അതിരപ്പിള്ളി : കാട്ടാന ആക്രമണത്തിൽ യുവാക്കൾക്ക് പരിക്കേറ്റു. കുറ്റിച്ചിറ പുളിങ്കര തൃക്കൂക്കാരൻ അഷിൻ ആന്റോ (24), ചാലക്കുടി കൈതേരിയിൽ ധീരജ് (23) എന്നിവർക്കാണ് കാട്ടാന ആക്രമണത്തിൽ പരിക്കേറ്റത്. ചൊവ്വാഴ്ച വൈകുന്നേരം അഞ്ചരയോടെ വൈശേരി വാളറയിലുള്ള കൂട്ടുകാരൻ വെറ്റിലപ്പാറ സ്വദേശി മണലൂക്കാരൻ ശ്രീകുമാറിന്റെ കൃഷിയിടത്തിൽ നിൽക്കുമ്പോഴാണ് സംഭവം. കാട്ടാന പിറകിൽനിന്ന് വന്ന് രണ്ടുപേരെയും തുമ്പിക്കൈകൊണ്ട് അടിക്കുകയായിരുന്നു. കൂടെയുണ്ടായിരുന്ന ശ്രീകുമാർ ബഹളംവച്ചതിനെത്തുടർന്ന് കാട്ടാന വനത്തിലേക്ക് ഓടിപ്പോയി. പരിക്കേറ്റ രണ്ടുപേരെയും ചാലക്കുടി സ്വകാര്യ ആശുപത്രിയിൽ പ്രവേശിപ്പിച്ചു. മലയോരമേഖലയിൽ കാട്ടാനശല്യം അതിരൂക്ഷമായിക്കൊണ്ടിരിക്കുകയാണ്. To advertise here, Published: 13 May 2026, 03:16 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.