fbpx
Connect with us

Featured

അമ്മയാകാനുള്ള മുന്നൊരുക്കങ്ങൾ

അമ്മമാരിലെ വിളർച്ചയാണ്20% മാതൃമരണങ്ങളുടെയും കാരണം. 20 വയസ്സിൽ താഴെ പ്രായമുള്ള അമ്മമാർക്ക് ജനിക്കുന്ന കുഞ്ഞുങ്ങളിൽ ശിശു മരണ നിരക്ക് 50% ത്തോളം കൂടുതലാണ്.

 173 total views,  2 views today

Published

on

 

ഗർഭകാല പൂർവ്വ പരിചരണം (Pre conceptional care)

ആഹ്ലാദവും, ആകാംക്ഷയും കുഞ്ഞു കുഞ്ഞു ആശങ്കകളും ഉള്ളൊരു കാത്തിരിപ്പിന്റെ കാലമാണ് ഗർഭകാലം. കാത്തിരിപ്പിനൊടുവിൽ കുഞ്ഞുവാവ വരുന്നു, കാത്തിരുന്ന രണ്ടുപേർ അമ്മയും അച്ഛനും ആകുന്നു, ജീവിതം ആകെ മാറുന്നു. കുഞ്ഞ് വേണമെന്ന തീരുമാനം മുതൽ തുടങ്ങാം അമ്മയാവാനുള്ള മുന്നൊരുക്കങ്ങൾ.

1. ഗർഭ ധാരണത്തിന് മുൻപുള്ള എന്തെല്ലാം ഘടകങ്ങൾ അമ്മയുടെയും കുഞ്ഞിൻറെയും ആരോഗ്യത്തെ പ്രതികൂലമായി ബാധിക്കാറുണ്ട് ?

Advertisement

ചെറിയ ഒരു ആമുഖം. കൗമാര കാലഘട്ടത്തിൻറ അവസാനത്തിൽ ആർത്തവാരംഭത്തോടെയാണ് സ്ത്രീകൾ പ്രത്യുൽപാദന ശേഷി ആർജ്ജിക്കുന്നത്. എന്നാൽ പൂർണ്ണ വളർച്ചയെത്തിയ കുഞ്ഞിനെ ഉൾക്കൊള്ളാൻ കഴിയണമെങ്കിൽ ഗർഭപാത്രവും ഇടുപ്പെല്ലും പൂർണ്ണമായി വികസിക്കണം. അതു കൊണ്ടു തന്നെ ഇരുപത് വയസ്സിനു ശേഷം ഗർഭധാരണം നടക്കുന്നതാണ് അഭികാമ്യം.

ഒപ്പം ഗർഭധാരണത്തെ പ്രതികൂലമായി ബാധിക്കുന്ന മാനസികമോ ശാരീരികമോ ആയ ഘടകങ്ങളൊന്നും ഇല്ല എന്ന് ഉറപ്പ് വരുത്തേണ്ടതുമാണ്. പൂർണ്ണ ആരോഗ്യവതിയായ മാതാവിൽ നിന്നു മാത്രമേ ആരോഗ്യമുള്ള കുഞ്ഞിനെ ലഭിക്കൂ. ഒപ്പം പ്രസവ ശേഷം ആരോഗ്യവതിയായ അമ്മയെയും.

ലോകവ്യാപകമായി നോക്കുകയാണെങ്കിൽ മാതാവിൻറെയും കുഞ്ഞിൻറെയും ആരോഗ്യത്തെ പ്രതികൂലമായി ബാധിക്കുന്ന പ്രധാന ഘടകങ്ങൾ അപ്രതീക്ഷിത സമയങ്ങളിലുള്ള ഗർഭം, ഗർഭ ധാരണ സമയത്ത് അമ്മയുടെ പ്രായം വളരെ കുറവോ വളരെ കൂടുതലോ ആവുക, പോഷകാഹാരക്കുറവ്, വിളർച്ച, ലൈംഗിക രോഗങ്ങൾ, അപസ്മാരം പുകവലി, മദ്യപാനം തുടങ്ങിയവയാണ്.

അമ്മമാരിലെ വിളർച്ചയാണ്20% മാതൃമരണങ്ങളുടെയും കാരണം. 20 വയസ്സിൽ താഴെ പ്രായമുള്ള അമ്മമാർക്ക് ജനിക്കുന്ന കുഞ്ഞുങ്ങളിൽ ശിശു മരണ നിരക്ക് 50% ത്തോളം കൂടുതലാണ്.

Advertisement

ശരിയായ രീതിയിൽ നിർദ്ദേശങ്ങൾ നൽകുന്നതിലൂടെ ഈ അപകട സാദ്ധ്യതകൾ ഒഴിവാക്കാനാകും.

2. ഗർഭകാല പൂർവ്വ പരിചരണം കൊണ്ട് ഉദ്ദേശിക്കുന്നതെന്താണ്?

Pre conceptional care അഥവാ ഗർഭകാല പൂർവ്വ പരിചരണം എന്നത് ഇൻഡ്യയിൽ താരതമ്യേന പ്രചാരം സിദ്ധിച്ചിട്ടില്ലാത്ത ഒന്നാണ്. എന്നാൽ ലോകാരോഗ്യ സംഘടനയുടെ നിർദ്ദേശിച്ച് ധാരാളം ഇടപെടലുകൾ വേണ്ടുന്ന രംഗമാണിത്. മാതാവാകാൻ പോകുന്ന സ്ത്രീയുടെയും ജനിക്കാൻ പോകുന്ന കുഞ്ഞിൻറെയും അരോഗ്യത്തെ പ്രതികൂലമായി ബാധിക്കുന്ന അനേകം ഘടകങ്ങളെക്കുറിച്ചുള്ള നിർദ്ദേശങ്ങളും അവയ്കെതിരായ ഇടപെടലുകളുമാണ് ഇതുകൊണ്ട് ഉദ്ദേശിക്കുന്നത്.

3. അനവസരത്തിലുള്ള ഗർഭ ധാരണം എങ്ങനെ ഒഴിവാക്കാം?

Advertisement

നേരത്തെ പറഞ്ഞതു പോലെ 20 വയസ്സിൽ താഴെയുള്ള അമ്മമാർക്ക് ഉണ്ടാകുന്ന കുഞ്ഞുങ്ങളിൽ ശിശു മരണനിരക്ക് 50%ത്തോളം കൂടുതലാണല്ലോ. അതു കൊണ്ടു നേരത്തേ വിവാഹിതരായാലും ഇരുപത് വയസ്സ് കഴിഞ്ഞ് ഗർഭധാരണം നടക്കുന്നത് തന്നെയാണ് ഉചിതം.
അതുപോലെ പ്രസവ ശേഷം അമ്മയുടെ ആരോഗ്യം പൂർവ്വ സ്ഥിതിയിൽ ആയതിനു ശേഷം മാത്രം അടുത്ത ഗർഭധാരണം നടക്കുന്നതാണ് നല്ലത്. കുറഞ്ഞത് രണ്ട് പ്രസവങ്ങൾ തമ്മിൽ 3 വർത്തെ ഇടവേളയുണ്ടാകണം.

ഗർഭ നിരോധന മാർഗ്ഗങ്ങളുടെ ശരിയായ ഉപയോഗത്തിലൂടെ അപ്രതീക്ഷിത ഗർഭ ധാരണം ഒഴിവാക്കാം. സർക്കാർ ആശുപത്രികൾ, സാമൂഹ്യ ആരോഗ്യ കേന്ദ്രങ്ങൾ, പ്രാഥമിക ആരോഗ്യ കേന്ദ്രങ്ങൾ കുടുംബക്ഷേമ ഉപകേന്ദ്രങ്ങൾ തുടങ്ങിയ സ്ഥലങ്ങളിൽ നിന്നെല്ലാം ഗർഭ നിരോധന മാർഗ്ഗങ്ങൾ സൗജന്യമായി ലഭ്യമാണ്.

അപ്രതീക്ഷിത ഗർഭധാരണം ഒഴിവാക്കുന്നതിലൂടെ അനാവശ്യ ഗർഭച്ഛിദ്രങ്ങളും അതിൻറെ സങ്കീർണ്ണതകളും ഒഴിവാക്കാനാകും.

4. ഗർഭധാരണത്തിന് മുമ്പ് പോഷണകാര്യങ്ങൾ എന്തെല്ലാം ശ്രദ്ധിക്കണം?

Advertisement

ഗർഭധാരണം ആസൂത്രണം ചെയ്യുമ്പോൾ തന്നെ ഫോളിക് ആസിഡ് ഗുളികകൾ ദിവസേന കഴിച്ച് തുടങ്ങണം. NTD ( തലച്ചോറിനെ യും സുഷുമ്നാ നാഡിയെയും ബാധിക്കുന്ന രോഗാവസ്ഥ) ഒഴിവാക്കാനാണിത്. അപസ്മാരത്തിന് മരുന്നു കഴിക്കുന്നവർ, അമിത വണ്ണമുള്ളവർ, പ്രമേഹമുള്ളവർ തുടങ്ങിയവർ ദിവസേന 4mg folic acid ഗുളിക കഴിക്കണം.

അതു പോലെ തന്നെ വിളർച്ച കണ്ടെത്തുന്നതും പ്രധാനമാണ്. ഗർഭ ധാരണത്തിന് മുമ്പ് തന്നെ രക്തത്തിലെ Hb ൻറെ അളവ് നോക്കേണ്ടതും അത് 11g/dl ൽ കൂടുതലാണെന്ന് ഉറപ്പു വരുത്തേണ്ടതുമാണ്. Hb കുറവുള്ളവർ Iron ഗുളികകൾ കഴിക്കണം. ഒപ്പം ഇരുമ്പ് സത്ത് അടങ്ങിയ ഭക്ഷണ പഥാർത്ഥങ്ങളായ ചീര മുരിങ്ങയില, ഈന്തപ്പഴം, ആപ്പിൾ, മൽസ്യമാംസങ്ങൾ എന്നിവ ഭക്ഷണത്തിൽ ഉൾപ്പെടുത്തേണ്ടതുമാണ്. കൂടാതെ വിര ശല്യത്തിനുള്ള ഗുളികകൾ കഴിക്കയും വേണം.

ശരീര ഭാരം ഉചിതമായ നിലയിൽ ആകാൻ ശ്രദ്ധിക്കേണ്ടതാണ്. വളരെ കുറഞ്ഞ ശരീര ഭാരവും പൊണ്ണത്തടിയും അഭികാമ്യമല്ല. BMI 18 നും 23നും ഇടക്ക് ആകുന്നതാണ് ഉചിതം.

5. BMI ( ബി എം ഐ)എന്താണെന്ന് വ്യക്തമാക്കാമോ?

Advertisement

ശരീര ഭാരത്തിൻറെ സൂചികയാണ് BMI.
Wt in kg÷ (Ht in m)^2

50 kg തൂക്കവും 150 cm പൊക്കവുമുള്ള ഒരു വ്യക്തിയുടെ BMI കണക്കാക്കുന്നത്
= 50/(1.5×1.5) =22.22

ലോകാരോഗ്യ സംഘടനയുടെ നിർവചന പ്രകാരം BMI 18 മുതൽ 25 വരെയാണ് normal ആയി കണക്കാക്കിയിരിക്കുന്നത്. എന്നാൽ ഇൻഡ്യക്കാരിൽ ഇത് 18 മുതൽ 23വരെയാണ്.
ഗർഭ ധാരണത്തിന് മുമ്പ് തന്നെ ശരീര ഭാരം ശരിയായ നിലയിൽ ആയിരിക്കണം.ഗർഭിണി ആയിരിക്കുമ്പോൾ ഭാരം കുറയ്കുന്നത് അഭികാമ്യമല്ല.

ശരീര ഭാരം കുറയ്കുമ്പോൾ ശ്രദ്ധിക്കേണ്ട ഒരു കാര്യം വളരെ പെട്ടെന്ന് വളരെ കൂടുതൽ ഭാരം കുറയ്കാൻ പാടില്ല. 6 മാസത്തിനുള്ളിൽ 5മുതൽ 10% വരെ തൂക്കം കുറക്കുന്നതാണ് ഉചിതം

Advertisement

6. അമിത വണ്ണം കൊണ്ടുള്ള പ്രശ്നങ്ങൾ ?

മാതാവിന് അമിത വണ്ണം ഉണ്ടെങ്കിൽ ശിശുവിന് ധാരാളം സങ്കീർണ്ണതകൾ ഉണ്ടാകാം. കുഞ്ഞിന് തൂക്ക കൂടുതൽ മാസം തികയാതെയുള്ള ജനനം, still birth (ചാപിള്ള), nural tube defect തുടങ്ങിയവയാണ് പ്രധാനമായും കാണുന്നത്. അമ്മക്ക് രക്ത സമ്മർദ്ദം, പ്രമേഹം, രക്തം കട്ട പിടിക്കുന്ന അവസ്ഥ അഥവാ thrombo embolic episodes എന്നിവ ഉണ്ടാകാം.

എന്നാൽ അമ്മമാർക്ക് ഭാരക്കുറവുണ്ടെങ്കിൽ ശിശുവിനും ഭാരക്കുറവുണ്ടാകും. Gastroschisis അഥവാ വയറിൻറെ ഭിത്തി ഇല്ലാതെ കുടൽ പുറത്തു കിടക്കുന്ന അവസ്ഥയും ഉണ്ടാകാം.

7. രക്ത ബന്ധത്തിലുള്ളവർ തമ്മിൽ വിവാഹിതരായാൽ …

Advertisement

രക്ത ബന്ധത്തിലുള്ളവർ തമ്മിൽ വിവാഹം കഴിച്ചാൽ കുടുംബങ്ങളിൽ നിലനിൽക്കുന്ന രോഗങ്ങൾ കുഞ്ഞുങ്ങൾക്ക് ഉണ്ടാകാൻ സാദ്ധ്യത കൂടുതലാണ്. ബുദ്ധിമാന്ദ്യം, അപസ്മാരം, ആസ്ത്മ, രക്താർബുദം, പ്രമേഹം തുടങ്ങിയ രോഗങ്ങൾ കുഞ്ഞുങ്ങൾക്കുണ്ടാകാൻ സാദ്ധ്യത കൂടുതലാണ്.
വിവാഹശേഷം രോഗസാദ്ധ്യത ഉണ്ടെന്ന് അറിയാമെങ്കിൽ അത്തരം വിവാഹം ഒഴിവാക്കുന്നതാണ് അഭികാമ്യം. Pre natal genetic screening ചെയ്യുന്നതിലൂടെ ചില രോഗങ്ങൾ കണ്ടെത്താനാകും.

മാതാ പിതാക്കളിൽ നിന്ന് മക്കളിലേക്ക് പകരാൻ സാദ്ധ്യതയുള്ള ചില രോഗങ്ങൾ ഗർഭ ധാരണത്തിന് മുമ്പ് തന്നെ കണ്ടെത്തി വേണ്ട നിർദ്ദേശങ്ങൾ നൽകുകയാണ് ഇവിടെ ചെയ്യുന്നത്.
പ്രീ നേറ്റൽ ജനിറ്റിക് സ്ക്രീനിങ് വേണ്ടത് ആർക്കാണെന്ന് നോക്കാം.
# മാതാവിൻറെ പ്രായം 35 വയസ്സിൽ കൂടുതൽ
# മുമ്പ് അംഗ വൈകല്യമുള്ള കുഞ്ഞുങ്ങൾ ഉണ്ടായിട്ടുള്ള മാതാപിതാക്കൾ
# അമ്മക്ക് ഹീമോഫീലിയ, താലസ്സീമിയ, ഡുഷ്നി മസ്കുലാർ ഡിസ്ട്രോഫി തുടങ്ങിയ രോഗമുള്ളവർ . ഇവരൊക്കെയാണ് പ്രീ നേറ്റൽ ജെനിറ്റിക് സ്ക്രീനിങ്ങിന് വിധേയരാകേണ്ടവർ.

8. ഗർഭ ധാരണത്തിന് മുമ്പുള്ള ഏതെല്ലാം രോഗങ്ങൾ ഗർഭിണി ആയിരിക്കുമ്പോൾ സങ്കീർണ്ണതകളുണ്ടാക്കാം?

പ്രമേഹം, രക്താതിസമ്മർദ്ദം, തൈറോയ്ഡ് ഗ്രന്ഥിക്കുണ്ടാകുന്ന അസുഖങ്ങൾ, ഹൃദയ സംബന്ധമായ അസുഖങ്ങൾ, അപസ്മാരം, ആസ്ത്മ, റുമറ്റോയിഡ് ആർത്രൈറ്റിസ്, എസ് എൽ ഇ, കാൻസറുകൾ ഇവയൊക്കെ ഗർഭസ്ഥ ശിശുവിലും അമ്മയിലും സങ്കീർണ്ണതകളുണ്ടാക്കാം.

Advertisement

9. പ്രമേഹരോഗമുള്ള സ്ത്രീകൾ ശ്രദ്ധിക്കേണ്ട കാര്യങ്ങൾ

ലോകാരോഗ്യ സംഘടനയുടെ നിർദ്ദേശ പ്രകാരം ഗർഭ ധാരണത്തിന് മുമ്പ് എല്ലാ സ്ത്രീകളിലും പ്രമേഹ രോഗത്തിൻറെ സാദ്ധ്യത പരിശോധിക്കേണ്ടതാണ്.
ലോകാരോഗ്യ സംഘടനയുടെ നിർവചന പ്രകാരം 8-12 മണിക്കൂർ വരെ ആഹാരം കഴിക്കാതെ ഇരുന്നതിന് ശേഷമുള്ള ബ്ലഡ് ഷുഗർ 126mg/dl ൽ കൂടുതലോ, ആഹാരം കഴിച്ചതിന് 2 മണിക്കൂർ ശേഷം ബ്ലഡ് ഷുഗർ 200ൽ കൂടുതലോ ആണെങ്കിൽ പ്രമേഹം ഉള്ളതായി കണക്കാക്കുന്നു.
ഗർഭ ധാരണത്തിന് മുമ്പ് തന്ന ബ്ലഡ് ഷുഗർ ലെവൽ നോർമൽ ആക്കണം. ആഹാരത്തിന് മുമ്പ് ബ്ലഡ് ഷുഗർ 110mg/dl ൽ താഴെയും Hb A1c 6.5% ൽ താഴെയും ആകണം.

10. തൈറോയ്ഡ് ഗ്രന്ഥിയുടെ അസുഖങ്ങൾ
ഇൻഡ്യയിൽ തൈറോയ്ഡ് രോഗങ്ങൾ ധാരാളമായി കാണപ്പെടുന്നതു കൊണ്ട് ഗർഭ ധാരണത്തിന് മുമ്പ് എല്ലാ സ്ത്രീകളിലും തൈറോയ്ഡ് ഹോർമോൺ ലെവൽ നോക്കുന്നതാണ് നല്ലത്.
തൈറോയ്ഡ് ഹോർമോൺ കുറയുന്ന അവസ്ഥയിൽ ഗർഭം അലസി പോകൽ, രക്താതി സമ്മർദ്ദം, മാസം തികയാതെയുള്ള പ്രസവം, പ്രസവ ശേഷമുള്ള രക്ത സ്രാവം തുടങ്ങിയവ ഉണ്ടാകാം.
കുഞ്ഞിന് ബുദ്ധിമാന്ദ്യം പഠന വൈകല്യങ്ങൾ തുടങ്ങിയവയും ഉണ്ടാകാം. തൈറോയ്ഡ് ഹോർമോൺ കൂടുതലാകുമ്പോൾ കൊടുക്കുന്ന പല മരുന്നുകളും ഗർഭധാരണത്തിന് തൊട്ടു മുമ്പ് ഡോക്ടറുടെ നിർദ്ദേശാനുസരണം മാറ്റി ഗർഭകാലത്ത് കഴിക്കാവുന്ന മരുന്നുകൾ ആക്കേണ്ടതാണ്. തൈറോയ്ഡ് ഹോർമോൺ ലെവൽ നോർമലായതിനുശേഷം മാത്രം ഗർഭധാരണം നടത്തുക.

11. ഹൃദയത്തിനുണ്ടാകുന്ന അസുഖങ്ങൾ
ഗർഭധാരണത്തിനു മുമ്പു തന്നെ ഹൃദയാരോഗ്യ പരിശോധനകൾ നടത്തണം. ഹൃദയസംബന്ധമായ തകരാറുകൾ ഉള്ളവരാണെങ്കിൽ ഗർഭധാരണം കൊണ്ട് സങ്കീർണ്ണതകളുണ്ടാകാൻ സാദ്ധ്യതകളുണ്ടോ എന്ന് ഡോക്ടറോട് ചോദിച്ച് മനസ്സിലാക്കണം.

Advertisement

ശസ്ത്രക്രിയ ആവശ്യമുണ്ടെങ്കിൽ ഗർഭധാരണത്തിന് മുമ്പ് ചെയ്യുന്നതാകും ഉചിതം.

ജന്മനാ ഹൃദയവൈകല്യമുള്ള അമ്മമാരുടെ കുഞ്ഞുങ്ങളിൽ ഹൃദയവൈകല്യമുണ്ടാകാനുള്ള സാദ്ധ്യത 10%വരെയാണ്.

ഹൃദയവാൽവുകൾ മാറ്റിവച്ചവരാണെങ്കിൽ രക്തം കട്ടിപിടിക്കാതിരിക്കാൻ മരുന്നുകൾ കൃത്യമായി കഴിക്കുകയും ഗർഭധാരണത്തിനു ശേഷം ഡോക്ടറെ കണ്ട് മരുന്നുകളിൽ വേണ്ട മാറ്റം വരുത്തുകയും ചെയ്യേണ്ടതാണ്.

12. അമിത രക്ത സമ്മർദ്ദം

Advertisement

വർഷങ്ങളായി അമിത രക്ത സമ്മർദ്ദമുള്ളവർ വൃക്കകൾ, നേത്ര പടലം, ഹൃദയം തുടങ്ങിയ അവയവങ്ങളിൽ കേടുപാടുകൾ വന്നിട്ടുണ്ടോ എന്നറിയാനായി പരിശോധനകൾ ചെയ്ത് വേണ്ട ചികിൽസകൾ സ്വീകരിക്കണം.

ഗർഭധാരണത്തിന് മുമ്പ് തന്ന രക്ത സമ്മർദ്ദം നിയന്ത്രണ വിധേയമാക്കണം.140/90 mm of Hg ൽ താഴെ BP ആയതിനു ശേഷം ഗർഭധാരണം നടക്കുന്നതാണ് ഉചിതം.

ഗർഭിണി ആയിക്കഴിഞ്ഞാൽ ഗൈനക്കോളജിസ്റ്റിനെ കണ്ട് കഴിക്കുന്ന മരുന്നുകളിൽ വേണ്ട മാറ്റം വരുത്തേണ്ടതാണ്.

13. അപസ്മാര രോഗികൾ ഗർഭധാരണത്തിന് മുമ്പ് ശ്രദ്ധിക്കേണ്ട കാര്യങ്ങൾ

Advertisement

സാധാരണയായി അപസ്മാരത്തിനു കഴിക്കുന്ന പല മരുന്നുകളും ഗർഭസ്ഥ ശിശുവിന് അംഗവൈകല്യം ഉണ്ടാക്കാൻ സാദ്ധ്യതയുള്ളവയാണ്. അതുകൊണ്ടു തന്നെ ഗർഭധാരണത്തിന് ഒരുങ്ങുന്ന സ്ത്രീകൾ ന്യൂറോളജിസ്റ്റിൻറെ നിർദ്ദേശാനുസരണം ചികിൽസയിൽ വേണ്ട മാറ്റങ്ങൾ വരുത്തേണ്ടതാണ്.
സ്വയം മാറ്റം വരുത്താൻ പാടില്ല എന്നതും പ്രാധാന്യം ഉള്ളതാണ്. ആറുമാസമെങ്കിലും അപസ്മാരം ഇല്ലാതെയുള്ള ഇടവേളയ്കു ശേഷം മാത്രം ഗർഭധാരണം ആകുന്നതാണ് ഉത്തമം.പ്രസവം വരെ 0.4mg ഫോളിക് ആസിഡ് ഗുളികകൾ കഴിക്കേണ്ടതുമാണ്. ആദ്യത്തെ മൂന്നു മാസം ന്യൂറൽ ട്യൂബ് ഡിഫക്ട് ഒഴിവാക്കാനും പിന്നീടുള്ള മാസങ്ങളിൽ അപസ്മാരത്തിനുള്ള ഗുളികകൾ കഴിക്കുന്നതിനാൽ വരാൻ സാദ്ധ്യതയുള്ള മെഗലോ ബ്ലാസ്റ്റിക് അനീമിയ ഒഴിവാക്കാനും വേണ്ടിയാണ് 0.4mg ഫോളിക് ആസിഡ് ഗുളികകൾ കഴിക്കുന്നത്.

14. കാൻസർ രോഗ ബാധയുണ്ടായവരിലെ ഗർഭ ധാരണം

അർബുദ രോഗ ചികിൽസയിൽ ഉപയോഗിക്കുന്ന റേഡിയേഷൻ, ചിലതരം മരുന്നുകൾ തുടങ്ങിയവ ബീജത്തിലും അണ്ഡത്തിലും ജനിതകമാറ്റങ്ങൾ വരുത്താൻ സാദ്ധ്യതയുണ്ട്. എന്നാൽ ശാസ്ത്രം ഏറെ പുരോഗതി പ്രാപിച്ചിരിക്കുന്ന ഈ കലഘട്ടത്തിൽ കാൻസർ ചികിൽസ തുടങ്ങുന്നതിനു മുൻപു തന്നെ ബീജം, അണ്ഡം എന്നിവ ശേഖരിച്ച് freeze ചെയ്ത് സൂക്ഷിക്കാനും കാൻസർ ചികിൽസക്ക് ശേഷം വീണ്ടും ഉപയോഗിക്കാനും കഴിയും.

Breast cancer ചികിൽസ പൂർത്തീകരിച്ചവരോട് ഗർഭധാരണത്തിന് മുമ്പ് രണ്ടു വർഷം കാത്തിരിക്കാൻ പറയാറുണ്ട്. വീണ്ടും രോഗം വരാൻ സാദ്ധ്യത കൂടുതലുള്ള സമയമാണ് ഈ രണ്ടു വർഷം.

Advertisement

15. ആസ്ത്മ രോഗമുള്ളവരിലെ ഗർഭ ധാരണം

ഗർഭ കാലയളവിൽ ആസ്ത്മ മൂർച്ഛിക്കാൻ സാദ്ധ്യതയുണ്ട്. അതുകൊണ്ട് ഗർഭധാരണത്തിന് മുമ്പ് തന്നെ ആസ്തമ ചികിൽസിച്ച് നിയന്ത്രണ വിധേയമാക്കണം.

ആസ്ത്മ ഉണ്ടെന്ന വിവരം ഗൈനക്കോളജിസ്റ്റിനെ ധരിപ്പിക്കേണ്ടതുമാണ്. പ്രസവ സമയത്ത് ഉപയോഗിക്കുന്ന ചില മരുന്നുകൾ ആസ്തമ ഗുരുതരമാകാൻ കാരണമായേക്കാം.
കൂടാതെ കുഞ്ഞിന് തൂക്ക കുറവ്, മാസം തികയാതെയുള്ള പ്രസവം തുടങ്ങിയവയും ഉണ്ടാകാം.

Inhalers (salbutamol, steroid) വളരെ സുരക്ഷിതമായി ഗർഭിണികൾക്ക് ഉപയോഗിക്കാം.
എന്നാൽ steroid അടങ്ങിയ ഗുളികകൾ ഗർഭിണികൾ കഴിച്ചാൽ മുച്ചിറി (cleft lip) ഗർഭസ്ഥ ശിശുവിന് ഉണ്ടാകാൻ സാദ്ധ്യതയുണ്ട്.

Advertisement

16. SLE, Rheumatoid arthritis തുടങ്ങിയ രോഗങ്ങളും ഗർഭ ധാരണവും
Systemic lupus erythyamatosis വളരെയേറെ കൗൺലിങ് ആവശ്യമുള്ള രോഗമാണ്. ധാരാളം സങ്കീർണ്ണതകൾ അമ്മക്കും കുഞ്ഞിനും ഉണ്ടാകാം. Abortion, കുഞ്ഞിന് തൂക്ക കുറവ്, മാസം തികയാതെയുള്ള പ്രസവം, അമ്മക്ക് രക്താതി സമ്മർദ്ദം തുടങ്ങി അമ്മയുടെ ജീവൻ അപകടത്തിലാകുന്ന രീതിയിലുള്ള സങ്കീർണ്ണതകൾ വരെ ഉണ്ടാകാം.

ആറു മാസം വരെയെങ്കിലും രോഗം കുറഞ്ഞിരുന്നതിനു ശേഷം മാത്രം ഗർഭധാരണം നടത്തുക.

Rheumatoid arthritis ൻറെ ലക്ഷണങ്ങൾ ഗർഭധാരണത്തോടെ കുറഞ്ഞു വരുന്നതായി പലപ്പോഴും കാണപ്പെടാറുണ്ട്. എന്നാൽ പ്രസവശേഷം ചിലപ്പോഴെങ്കിലും രോഗ ലക്ഷണങ്ങൾ ഗുരുതരമാകാറുണ്ട്.

ഈരണ്ടു രോഗങ്ങളുടെയും ചികിൽസയിൽ ഗർഭധാരണത്തിനു മുമ്പു തന്നെ ഡോക്ടറുടെ നിർദ്ദേശമനുസരിച്ച് വേണ്ട മാറ്റങ്ങൾ വരുത്തേണ്ടതാണ്. ഈരോഗങ്ങൾക്കു കഴിക്കുന്ന methotrexate, Cyclophosphamide തുടങ്ങിയ മരുന്നുകൾ ഗർഭസ്ഥ ശിശുവിന് വൈകല്യങ്ങളുണ്ടാക്കാൻ കാരണമാകും. അതു കൊണ്ടു തന്നെ ഗർഭ ധാരണത്തിന്മുമ്പ് ഈ മരുന്നുകൾ ഒഴിവാക്കേണ്ടതാണ്.

Advertisement

17. രോഗാണു മൂലമുണ്ടാകുന്ന രോഗങ്ങളും ഗർഭധാരണവും

ഗർഭ ധാരണത്തിന് മുമ്പ് എല്ലാ ഗർഭിണികളിലും HIV, Hepatitis B, Syphilis തുടങ്ങിയ രോഗങ്ങളില്ല എന്ന് ഉറപ്പു വരുത്തണം.

ഒന്നിലധികം പേരുമായി ലൈംഗിക ബന്ധത്തിലേർപ്പെടുന്നവർ, അല്ലെങ്കിൽ പങ്കാളിക്ക് ലൈംഗിക തൊഴിലാളികളുമായി ബന്ധമുള്ളവർ തുടങ്ങിയവരിൽ gonorrhoea, chlamediasis തുടങ്ങിയ രോഗ ബാധ ഉണ്ടോ എന്ന് നോക്കണം.
ക്ഷയ രോഗ ബാധയുള്ളവരുമായി സമ്പർക്കമുണ്ടെങ്കിൽ Tb പരിശോധന ചെയ്യണം.
പൂച്ച, പട്ടി തുടങ്ങിയ വളർത്തു മൃഗങ്ങളുമായി ഇടപഴകുന്നവരാണെങ്കിൽ Toxoplasma പരിശോധന ചെയ്യുന്നതും നന്നായിരിക്കും.

18. പങ്കാളികളിൽ ഒരാൾക്ക് HIV ബാധിച്ചിട്ടുണ്ടെങ്കിൽ ചെയ്യേണ്ട മുൻ കരുതലുകൾ വിശദമാക്കാമോ?

Advertisement

പങ്കാളികളിൽ ഒരാൾക്ക് HIV ബാധയുണ്ടെങ്കിൽ കോണ്ടവും മറ്റൊരു ഗർഭ നിരോധന മാർഗ്ഗവും ഉപയോഗിച്ചു വേണം ലൈംഗിക ബന്ധത്തിൽ ഏർപ്പെടുന്നത്. രോഗബാധ തടയുന്നതിനായി കോണ്ടവും അനവസരത്തിലുള്ള ഗർഭം ഒഴിവാക്കാനായി മറ്റൊരു ഗർഭനിരോധന മാർഗ്ഗവും.സ്ത്രീക്കാണ് HIV ബാധയെങ്കിൽ Anti retro viral മരുന്നുകൾ കഴിച്ച് ശരീരത്തിലെ virus ൻറെ തോത് നിയന്ത്രണ വിധേയമാക്കിയിട്ട് മാത്രം ഗർഭം ധരിക്കേണ്ടത്. അപ്പോൾ കുഞ്ഞിന് അണു ബാധയുണ്ടാകാനുള്ള സാധ്യത വളരെ കുറവായിരിക്കും. പ്രസവ ശേഷം നവജാത ശിശുവിന് Anti Retroviral മരുന്നുകൾ തുടങ്ങുകയും വേണം. കുഞ്ഞിനും പങ്കാളിക്കും HIV പകരാൻ സാദ്ധ്യതയുണ്ടെന്ന് മനസ്സിലാക്കണം. സ്ത്രീക്ക് മുലയൂട്ടുന്ന സമയത്ത് പ്രത്യേകിച്ചും അല്ലാതെ ജീവിതകാലം മുഴുവനും anti retro viral മരുന്നുകൾ കഴിക്കേണ്ടതുണ്ടെന്നും മനസ്സിലാക്കണം. പുരുഷനാണ് അണു ബാധയെങ്കിൽ മറ്റൊരാളുടെ ബീജം സ്വീകരിച്ച് IUI ചെയ്യുന്നതാണ് കൂടുതൽ സുരക്ഷിതമായ മാർഗ്ഗം.

19. മാനസിക ആരോഗ്യ കാര്യങ്ങൾ

വിഷാദ രോഗം, ഉൽക്കണ്ഠ , തുടങ്ങിയവയുള്ള സ്ത്രീകൾ പങ്കാളിയിൽ നിന്ന് മാനസികമോ ശാരീരികമോ ആയ പീഢനം അനുഭവിക്കുന്നവർ തുടങ്ങിയവരൊക്കെ പ്രത്യേക പരിഗണന വേണ്ടവരാണ്. ചില മാനസിക രോഗങ്ങൾ ഗർഭ കാലയളവിൽ മൂർച്ഛിക്കാറുണ്ട്. ശരിയായി രോഗം ചികിൽസിച്ച് ഭേദമായതിനു ശേഷം ഗർഭധാരണം നടക്കുന്നതാണ് ഉചിതം. ഗർഭധാരണത്തിനു മുൻപു തന്നെ ഗർഭസ്ഥ ശിശുവിന് വൈകല്യം ഉണ്ടാക്കാൻ സാദ്ധ്യതയുള്ള Lithium , valproic acid തുടങ്ങിയ മരുന്നുകൾ ഒഴിവാക്കേണ്ടതുമാണ്.

പുകവലി, മദ്യപാനം തുടങ്ങിയ ദുശ്ശീലങ്ങൾ ഒഴിവാക്കണം.

Advertisement

20. ഗർഭം അലസ്സി പോയിട്ടുള്ളവർ
രണ്ടിലധികം ഗർഭം അലസ്സി പോയിട്ടുള്ളവരാണെങ്കിൽ Anti phospho lipid antibody syndrome ഉണ്ടോ എന്ന് നോക്കേണ്ടതാണ്. ഈ രോഗം ഉണ്ടെങ്കിൽ ഗർഭ കാലയളവിൽ മുഴുവൻ heparin കുത്തി വയ്പ് എടുക്കണം.

പ്രമേഹമോ, തൈറോയ്ഡ് ഗ്രന്ഥിയുടെ അസുഖമോ ഉണ്ടോ എന്നും നോക്കണം.
മൂന്നിലധികം ഗർഭം അലസ്സി പോയിട്ടുണ്ടെങ്കിൽ ഭാര്യാഭർത്താക്കൻമാരുടെ karyotyping ച യ്യേണ്ടതാണ്.

21. രക്തം കട്ട പിടിക്കുന്ന രോഗമുള്ളവർ
മുമ്പ് രക്തം കട്ടിപിടിക്കുന്ന രോഗം വന്നിട്ടുള്ള സ്ത്രീകൾക്ക് കൂടുതൽ പരിശോധനകൾ ചെയ്ത് രോഗ കാരണം കണ്ടെത്തണം.

മൂന്നിലധികം ഗർഭം പത്ത് ആഴ്ച പ്രായമാകുന്നതിന് മുമ്പ് അലസിപ്പോവുക,10 ആഴ്ച കഴിഞ്ഞ ഗർഭം പ്രത്യേകിച്ച് കാരണങ്ങളൊന്നുമില്ലാതെ രണ്ടിലധികം തവണ അലസി പോവുക , അതുമല്ലെങ്കിൽ 34 ആഴ്ചകൾക്ക് മുമ്പ് അമിത രക്ത സമ്മർദ്ദം ഗുരുതരമായി പ്രസവം നടക്കുക തുടങ്ങിയവ ഉണ്ടെങ്കിൽ anti phospho lipid antibody syndrome(APLA) ഉണ്ടോ എന്ന് പരിശോധിക്കണം. APLA ഉണ്ടെന്ന് കണ്ടെത്തിയാൽ ഗർഭധാരണത്തിന് മുമ്പ് തന്നെ Aspirin ഗുളികകൾ കഴിച്ച് തുടങ്ങണം. ഗർഭധാരണം നടന്നാലുടനെ Heparin injection എടുത്ത് തുടങ്ങുകയും വേണം.

Advertisement

രക്തം കട്ടി പിടിക്കാതിരിക്കുന്നതിനുള്ള ഗുളികകൾ കഴിച്ചുകൊണ്ട് ഇരിക്കുന്നവർ ഗർഭധാരണത്തിന് മുൻപോ അല്ലെങ്കിൽ നടന്നാലുടനെയോ ഗുളികകൾ മാറ്റി Heparin ആക്കേണ്ടതാണ്.

ചെറിയ ചെറിയ ഇടപെടലുകളിലൂടെ ഒഴിവാക്കാനാകുന്ന വലിയ സങ്കീർണതകളെ കുറിച്ച് ഒരു അവബോധം ഉണ്ടാകട്ടെ. ആരോഗ്യമുള്ള കുഞ്ഞും ആരോഗ്യമുള്ള അമ്മയും അതാകട്ടെ നമ്മുടെ ലക്ഷ്യം.

എഴുതിയത്: Dr. Reena Nalini

Info Clinic

Advertisement

 174 total views,  3 views today

ഇന്ത്യയിലെ ആദ്യത്തെ ബ്ലോഗ് പേപ്പർ & നമ്പർ വൺ സിറ്റിസൺ ജേർണലിസം പോർട്ടൽ.

Advertisement
SEX5 hours ago

സ്ത്രീകൾ ഏറ്റവും ആഗ്രഹിക്കുന്ന ചുംബന ഭാഗങ്ങൾ

Entertainment5 hours ago

ഇ.എം.ഐ- ജൂൺ 29-ന് പ്രസ് മീറ്റ് നടന്നു , ജൂലൈ 1-ന് തീയേറ്ററിൽ

Entertainment9 hours ago

‘അടിത്തട്ട്’ ട്രൈലർ വന്നിട്ടുണ്ട് !

Entertainment10 hours ago

തന്നെ ലേഡി മോഹൻലാൽ എന്ന് ചിലർ വിശേഷിപ്പിച്ചിട്ടുണ്ടെന്നു ലക്ഷ്മിപ്രിയ

Entertainment12 hours ago

സംവിധായകൻ തേവലക്കര ചെല്ലപ്പൻ എന്ന ദുരന്തനായകൻ

controversy12 hours ago

‘കടുവ’യെയും ‘ഒറ്റക്കൊമ്പനെ’യും നിലംതൊടിയിക്കില്ലെന്ന് യഥാർത്ഥ കടുവാക്കുന്നേൽ കുറുവച്ചന്റെ ശപഥം

Entertainment12 hours ago

കീർത്തിക്ക് അഭിനയത്തിൽ കഴിവുണ്ട് എന്നുള്ള കാര്യം ഞങ്ങൾക്ക് അവളുടെ ചെറുപ്പത്തിൽ തന്നെ മനസ്സിലായിരുന്നു

Entertainment13 hours ago

ഏഷ്യയിൽ ഇന്റർനെറ്റിൽ ഏറ്റവുംകൂടുതൽ സെർച്ച് ചെയ്തതിനുള്ള പട്ടം ഈ ഇന്ത്യൻ നടിയുടെ പേരിൽ

Entertainment13 hours ago

അതെല്ലാം അരുൺ വെഞ്ഞാറമൂട്‌ സൃഷ്ടിച്ച കലാരൂപങ്ങളായിരുന്നുവെന്ന് വിശ്വസിക്കാൻ നമ്മൾ പ്രയാസപ്പെട്ടേക്കും

Entertainment14 hours ago

ഓസ്കാർ അക്കാദമിയിൽ അംഗമാകാൻ നടൻ സൂര്യക്ക് ക്ഷണം

controversy15 hours ago

“പ്രസംഗിയ്ക്കുന്ന എഴുത്തുകാരിയുടെ സാരിയ്ക്കിടയിലേയ്ക്ക് മൊബൈല്‍ പിടിച്ച കഥയെഴുത്തുകാരനുണ്ട്”, എഴുത്തുകാരി ഇന്ദുമേനോന്റെ കുറിപ്പ്

Entertainment16 hours ago

സാരിയിൽ ഗ്ലാമറസായി അനശ്വര രാജന്റെ പുതിയ ചിത്രങ്ങൾ

controversy1 month ago

ജാക്കിവയ്ക്കാൻ പോയ ബോബി ചെമ്മണ്ണൂരിനെ ആഘോഷിക്കുന്നു, വിനായകനെ കൊന്ന് കൊലവിളിക്കുന്നു

Entertainment1 month ago

പോൺ ഫിലിം ലോകത്തിന്റെ നിങ്ങളറിയാത്ത കഥകൾ

SEX3 weeks ago

യഥാർത്ഥത്തിൽ പുരുഷന്മാർക്ക് സ്ത്രീകളെ പേടിയാണ്, ഒരു രതി മൂർച്ച ഉണ്ടായ ശേഷം തിരിഞ്ഞു കിടന്നു കൂർക്കം വലിച്ചുറങ്ങാനേ ആണുങ്ങൾക്ക് കഴിയൂ

SEX2 days ago

വളരെ വിവാദപരമായ ഒരു വിഷയമാണ് സ്ക്വിർട്ടിങ് എന്ന പേരിൽ അറിയപ്പെടുന്ന സ്ത്രീകളുടെ സ്ഖലനം

Entertainment1 week ago

ഉടലിലെ ധ്യാൻ ശ്രീനിവാസന്റെയും ദുർഗ്ഗാകൃഷ്ണയുടെയും ഇന്റിമേറ്റ് സീൻ വീഡിയോ വൈറലാകുന്നു

Entertainment1 month ago

പള്ളിയോട വിവാദനായിക നിമിഷ ‘പുരുഷു’വിന്റെ വീട്ടിൽ പാത്തുംപതുങ്ങിയും, വീഡിയോ കാണാം

Career1 month ago

ഇസ്രയേലികളും ചൈനക്കാരും അമേരിക്കയിൽ പഠിച്ചിട്ടു തിരിച്ചുചെന്ന് നാടിനെ സേവിക്കുമ്പോൾ ഇന്ത്യക്കാർ ഇവിടെ പഠിച്ചിട്ടു അമേരിക്കയെ സേവിക്കാൻ നാടുവിടുന്നു

SEX2 weeks ago

ഓറൽ സെക്സ് ട്രോളും യാഥാർഥ്യവും

SEX2 weeks ago

ആദ്യരാത്രി സ്ത്രീകളുടെ കന്യാചർമം പൊട്ടി ബെഡിൽ രക്തം വീഴുമെന്ന് വിശ്വസിക്കുന്ന വിഡ്ഢികളുടെ നാട്

Business1 month ago

സമ്പത്തും സൗഭാഗ്യവുമുണ്ടായിട്ടും വ്യവസായിയായ രത്തൻ ടാറ്റ എന്തുകൊണ്ട് വിഹാഹംകഴിച്ചില്ല ? അതിനു പിന്നിലെ കഥ

Featured3 weeks ago

ഡോക്ടർ രജനീഷ് കാന്തിന്റെ ചികിത്സയെ കുറിച്ചുള്ള ട്രോളുകൾ വൈറലാകുന്നു

SEX3 days ago

പുരുഷ ലിംഗം തകർക്കുന്ന പൊസിഷൻ

Entertainment9 hours ago

‘അടിത്തട്ട്’ ട്രൈലർ വന്നിട്ടുണ്ട് !

Entertainment17 hours ago

അനുരാഗ് കശ്യപ്, രാജ്.ആർ എന്നിവർ നിർമ്മിച്ച് നിതിൻ ലൂക്കോസ് സംവിധാനം ചെയ്ത ‘പക’ ഒഫീഷ്യൽ ട്രെയിലർ

Entertainment2 days ago

സഹോദരബന്ധത്തിന്റെ ആഴവും വ്യാപ്തിയും ഏറെ മനോഹരമായി അവതരിപ്പിക്കുന്ന പ്യാലി ജൂലൈ എട്ടിന്

Entertainment2 days ago

‘എന്നും’ നെഞ്ചോട് ചേർത്ത് വെക്കാൻ ഒരു ആൽബം

Featured3 days ago

സൗബിൻ ഞെട്ടിക്കുന്നു, ‘ഇലവീഴാപൂഞ്ചിറ’യുടെ ട്രെയ്‌ലർ പുറത്തിറങ്ങി

Entertainment3 days ago

ദുൽഖറിന്റെ വാപ്പയോട് പറയട്ടെ പ്യാലിയെ ദുൽഖറെ കൊണ്ട് കെട്ടിക്കാൻ..? പ്യാലിയുടെ രസകരമായ ടീസർ പുറത്തിറങ്ങി

Entertainment4 days ago

ദുൽഖർ സൽമാൻ നായകനായ ‘സീത രാമം’ ഒഫീഷ്യൽ ടീസർ

Entertainment5 days ago

നമ്മുടെ ചില സെലിബ്രിറ്റികൾ എത്രമാത്രം കഷ്ടപ്പെടുന്നു ഇംഗ്ലീഷ് പറയാൻ…

Comedy5 days ago

മലയാളം വാർത്താ വായനയിലെ ഒരു കൂട്ടം ചിരി കാഴ്ചകൾ

Entertainment5 days ago

മാധ്യമപ്രവർത്തകരെ കണ്ടു ഷൈൻ ടോം ചാക്കോ ഓടിത്തള്ളി – വീഡിയോ

Entertainment5 days ago

നമ്പി നാരായണനായി ആർ.മാധവൻ ‘റോക്കറ്റ്റി : ദി നമ്പി ഇഫക്റ്റ്’ ന്യൂ ട്രെയിലർ

Entertainment6 days ago

രൺബീർ കപൂർ നായകനായ ‘Shamshera’ ഒഫീഷ്യൽ ട്രെയിലർ പുറത്തിറങ്ങി.

Advertisement
Translate »