ഏതു രക്ഷസിനേം ദേവതയാക്കുവാൻ എതിരുനിർത്തുന്ന പേരാണ് സംഘി

can_u_see_the_fear_in_their_eyes എന്ന ഹാഷ്ടാഗിൽ പോയാൽ ഈ നദീർ എന്ന ഇടത് നന്മമരം നദിയിൽ നിന്ന് ഓടയായ് മാറിയ പീഡോചരിത്ര വിഷയത്തിൽ കുറേ പോസ്റ്റ് കാണാം.‌ അറിയാൻ കഴിയുന്നത് സോഷ്യൽ മീഡിയ വഴി ഇവരുണ്ടാക്കി വച്ചിരിക്കുന്ന ഇടത് പുരോഗമന എക്കോസിസ്റ്റം എത്രമേൽ പുഴുത്തുനാറിയതാണെന്നാണ്. നിങ്ങൾക്ക് വിശ്വസിക്കാനാവുന്നുണ്ടോ.. നദിയെന്ന ഈ പീഡോഫൈലിനെ പാർട്ടി ലേബലിൽ പൊക്കിനടന്നതുകൊണ്ടുമാത്രം സ്വന്തം പെൺകുഞ്ഞിനെ പീഡിപ്പിച്ചിട്ടും പരാതി കൊടുക്കാത്ത കമ്യൂണിസ്റ്റ് പുരോഗമന മാതാപിതാക്കളേ ? എന്നാലീ വിഷയത്തിൽ അതാണ് സ്ഥിതി.

നിങ്ങളോർക്കുന്നുണ്ടോ എന്നറിയില്ല. 2016 ൽ ഒരു സംഘി പോലീസിൽ പരാതിപ്പെട്ടതിനെത്തുടർന്നാണ് കമൽ സി ചവറയെയും നദീറിനെയും പോലീസ് UAPA ചുമത്തി കസ്റ്റഡിയിൽ എടുക്കുന്നത്. അന്ന് ഇന്നുനമ്മൾ കാണുന്ന സെലിബ്രിറ്റികളായ എല്ലാ ഇടത് എഴുത്തുകാരും അയാളെ പിന്തുണച്ചുവന്നിരുന്നു. അവരിൽ പലരും ഇന്നും എന്റ് കമ്യൂണിസ്റ്റ് സുഹൃത്തുക്കളാണ്. വർഗ്ഗബോധം കാണിച്ച് ഒരു സിപിഎമ്മുകാരനെ പിന്തുണച്ചതിൽ ഞാൻ കുറ്റമൊന്നും കാണുന്നില്ല. എന്നാൽ അവരിൽ വളരെക്കുറച്ചു പേർ മാത്രമാണ് ഇപ്പോൾ ഈ പീഡോഫൈൽ വിഷയം പുറത്തുവന്നപ്പോൾ അന്നവരുടെ പ്രിയപ്പെട്ട നദിയായിരുന്ന നദീറിനെ തള്ളിപ്പറഞ്ഞത്. അതിൽ ചിലർ നദീർ സിപിഎമ്മുകാരൻ അല്ല എന്നു സ്ഥാപിക്കുന്ന തിരക്കിലാണ്. പീഡനം നടന്നത് പക്ഷേ പുരോഗമനരാഷ്ട്രീയം പറഞ്ഞുകൊണ്ടിരുന്ന സമയത്ത് പുരോഗമനരാഷ്ട്രീയക്കാരുടെ വീട്ടിലാണ് കേട്ടോ.. അതുമായി ബന്ധപ്പെട്ടതെല്ലാം മുകളിലെ ഹാഷ്ടാഗിൽ വായിക്കാൻ കിട്ടും.

ഒരു കാര്യം ചോദിച്ചോട്ടേ.. അന്നു നദീറിനെ പിന്തുണയ്ക്കാൻ മത്സരിച്ചോടി നടന്നവർക്ക്, സംഘിവിരുദ്ധതയിൽ അവന് ഹീറോ പരിവേഷം നൽകിയവർക്ക് , അവന്റ് പീഡനങ്ങൾക്കിരയായ പെൺകുട്ടികൾക്ക് നീതി വാങ്ങിക്കൊടുക്കാനുമുള്ള ഉത്തരവാദിത്വം ഇല്ലേ ? നിങ്ങൾ സംഘവിരുദ്ധത ഒരു ഫാഷൻ സ്റ്റേറ്റ്മെന്റ് ആയ് കൊണ്ടുനടന്നതിനാലല്ലേ അത് ചൂഷണം ചെയ്ത് ചില അധമന്മാർക്ക് കൊച്ചുങ്ങളിലേക്കെത്താൻ കഴിഞ്ഞത്‌.. നിങ്ങൾക്കെങ്ങിനെയാണ് നിങ്ങൾ ഇരയെന്ന് മുദ്രകുത്തിയവൻ വേട്ടക്കാരനെന്നറിഞ്ഞിട്ടും മിണ്ടാതെ മൗനം ഭജിച്ച് പാർട്ടിയ്ക്ക് ചീത്തപ്പേരു വരാതെ കാക്കാൻ കഴിയുന്നത്? അതോ നിങ്ങൾക്കും മോശമല്ലാത്ത ഇൻവോൾവ്മെന്റ് ഇതിലുണ്ട് എന്ന് നിങ്ങളുടെ മൗനത്താൽ സംശയിക്കണോ..?
വീണ്ടും പറയുന്നു.

“ഏതു രക്ഷസിനേം ദേവതയാക്കുവാൻ
എതിരുനിർത്തുന്ന പേരാണ് സംഘി.”
സംഘവിരുദ്ധതയിൽ പച്ചപിടിച്ച ഈ എക്കോസിസ്റ്റം ചുംബനസമരകാലം മുതൽ ഡ്രഗ്സും ലൈംഗികതയും ആയ് നമ്മുടെ മുന്നിലുണ്ട്. അതിനൊക്കെ കമ്യൂണിസ്റ്റ് കുട ചൂടിയ പ്രമുഖ പുത്രൻ ഇന്ന് പരപ്പന അഗ്രഹാര ജയിലിലും ആണ്.
ഇപ്പോൾ മൗനത്തിലായ ഈ ഇടത് എക്കോസിസ്റ്റത്തിന്റ് ഇരകൾ എന്നും എപ്പോഴും പെൺകുട്ടികളാണ്. കുടുംബം എന്ന എസ്റ്റാബ്ലിഷ്മെന്റിനോട് വെറുപ്പ് സൃഷ്ടിക്കുക ആണിവർ ആശയങ്ങളിലൂടെ ആദ്യപടിയായ് ചെയ്യുന്നത്. രണ്ടാമത് സദാചാരത്തിന്റെ ചങ്ങല പൊട്ടിച്ചെറിയൂ പെണ്ണേ എന്ന് പ്രബോധനം നടത്തും. പിന്നെ ആർക്കും ആരോടും ഏതുതരത്തിലുമുള്ള ലൈംഗികതയ്ക്ക് കൺസെന്റ് ചോദിക്കാൻ സാധിക്കുന്ന സിസ്റ്റമാണ് പുരോഗമനം എന്നുപഠിപ്പിക്കും. മനുഷ്യൻ പോളിഗമിക്‌ ആണെന്നും സ്വതന്ത്ര ലൈംഗികതയും ലിവിംഗ് ടുഗദറും ആണ് പുരോഗമനമെന്നും വിശ്വസിപ്പിക്കും. ഒടുവിൽ എല്ലാവിധത്തിലും ചൂഷണം ചെയ്യപ്പെട്ട് പുറത്തുചാടാനാവാതെ മറ്റുള്ള പെൺകുട്ടികളെയും ഈ സിസ്റ്റത്തിലേക്ക് ഡ്രാഗ് ചെയ്യുന്ന, വേട്ടക്കാരെ ന്യായീകരിക്കുന്ന ഒരു ജീവനായ് അവർ മാറും. ഒരു സെക്ഷ്വൽ ഒബ്ജക്റ്റ് എന്നതിൽ കവിഞ്ഞൊരു വിലയും ഈ ഇടത് ബുദ്ധിജീവികൾ പെണ്ണിനു നൽകുന്നുണ്ടാവില്ല. എങ്കിലും അവർ ഹിന്ദുക്കളാരും കാണാത്ത മനുസ്മൃതിക്കെതിരെ നിതാന്തസമരത്തിലായിരിക്കും. അവരുടെ ബുദ്ധിജീവിത്തരത്തിന്റ് ഏക മെറിറ്റ് സംഘപരിവാറിനെയും ഹിന്ദുത്വത്തിനെയും എത്രതെറിപറയുന്നു എന്നതാണ്.

നമ്മുടെ കുട്ടികളെ ഈ ടോക്സിക് ആയ ഇടത് എക്കോ സിസ്റ്റത്തിന് എറിഞ്ഞു കൊടുക്കേണ്ടതുണ്ടോ എന്ന് ഓരോരുത്തരും ചിന്തിക്കുക. സംഘികളെ രാക്ഷസവത്കരിച്ചുവച്ചിട്ട് എതിരുനിൽക്കുന്നവരെല്ലാം വിശുദ്ധന്മാരല്ല എന്നും മനസ്സിലാക്കുക. ശ്രദ്ധിച്ചാൽ ഇവരുടെ ആദ്യ ഇര അധികം സ്വാതന്ത്ര്യം ലഭിക്കാതെ വളർന്ന മുസ്ലിം പെൺകുട്ടികളും അവരിലൂടെ ആവശ്യത്തിനു സ്വാതന്ത്ര്യം ലഭിച്ചു വളർന്ന കമ്യൂണിസ്റ്റ് ഹിന്ദു പെൺകുട്ടികളും ആണെന്ന് കാണാം. ഒടുവിൽ ആത്മഹത്യയിൽ രക്ഷനേടുന്ന വിധം നശിച്ചുപോകാതെ ഈ കമ്യൂണിസ്റ്റ് മയക്കുമരുന്നു മാഫിയയെ എത്രയും അകറ്റിനിർത്താമോ അത്രയും നന്ന്. ജീവിതം വച്ചു കളിക്കേണ്ടതോ കഞ്ചാവ് കത്തിച്ചു വലിച്ചു കേറ്റേണ്ടതോ അല്ല പുരോഗമന രാഷ്ട്രീയം. ഒരിക്കലും കുട്ടികളെ പീഡിപ്പിക്കുന്നവരെ സംരക്ഷിക്കുന്നത് അല്ലേയല്ല.