അജിത്-ഗൗതം മേനോൻ കൂട്ടുകെട്ടിൽ എന്നൈ അറിന്താൽ എന്ന ചിത്രത്തിലൂടെയാണ് അനിഖ സുരേന്ദ്രൻ തമിഴ് സിനിമയിൽ അരങ്ങേറ്റം കുറിച്ചത്. നടൻ അജിത്തിന്റെ മകളുടെ വേഷമാണ് അനിക ചിത്രത്തിൽ അവതരിപ്പിച്ചത്. അനിഖയും അജിത്തും തമ്മിലുള്ള അച്ഛൻ-മകൾ കെമിസ്ട്രി വർക്കൗട്ടായതാണ് ചിത്രത്തിന്റെ വിജയത്തിന് പ്രധാന കാരണം.
ഇതിന് ശേഷം ജയം രവിയുടെ മിരുതൻ, വിഘ്‌നേഷ് ശിവന്റെ നാനും റൗഡി താൻ, അജിത്തിന്റെ വിശ്വാസം തുടങ്ങിയ ചിത്രങ്ങളിൽ അഭിനയിച്ചത് അനിഖയ്ക്ക് വലിയ വഴിത്തിരിവായി. വിശ്വാസം എന്ന സിനിമയിൽ നയൻതാരയുടെ മകളുടെ വേഷമാണ് അനിക അവതരിപ്പിച്ചത്. അതുകൊണ്ട് തന്നെ സിനിമയ്ക്ക് ശേഷം കുട്ടി നയൻ എന്നാണ് അനിഖയെ സ്നേഹപൂർവ്വം വിളിച്ചിരുന്നത്.
ബാലതാരമായി അഭിനയിച്ചു കൊണ്ടിരിക്കുന്ന അനിഖ ഇപ്പോൾ നായികയായി അരങ്ങേറ്റം കുറിച്ചിരിക്കുകയാണ്. പുട്ട പൊമ്മ എന്ന തെലുങ്ക് ചിത്രത്തിലൂടെ നായികയായി രംഗപ്രവേശം ചെയ്യാൻ പോവുകയാണ് താരം . കപ്പേള എന്ന മലയാള സിനിമയുടെ റീമേക്ക് ആണിത്. ചിത്രം ഉടൻ റിലീസ് ചെയ്യും.
ഈ സാഹചര്യത്തിൽ നടി അനിഖ തന്റെ പതിനെട്ടാം പിറന്നാൾ ഇന്നലെ ഗംഭീരമായി ആഘോഷിച്ചു. നായികയായതിന് ശേഷമുള്ള ആദ്യ ജന്മദിനമാണിത്. പിറന്നാൾ ആഘോഷത്തിൽ കുടുംബാംഗങ്ങളും സുഹൃത്തുക്കളും പങ്കെടുത്തു. പിറന്നാൾ ആഘോഷത്തിന് കറുത്ത വസ്ത്രം ധരിച്ച അനിഖ കൂറ്റൻ കേക്ക് മുറിച്ച് ജന്മദിനം ആഘോഷിച്ചു. 18 എന്നാണ് കേക്കിൽ രേഖപ്പെടുത്തിയിരുന്നത്. അനിഖയുടെ പിറന്നാൾ ആഘോഷ ഫോട്ടോകൾക്ക് സോഷ്യൽ മീഡിയയിൽ വലിയതോതിൽ ലൈക്കുകൾ ലഭിക്കുന്നുണ്ട്.
