Connect with us

Featured

പൊറോട്ട പറയുന്നതുപോലെ ഭീകരനല്ല

അങ്കിൾ , പൊറോട്ട കഴിക്കാൻ പാടില്ല എന്ന് പറയുന്നതിൽ വല്ല കാര്യവുമുണ്ടോ ? പതിവ്പോലെ സംശയവുമായി രാജുമോൻ . എന്തേ അങ്ങനെ പറയാൻ കാരണമെന്ന് അങ്കിൾ . സിനിമാ പോസ്റ്റർ ഒട്ടിക്കാൻ മൈദയല്ലേ ഉപയോഗിക്കുന്നത്

 28 total views,  2 views today

Published

on

Augustus Morrises

( 1 ) അങ്കിൾ , പൊറോട്ട കഴിക്കാൻ പാടില്ല എന്ന് പറയുന്നതിൽ വല്ല കാര്യവുമുണ്ടോ ? പതിവ്പോലെ സംശയവുമായി രാജുമോൻ . എന്തേ അങ്ങനെ പറയാൻ കാരണമെന്ന് അങ്കിൾ . സിനിമാ പോസ്റ്റർ ഒട്ടിക്കാൻ മൈദയല്ലേ ഉപയോഗിക്കുന്നത് , അതുകൊണ്ട് പൊറോട്ട കുടലിൽ ഒട്ടിപ്പിടിക്കുമെന്ന് പലരും പറയാറുണ്ടല്ലോ . അങ്കിൾ അവനെ ലോകത്തെ ഏറ്റവും വലിയ പരീക്ഷണശാലയായ അടുക്കളയിലേക്ക് നയിച്ചു .ദിവസും മാറിമറിയുന്ന ചേരുവകളുടെ രസതന്ത്രവും സമ വാക്യങ്ങളും കണ്ടു മനസ്സിലാക്കാൻ രാജുമോൻ അടുക്കളയിലേക്ക് വന്നു .

Wheat porotta - Restaurants in Kochi, Nawras Seafood Restaurant in ...( 2 ) ഒരു കിലോ മൈദാ മാവിനെ ഏതാണ്ട് 25 പൊറോട്ടയാക്കാനുള്ള കാര്യപരിപാടികൾ ആരംഭിച്ചു . ഒരു ഗ്ളാസ് പാൽ , രണ്ടു മുട്ട , മൂന്നു ടീ സ്പൂൺ പഞ്ചസാര , ആവശ്യത്തിന് ഉപ്പ് , ബേക്കിങ് പൌഡർ ഒരു ചെറിയ കരണ്ടി , നെയ്യും തൈരും രണ്ടു ടീ സ്‌പൂൺ വീതം — ഇത്രയും എടുത്ത് നന്നായി മിക്സ് ചെയ്യുക . ഇതിനായി തൈര് കടയുന്ന യന്ത്രം ഉപയോഗിക്കാം . ഇങ്ങനെ കിട്ടിയ മിശ്രിതം മൈദാമാവിൽ ചേർത്ത് കുഴയ്ക്കുക . ഓർക്കുക കുഴയ്ക്കൽ ഒരു കലയാണ് . കുഴഞ്ഞു വീഴാം , സ്റ്റാമിന ഇല്ലാത്തവർ സ്റ്റാൻഡ് വിട്ടു പോകേണ്ടതാണ് . ടോപ്‌ലെസ് ആയിട്ട് ഇതൊക്കെ ചെയ്‌താൽ ,ന്നു വച്ചാ മേൽവസ്ത്രം ഇല്ലാതെ ചെയ്‌താൽ , അങ്ങേയറ്റം അപകടകരമായ സോഡിയം ക്ളോറൈഡ് എന്ന ജൈവ വിഷം , മൈദാ മാവിൽ പറ്റിപ്പിടിക്കാൻ സാധ്യതയുണ്ട് .പൊറോട്ടയ്ക്ക് രുചി കൂടുമെങ്കിലും , വാട്സാപ്പ് യൂണി . പറയുന്നത് സോഡിയം ക്ളോറൈഡ് വെളുത്ത വിഷമാണെന്നാണ് .പേടിക്കണ്ട , ഓൾറെഡി വെളുത്ത വിഷങ്ങളായ പാൽ ,പഞ്ചസാര , മൈദാ എന്നിവ നമ്മൾ എടുത്തുകഴിഞ്ഞു .അതിനോടൊപ്പം ഒന്നുകൂടി ചേർന്നു എന്ന് കൂട്ടിയാൽ മതി .

( 3 )മുക്കാൽ മണിക്കൂർ സമയം എടുത്ത് മാവ് കുഴയ്ക്കുക കൈ കഴയ്ക്കും .തളരരുത് രാമൻകുട്ടീ , തളരരുത് . ശേഷം ” എന്റെ ബാല ഗോപാലനെ എണ്ണ തേപ്പിക്കുമ്പോ പാടടീ എന്ന ഗാനം മൂളി , മാവിന്റെ ഉപരിതലത്തിൽ ചെറിയൊരു എണ്ണപ്പാട ,തടവി പിടിപ്പിയ്ക്കുക . ശേഷം ഏതാണ്ട് മൂന്നുമണിക്കൂറോളം നനഞ്ഞ തോർത്തിട്ട് മൂടിവയ്ക്കുക .

( 4 ) മൂന്നു മണിക്കൂർ നേരത്തെ സുഖനിദ്രയ്ക്ക് ശേഷം , മാവിനെ മെല്ലെ തട്ടിവിളിയ്ക്കുക . അതിനുശേഷം കേരളാ കോൺഗ്രസ്സിനെ മനസ്സിൽ ധ്യാനിച്ച് കൊണ്ട് പിളർത്തൽ നടപടികളിലേക്ക് നീങ്ങുക . അവുലോസുണ്ട പിടിക്കുന്നതുപോലെ , മാവ് ഉണ്ടപിടിയ്ക്കുക . തള്ള വിരലിന്റെയും ചൂണ്ടുവിരലിന്റെയും ഇടയിലൂടെ അതിങ്ങനെ ഊർന്നിറങ്ങുമ്പോഴുള്ള ഒരു സുഖമുണ്ടല്ലോ , എന്റെ സാറേ ….ഉണ്ടകളാക്കിയ മാവിനെ സുഖചകിത്സ നൽകി വീണ്ടും എണ്ണപ്പാട പുരട്ടി അര മണിക്കൂർ നനഞ്ഞ തോർത്തിട്ട് മൂടി ഒന്നുകൂടി സമാധിയിൽ വയ്ക്കുക . നമുക്കൊരു മന സമാധാനം വേണമല്ലോ .

( 5 ) ഉണ്ടകളെ പിളർത്തി പൂവുകളാക്കുക . അതിനെ പരത്തണം . പരത്തുമ്പോഴാണ് ഒരു കാര്യം മനസ്സിലായത് – രോഗികൾക്ക് കൃത്രിമ ശ്വാസം കൊടുക്കുന്ന CPR – Cardio Pulmonary Resuscitation ഒക്കെ എത്ര നിസ്സാരം . ശേഷം ഇതിനെ വീശാനാവശ്യമായ സ്ഥലം , പരശുരാമനെ മനസ്സിൽ ധ്യാനിച്ച് അളന്നെടുക്കണം .അല്ലെങ്കിൽ അടുക്കള ഭിത്തിയിലെ നെരോലാക് പെയിന്റ് , പൊറോട്ടയിലുണ്ടാകും . വീശുമ്പോ , മുകളിലും താഴെയും വിരലുകളുടെ വിന്യാസം പ്രത്യേകം അറിഞ്ഞിരിക്കണം . റോഡ് വക്കിൽ നിന്നും വീശിയുണ്ടാക്കുന്ന പൊറോട്ടയിൽ , ജീവകം – ഇ അഥവാ വൈറ്റമിൻ – E , യുടെ അളവ് കൂടുതലാണെന്ന് പലരും അഭിപ്രായപ്പെട്ടിട്ടുണ്ട് . ഇ ഫോർ ഈച്ച .

( 6 ) കല്ലിന്മേൽ വേവിച്ചെടുക്കുന്ന പൊറോട്ട , കാരിരുമ്പിന്റെ കരുത്തോടു കൂടിയവനായിരിക്കും . അവനെ മൃദുല ഹൃദയനാക്കാൻ ഒരു ചെറിയ പരിപാടി — ഉരുട്ടിക്കൊല എന്നൊക്കെ പറയുന്നതുപോലെ , ഇരുവശത്തും നിന്നും നല്ല അടി പറ്റിയ്ക്കുക . അടിയോളം ഉതകാം അണ്ണൻ തമ്പി എന്ന പ്രമാണമനുസരിച്ച് പൊറോട്ട ,മൃദുലനായി മാറും .ശേഷം പ്രോട്ടീൻ വിഭവമായ കോഴി ചുട്ടത് ചേർത്ത് കഴിക്കാം .ഇത്രയുമൊക്കെ അദ്ധ്വാനിച്ച ഒരാള്ക്ക് മൂന്നു – നാല് പൊറോട്ട കഴിയ്ക്കാം .അല്ലാത്തവർക്ക് രണ്ടെണ്ണം മതി .

( 7 ) കൊറോണക്കാലത്ത് മലയാളി , വീട്ടിൽ തന്നെ പൊറോട്ടയുണ്ടാക്കാൻ പഠിച്ചു . അതിന്റെ മെനക്കേടും , കൈ പൊള്ളുന്നതും ഒക്കെ മനസ്സിലാക്കി . സ്വന്തം വിയർപ്പ് കൊണ്ട് ഭക്ഷിക്കുക എന്നത് മാറ്റി , വിയർപ്പൊന്നും മാവിൽ വീഴാതെ നോക്കി , പൊറോട്ടയുണ്ടാക്കാൻ പഠിച്ചു . അങ്ങനെ പൊറോട്ട , ” ഉയിർ ” ആയി മാറി .താങ്ക്സ് കൊറോണ .

NB — ഗ്ലൂക്കോസ് തന്മാത്രകൾ സിംഗിളായി നിൽക്കുമ്പോൾ മധുരം ഉണ്ടാകും . അവ കൂടിച്ചേർന്ന് നിൽക്കുമ്പോ അന്നജം എന്ന് പറയും .ധാന്യങ്ങളും കിഴങ്ങുകളുമൊക്കെ അന്നജമാണ്‌ .പശിമ അഥവാ ഒട്ടിപ്പിടിയ്ക്കൽ അവയുടെ ധർമ്മമാണ് . കുടലിൽ ഒട്ടിപിടിയ്ക്കുമായിരുന്നെങ്കിൽ ചോറ്റുപശ ഒട്ടിപ്പിടിച്ച് എല്ലാ മലയാളികളും എന്നേ ഈ ലോകം വിട്ടു പോയേനെ .

 29 total views,  3 views today

Advertisement
Advertisement
Entertainment5 hours ago

ഓരോ ക്രിമിനലിന്റെ പിന്നിലും കലുഷിതമായ കുടുംബാന്തരീക്ഷത്തിന്റെ ചരിത്രമുണ്ട്

Entertainment8 hours ago

ഇര എവിടെയുണ്ടോ അവിടെ ഒരു വേട്ടക്കാരനും ഉണ്ടാകും

Entertainment1 day ago

ആ ഡമ്മിയെ പ്രണയിക്കാൻ വിഷ്ണുവിന് കാരണമുണ്ടായിരുന്നു, പക്ഷെ നിങ്ങൾ അതൊരു കാരണമാക്കരുത് !

Entertainment2 days ago

തൊഴിലില്ലായ്മയെന്ന സാമൂഹിക യാഥാർഥ്യത്തിന്റെ കയ്‌പേറിയ അനുഭവങ്ങളാണ് ‘നീളെ നീളെ’

Entertainment3 days ago

ഇതരൻ, ചൂഷിതരുടെയും പാർശ്വവത്കരിക്കപ്പെട്ടവരുടെയും പ്രതിനിധി

Entertainment3 days ago

നിയന്ത്രണ രേഖയ്ക്കുള്ളിൽ കരഞ്ഞു ജീവിക്കുന്ന സ്ത്രീകളെ ഈ സിനിമ ചേർത്തുപിടിക്കുന്നു

Education4 days ago

കുമിൾ പറയുന്നതും അതുതന്നെ, ‘ജീവിതത്തിൽ റീടേക്കുകൾ ഇല്ല’ !

Entertainment5 days ago

സുബൈറും സാബിറയും ‘വീണ്ടും’ ഒരുമിക്കുകയാണ്, അവരോടൊപ്പം പെരുന്നാൾ കൂടാൻ നിങ്ങളും വരണം

Entertainment5 days ago

അനന്തുവിന്റെയും ആരതിയുടെയും പ്രണയം ‘എഴുതാത്ത കവിത’പോലെ മനോഹരം

Entertainment1 week ago

മദ്യത്തിന്റെ കണ്ണിലൂടെ കഥപറയുന്ന ‘സീസറിന്റെ കുമ്പസാരം’

Uncategorized1 week ago

“അതേടാ ഞാൻ നായാടി തന്നെ” യെന്ന് പറങ്ങോടൻ ആർജ്ജവത്തോടെ വിളിച്ചു പറയുന്നു

Entertainment1 week ago

റീചാർജ്, ഒരു ഷോർട്ട് ചുറ്റിക്കളി ഫിലിം, അഥവാ അവിഹിതം വിഹിതമായ കഥ

Entertainment2 weeks ago

സാമൂഹ്യ പ്രതിബദ്ധതയുള്ള ‘ആഗ്നേയ’ ശരങ്ങളുമായി പ്രിയ ഷൈൻ

Entertainment1 month ago

സ്വന്തം നഗ്നത വൈറലാകുന്നതിൽ നിന്നും അവളരെ പിന്തിരിപ്പിച്ചത് പ്രേതമോ അതോ മനസോ ?

Entertainment2 months ago

നാടിന്റെ റേപ്പ് കൾച്ചറും ലോകത്തിന്റെ വംശീയതയും അഥവാ, ‘കല്പന’യും ‘ബ്ളാക്ക് മാർക്കും’

Entertainment1 month ago

നിങ്ങളെ ഭയപ്പെടുത്തുന്ന ‘എലോൺ’ കർമയുടെ നിശ്ചയദാർഢ്യത്തിന് പിന്നിലെ കഥയാണ്

Entertainment1 month ago

ഒരു കോഴിക്കോടുകാരൻ ഓട്ടോ ഡ്രൈവറുടെ നന്മയുള്ള സൃഷ്ടികൾ

Entertainment4 weeks ago

ഈ ഷോർട്ട് ഫിലിം നടന്ന കഥയാണ്, മറ്റാരുടേയുമല്ല ഇതിന്റെ പ്രൊഡ്യൂസറിന്റെ ജീവിതത്തിൽ

Entertainment1 month ago

രമേശിന്റെ ചെവിയിലെ ആ ‘കിണർ ശബ്‌ദം’ പലർക്കുമുള്ള ഒരു ‘അസ്വസ്ഥ’ സന്ദേശമാണ് !

Entertainment1 week ago

നിങ്ങളുടെ ഉപബോധമനസിന്റെ ശക്തിയെ നിങ്ങൾ തിരിച്ചറിഞ്ഞിട്ടുണ്ടോ ? എങ്കിൽ യെമൻ കാണുക !

Entertainment2 months ago

ചുറ്റിക കൊണ്ട് ചിലരുടെ മണ്ടയ്ക്ക് പ്രഹരിക്കുന്ന സിനിമ

Entertainment1 month ago

വ്യക്തമായ രാഷ്ട്രീയം പറയുന്ന ജാതിക്ക… അല്ല ജാതി ക്യാ (?)

Entertainment3 weeks ago

‘മീനിന് സുഗന്ധം തന്നെയാണ് ‘, മരയ്ക്കാൻ ഷോർട്ട് മൂവിയുടെ വിശേഷങ്ങൾ

Entertainment2 weeks ago

അബ്യുസ് പെൺകുട്ടികൾക്കു മാത്രമല്ലെന്ന് ഒഴിവുദിവസത്തെ സംസാരം, അതാണ് രാസലീല ( A )

Advertisement