Connect with us

Entertainment

എന്ത് കൊണ്ട് മോഹൻലാൽ മാത്രം ഇത്രയധികം വിമർശിക്കപ്പെടുന്നു ?

Published

on

Aneesh Nirmalan എഴുതിയ പോസ്റ്റ് വായിക്കാം

മലയാളസിനിമയും, മോഹൻലാൽ ഫാക്ടറും. (എന്ത് കൊണ്ട് മോഹൻലാൽ മാത്രം ഇത്രയധികം വിമർശിക്കപ്പെടുന്നു ?)

പലയിടത്തും ഒട്ടും സെൻസിബിൾ അല്ലാത്ത രീതിയിൽ മോഹൻലാൽ എന്ന നടനെ പറ്റി വരുന്ന പോസ്റ്റുകൾ കണ്ടപ്പോൾ എഴുതാൻ തോന്നിയൊരു പോസ്റ്റാണിത്. ‘മോഹൻലാൽ അഭിനയം നിർത്തണം’, ‘മോഹൻലാലിന് അഭിനയിക്കാൻ അറിയില്ല’, ‘മോഹൻലാലിന്റെ അഭിനയസിദ്ധി നഷ്ടപ്പെട്ടു’, എന്ന തരത്തിലുള്ള പോസ്റ്റുകളൊക്കെ കുറേ ആയി കറങ്ങി നടക്കുന്നുണ്ട്. ഒടിയൻ എന്ന സിനിമക്ക് ശേഷം മോഹൻലാൽ എന്ന നടന്റെ അഭിനയത്തിൽ ചില പരിമിതികൾ വന്നിട്ടുണ്ട്. അദ്ദേഹത്തിന്റെ കണ്ണുകൾ തന്നെയായിരുന്നു ലാലിസം എന്ന് പറയുന്നതിലെ ഏറ്റവും വലിയ ഫാക്ടർ. (പണ്ട് ദി പ്രിൻസ് ഇറങ്ങിയപ്പോൾ മോഹൻലാലിന്റെ ശബ്ദം പോയി, അയാളുടെ കരിയർ അവസാനിച്ചു എന്നൊക്കെ പറഞ്ഞ ഒരുപാട് പേരുണ്ടായിരുന്നു. അത് കഴിഞ്ഞിപ്പോൾ 25 കൊല്ലം കഴിഞ്ഞു. അന്ന് പറഞ്ഞവരുടെ, അടുത്ത തലമുറയും ഇപ്പോഴും ലാൽ യുഗം അവസാനിക്കാൻ പോകുന്നു എന്ന് തന്നെ പറഞ്ഞ് കൊണ്ടിരിക്കുന്നത് തന്നെയാണ് ആ നടന്റെ ഏറ്റവും വലിയ വിജയം.)

പക്ഷേ, മോഹൻലാലിനെ ഉപയോഗിക്കാൻ അറിയുന്ന സംവിധായകാരുടെ കയ്യിൽ അദ്ദേഹത്തെ കിട്ടിയാൽ അദ്ദേഹത്തിൽ നിന്നും നല്ല പ്രകടനങ്ങൾ ഉണ്ടാകും എന്നതിന്റെ നല്ല ഉദാഹരണങ്ങളാണ് ഒടിയന് ശേഷം ഇറങ്ങിയ ലൂസിഫറും, ദൃശ്യം 2വും എല്ലാം. എന്ത് കൊണ്ടായിരിക്കും മോഹൻലാലിൽ നിന്നും പ്രേക്ഷകർക്ക് ഇത്രയും പ്രതീക്ഷ. കാരണം അദ്ദേഹം മലയാളസിനിമയിൽ ഉണ്ടാക്കിയ ഒരു വസന്തം തന്നെയാണ്. മോഹൻലാലിന്റെ ഏറ്റവും വലിയ ശത്രു എന്ന് പറയുന്നത് പഴയ മോഹൻലാൽ ആണെന്നത് ആണ് സത്യം. ഇന്നും മോഹൻലാൽ ചിത്രങ്ങൾ കാണാൻ പോകുന്നവർ ആ ചിത്രങ്ങളെ compare ചെയ്യുന്നത് അദ്ദേഹത്തിന്റെ എൺപതുകളിലെയും, തൊണ്ണൂറുകളിലെയും ചിത്രങ്ങളുമായാണ്. വളരെ നിസ്സാരമായി പറഞ്ഞാൽ ഇന്നും മോഹൻലാലിന്റെ ഒരു കോമഡി ചിത്രം എന്ന് പറയുമ്പോൾ പ്രേക്ഷകർ പ്രതീക്ഷിക്കുന്നത് പുള്ളി 26-35 വയസ്സ് കാലഘട്ടത്തിൽ ചെയ്ത സിനിമകളിലെ എനർജിയും, നിഷ്കളങ്കതയുമാണ്. ഇത് വീണ്ടും മോഹൻലാലിനെ കൊണ്ട് ചെയ്യിപ്പിച്ച് കാശ് ഉണ്ടാക്കാമെന്ന് വിചാരിച്ച് കുറേ സിനിമക്കാരും (അതിൽ സംവിധായകനും, എഴുത്തുക്കാരനും, നിർമ്മാതാവും ഒക്കെ പെടും) ഉണ്ടെന്നത് മറ്റൊരു ദുഃഖകരമായ സത്യം. മോഹൻലാൽ പലപ്പോഴും മോഹൻലാലിനെ തന്നെ അനുകരിക്കാൻ നിർബന്ധിതനാകുന്നു എന്നത് തന്നെയാണ് ദുഃഖകരമായ സത്യം.

Mannerisms, അത് നിഷ്കളങ്കത, കള്ളത്തരം, നഷ്ടബോധം, നിസ്സംഗമായ ഭാവങ്ങൾ, പ്രണയം, തുടങ്ങി എന്തുമായിക്കോട്ടെ എൺപതുകളുടെ പകുതി തൊട്ട് രണ്ടായിരം വരെയുള്ള മോഹൻലാൽ expressions ആൾക്കാർക്ക് അത്രേം ഇഷ്ടം ആയത് കൊണ്ടാണ്, അവർക്ക് ആ ലാലിനെ തിരിച്ച് വേണമെന്ന് തോന്നുന്നത്. സാധാരണക്കാരൻ ആയാലും, അസാധാരണത്വം ആയാലും വലിയ മേയ്ക്കോവറുകളുടെ സഹായമില്ലാതെ തന്നെ അദ്ദേഹത്തെ കൊണ്ട് അനായാസം ചെയ്യാൻ സാധിച്ചിട്ടുണ്ട്. അതിനുള്ള മകുടോദാഹരണങ്ങൾ ആണ് ഉള്ളടക്കവും, കിലുക്കവും, സദയവും, ദശരഥവും, ദേവാസുരവും നാടോടിക്കാറ്റും ഒക്കെ പോലെയുള്ള ഏകദേശം 4-5 കൊല്ലങ്ങൾക്കുള്ളിൽ ഇറങ്ങിയ മോഹൻലാൽ സിനിമകൾ. സൂക്ഷ്മഭാവങ്ങൾ കൊണ്ട് പ്രേക്ഷകരെ മോഹിപ്പിച്ച നടൻ ആണ് മോഹൻലാൽ.

മോഹൻലാലിന് കിട്ടിയ സ്വീകാര്യത മറ്റൊരു നടനും ലഭിച്ചിട്ടില്ല. അദ്ദേഹം മുൻപ് ചെയ്ത് വെച്ചത് ഉണ്ടാക്കുന്ന പ്രതീക്ഷ തന്നെയാണ് മോഹൻലാൽ എന്ന നടൻ ഇന്ന് ഒരുപാട് വിമർശനങ്ങൾക്ക് വിധേയനാകാനുള്ള കാരണം. അത് തന്നെയാണ് അയാളിലെ ബ്രാൻഡ് value ഉയർത്തുന്നതും. അല്ലെങ്കിൽ ഇത്രയുമധികം ബോഡി ഷേമിങ്ങും, വിമർശനങ്ങളും നേരിട്ടിട്ടും ഒരു കോട്ടവും തട്ടാതെ പോകുന്ന ഒരു കരിയർ മറ്റൊരു നടനും ഉണ്ടായിട്ടില്ല. തടി കൂടിയെന്ന് പറഞ്ഞിട്ടും, ഫേസ് ലിഫ്റ്റ് ചെയ്തെന്ന് പറഞ്ഞിട്ടും, അയാളുടെ പഴയ ഐശ്വര്യം പോയെന്ന് പറഞിട്ടുമൊക്കെ ഇന്നും പ്രേക്ഷകർ ആ പഴയ ലാലിനെ വേണം എന്ന് വാശി പിടിക്കുന്നത് അയാൾ മലയാളിയുടെ മനസ്സിൽ അത്ര ആഴത്തിൽ പതിഞ്ഞ് പോയിട്ടുള്ളത് കൊണ്ടാണ്.
മലയാളസിനിമയെ പാൻ ഇന്ത്യൻ ലെവലിലും, യൂണിവേഴ്സൽ ലെവലിലും എത്തിക്കാൻ കഴിവുള്ള, അല്ലെങ്കിൽ നല്ലൊരു പരിധി വരെ എത്തിക്കാൻ കഴിഞ്ഞിട്ടുള്ള നടൻ തന്നെയാണ് മോഹൻലാൽ. അത് കൊണ്ട് തന്നെ മലയാള സിനിമയുടെ വളർച്ചക്ക് മോഹൻലാൽ എന്ന ബ്രാൻഡ് അനിവാര്യം തന്നെയാണ്. പക്ഷേ, അതിനിടയിൽ മോഹൻലാൽ എന്ന നടനെ കൂടി കാണാൻ കഴിയണമെന്ന് എല്ലാ സിനിമ ആരാധകരെയും പോലെ തന്നെ എൺപതുകളിലെ അവസാനത്തിലും, തോണ്ണൂറുകളുടെ ആദ്യത്തിലും സിനിമ സിരകളിൽ പടർന്ന് പിടിച്ച, എന്തെങ്കിലും പ്രശ്നം വന്നാൽ ഗുരുവായൂരപ്പൻ, ഡിങ്കൻ, അല്ലെങ്കിൽ ലാലേട്ടൻ, ഇവരിൽ ആരെങ്കിലും രക്ഷിക്കുമെന്ന് കരുതിയിരുന്ന ഒരു പഴയ ഫാൻബോയ്. (ഇപ്പോഴും ഫാൻബോയ് തന്നെയാണ്. പക്ഷേ പഴയ പോലെ എന്ത് ചെയ്താലും ജയ് വിളിച്ചിരുന്ന പ്രായമല്ല എന്ന് മാത്രം.

***

 1,875 total views,  3 views today

Advertisement
Continue Reading
Advertisement

Comments
Advertisement
cinema17 hours ago

ജെയിംസിന്റെ മരണം (എന്റെ ആൽബം- 14)

Entertainment22 hours ago

യാഥാസ്ഥിതികതയുടെ കണ്ണാടികളെ തച്ചുടയ്ക്കുന്ന ഛായാമുഖി

cinema2 days ago

മീണ്ടും ഒരു കാതൽ കതൈ (എന്റെ ആൽബം- 13)

cinema3 days ago

ബ്യുട്ടിപാലസ് ഷൂട്ടിംഗിനിടെ രസകരമായ ഒരു സംഭവം (എന്റെ ആൽബം- 12)

cinema4 days ago

ബ്യൂട്ടി പാലസും അഭിപ്രായ വ്യത്യാസങ്ങളും (എന്റെ ആൽബം- 11)

Entertainment4 days ago

നിങ്ങളുടെ വർത്തമാനകാലത്തെ വേട്ടയാടാൻ ‘ഭൂതകാലം’

cinema5 days ago

ബ്യൂട്ടി പാലസ് (എന്റെ ആൽബം- 10)

Uncategorized6 days ago

ബാലുസാറിനെ സ്ഥിരമായി കാണാറുള്ള കാലം (എന്റെ ആൽബം- 9)

cinema7 days ago

രാധികാ തിലക് (എന്റെ ആൽബം – 8 )

cinema1 week ago

മൗനദാഹം (എന്റെ ആൽബം- 7)

cinema1 week ago

നമുക്ക് പാർക്കാൻ മുന്തിരിത്തോപ്പുകൾ (എന്റെ ആൽബം -6)

cinema1 week ago

ജയറാമിന്റെ വളർച്ച (എന്റെ ആൽബം -5 )

Boolokam1 month ago

ആരുംപറയാത്ത പുരുഷ വേശ്യകളുടെ കഥയുമായി ‘ജിഗോള’

Entertainment4 weeks ago

ഏവരും കാത്തിരുന്ന ബൂലോകം ടീവി അവാർഡുകൾ പ്രഖ്യാപിച്ചു

Entertainment1 month ago

ആതുരസേവനവും സിനിമയും, അഭിമുഖം : ഡോക്ടർ ജിസ് തോമസ്

Boolokam2 months ago

വിവേകാനന്ദൻ പറഞ്ഞതു തന്നെയാണ് ‘കാലമാടൻ’ പറയുന്നതും

Entertainment2 months ago

ജീവിതം അവസാനിക്കുമ്പോഴല്ല, ജീവിക്കുമ്പോഴാണ് ചിന്തിക്കേണ്ടതെന്നു ‘പൂജ്യം’ പറയുന്നു

Entertainment2 months ago

‘അന്നുപെയ്ത മഴയിൽ’ അപവാദക്കുരുക്കുകളിൽ ജീവിതം നഷ്ടപ്പെടുത്തിയവർക്കു വേണ്ടി

Entertainment1 month ago

ചലനമറ്റ വാളും ചിലമ്പും പിന്നെ കോമരവും

Boolokam1 month ago

വിനോദത്തിന്റെ കലവറയായി ബൂലോകം ടീവീ വെബ് ആപ്പ് പ്രവർത്തനക്ഷമം ആയിരിക്കുന്നു

Entertainment4 weeks ago

മികച്ച സംവിധാനത്തിനുള്ള അവാർഡ്, മൂന്നു വ്യത്യസ്തമായ സബ്‌ജക്റ്റുകൾ

Entertainment2 months ago

അടിച്ചുപൊളി ഞായർ ദീപുവിന് തല്ലിപ്പൊളി ഞായർ ആയതെങ്ങനെയാണ് ?

Entertainment4 weeks ago

സണ്ണിചാക്കോ, സാമൂഹിക പ്രതിബദ്ധതയിൽ ഊന്നിയ ബിസിനസും കലയും

Entertainment4 weeks ago

ഐശ്യര്യയുടെ കരച്ചിൽ നമ്മുടെ ഉച്ചിയിൽ മിന്നൽപ്പിണറുകൾ ആയി പതിക്കാതിരിക്കട്ടെ

Advertisement