കേരള പോലീസിനെതിരെ അർച്ചന കവി

നടി അർച്ചന കവി സോഷ്യൽ മീഡിയയിൽ പോസ്റ്റ് ചെയ്ത വിഷയം തികച്ചും ഗൗരവം അർഹിക്കുന്നതാണ്.,രാത്രിയിൽ സുഹൃത്തിനും കുടുംബത്തിനുമൊപ്പം ഓട്ടോയിൽ യാത്ര ചെയ്തപ്പോൾ സംഭവിച്ച ദുരനുഭവത്തെ കുറിച്ചാണ് താരത്തിന്റെ പോസ്റ്റ്. ഓട്ടോയിൽ യാത്ര ചെയുമ്പോൾ പോലീസിന്റെ ചോദ്യം ചെയ്യൽ ഉണ്ടായെന്നും അവരുടേത് മോശം പെരുമാറ്റം ആയിരുന്നെന്നും താരം പറയുന്നു. താരത്തിന്റെ വാക്കുകൾ ഇങ്ങനെ

“ഈ സമയത്ത് യാത്ര ചെയ്യുന്നത് തെറ്റാണോ ..? ജെസ്‌നയും ഞാനും അവളുടെ കുടുംബവും മിലാനോയിൽ നിന്ന് തിരിച്ചു വരികയായിരുന്നു. വഴിയിൽ വച്ച് പൊലീസ് ഉദ്യോഗസ്ഥർ ഞങ്ങളെ തടഞ്ഞു നിർത്തി ചോദ്യം ചെയ്തു. ഓട്ടോയിലുണ്ടായിരുന്ന ഞങ്ങളെല്ലാവരും സ്ത്രീകളായിരുന്നു.വളരെ പരുഷമായ ഭാഷയിലായിരുന്നു അവർ പെരുമാറിയത്. ഞങ്ങൾക്ക് ഒട്ടും സുരക്ഷിതമായി തോന്നിയില്ല. വീട്ടിൽ പോകുകയാണെന്ന് ഞങ്ങൾ പറഞ്ഞപ്പോൾ അവർ ചോദിച്ചത് എന്തിന് വീട്ടിൽ പോകുന്നുവെന്നാണ്. ചോദ്യം ചെയ്യുന്നതിൽ പ്രശ്‌നമൊന്നുമില്ല. എന്നാൽ, അതിനൊരു രീതിയുണ്ട്. പക്ഷേ ഇത് വളരെയധികം അസ്വസ്ഥതയുണ്ടാക്കുന്ന തരത്തിലായിരുന്നു. ”

ഇങ്ങനെയായിരുന്നു അർച്ചന കവി സോഷ്യൽ മീഡിയയിൽ കുറിപ്പിട്ടത്. #കേരള പൊലീസ്,​ #ഫോർട്ട് കൊച്ചി തുടങ്ങിയ ഹാഷ് ടാഗുകളും താരം പോസ്റ്റിനൊപ്പം ചേർത്തിട്ടുണ്ട്.

 609 total views,  12 views today