പാറശ്ശാല : റോഡരികിൽ നിർത്തുന്ന ബൈക്കുകൾ മോഷ്ടിച്ച് പൊളിച്ചുവിൽക്കുന്ന സംഘത്തിലെ വർക്ക്ഷോപ്പ് ഉടമയടക്കം രണ്ടുപേരെ പൊഴിയൂർ പോലീസ് പിടികൂടി. To advertise here, കരുംകുളം പുതിയതുറ പൊറ്റയിൽ പള്ളിക്കു സമീപം കൃഷ്ണപിള്ള നഗറിൽ രാജേഷ് (58), കാഞ്ഞിരംകുളം ചാണി കളത്താന്നി വീട്ടിൽ ഷാബിൻകുമാർ (40) എന്നിവരാണ് പിടിയിലായത്. വാഹനങ്ങൾ മോഷ്ടിച്ച് രാജേഷിന്റെ പ്ലാമൂട്ടുക്കട ഷാപ്പ്മുക്കിനു സമീപത്തെ വർക്ക്ഷോപ്പിലെത്തിച്ച് പൊളിച്ചുവിൽക്കുന്നതാണ് പ്രതികളുടെ രീതി. ഇക്കഴിഞ്ഞ ഏപ്രിൽമാസത്തിൽ റോഡപകടത്തിൽപ്പെട്ടതിനെത്തുടർന്ന് കാക്കറവിളയ്ക്കു സമീപം റോഡരികിൽ സൂക്ഷിച്ചിരുന്ന ബൈക്ക് മോഷണം നടത്തിയ സംഭവത്തിൽ പൊഴിയൂർ പോലീസ് നടത്തിയ അന്വേഷണത്തിലാണ് ഇരുവരും പിടിയിലായത്. നിരവധി ബൈക്ക് മോഷണക്കേസുകളിൽ ഇരുവരും പ്രതികളാണെന്ന് പോലീസ് പറഞ്ഞു. Published: 13 May 2026, 01:51 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.