OTT എന്താണ് ? അറിയേണ്ടതെല്ലാം 

എഴുതിയത് : Anup Singh Pallathery

Over The Top എന്ന വാക്കിന്റെ ചുരുക്കമാണ് OTT എന്നറിയപ്പെടുന്നത്.ഇന്റർനെറ്റിന്റെ സഹായത്തോടെ IOS, Android,Smart TV മുതലായ ഉപകരണങ്ങളിൽ ദ്യശ്യ വിനോദങ്ങളായ,സിനിമകൾ, വെബ് സീരീസ്. മ്യൂസിക് വീഡിയോകൾ ജീവചരിത്രം തുടങ്ങി നിരവധി പരിപാടികൾ ഇത്തരം പ്ലാറ്റ്ഫോമുകളിൽ ലഭ്യമാക്കുന്ന സംവിധാനമാണിത്.സ്റ്റാർ ഇന്ത്യ ഗ്രൂപ്പിന്റെ ഡിസ്നി + ഹോട്ട് സ്റ്റാർ ആണ് ഇന്ത്യയിലെ മുൻനിരയിലുള്ള OTT PLATFORM. കൂടാതെ NETFLIX , AMAZON PRIME VIDEO എന്നിവയും മലയാളികൾ ധാരാളമായി Subscribe ചെയ്യുന്ന മുൻനിരയിലുള്ള ott platform കളാണ്. വിദേശ രാജ്യങ്ങളിൽ പുതിയ സിനിമകൾ ടിക്കറ്റ് നിരക്കിൽ റിലീസ് ചെയ്യാനും ഇന്ത്യയിൽ ടിക്കറ്റിടാതെ subscribers ന് പുതിയതും പഴയതുമായ സിനിമകൾ സൗജന്യമായി കാണിക്കുന്ന രീതിയാണിവർ അവലംബിക്കുന്നത്.

മലയാള സിനിമയുടെ ചരിത്രം പരിശോധിച്ചാൽ ഇന്നുവരെ 6000 ത്തിലധികം സിനിമകൾ പുറത്തു വന്നിട്ടുണ്ട്. സാമ്പത്തീകമായി പരാജയപ്പെട്ടവയിൽ ധാരാളം നല്ല സിനിമകളുണ്ട് , മൺമറഞ്ഞു പോയവരിൽ അംഗീകാരം കിട്ടാതെ പോയ കഴിവുള്ള കലാകാരൻമാരുണ്ട്. ഇനി അക്കാലമൊക്കെ മാറുകയാണ്. സാമൂഹ്യ മാധ്യമങ്ങളുടെ ഉയർന്ന നിലവാരത്തിലുള്ള വളർച്ച സിനിമക്ക് പുത്തൻ പ്രതീക്ഷകളാണ് OTT നൽകുന്നത്.
OTT യുമായി ബന്ധപ്പെട്ട പൊതുവെ ഉണ്ടാകാവുന്ന സംശയങ്ങളും അതിന്റെ എനിക്കറിയാവുന്ന വിശദാംശവും താഴെ കൊടുക്കുന്നു.

DIGITAL RIGHT.

ഒരു സിനിമക്ക് ott platform കളിൽ പ്രദർശിപ്പിക്കാനായി ഉണ്ടാക്കുന്ന കരാറിനെ ഡിജിറ്റൽ റൈറ്റ് എന്ന് പറയുന്നു.ഒരു സിനിമയുടെ കരാർ ഒപ്പിടുന്നതിനു മുൻപ് വിശദമായി വ്യവസ്ഥകൾ വായിച്ച് നോക്കി കരാർ കാലാവധി മനസ്സിലാക്കേണ്ടതാണ്. ഏതെങ്കിലും രാജ്യത്തെയോ സംസ്ഥാനത്തെ യോ ഒഴിവാക്കിയോ ലോകത്തെ എല്ലാ രാജ്യങ്ങളിലെയും ഡിജിറ്റൽ റൈറ്റ് കരാർ ഒപ്പിടുന്നതിന് മുൻപ് തീരുമാനിക്കേണ്ടതും നിർമ്മാതാവിന്റെ തീരുമാനം തന്നെയാണ് കരാറിൽ എഴുതി വച്ചിരിക്കുന്നതെന്നും വിദഗ്ദരെ കൊണ്ട് പരിശോധിപ്പിക്കുക..

രണ്ടോ മൂന്നോ മാസത്തേക്ക് മുതൽ 90 കൊല്ലത്തേക്ക് വരെയുള്ള കരാർ ചില കമ്പനിക്കാർ ഉണ്ടാക്കാറുണ്ട്. ചെറിയ കാലാവധി മാത്രമുള്ള കരാർ ott കമ്പനിയുമായുണ്ടാക്കുന്നതാണ് സിനിമാ നിർമ്മാതാവിന് നല്ലത്.

Satellite Right

ഏഷ്യാനെറ്റ് ,സൂര്യ ടി.വി, ഫ്ലവേഴ്സ്, മഴവിൽ മനോരമ തുടങ്ങിയ ടെലിവിഷൻ ചാനലുകൾക്ക് സിനിമയുടെ പ്രദർശനാവകാശം കൊടുക്കുന്നതിനെയാണ് ഇത്തരത്തിൽ അറിയപ്പെടുന്നത്. സിനിമ പരസ്യത്തോട് കൂടെ ടെലിവിഷൻ ചാനലിൽ കാണിക്കുന്ന ഈ സംവിധാനം ഇത്ര കൊല്ലത്തേക്ക് ഇത്ര രൂപ എന്ന നിലയിൽ
തുക നിശ്ചയിച്ച് വാങ്ങുന്ന രീതിയും പരസ്യത്തിൽ നിന്നും കിട്ടുന്ന വരുമാനത്തിന്റെ ഒരു നിശ്ചിത ശതമാനം പ്രൊഡ്യൂസർക്ക് കൊടുക്കുന്ന രീതിയിൽ ഏത് വേണമെന്ന് തിരഞ്ഞെടുക്കാം.

Out Right

നിർമ്മാതാക്കളിൽ നിന്നും സിനിമകൾ വില കൊടുത്ത് വാങ്ങുന്ന ott കമ്പനി വാങ്ങുന്ന രീതിയാണ് ഇത്. സിനിമക്കായി നിശ്ചയിക്കുന്ന വില Tax കളും കമ്പനിയുടെ service charge ഉം കഴിഞ്ഞ് ബാക്കി തുക മൊത്തമായോ നാലു മുതൽ 12 വരെ installment കളായോ നിർമ്മാതാവിന് ലഭിക്കുന്നു. ഭൂരിഭാഗം നിർമ്മാതാക്കളും ഈ രീതിയാണ് ഇഷ്ടപ്പെടുന്നത്. റിലീസാകുന്നതിന് മുൻപേ തന്നെ സിനിമയുമായുള്ള എല്ലാ ബന്ധവും വിച്ഛേദിച്ചുള്ള കരാറായതിനാൽ പിന്നീട് ഹിറ്റ് ആയാൽ തന്നെ അതിന്റെ അന്യഭാഷയോ മുതലായ എല്ലാ Right ഉം ott കമ്പനികൾ വാങ്ങിയിട്ടുണ്ടാകും. Out right കൊടുത്ത ശേഷം സൂപ്പർഹിറ്റ് ആയ സിനിമയുടെ ഗുണം സാമ്പത്തീകമായി നിർമ്മാതാവിന് പിന്നീട് ലഭിക്കില്ല.

മൂന്നു രീതിയിലാണ് ഇത്തരം platform കളിൽ പരിപാടികൾ ഉപഭോക്താക്കൾക്കായി ലഭ്യമാക്കുന്നത്.
TVOD,SVOD & AVOD എന്നീ മൂന്ന് രീതികളാണ് പൊതുവെ ഇത്തരം platform കാർ പിൻതുടരുന്നത്.

TVOD SYSTEM

(Transactioal Video On Demand)

Subscribers ആകാതെ Website ലൂടെ ടിക്കറ്റ് തുക മുടക്കുന്ന ആർക്കും സിനിമ കാണാവുന്ന രീതിയാണ് TVOD എന്ന രീതിയിൽ ചെയ്ത് വരുന്നത്.ഒരു സിനിമക്ക് മാത്രമായി നിർമ്മാതാവും OTT കമ്പനിയും കൂടി നിശ്ചയിച്ച ടിക്കറ്റ് ചാർജജ്(Rent) Debit/credit കാർഡ് ഉപയോഗിച്ച് പ്രേക്ഷകന് സിനിമ കാണാനവസരം കൊടുക്കുന്ന രീതിയാണിത്. ഒരു സിനിമ കാണുന്നതിനായി പണമടച്ചാൽ കിട്ടുന്ന OTP യും പാസ്സ് വേർഡും ഉപയോഗിച്ച് ഒരോ iOS, Android ,Smart TV കളിൽ ഒരേ സമയം സിനിമകൾ കാണാൻ കഴിയും.സിനിമ റിലീസ് ചെയ്യുന്ന ദിവസം തന്നെ ലോകത്തിന്റെ എല്ലാ ഭാഗങ്ങളിലേക്കും സിനിമ എത്തിക്കാൻ കഴിഞ്ഞാൽ പരസ്യം മൂലം പ്രേക്ഷകനിൽ എത്തി നിൽക്കുന്ന സിനിമ കാണാനുള്ള ആകാംക്ഷയിൽ തീർച്ചയായും കാണാൻ ശ്രമിക്കും.
പ്രവാസികളായ എന്റെ സുഹൃത്തുക്കളോട് ഇതേ പറ്റി ചോദിച്ചപ്പോൾ 500 രൂപ ടിക്കറ്റിട്ടാലും അവർ കാണുമെന്നാണ് പറഞ്ഞത്. എന്നാൽ 500 രൂപ ടിക്കറ്റിട്ടാൽ 1 ലക്ഷം പേരാണ് തയ്യാറാവുന്നതെങ്കിൽ 150 രൂപ ടിക്കറ്റിട്ടാൽ അതിന്റെ കുറെ മടങ്ങ് ആൾക്കാർ കാണും. സിനിമ പണത്തോടൊപ്പം കൂടുതൽ പേരിലേക്കെത്തിക്കുക എന്ന ഒരു ലക്ഷ്യം കൂടെയുള്ളതിനാൽ പരമാവധി ടിക്കറ്റ് തുക 150 ൽ താഴെ എത്തിക്കുന്നത് നന്നായിരിക്കും. ടിക്കറ്റെടുക്കുന്നവന് ജോലിക്കിടയിലെ ഇടവേളകളിലോ അടുക്കള പണിക്കിടയിലോ ഉറക്കം വരാത്ത വിരസ നേരങ്ങളിലോ പുതിയ സിനിമ കാണാനായാൽ ഒരു പക്ഷെ ഒരാഴ്ച കൊണ്ട് തന്നെ കാശ് മുതലാവും.

TVOD യിലെ വമ്പൻ സാദ്ധ്യതകളെ പറ്റി സിനിമക്കാർ മനസ്സിലാക്കിയാൽ പുതിയ നിരവധി നല്ല സിനിമകൾ ഇവിടെ നിർമ്മിക്കപ്പെടുകയും എല്ലാ മേഖലയിലെയും പല ആധിപത്യങ്ങൾക്കും വലിയ തിരിച്ചടിയാവുകയും ചെയ്യും. വർഷങ്ങളായി സിനിമയിൽ കഴിവില്ലാതെ തന്നെ അഭിനയം സംവിധാനം ക്യാമറ തുടങ്ങിയ മേഖലകളിലുള്ളവർ നേരിടേണ്ടത് മിടുക്കരായ കഴിവുള്ളവരെ ആയിരിക്കും. ഇതോടെ സിനിമയുടെ ചിലവ് ഗണ്യമായി കുറയുകയും ലാഭം ഉയരങ്ങൾ കീഴടക്കുകയും ചെയ്യും.നല്ല രീതിയിൽ DIGITAL MARKETING ചെയ്ത് ലോകമെമ്പാടുമുള്ള സിനിമാസ്വാദകരിലേക്ക് റിലീസിന് രണ്ടാഴ്ച മുമ്പേ പരസ്യം തുടങ്ങേണ്ടത് ആവശ്യമാണ്.

Video archives concept.

ഒരു തീയേറ്ററിലെ സിനിമാ റിലീസിന് പോസ്റ്റർ, റോഡിലെ ഹോർഡിംസ് പത്രത്തിലെയും നവമാധ്യമങ്ങളിലെയും പരസ്യങ്ങൾ നിർമ്മാതാവ് ചെയ്യുന്നതു പോലെ OTT റിലീസ് ചെയ്യുന്നതിന്റെ പരസ്യങ്ങൾ റിലീസിന് രണ്ടാഴ്ചയെങ്കിലും മുൻപേ പലരീതിയിൽ കൊടുത്തു തുടങ്ങേണ്ടത് നിർമ്മാതാവിന്റെ ഉത്തരവാദിത്വമാണ്..

TVOD രീതിയിൽ സിനിമ റീലീസ് ചെയ്താൽ വെറും . ഒരാഴ്ച കൊണ്ട് ഇറക്കിയ പണവും ലാഭവും മുതലാക്കാം എന്നതാണ് വസ്തുത.സിനിമ കാണാനായി ടിക്കറ്റ് വിലയായി ലഭിച്ച തുകയിൽ നിന്നും ഓരോ രാജ്യത്തിന്റെയും വ്യത്യസ്ഥമായ Tax , Payment gate way ചാർജ്ജ് ott ക്കാരുടെ സർവ്വീസ് ചാർജ്ജ് എല്ലാം കഴിഞ്ഞ് ഏകദേശം 50 ശതമാനത്തോളം രൂപ(യഥാർത്ഥത്തിൽ ടിക്കറ്റ് തുകയുടെ 70 ശതമാനത്തോളം ) പ്രൊഡ്യൂസർക്ക് ലഭിക്കുന്നു. ഒരു സിനിമ നിർമ്മാതാവിനെ സംബന്ധിച്ച് ഏറ്റവും ലാഭകരവും ഉടനടി പണം കിട്ടുന്നതുമായ സംവിധാനമാണ് TVOD SYSTEM.

മൂന്ന് കോടിയിലധികം ജനങ്ങളുള്ള കേരളത്തിലെ 40 ലക്ഷത്തോളം മലയാളികൾ പ്രവാസികളാണ്. ഒരു സിനിമയുടെ റിലീസ് വിവരം പരസ്യത്തിലൂടെ പ്രവാസി മലയാളികളിലേക്കെത്തിക്കാൻ കഴിയുകയും സിനിമ മികച്ചതാവുകയും ചെയ്താൽ നൂറ്റമ്പത് രൂപ മുടക്കാൻ തയ്യാറുള്ളവർ മാത്രം ഒരാഴ്ച കൊണ്ട് നിർമ്മാതാവിന്റെ പോക്കറ്റ് നിറക്കും.

തീയേറ്റർ +TVOD

ഒരേ സമയം തീയ്യറ്റർ റിലീസും TVOD റിലീസും ചെയ്യുന്നതിനും കൂടി താത്പര്യമുണ്ടെങ്കിൽ തീയേറ്ററുള്ള സംസ്ഥാനമോ രാജ്യമോ ഒഴിവാക്കി ബാക്കി സ്ഥലങ്ങളിൽ TVOD യിൽ റിലീസ് ചെയ്യാനാകുമെന്നത് പ്രവാസി ലോകം രണ്ടു കൈയ്യും നീട്ടി സ്വീകരിക്കുമെന്നതിൽ തർക്കം വേണ്ട.എന്നാൽ ഭൂരിഭാഗം സിനിമക്കാരും ഇക്കാര്യത്തെ പറ്റി അറിയാത്തവരാണ്. ഒന്നുകിൽ തീയ്യേറ്റർ അല്ലെങ്കിൽ OTTഇതു മാത്രമേ എല്ലാവർക്കും അറിയൂ.നാട്ടിൽ തീയേറ്ററിലും തീയേറ്റർ പ്രേക്ഷകനെ കിട്ടില്ലെന്ന് ഉറപ്പുള്ള സ്ഥലങ്ങൾ തിരഞ്ഞെടുത്ത് OTT യും കൊടുത്താൽ ഉണ്ടാകുന്ന വിപണന സാദ്ധ്യതയെ ഇവിടെ പറ്റി സിനിമക്കാർ ഇനിയും മനസ്സിലാക്കിയിട്ടില്ലെന്ന് തോന്നുന്നു. നല്ല രീതിയിൽ ഡിജിറ്റൽ മാർക്കറ്റിംഗ് ചെയ്ത സിനിമ തീയേറ്ററിലും അല്ലാതെ OTT യിലും ലോകത്തെല്ലായിടത്തും എത്തിക്കാനായാൽ ഒരു വെടിക്കെട്ട് തന്നെയാകും.

ഇനി ചിത്രം അൽപം മോശമായാൽ തന്നെ പരസ്യത്തിലൂടെ ഉണ്ടാക്കിയെടുക്കുന്ന ആകാംക്ഷ ഒരാഴ്ചക്കുള്ളിൽ മുടക്കു മുതൽ തിരികെ എത്തിക്കും.മലയാള സിനിമയുടെ അടുത്ത കാല ചരിത്രം നോക്കിയാൽ 75 ശതമാനം സിനിമകളും സാമ്പത്തീകമായി നഷ്ടമാണ്. എന്നാൽ നഷ്ടം വന്ന സിനിമകളിൽ മികച്ച നിരവധി സിനിമകളും ഉണ്ടാകും. പുതിയ കാലഘട്ടത്തിൽ ഡിജിറ്റൽ മാധ്യമങ്ങൾ ഇത്രമാത്രം പ്രചാരമായിരിക്കുന്ന ഈവസരം വേണ്ട വിധം മുതലാക്കാനായാൽ ഈ നഷ്ടം നികത്താനാകും. തീരെ മോശം സിനിമകൾ ഒഴികെ ബാക്കിയെല്ലാം എല്ലാവരും പണം മുടക്കി കാണാൻ തയ്യാറാകുമ്പോൾ 75 ശതമാനം വിജയവും 25 ശതമാനം മാത്രം പരാജയമാകുന്ന രീതിയിലേക്ക് കാര്യങ്ങൾ മാറും.കൊറോണക്ക് ശേഷം ഡിജിറ്റൽ മാധ്യമങ്ങൾ നിരവധി മേഖലകൾ കൈയ്യടക്കിയത് ഇത്തരം സിനിമാ റിലീസിന് ഗുണമാകുമെന്നാണ് വിലയിരുത്തപ്പെടുന്നത്.

പരമാവധി ഒരു മാസം മുതൽ 3 മാസം വരെയാണ് ഈ രീതിയിൽ പുതിയ സിനിമ പ്രദർശിപ്പിക്കാനാവുക. തുടർന്ന് ടിക്കറ്റ് എടുത്ത് ആരും സിനിമ കാണാൻ തയ്യാറാകാത്തതോടെ ഈ കരാർ സാധുതയില്ലാതാകുന്നു. ഈ രീതിയിൽ വരുന്ന സിനിമക്കിടയിൽ പരസ്യം ഉണ്ടായിക്കുന്നതല്ല.

SVOD SYSTEM
(Subscription Video On Demand.)

പരിപാടികൾക്കിയിൽ പരസ്യങ്ങൾ ഇല്ലാതെ തുടക്കം മുതൽ അവസാനം വരെ കാണിക്കുന്ന രീതിയിലാണ് SVOD രീതികളിൽ ഉപയോഗിച്ചു വരുന്നത്. ഇത് ചാനൽ Subscribe ചെയ്തവർക്ക് മാത്രമേ ലഭ്യമാകൂ എന്നതിനാൽ നിർമ്മാതാവിന് തുടക്കത്തിൽ ഒട്ടും ലാഭകരമാകില്ല. എന്നാൽ മുൻപേ റിലീസ് ചെയ്ത സിനിമകളും Short film , Webseries, Documentaries,Musical ആൽബം എന്നിവ TVOD SYSTEM ത്തിലൂടെ പ്രദർശിപ്പിക്കുക സാദ്ധ്യമല്ലാത്തതിനാൽ SVOD യിൽ കൊടുക്കാം. മുൻപ് റിലീസ് ചെയ്ത തിരികെയെത്തിയ നല്ല ചിത്രങ്ങൾ SVOD യിൽ പ്രദർശനത്തിന് കൊടുത്താൽ ചെറിയ ചെറിയ തുകകളായി തുടർച്ചയായി പണം കിട്ടി കൊണ്ടിരിക്കും.(പ്രതിഫലം പുസ്തകങ്ങളുടെ റോയൽറ്റി പോലെ സാവധാനം കിട്ടിക്കൊണ്ടിരിക്കും.)

എന്നാൽ ഇന്ത്യയിൽ Netflix ,Amazon മുതലായവർക്ക് ലക്ഷക്കണക്കിന് Subscribers ഉള്ളതിനാൽ അത്തരം platform ലെ SVOD ലാഭകരമാകും. എന്നാൽ Subscribers കുറവുള്ള ചാനലിൽ പ്രതീക്ഷിക്കുന്ന വരുമാനം ഒരിക്കലും കിട്ടില്ല.എന്നാൽ വിദേശ രാജ്യങ്ങളിൽ പുതിയ സിനിമകൾ റിലീസ് ചെയ്യുന്നതിനായി Netflix ഉം ആമസോണും TVOD രീതി ഉപയോഗിക്കുന്നു എന്ന് പ്രത്യേകം എടുത്ത് പറയേണ്ടതാണ്. എന്നാൽ ടിക്കറ്റ് നിരക്ക് 10 ഡോളറോ അതിൽ കൂടുതലോ ആയിരിക്കും. അതായത് പുതിയ ഹോളിവുഡ് സിനിമകൾക്ക് ഇന്ത്യയിലെ 700 രൂപയോളം വരുമെന്നതിനാലും ഇവിടെ അത്തരം ആർക്കാരെ കിട്ടാൻ കഷ്ടമായിരിക്കുമെന്നതിനാലും അത്തരം PLATFORM ൽ മുൻപ് TVOD യിൽ കളിച്ച ശേഷം SVOD യിലേക്ക് മാറ്റുന്ന സിനിമകളാണ് ഇവിടെ കാണിക്കുന്നത് .

ഇവിടെ സിനിമാ ലോകത്ത് നടക്കുന്ന ഭൂരിഭാഗം ചർച്ചകളിലും SVOD സംവിധാന പറ്റി മാത്രമാണ് മിക്കവർക്കും അറിയുക.. അതിനാലാണ് Ott platform ലെ pay per view വലിയ നഷ്ടമാണെന്ന് എല്ലാവരും പറയുന്നത്.സിനിമകൾക്കായി മലയാളികൾ ആശ്രയിക്കുന്ന പ്രമുഖ ott platform കൾ NETFLIX, AMAZON PRIME VIDEO എന്നിവർ SVOD SYSTEM ആണ് ഇന്ത്യയിൽ പിൻ തുടരുന്നതെങ്കിലും ലക്ഷക്കണക്കിന് subscribers ഉള്ളതിനാൽ സിനിമാ നിർമ്മാതാവിന് ലാഭം കിട്ടുന്നു.ചില OTT PLATFORM കാർക്ക് TVOD,SVOD,AVOD എന്നീ മൂന്ന് സംവിധാനങ്ങളുമുണ്ടായിരിക്കും. അപ്പോൾ ആദ്യം TVOD യിൽ Release ചെയ്യുകയും പിന്നീട് തിരക്ക് കുറഞ്ഞ് ആരും . കാശുമുടക്കി ടിക്കറ്റെടുത്ത് സിനിമ കാണാതാവുമ്പോൾ അതേ ചിത്രം തുടർന്ന് അതേ Platform ൽ തന്നെ SVOD യിൽ ഇടാവുന്നതാണ്. വെറുതെ പെട്ടിയിലിരിക്കുന്നതിനും ഭേദം കാണുന്ന സമയത്തിനനുസരിച്ചെങ്കിലും നിർമ്മാതാവിന് തുടർച്ചയായി ചെറിയ പണം കിട്ടി കൊണ്ടിരിക്കും.

AVOD SYSTEM
Advertisement Video On Demand

സിനിമക്കിടയിൽ പരസ്യങ്ങൾ കാണിച്ചുള്ള വരുമാനത്തിലൂടെ നിർമ്മാതാവും ott platform കമ്പനിയും കൂടാതെ മൂന്നാമത് കക്ഷിയായി പരസ്യ ഏജൻസിയും വരുന്നു.
TVOD യും SVOD യും ആസ്വാദകന് ഒട്ടും തന്നെ അലോസരമില്ലാതെ .പരസ്യമില്ലാതെയാണ് സിനിമ കാണിക്കുന്നതെങ്കിൽ AVOD സിനിമയുടെ മൂഡ് കളയുന്ന രീതിയിൽ പരസ്യങ്ങൾ ഇടക്കിടെ വരും.
എന്നാൽ സാമ്പത്തീകമായി പിന്നോക്കം നിൽക്കുന്ന ജനവിഭാഗത്തിന് സിനിമ ലഭ്യമാക്കാൻ ഈ രീതിയാണ് നല്ലത്.ആഫ്രിക്കൻ രാജ്യങ്ങളിൽ മിക്കയിടത്തും ഈ രീതിയിൽ മാത്രമാണ് സിനിമ കാണിക്കുന്നത്.

Pay per View
TVOD: PAY PER VIEW

എത്ര ടിക്കറ്റ് വിറ്റു എന്നതിനെ അടിസ്ഥാനമാക്കി ടിക്കറ്റ് വിറ്റ് കിട്ടിയ തുക പങ്കിടുന്ന രീതി. TVOD paper view തീയ്യേറ്റർ റിലീസ് പോലെ തന്നെ നിർമ്മാതാവിന് വേഗം പണം തിരികെ കിട്ടുന്ന രീതിയാണ്. ഒരു മാസത്തെ കളക്ഷൻ 30 ദിവസത്തിനുള്ളിൽ തന്നെ ലഭ്യമാക്കുന്ന ott കമ്പനികൾ ഉണ്ട്.

SVOD : PAPER VIEW

ഒരു മാസത്തിലെ ആ ചാനലിന്റെ മൊത്തം subscribers ആകെ കാണാൻ ഉപയോഗിക്കപ്പെട്ട മിനുട്ടുകളിൽ നിർമ്മാതാവിന്റെ സിനിമ എല്ലാ Subscriber ഉം കൂടി എത്ര മിനുട്ട് കണ്ടു എന്നതിനെ അടിസ്ഥാനമാക്കിയുള കരാർ.നിർമ്മാതാവിന് ടിക്കറ്റ് തുകയുടെ 70 ശതമാനം കിട്ടാവുന്ന രീതിയിൽ മുതൽ നിർമ്മാതാവിന് വെറും 30 ശതമാനം മാത്രം കിട്ടുന്ന കരാർ വരെയുണ്ട്. ഒരു വക്കീലിനെ കൊണ്ട് കരാറിലെ സുതാര്യത പരിശോധിക്കുന്നത് നന്നായിരിക്കും.

AVOD: PAY PER VIEW

ഇവിടെ കാര്യങ്ങൾ പരസ്യ ഏജൻസിയുടെ കൈകളിലാണ്.ഒരു സിനിമയുടെ മൊത്തം എത്ര മിനുട്ടുകൾ കാണപ്പെട്ടു എന്നതിന്റെ അടിസ്ഥാനത്തിൽ പരസ്യ കമ്പനി, ott കമ്പനി, നിർമ്മാതാവ് ഇവർ മൂന്നുപേരും ഏർപ്പെടുന്ന കരാർ.

DASH BOARD

സിനിമ റിലീസ് ചെയ്യുന്ന ദിവസം തന്നെ നിർമ്മാതാവിന് ഒരു ഡാഷ് ബോർഡും പാസ്സ് വേർഡും ലഭിക്കുന്നു. ലോകത്തിന്റെ ഏതെങ്കിലും ഭാഗത്ത് ആരെങ്കിലും സിനിമ കണ്ടാൽ തത്സമയം തന്നെ നിർമ്മാതാവിന് ഡാഷ് ബോർഡിലൂടെ ഏത് രാജ്യത്തുനിന്നാണെന്നും എത്ര പേർ കാണുന്നുണ്ടെന്നും അറിയാൻ കഴിയുകയും ആ തുക കരാർ പ്രകാരമുളള ദിവസത്തിനുളളിൽ അക്കൗണ്ടിലെത്തുകയും ചെയ്യുന്നു.
ഇനി നിങ്ങൾ സിനിമയുടെ ഭാഗമായ ഒരാളാണോ?എങ്കിൽ ഇനി പറയുന്ന കാര്യങ്ങൾ ശ്രദ്ധിക്കുക.

NETFLIX/AMAZON

ചിത്രം തിരഞ്ഞടുക്കുന്ന വിധം.

ധാരാളം ഷൂട്ടിംഗ് കഴിഞ്ഞ് എല്ലാ വർക്കും കഴിഞ്ഞ സിനിമകൾ ഇപ്പോൾ ധാരാളം ലഭിക്കുന്നതിനാൽ മുൻകൂട്ടി തിരക്കഥ കണ്ട് സിനിമക്കായി Approval കൊടുക്കേണ്ട ആവശ്യം ഇപ്പോൾ ഇല്ല.
സ്റ്റാർ വാല്യൂ , Director’s History പ്രമേയത്തിന്റെ പ്രസക്തി ഇതൊക്കെ നോക്കിയാണ് പുതിയ സിനിമ സ്വീകരിക്കുക. വളരെ നല്ല രീതിയിൽ അവതരിച്ച ഒരു സിനിമ എല്ലാ രീതിയിലും മികച്ചതാണെങ്കിൽ ഒരു പക്ഷെ എടുക്കുന്നതാണ്. ഈ കമ്പനികളിലേക്ക് സിനിമകൾ കൊടുക്കാൻ അംഗീകാരമുള്ള കമ്പനി / വ്യക്തി OFFICIAL VENDOR പേരിൽ അറിയപ്പെടുന്നു. അവരിലൂടെ മാത്രമേ ഇത്തരം പ്ലാറ്റ്ഫോമിൽ സിനിമ .എത്തിക്കാനാകൂ .Preview കണ്ട് മറുപടി പറയാനും Quality Control. ചെക്കിംഗിനുമായി 4 ആഴ്ച മുതൽ 48 ആഴ്ച വരെ സമയം ചോദിക്കുന്നുണ്ട്. Preview ൽ Select ചെയ്താൽ പിന്നെ Quality Control ന് കൊടുക്കും.

ഓരോ Clip ന്റെയും ഷൂട്ട് ചെയ്ത വീഡിയോ റെസൊലൂഷൻ രാത്രിയിലെ ദ്യശ്യങ്ങളിൽ Grains ചെക്കിംഗ് ,VFX,SOUND മുതലായ എല്ലാം പരിശോധിച്ച് Approval കിട്ടിയാൽ Agreement ലേക്ക് പോകാം. VISTA INDIA ഇത്തരം QC ചെക്ക് ചെയ്യുന്ന അംഗീകൃത സ്ഥാപനമാണ്. ഏകദേശം മുപ്പതിനായിരം രൂപയോളമാണിതിന്റെ സർവ്വീസ് ചാർജ്ജ്’. Quality ചെക്കിംഗിൽ Approve ചെയ്താലും Pass ( Reject) ചെയ്താലും ഈ തുക നിർമ്മാതാവ് കൊടുക്കേണ്ടിവരും

5 കോടി ചിലവായ സിനിമക്ക് 10 കോടിയായി എന്ന കഥ അവിടെ ചിലവാകില്ല. Producer’s Association ൽ Audit ചെയ്ത കണക്ക് പ്രകാരം മാത്രമേ സിനിമയുടെ ചിലവ് അവർ വിലയിരുത്തുകയുള്ളൂ. മറ്റേ “കഥ”Social മീഡിയകളിൽ പരസ്യത്തിനായി ഉപയോഗിക്കാമെന്നല്ലാതെ NETFLIX/AMAZON കമ്പനികൾ കണക്കിലെടുക്കില്ല. സൂഫിയും സുജാതയും, ദ്യശ്യം 2,C U Soon , ജോജി ഇതൊക്കെ തീയേറ്ററിൽ റിലീസ് ചെയ്യാതെ OTT PLATFORM ൽ മാത്രം റിലീസ് ചെയ്ത സിനിമകൾ ആണ്.Exclusive (ഒരിടത്ത് മാത്രം ആയി റിലീസ്‌ ചെയ്യുന്ന രീതി) ആയി റിലീസ് ചെയ്യുന്ന സിനിമകൾ OUT RIGHT ആയി കൊടുത്തതും Sharing ഉം ആകാം.

പ്രമുഖരല്ലാത്ത നടൻമാരും സംവിധായകരും തയ്യാറാക്കിയ സിനിമകൾ തീയേറ്ററുകളിലോ മറ്റ് platform ലോ റിലീസ് ആയതിനു ശേഷം ഹിറ്റ് ആവുകയും IMDb 7+ rating കൂടാതെ Times of India,Book my show എന്നിവരുടെ കൂടി Rating കണക്കിലെടുത്ത് പ്രമുഖ OTT കമ്പനിക്കാർ അവർക്കും പ്രേക്ഷകരെ കിട്ടുമെന്നുറപ്പുണ്ടെങ്കിൽ പിന്നീട് എടുക്കും. നായാട്ട്, വൺ , ആർക്കറിയാം ഇതൊക്കെ അത്തരത്തിൽ രണ്ടാമത് ott യിൽ വന്ന സിനിമകളാണ്. അതോടൊപ്പം സമാന്തരമായി മറ്റ് platform ലും പ്രദർശിപ്പിക്കാൻ പറ്റിയ കരാർ ചിലപ്പോൾ ഒപ്പിടുകയും ചെയ്യും. ഉദാഹരണ ത്തിന് വിജയ് ചിത്രമായ മാസ്റ്റർ എന്ന ചിത്രം Amazon prime video ലും കൂടാതെ ഇന്ത്യയൊഴികെയുള്ള എല്ലാ രാജ്യങ്ങളിലും First shows ലും ഇപ്പോഴും ലഭ്യമാണ്. ആർക്കറിയാം എന്ന ചിത്രം AMAZON ലും First shows ലും കൂടാതെ മൂന്നോളം വേറെ platform ലും ഇപ്പോൾ ലഭ്യമാണ്.

നിങ്ങൾ സിനിമ OTT യിൽ കൊടുക്കാൻ ഉദ്ദേശിക്കുന്നുവെങ്കിൽ താഴെ പറയുന്ന കാര്യങ്ങൾ ശ്രദ്ധിക്കുക.

1.SVOD- രീതിയിലാണ് കരാറെങ്കിൽ ആ ചാനലിന് Subscribers എത്രയുണ്ടെന്ന് അറിയുക.

2. TVOD- രീതിയിലാണ് കരാറെങ്കിൽ എത്രത്തോളം രാജ്യങ്ങളിൽ ഈ ചാനൽ ലഭ്യമാണെന്ന് അറിയുക.
ഒരു ഗ്രൗണ്ടിൽ റിലേ ഓട്ടത്തിൽ ആദ്യമോടുന്നവൻ ബാറ്റൺ അടുത്തയാൾക്ക് കൈമാറണം. ഇങ്ങിനെ നാലോ അഞ്ചോ പേർ കൈമാറിയാലാണ് അവസാനം Finishing പോയിന്റിൽ എത്താൻ കഴിയുക. അതുപോലെ ഇന്ത്യയിലെ സിനിമയുടെ ഡാറ്റയുടെ സിഗ്നൽ സാറ്റലൈറ്റ് വഴിയും ചില രാജ്യങ്ങളിലെ സെർവർ വഴിയുമാണ് ഓരോ രാജ്യങ്ങളിലെത്തുക. അവിടെയുള്ളവരെ വിളിച്ച് ഈ Platform അവിടെ ലഭ്യമാണോയെന്ന് അന്വേഷിച്ച് ഉറപ്പു വരുത്തുക. ചില ചാനലുകൾക്ക് ചില രാജ്യങ്ങളിൽ വിലക്കുണ്ട്.

3. AVOD- പരസ്യത്തിലൂടെ എത്ര വരുമാനം കണ്ടെത്താനാകുമെന്ന് അറിയുക.

4. സംപ്രേക്ഷണം Video & sound quality എത്രത്തോളമുണ്ടെന്ന് മനസ്റ്റിലാക്കുക.

(5.1Audio ൽ നിന്നും ശരിയായ രീതിയിൽ upload ചെയ്ത ശബ്ദ സംവിധാനമല്ലെങ്കിൽ ഒന്നുകിൽ BGM അല്ലെങ്കിൽ സംഭാഷണം മുഴച്ചു നിൽക്കും. )

5. എത്ര പേർ ഒരേ സമയം സിനിമ കണ്ടാലാണ് Hang ആകാതെ(Buffering വരാതെ) മികച്ച വീഡിയോ തരാറുള്ള ശേഷിയുണ്ടോയെന്നറിയുക. നല്ല ബാൻഡ് ഉള്ള സെർവർ സംവിധാനമല്ലെങ്കിൽ വീഡിയോ നിന്ന് വിറയ്ക്കും.

6. Agreement സുതാര്യമാണോ ചതിക്കുഴികളുണ്ടോ എന്ന് ഒരു നല്ല വക്കീലിനെ കാണിച്ച് പരിശോധിക്കുക.

7.കമ്പനിയുടെ വിശ്വാസ്യത ഉറപ്പാക്കുക.
Microsoft,Google,Apple ,iCloud,Fire fox മുതലായവയുടെ മികച്ച സംവിധാനങ്ങളിലൂടെയാണോ സിനിമ സംപ്രേക്ഷണം ചെയ്യുന്നതെന്ന് ഉറപ്പു വരുത്തുക.

8. കമ്പനിയുടെ പ്രവർത്തനക്ഷമത എത്രത്തോളം ഓരോ രാജ്യങ്ങളിലുമുണ്ടെന്ന് അന്വേഷിച്ചറിയുക.

9. എത്രത്തോളം കറൻസികളിൽ ടിക്കറ്റെടുത്ത് സിനിമ കാണാനാകുമെന്ന് അറിയുക. ഉദാഹരണത്തിന് ഒരു സിനിമയുടെ ടിക്കറ്റ് ചാർജ്ജ് 100 രൂപയാണെങ്കിൽ നമ്മുടെ ഡെബിറ്റ് / Credit കാർഡ് ഉപയോഗിച്ച് ഇന്ത്യയിൽ നമുക്ക് സിനിമ കാണാനാകും. എന്നാൽ രണ്ട് ഡോളറാണ് സിനിമയുടെ ചാർജെങ്കിൽ എത്ര പേർ കാണാൻ തയ്യാറാകും?

10. മറ്റുള്ള കമ്പനികളുമായി Audio യും Satellite ഉം ഒക്കെ കൊടുക്കാവുന്ന വിധത്തിൽ കരാർ ഉണ്ടാക്കുന്നതിന് ഈ കമ്പനിയുമായുള്ള കരാർ തടസ്സമാണോയെന്നറിയുക.
ഏതെങ്കിലും കമ്പനിയുമായി കരാർ ഉണ്ടാക്കുന്നതിനു മുൻപ് നമുക്ക് ലഭ്യമാകുന്ന പ്രമുഖ ott ചാനലുകളും നമ്മൾ സിനിമ കൊടുക്കാനുദ്ദേശിക്കുന്ന ചാനലുകളുമൊക്കെയായി അഞ്ചോളം ചാനൽ ഒരു മാസത്തേക്കെങ്കിലും സ്വയം Subscribe ചെയ്യുക. എന്നിട്ട് ഓരോന്നിന്റെയും നിലവാരം സ്വയം പരിശോധിച്ചും അന്വേഷിച്ചും മാത്രം തീരുമാനമെടുക്കുക.

ഒന്നുകിൽ .തിയറ്ററിലേക്ക് മാത്രം വേണ്ട ചിത്രങ്ങൾ അതല്ലെങ്കിൽ . OTT യിലേക്ക് മാത്രം വേണ്ട ചിത്രങ്ങൾ എന്ന എന്നുള്ള വേർതിരിവിന് പകരംപുതിയ സിനിമകൾ ഒരേ സമയം തിയേറ്ററിലും തീയേറ്റർ ഇല്ലാത്തിടത്ത് OTT യിലും എന്ന ഒരു വിഭാഗത്തിലെ ചിത്രങ്ങളും തീയറ്റർ റിലീസ് ആവശ്യമില്ലാത്തOTT യിലേക്ക് മാത്രമായ മറ്റൊരു ഭാഗവും എന്ന രീതിയിൽ പേർ തരം തിരിക്കപ്പെട്ടാൽ നാളെ സിനിമയുടെയും അതിലെ നടൻമാരുടെയും നടിമാരുടെയും സംവിധായകരുടെയും മറ്റുള്ളവരുടെയും ഭാവി യഥാർത്ഥ താര ലോകത്തിലേക്ക് തന്നെ ഉയരുമെന്ന് സംശയമില്ല.

ശരാശരിയെടുത്താൽ ഭൂരിപക്ഷവും പരാജയപ്പെടുന്ന സിനിമകളുടെ പിന്നാമ്പുറത്ത് കിടപ്പാടവും ജീവിതകാലം മുഴുവൻ പണിയെടുത്ത സമ്പാദ്യവും നഷ്ടപ്പെട്ട നിരവധി പേരെ ഒട്ടും പ്രശസ്തരല്ലാതെ നിർമ്മാതാക്കളായി നമുക്ക് കാണാം.

ഇനി നല്ല സിനിമ നിർമ്മിക്കുന്നവരുടെ മുമ്പിൽ വലിയൊരു ലോകമാണ് OTT തുറന്നിരിക്കുന്നത്. സിനിമ നല്ലതായിട്ടും തഴയപ്പെടുന്ന അവസ്ഥ ഇനിയൊരിക്കലുമുണ്ടാകില്ല. എന്നാൽ മോശം സിനിമകളുടെ സ്ഥാനം അർഹിക്കുന്ന ചവറ്റുകുട്ടയിൽ തന്നെയായിരിക്കും ഇന്നത്തെ ബുദ്ധിമുട്ടുകൾ നല്ലൊരു നാളെയെ ഗർഭത്തിൽ ചുമക്കുന്ന ഒരു അമ്മയുടെ താത്കാലിക സഹനങ്ങൾ മാത്രമാണ്. എല്ലാവരുടെയും സ്വപ്നങ്ങൾ പൂവണിയാൻ സിനിമാലോകത്ത് വിരിയാനിരിക്കുന്ന ആ വസന്തത്തെ വരവേൽക്കാനായി നമുക്ക് കുറച്ച് ദിവസങ്ങൾ കൂടി കാത്തിരിക്കാം .

വിവരങ്ങൾ ശേഖരിച്ച് തയ്യാറാക്കിയത് ഞാൻ തന്നെയാണ്. കടപ്പാട് ഗുരുക്കന്മാരോട് പിന്നെ എന്നോടും മാത്രം ….നന്ദി………

Leave a Reply
You May Also Like

ജോൺ ലൂഥർ: ടൈറ്റിലിലെ കഥ

ജോൺ ലൂഥർ: ടൈറ്റിലിലെ കഥ കൂടി (സ്പോയിലർ ഇല്ലാ) മാത്യു – മോളി ദമ്പതികൾ മകന്…

അസ്ത്ര സെപ്റ്റംബർ 29 ന് , ചിത്രത്തിന്റെ ആദ്യത്തെ ലിറിക്കൽ ഗാനം പുറത്തിറങ്ങി

അസ്ത്ര സെപ്റ്റംബർ 29 ന് റിലീസ് ആവും. ചിത്രത്തിന്റെ ആദ്യത്തെ ലിറിക്കൽ ഗാനം പുറത്തിറങ്ങി.. പോറസ്…

എനിക്കെതിരെ പെൺകുട്ടിയുടെ പീഡനാരോപണം മാത്രമല്ലെ നിങ്ങൾക്കറിയൂ ?

സോഷ്യൽ മീഡിയിലെ താരമാണ് ശ്രീകാന്ത് വെട്ടിയാർ . അടുത്തിടെ ചില സിനിമകളിലും മുഖം കാണിച്ചു. എന്നാൽ…

പലായന കാലത്തെ ലോകസിനിമ – എൻഡ്‌ലെസ് ബോർഡേഴ്സ്

പലായന കാലത്തെ ലോകസിനിമ – Endless Borders അനൂപ് കിളിമാനൂർ ഇറാനിയൻ ഭരണകൂടം ജയിലിലടച്ച അധ്യാപികയുടെ…