കുളത്തൂപ്പുഴ : വേനൽ മഴയ്ക്കൊപ്പമെത്തിയ ശക്തമായ കാറ്റിൽ വൻമരം കടപുഴകി വീണു തിരുവനന്തപുരം-ചെങ്കോട്ട അന്തസ്സംസ്ഥാന പാതയിൽ ഗതാഗതം മുടങ്ങി. To advertise here, ചൊവ്വാഴ്ച വൈകീട്ട് നാലരയോടെയാണ് കുളത്തൂപ്പുഴ-തെന്മല പാതയിൽ കൂവക്കാടിനു സമീപം പള്ളംവെട്ടിയിൽ പാതയോരത്ത് നിന്നിരുന്ന മരം കടപുഴകി 11 കെ.വി. അടക്കമുള്ള വൈദ്യുത ലൈനുകൾ തകർത്തുകൊണ്ട് പാതയ്ക്കുകുറുകേ വീണത്. ഇതോടെ കുളത്തൂപ്പുഴ മേഖലയിലെ വൈദ്യുതബന്ധം താറുമാറായി. സംഭവസമയം പാതയിൽ വാഹനങ്ങളോ കാൽനടയാത്രികരോ ഇല്ലാതിരുന്നതിനാലും മരം കടപുഴകി വീഴുന്നതുകണ്ട് അകലെനിന്നെത്തിയ കാർ ദൂരെ മാറ്റി നിർത്തിയതിനാലും അപകടമൊഴിവായി. യാത്രക്കാർ വഴിയിൽ കുടുങ്ങി. പ്രദേശത്ത് ഒരുമണിക്കൂറോളം ശക്തമായ കാറ്റും മഴയുമുണ്ടായിരുന്നു. നാട്ടുകാർ വിവരം നൽകിയതിനെത്തുടർന്ന് കെ.എസ്.ഇ.ബി. ജീവനക്കാരെത്തി നാട്ടുകാരുടെ സഹായത്തോടെ മരത്തിന്റെ ശിഖരങ്ങൾ വെട്ടിമാറ്റി. ഒരുമണിക്കൂറിനുശേഷമാണ് പാതയിലെ ഗതാഗതം പുനഃസ്ഥാപിക്കാനായത്. രാത്രി വൈകിയും വൈദ്യുതബന്ധം പുനസ്ഥാപിക്കാനുള്ള കഠിനശ്രമത്തിലാണ് സെക്ഷൻ ഓഫീസ് ജീവനക്കാർ. Published: 13 May 2026, 02:12 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.