Connect with us

സർക്കാരേ…നല്ല നടപ്പല്ല , മാപ്പുപറച്ചിൽ ആണ് വേണ്ടത്

ഇന്നലെ രാത്രി മകൾ ഉറങ്ങാതെ ഒരിരുപ്പാണ്. നേരത്തെ എണീക്കണമെന്നും പഠിക്കണമെന്നും വായിക്കണമെന്നുമൊക്കെയുള്ള ന്യായങ്ങളൊന്നും അവൾ സമ്മതിക്കുന്നില്ല.

 76 total views

Published

on

Ann Palee എഴുതിയത്

ഇന്നലെ രാത്രി മകൾ ഉറങ്ങാതെ ഒരിരുപ്പാണ്. നേരത്തെ എണീക്കണമെന്നും പഠിക്കണമെന്നും വായിക്കണമെന്നുമൊക്കെയുള്ള ന്യായങ്ങളൊന്നും അവൾ സമ്മതിക്കുന്നില്ല. ഞാൻ കണ്ണുരുട്ടിയപ്പോൾ അവൾ അവസാനത്തെ അടവായ ‘ഉറക്കെകരച്ചിൽ ‘ എടുത്തു. ഉടൻ നമ്മളാ പഴയ നമ്പറിട്ടു,
“രാത്രി പന്ത്രണ്ട് മണിയായി, ഇങ്ങനെ കിടന്ന് കൂവിയാൽ പോലീസ് വരും, കിടന്നുറങ്ങാത്ത കുട്ടികളെ അവരങ്ങ് പിടിച്ചോണ്ട് പോകും.” കൂടെ അവൾക്ക് വിശ്വാസം വരാൻ പോലീസിന്റെ ഫോൺ വരുന്നത് പോലെയും ഫൈൻ അടയ്ക്കാൻ 1000 രൂപ എടുത്തോണ്ട് പോകുന്നതായിട്ടൊക്കെ എല്ലാരും കൂടെ അഭിനയിച്ചു തകർത്തു. അതോടെ ഗാമി പേടിച്ച് പുതപ്പ് വലിച്ചു തലവഴി മൂടി.

കുറച്ചു കഴിഞ്ഞു ഒന്ന് മേല് കഴുകി പുറത്തുവരുമ്പോൾ കാണുന്ന കാഴ്ച ബെഡ്റൂമിന്റെ വാതിലിന്റടിയിലൂടെ കമഴ്ന്ന് കിടന്ന് പുറത്തേയ്ക്ക് നോക്കുന്ന മകളെയാണ്, അവൾ വായ പൊത്തിപ്പിടിച്ചു ഏങ്ങലടിക്കുന്ന ശബ്ദവും കേൾക്കാം. ഞാനോടിച്ചെന്ന് അവളെ പിടിച്ചെണീപ്പിച്ചു. കരച്ചിലിനിടയിലും ” its my mistake, I won’t do it again, please don’t give me to police”എന്നൊക്കെ കുഞ്ഞു കെട്ടിപ്പിടിച്ചു പറഞ്ഞപ്പോൾ അവളുടെ കണ്ണീരൊക്കെ ആസിഡ് പോലെ എന്റെ കൈകളെ പൊള്ളിച്ചു കളഞ്ഞു, ഉള്ളിൽ ഒരു ആന്തൽ, വല്ലാത്തൊരു കുറ്റബോധം. അത് കുസൃതി കാണിച്ച എന്റെ മകളുടെ നിഷ്കളങ്കമായ ഏറ്റുപറച്ചിലും ഭയവും കൊണ്ട് മാത്രമല്ല, ആ നിമിഷം ഉള്ള് പൊള്ളിച്ചു ഒരു ചിത്രം മനസ്സിലേക്കോടിവന്നത് കൊണ്ടാണ്.

ഏതാണ്ട് അതേ പ്രായമുള്ള ഒരു കുഞ്ഞുമകളാണ് കഴിഞ്ഞ ദിവസം അവളുടെ അച്ഛന്റെ ഒപ്പം പോലീസുകാരിയോട് കൈ കൂപ്പി മോഷ്ടിച്ചിട്ടില്ല എന്ന് ആണയിട്ടത്. അവിടെ അവളെ ‘സാരോല്ല’ എന്ന് പറഞ്ഞു ചേർത്തുനിർത്താനും ‘പേടിക്കണ്ടാട്ടൊ’ എന്ന് ധൈര്യം കൊടുക്കാനും പറ്റുന്ന മനുഷ്യൻ,അവളുടെ അച്ഛൻ, അതിലേറെ ദയനീയമായ അവസ്ഥയിൽ പോലീസുകാരിയോട് കെഞ്ചുന്നു.
തെറ്റ് ചെയ്തിട്ടില്ലാത്ത ജയചന്ദ്രൻ എന്ന മനുഷ്യനെയും അയാളുടെ കുഞ്ഞിനെയും മോഷണകുറ്റമാരോപിച്ച് പൊതുറോഡിൽ വെച്ച് അപമാനിക്കുക, അയാൾ ഫോൺ മോഷ്ടിച്ചിട്ടില്ല എന്ന് തോന്നിയപ്പോൾ അത് കുട്ടിയാണെന്ന് ആരോപിക്കുക,തന്റെ ഭാഗത്തു നിന്നും സംഭവിച്ച ശ്രദ്ധക്കുറവാണെന്ന് മനസ്സിലാക്കിയിട്ടും അധികാരിയെന്ന ഹുങ്ക് കാണിച്ച് ഒരു മാപ്പ് പോലും പറയാതെ നിൽക്കുക; ആറ്റിങ്ങലിലെ പിങ്ക് പോലീസ് രജിത കാട്ടിക്കൂട്ടിയത് ഇതെല്ലാമാണ്.

ജയചന്ദ്രനെന്ന ടാപ്പിംഗ് തൊഴിലാളിയെ മറക്കുന്നതല്ല , അയാൾക്ക് സംഭവിച്ച അപമാനം ചെറുതാക്കി കാണുന്നുമില്ല . പക്ഷെ ഈ ലോകമൊക്കെ കാണുന്നപോലെ അത്ര നിഷ്കളങ്കവും സുന്ദരവുമൊന്നുമല്ല എന്ന് തിരിച്ചറിയാനുള്ള പ്രായവും അനുഭവങ്ങളും അയാൾക്കുണ്ട്. എന്നാലാ കുഞ്ഞിനോ?
പത്ത് മിനിട്ടിനു ശേഷം മറക്കാനും ഓടിക്കളിക്കാനും വീടിന്റെ ഊഷ്മളതയിൽ സംഭവിച്ച ഒരു കണ്ണുരുട്ടൽ കഥയോ വെറുതെയൊരു പീഡിപ്പിക്കലോ അല്ല അത്.

പൊതുനിരത്തിൽ , പരിചിതരോ അപരിചിതരോ ആയ അനേകമാളുകളുടെ മുൻപിൽ അഭിമാനത്തിന്റെ അവസാനതുള്ളിയും പിഴിഞ്ഞെടുത്ത നിമിഷങ്ങളാണത്. കൂട്ടുകാരെന്നോ കൗൺസിലിങ്ങെന്നോ പറഞ്ഞു നനച്ചു നൽകിയാലും വാടിയും കരിഞ്ഞും നിൽക്കുന്ന ജീവിതവിശ്വാസങ്ങൾ ഒന്ന് പച്ചപിടിക്കണമെങ്കിൽ ഇനിയുമേറെ വർഷങ്ങൾ കഴിയണം. അതിനിടയിൽ എത്ര രാത്രികൾ അവൾ ഞെട്ടിയെണീക്കുമെന്നും കാലുകൾ കോച്ചിവലിച്ചും വിയർപ്പിൽ കുളിച്ചും കരഞ്ഞു തീർക്കുമെന്നും ആരറിയുന്നു ?

അവളെക്കാൾ അവൾ സ്നേഹിക്കുന്ന അച്ഛനെ അപമാനിച്ചവരോട് അവൾക്ക് ക്ഷമിക്കാൻ കഴിയുമോ ? ഒരു വ്യക്തി എന്ന നിലയിൽ ഇന്നും യാതൊരു മമതയുമില്ലാതെ ഓർമ്മിക്കുന്ന മുഖങ്ങളിലൊന്ന് സാഡിസ്റ്റായ ഒരു ടീച്ചറുടേതാണ്. ചൂരൽ കൊണ്ട് കയ്യ് പൊട്ടുന്ന മാതിരി തല്ല് തന്നതൊക്കെ മറന്നു. എങ്കിലും പ്രോഗ്രസ് കാർഡിൽ ഒപ്പിടാൻ വരുമ്പോൾ അവർ പറഞ്ഞ നുണക്കഥകൾ കേട്ട് ശ്വാസം വിടാതെ നിൽക്കുന്ന അമ്മയുടെ മുഖമോർത്താൽ വഴിയിൽ വെച്ച് കണ്ടാൽ ഒന്ന് ചിരിക്കാൻ പോലും തോന്നില്ല. കുഞ്ഞുങ്ങളാണ് , എല്ലാം പെട്ടെന്ന് മറക്കുമെന്നും കളിയും ചിരിയും തിരികെവരുമെന്നുമൊക്കെ ചില അവസരങ്ങളിലെങ്കിലും ഒരു വലിയ നുണയാണ്.

Advertisement

രജിത എന്ന പോലീസുകാരിക്ക് നല്ലനടപ്പാണ് വിധിച്ചിരുക്കുന്നതെന്ന് കേട്ടു. ആ കുഞ്ഞിനോടൊ കുടുംബത്തിനോടോ പരസ്യമായി മാപ്പ് പറഞ്ഞുവെന്നോ പറയുമെന്നോ എവിടെയും കേട്ടില്ല (അങ്ങനെയുണ്ടെങ്കിൽ തിരുത്താം). എല്ലാ പോലീസുകാരും ഇങ്ങനല്ല എന്ന വാദത്തിലും കുട പിടിച്ചു വഴി നടത്തുന്ന പോലീസ് ചിത്രങ്ങളിലുമൊന്നും വിശ്വസിക്കുന്നില്ല. ആ ഉത്തരവാദിത്വങ്ങളുടെ മറവിൽ ഈ കാണുന്ന, കേൾക്കുന്ന ദുഷ്ടത്തരങ്ങളും മനുഷ്യാവകാശലംഘനങ്ങളുമൊക്കെ അവഗണിക്കാനോ മറക്കാനോ കഴിയില്ല. ഇന്നിത് മറ്റൊരാളുടെ കാര്യമെങ്കിൽ നാളെയിത് നമ്മുടെയൊക്കെ കാര്യമായിമാറും. പ്രിവിലേജുകൾ ഉള്ളവർക്ക് മാത്രം ജീവിക്കാനുള്ള ഇടമെങ്കിൽ നമുക്കതിനെ കേരളമെന്നല്ല വിളിക്കേണ്ടത്.

മുപ്പത്തഞ്ചു ദിവസം തല്ലിച്ചതച്ചതിന്റെയും മൂത്രം കുടിപ്പിച്ചതിന്റെയും ട്രോമ ഉണ്ടായിട്ടു കൂടെയും തെറ്റുകാരനല്ല എന്ന് ലോകത്തോട് പറയാൻ മാത്രമായി ധൈര്യം ആർജ്ജിച്ച ശ്രീനാഥ് എന്ന പതിനെട്ടുകാരനെയും കഴിഞ്ഞ കുറച്ചു ദിവസങ്ങളായി നമുക്ക് പരിചയമുണ്ട്. മനുഷ്യനെന്ന പരിഗണന പോലുമില്ലാതെ ഇങ്ങനൊക്കെ ‘വിളയാട്ടം’ നടത്തിയ ആ പോലീസുകാർക്ക് ഇനി നല്ല നടപ്പ് ഒരാഴ്ചത്തേയ്ക്കോ അതോ രണ്ടാഴ്ചത്തേയ്ക്കോ ?

 77 total views,  1 views today

ഇന്ത്യയിലെ ആദ്യത്തെ ബ്ലോഗ് പേപ്പർ & നമ്പർ വൺ സിറ്റിസൺ ജേർണലിസം പോർട്ടൽ.

Advertisement
Entertainment10 hours ago

നിങ്ങൾ ഏതെങ്കിലും നിയമലംഘനം നടത്തിയിട്ടുണ്ടെങ്കിൽ ഈ ഷോർട്ട് മൂവി കാണണം

Entertainment16 hours ago

അടിച്ചുപൊളി ഞായർ ദീപുവിന് തല്ലിപ്പൊളി ഞായർ ആയതെങ്ങനെയാണ് ?

Entertainment1 day ago

ജീവിതം അവസാനിക്കുമ്പോഴല്ല, ജീവിക്കുമ്പോഴാണ് ചിന്തിക്കേണ്ടതെന്നു ‘പൂജ്യം’ പറയുന്നു

Entertainment2 days ago

ഭീകരമായൊരു കാലത്തിന്റെ ആവിഷ്കാരം ആണ് ‘ഹം ഏക് ഹേ’ !

Entertainment2 days ago

‘അന്നുപെയ്ത മഴയിൽ’ അപവാദക്കുരുക്കുകളിൽ ജീവിതം നഷ്ടപ്പെടുത്തിയവർക്കു വേണ്ടി

Entertainment2 days ago

ക്രൂശിക്കപ്പെട്ട നിരപരാധിയുടെ കഥപറയുന്ന ‘ഇങ്ങനെയും ചിലർ’

Entertainment3 days ago

എന്നോ കാണാൻ മറന്നു പോയ ഒരു സ്വപ്നത്തിലേക്കുള്ള യാത്ര

Entertainment3 days ago

അധ്യാപകരിൽ ആരെയെങ്കിലും നിങ്ങൾ നന്ദിയോടെ സ്മരിക്കുന്നുവെങ്കിൽ ഈ മൂവി കാണണം

Entertainment4 days ago

ഐക്യബോധത്തിന്റെ ആവശ്യകതയും മനുഷ്യന്റെ കുടിലതകളും

Entertainment4 days ago

നിർത്താതെ പെയ്യുന്ന പ്രണയത്തിന്റെ ‘ഇടവപ്പാതി’

Entertainment7 days ago

ആത്മഹത്യ ചെയ്ത പാറുവിന്റെ ഫോണിൽ ആക്സിഡന്റിൽ മരിച്ച അലക്സിന്റെ കാൾ വന്നതെങ്ങനെ ?

Entertainment1 week ago

സത്യത്തിനെന്നും ശരശയ്യ മാത്രമെന്ന് ‘ദൈവമേ തേങ്ങ’ പറയുന്നു

Entertainment4 weeks ago

സാമൂഹ്യ പ്രതിബദ്ധതയുള്ള ‘ആഗ്നേയ’ ശരങ്ങളുമായി പ്രിയ ഷൈൻ

Entertainment2 months ago

സ്വന്തം നഗ്നത വൈറലാകുന്നതിൽ നിന്നും അവളരെ പിന്തിരിപ്പിച്ചത് പ്രേതമോ അതോ മനസോ ?

Entertainment2 months ago

നിങ്ങളെ ഭയപ്പെടുത്തുന്ന ‘എലോൺ’ കർമയുടെ നിശ്ചയദാർഢ്യത്തിന് പിന്നിലെ കഥയാണ്

Entertainment2 months ago

ഒരു കോഴിക്കോടുകാരൻ ഓട്ടോ ഡ്രൈവറുടെ നന്മയുള്ള സൃഷ്ടികൾ

Entertainment1 month ago

ഈ ഷോർട്ട് ഫിലിം നടന്ന കഥയാണ്, മറ്റാരുടേയുമല്ല ഇതിന്റെ പ്രൊഡ്യൂസറിന്റെ ജീവിതത്തിൽ

Entertainment3 weeks ago

നിങ്ങളുടെ ഉപബോധമനസിന്റെ ശക്തിയെ നിങ്ങൾ തിരിച്ചറിഞ്ഞിട്ടുണ്ടോ ? എങ്കിൽ യെമൻ കാണുക !

Entertainment4 weeks ago

‘മീനിന് സുഗന്ധം തന്നെയാണ് ‘, മരയ്ക്കാൻ ഷോർട്ട് മൂവിയുടെ വിശേഷങ്ങൾ

Entertainment4 weeks ago

‘കിസ്മത്ത് ഓഫ് സേതു’, സേതു കൃത്യം പത്തുമണിക്ക് തന്നെ മരിക്കുമോ ?

Entertainment3 weeks ago

അബ്യുസ് പെൺകുട്ടികൾക്കു മാത്രമല്ലെന്ന് ഒഴിവുദിവസത്തെ സംസാരം, അതാണ് രാസലീല ( A )

Entertainment2 months ago

ഓൺലൈൻ സംവിധാനത്തിന്റെ സാധ്യതകൾ തുറന്നിട്ട ഡേർട്ട് ഡെവിളും സംവിധായകൻ സോമൻ കള്ളിക്കാട്ടും

Boolokam1 month ago

സ്വന്തം പേരായ ‘ഭൂമി’യുടെ അർത്ഥം തേടുന്ന പെൺകുട്ടിയുടെ കഥ !

Entertainment1 month ago

നിങ്ങളിലെ വിള്ളലുകളുടെ സത്യം നിങ്ങൾ കരുതുന്നതാകില്ല

Advertisement