട്. അത് കൃത്യമായി പിടിച്ചു പുള്ളി ചെയ്തിട്ടുണ്ട് 👌👌..
➡️voice character ആയി വരുന്നതിൽ പ്രിത്വിരാജ് നന്നായി ചെയ്തിട്ടുണ്ട്
➡️മൊത്തത്തിൽ ഭയങ്കര പടം ഒന്നുമല്ലെങ്കിലും അടുത്ത കാലത്തിറങ്ങിയ മോഹൻലാൽ സിനിമകളിൽ ഭേദപ്പെട്ട അനുഭവം ആണ് alone. വളരെ ചെറിയ ഒരു neat executed പടം.

***
Pranam Krishna

Alone.
മോഹൻലാലും, ഫ്ലാറ്റും മാത്രം കഥാപാത്രങ്ങൾ ആയി എത്തുന്ന Alone ആദ്യ പകുതി അവസാനിക്കുമ്പോൾ നീരാളി 2.O ആകും എന്നാണ് കരുതിയത്.എന്നാല് താരതമ്യേനെ ബെറ്ററും, എങ്കജിങ്ങുമായ സെക്കൻഡ് ഹാൽഫ് Aloneനെ മൊത്തത്തിൽ ഒരു above average പടം ആക്കുന്നുണ്ട്. Lockdown സമയത്ത് കോയമ്പത്തൂരിൽ നിന്ന് കൊച്ചിയിൽ എത്തുന്ന മോഹൻലാലിൻ്റെ കാളിദാസ് എന്ന കഥാപാത്രം തൻ്റെ ഫ്ലാറ്റിൽ എന്തോ നിഗൂഢതയുണ്ടെന്ന് കണ്ടെത്തുകയും അതിൻ്റെ പിറകെ പായുന്നതുമാണ് സിനിമ.വലിയ പ്രതീക്ഷ ഏതുമില്ലാതെ പോയതിനാലാവണം Alone എന്നെ നിരാശപ്പെടുത്തിയില്ല.

**
ലോൺലിനസ് ബോയ്

Old School Making ആണേലും Dramatic ഡയലോഗുകളാൽ സമ്പന്നമാണേലും,നെറ്റി ചുളിപ്പിക്കുന്ന ശരാശരിയിൽ താഴെയുള്ള ആദ്യ പകുതിയിൽ നിന്നും ഒരു Decent സെക്കൻഡ് half ലേക്കും തൃപ്തി നൽകുന്ന ഒരു Climaxലേക്കും ചിത്രം വഴിമാറുന്നുണ്ട്. Post കോവിഡിൽ D2 നും BroDaddy ക്കും ശേഷം വന്ന Better Mohanlal മൂവി തന്നെയാണ് Alone.വ്യക്തിപരമായി 12th മാനേക്കാളും തൃപ്തി നൽകി. രണ്ടാം പകുതിയിലെ മോഹൻലാലിൻ്റെ പ്രകടനവും സിനിമാ പ്രേമി എന്ന നിലയിൽ ആശ്വാസവും സന്തോഷം തരുന്നതുമാണ്.സിനിമ എവിടേയും ബോറടിക്കാത്തതും തിരിച്ചു വരവിൽ ഷാജി ചെയ്ത 3 പടങ്ങളും മോശമാക്കിയില്ല എന്നുള്ളതും സന്തോഷം തോന്നിക്കുന്നുണ്ട്. മോഹൻലാൽ ഫാൻസിനെ ചിത്രം തൃപ്തി നൽകുമെന്ന് ഉറപ്പാണ് അല്ലാത്തവർ സ്വന്തം റിസ്കിൽ മാത്രം കാണുക

***
മാത്യു മാഞ്ഞൂരാൻ ലാലിസ്റ്റ്

Alone സിനിമയുടെ, total output ന്റെ കുറവോ കൂടുതലോ ഒക്കെ അവിടെ നിൽക്കട്ടെ. മോഹൻലാൽ എന്ന നടന്റെ പെർഫോമൻസ് നോക്കിയാൽ, ആ സിനിമയുടെ തുടക്കം മുതൽ ഒടുക്കം വരെ പുള്ളി keep ചെയ്യുന്ന ഒരു കഥാപാത്ര തുടർച്ചയുണ്ട്..!!എവിടെ നിന്നോ വന്നോ വന്നു എങ്ങോട്ടോ പോകുന്ന ഒരു കഥാപാത്രമല്ല കാളിദാസൻ. അയാൾക്, അയാളെ haunt ചെയ്യുന്ന ഒരു past ഉണ്ട്. അച്ഛനമ്മമാരെ കുറിച്ച് ചോദിക്കുമ്പോൾ, മാസ്ക് ന്റെ മറവിൽ കണ്ണുകൾ കൊണ്ട് മാത്രം convey ചെയ്യപ്പെടുന്ന ഒരു വേദന അയാളിൽ കാണാം!!
സിനിമയിൽ ക്ലൈമാക്സ്‌ ലേക്ക് എത്തുമ്പോൾ അയാൾ ആരാണെന്നു നമ്മളറിയുന്ന നിമിഷം, സിനിമയുടെ തുടക്കം മുതലുള്ള കാളിദാസിന്റെ പെരുമാറ്റങ്ങൾ കാണുമ്പോൾ “ഇത് എന്ത് ഇങ്ങനെ ” എന്ന നമ്മുടെ തോന്നലുകളെ മുഴുവൻ “അത് കൊണ്ടാണല്ലേ ഇങ്ങനെ “എന്നൊന്നാക്കി മാറ്റുന്നുണ്ട്. അപ്പോഴാണ് ശെരിക്കും ആ നടനം നമ്മളെ ചെറുതായെങ്കിലും അത്ഭുതപെടുത്തുന്നത്.അദ്ദേഹത്തെ പോലൊരു നടനെ സംബന്ധിച്ച് അത് വലിയ ഒരു കാര്യം ഒന്നുമല്ല. പക്ഷേ അത് വിചാരിക്കും പോലെ അത്ര എളുപ്പവും അല്ല
ശെരിക്കും പഴയ മോഹൻലാൽ, പുതിയ മോഹൻലാൽ എന്നൊന്നുണ്ടോ. കാലം മാറ്റങ്ങൾ വരുത്തിയ മോഹൻലാൽ, ഈ മോഹൻലാൽ നെ നല്ലൊരു സ്ക്രിപ്റ്റ് ൽ പണി അറിയാവുന്ന ഒരു director, കൃത്യമായ character design കൊടുത്ത് ചെയ്താൽ ഇനിയും അത്ഭുതങ്ങൾ പിറവി എടുക്കുമെന്ന് ആ മുഖത്ത് മിന്നി മറഞ്ഞ ചില ഭാവങ്ങൾ സൂചിപ്പിക്കുന്നു!!

***
Marzelinyo Penzle

Ott യ്ക്ക് കൊടുക്കാതെ തിയേറ്ററിൽ കൊടുത്തത് എന്തായാലും നന്നായി. പടത്തിന്റെ പേര് പോലെ തന്നെ തിയേറ്റർ ൽ പോകുന്ന ഓരോരുത്തരും ഒറ്റയ്ക്കു ആയിരിക്കും പടം കാണുന്നത്. ഷാജി കൈലാസ് ബ്രില്ലിൻസ് 💥ലാലേട്ടൻ ന്റെ കുറയെ കാലത്തിനു ശേഷം ഉള്ള മികച്ച അഭിനയം 👌🏻ചില സീനൊക്കെ കണ്ട് വെള്ളം പോയി ( കണ്ണുനീർ )എല്ലാവരും തിയേറ്റർ ൽ പോയി കാണുക. ഷാജി ഏട്ടന്റെ മൂന്നാമത്തെ 28 കോടി ക്ലബ്‌ ലോഡിങ്.
***

Reghunathan Parali

ഷാജി കൈലാസിന്റെ പുതിയ മോഹൻലാൽ ചിത്രം ‘എലോൺ’ ഒരു കോവിഡ്കാല ഒടിടി ചിത്രം പോലെ അനുഭവപ്പെടുന്നു. എങ്കിലും ഷാജി കൈലാസിൽ നിന്ന് ഇത്തരമൊരു സിനിമ അവിശ്വസനീയവും അപ്രതീക്ഷിതവുമാണെന്ന് പറയാം. ഒരാൾ മാത്രം ഉള്ള – മോഹൻലാൽ മാത്രം അഭിനയിക്കുന്ന – ഒരു സിനിമ എന്നത് തികച്ചും ഒരു പരീക്ഷണ സിനിമ കൂടിയാണ്. സിനിമയുടെ ഭ്രമാത്മകതയും അനിശ്ചിതത്വവും ക്രൈം ത്രില്ലർ സ്വഭാവവും പല രൂപത്തിലാകും പ്രേക്ഷകനിലെത്തുക എന്നേ പറയാൻ കഴിയൂ..!

***

Sreejith Sree

വളരെ മികച്ച രീതിയിൽ തുടങ്ങി അവസാനം വരെയും ഗംഭീരമായി മുന്നോട്ടുപോയി.എന്നാൽ അവസാനം ടെയിൽ എൻഡിൽ ഒരുതരത്തിലും തൃപ്തി തരാതെ അവസാനിച്ചു…”എലോൺ “കഴിഞ്ഞ ചില സിനിമകൾ വച്ചു നോക്കുമ്പോൾ ലാലേട്ടൻ നന്നായിതന്നെ കാളിദാസനെ അവതരിപ്പിച്ചു.പക്ഷെ ഫാൻസിനെ തൃപ്തിപ്പെടുത്തുമോ എന്ന് കണ്ട് തന്നെ അറിയണം.അപ്പറഞ്ഞതിന് കാരണം സിനിമ കണ്ടു കഴിഞ്ഞപ്പോൾ ഒരു ഫാൻസ് ചേട്ടന്മാരെയും ആ പരിസരത്ത് പോലും കണ്ടില്ല..തിരുവനന്തപുരം ന്യൂ തിയേറ്റർ.
സിനിമ കാണാൻ ഫാൻസ് എന്ന് പറയുന്ന ചേട്ടൻമാർ എല്ലാവരും ഉണ്ടായിരുന്നു സിനിമ കഴിഞ്ഞപ്പോൾ ഇവരൊക്കെ മുങ്ങി രക്ഷപ്പെടുകയായിരുന്നു അതെന്തുകൊണ്ടാണ് സിനിമ ഇഷ്ടപ്പെടാത്തത് അല്ല അവർക്ക് താൽപര്യമില്ല സ്വന്തം ഏട്ടനെ സപ്പോർട്ട് ചെയ്യാൻ അവർക്ക് താല്പര്യം ഇല്ല അത്രന്ന.വയ്യ വയ്യ ഫാൻസുകാർക്ക് ഒട്ടും വയ്യ .ഒരുകാര്യം ഉറപ്പിച്ചു പറയാം ലാലേട്ടൻ എന്ന നടനെ ശെരിക്കും ഉപയോഗിക്കാൻ ഇന്നും നമ്മുടെ സംവിധായക്കാർക്ക് കഴിയുന്നില്ല.ഷാജികൈലാസ് ഒരുപരിധി വരെ അതിന് ശ്രമിച്ചു വിജയിച്ചു..
പക്ഷെ പൂർണതയിൽ എത്തിക്കാൻ കഴിഞ്ഞില്ല.

***