മലേന മുതൽ സണ്ണി ചേച്ചി വരെ

ബൂലോകം
ബൂലോകം
Facebook
Twitter
WhatsApp
Telegram
72 SHARES
866 VIEWS

മലേന മുതൽ സണ്ണി ചേച്ചി വരെ

Avinash Gambhir K (2018)

കഴിഞ്ഞ ദിവസം മൂവി ഗ്രൂപിലെ ഒരു ബ്രോ തന്റെ ആദ്യ ഇറോട്ടിക് അനുഭവം വിവരിച്ചത് വായിച്ചപ്പോൾ ചിരിയോടൊപ്പം എന്നെയും പില്കാലത്തെക് കൂട്ടികൊണ്ടുപോയി. അത്തരം മൂടിവെച്ചതും സർജറി ചെയ്യുന്ന ഡോക്ടറിനേക്കാൾ സൂഷ്മമായും ചെയ്ത ബാല്യകാല ചാപല്യങ്ങൾ എന്നിലും ഉണ്ടായിരുന്നു. മൂടിവച്ച ആ പാട്ടയുടെ മൂടി നിങ്ങൾക് മുന്നിൽ തുറക്കുന്നു. അനുഭവങ്ങൾ ചിന്തകളും പിന്നീട് ഓർമിച്ചുകൊണ്ട് ചിരിക്കാനും മാത്രം ഒതുക്കിവെച്ചിരുന്ന ഞാൻ അത്തരം കഥകൾ എഴുതാനും മറ്റുള്ളവരിലേക്ക് എത്തിക്കാനും അത് കണ്ട്‌ ചിരിക്കാനുമാണ് ഇന്ന് ഏറെ ഇഷ്ടപെടുന്നത്… അതിപ്പോ എന്ത് അണ്ഡകടാഹ രഹസ്യം ആയാലും എഴുതി പ്രതിഫലിപ്പിക്കുന്നത് ഒരു ലഹരിയായിരുന്നു. ഇത്തരത്തിൽ ഒരനുഭവം പങ്കുവെക്കുമ്പോൾ, അത് നാലാൾ കാൺകെ വിളിച്ചു കൂവുമ്പോൾ “അയ്യേ ഇവൻ ഇത്തരക്കാരനായിരുന്നോ” എന്ന് ചിന്തിക്കുന്നവര്ക്ക് നടുവിരൽ നമസ്കാരം നൽകി ഞാൻ തുടങ്ങട്ടെ..

കാറും കോളും നിറഞ്ഞ കുട്ടികാലം അങ്ങനെ ഹൈസ്കൂൾ കാലത്ത് എത്തിയപോ ശാരീരികമായി മാറിയ പലതും ശ്രദ്ധയിൽ പെട്ടുതുടങ്ങി. 9ആം ക്ലാസിലെ വിവാദപാഠഭാഗം എത്തുന്ന വരെയുള്ള കാത്തിരിപ്പും ഓരോ ബയോളജി ക്ലാസ്സ്‌ കഴിയുമ്പോൾ പിൻബെഞ്ചിലിരിക്കുന്നവർ ഊറി ചിരിക്കുന്നതും ഒരു മിഡിൽ ബെഞ്ചറിന് സംശയങ്ങളുടെ വിത്തുപാകി. അന്നു ഞാനൊരു നിഷ്കു ആയിരുന്നു. പാൽക്കുപ്പി പ്രായം മീശ മുളപ്പിക്കാനൊരുങ്ങുന്ന എന്നിലെ മൂന്നാം ലോക മഹായുദ്ധ കാലം.

അങ്ങനെ ദിവസങ്ങൾ കടന്നുപോയെങ്കിലും കുട്ടികൾ എങ്ങനെ ഉണ്ടാകുമെന്ന ചോദ്യത്തിന് എന്റെ ഉള്ളിൽ ചെറിയ ചില ധാരണകൾ മാത്രമേ ഉണ്ടായിരുനുള്ളു. വലുതാവുമ്പോൾ അറിഞ്ഞോളുമെന്ന മാതാശ്രീയുടെ LP ക്ലാസിലെ മറുപടി ഇപ്പോ എങ്ങനേലും അറിഞ്ഞേ തീരു എന്ന ഗതി ആയിരുന്നു. ഞാൻ വലുതായില്ലേ…..
അക്കാര്യത്തിൽ വലിയ phd എടുക്കണമെന്ന മോഹവും ഇക്കാര്യം പുറത്ത് പറയുമ്പോൾ ഉള്ള ചമ്മലും നാണവും എന്നെ ഏറെ അലട്ടിയിരുന്നു. f ചാനൽ കാണുമ്പോൾ പോലും കണ്ണുപൊത്തി ചാനൽ മാറ്റിയ പോങ്ങനായ ഞാൻ. രണ്ടുംകല്പിച്ച ഒരു ഇന്റർവെൽ സമയത്ത് ക്ലാസിലെ തബലിസ്റ്റും ചങ്കുമായ കൂടുകാരൻ ആ വലിയ രഹസ്യം എന്റെ ചെവിയിൽ പരസ്യമാക്കി.. മിഡിൽ ബെഞ്ചിൽ നിന്നും ബാക്ക് ബെഞ്ചിലേക്കുള്ള പ്രയാണം ഈ രഹസ്യത്തെ കുറിച്ച് കൂടുതൽ അറിയാനായിരുന്നു.

അനകോണ്ട സിനിമയിൽ ചുംബനരംഗം വി സി ഡി യിൽ കണ്ടപ്പോൾ കണ്ണ് പൊത്തിയിരുന്ന ഞാൻ പിന്നീട് ആ പടം സ്റ്റാർ മൂവിസിൽ കാണിക്കുമ്പോൾ സീൻ കാത്തിരിക്കുന്ന അവസ്ഥ വന്നു. ടൈറ്റാനിക് കാണുമ്പോൾ കട്ട്‌ ചെയ്യുന്ന സീനുകളിൽ ദേഷ്യം വന്നിരുന്നു. ഈ tv ക്കാർ എന്താ ഇങ്ങനെ.അന്ന് ഷക്കീലയും മറിയയും ഞങ്ങൾ കൂട്ടുകാർക്കിടയിലെ ചർച്ചാവിഷയമായപ്പോൾ അവരെയൊന്നു കാണാൻ tv ചാനൽ മാറ്റി മാറ്റി നോക്കിയിരുന്നു. അവർക്കെല്ലാം കുടുംബപ്രേക്ഷകർക്കിടയിൽ സ്ഥാനമില്ല എന്ന് മനസിലായി. അതുകൊണ്ടാണത്രെ ടീവിയിൽ അവരുടെ പടം കളിക്കാത്തത്. കോണ്ടം പരസ്യവും കോമെഡി പരിപാടികളിലെ ഷക്കീല പരാമർശങ്ങളും ഏഴിമല പൂഞ്ചോല പാട്ടിലെ സിൽക്ക് ചേച്ചിയും എന്നിലെ സംശയങ്ങൾക്കുള്ള പറുദീസാ തുറന്നിടുകയായിരുന്നു. ഇവരൊക്കെ ആരാ ? എന്താ ?? എന്തിനാണ് ഇങ്ങനൊക്കെ ചെയ്യുന്നത് ??

യുട്യൂബ് പോലുള്ള സൗകര്യങ്ങൾ ആരംഭിച്ചു പ്രചാരത്തിൽ എത്തിയ സമയം., വീട്ടിൽ ഇന്റർനെറ്റ്‌ കണക്ഷൻ ഉള്ളവൻമാരുടെ കഥ കേട്ടിരിക്കലായി. വീട്ടിലെത്തി ചാനലിലെ ദിൽബർ ശിക് ദും പാട്ട് തന്നെ മുഴുവനായി കണ്ടത് എത്രയോ തവണ ചാനൽ മാറ്റി മാറ്റിയാണ്.മറച്ചു വെക്കുന്നതെന്തോ അതിൽ മറ്റെന്തോ ഉണ്ട് എന്ന എന്റെ വിശ്വാസം ഏതെങ്കിലും A പടം മുഴുവനായി കാണണം എന്ന ജിജ്ഞാസയിലേക്കാണ്.
അതിന് പത്താം ക്ലാസിലെ വയനാട് പഠനയാത്ര വരെ കാത്തിരിക്കേണ്ടി വന്നു. കുട്ടികൾക്ക് മൊബൈൽ അനുവദിച്ച പ്രിൻസിപ്പാലിനോട് ഞാനീ അവസരത്തിൽ നന്ദി രേഖപെടുത്തുന്നു. ബസിലെ പിന്സീറ്റിലിരുന്ന് ബ്ലുടൂത് വഴി ഒരു സിനിമയുടെ 3gp ഫയൽ അങ്ങിട്ടുമിങ്ങോട്ടും അയക്കുന്നു. 4 പേർ സംഘമായിരുന്നു ഓരോ ഫോണിലെ ഭാഗം കാണുന്നു. ഫോൺ എന്നത് സ്വപ്നം മാത്രമായിരുന്ന അന്നത്തെ ഞാൻ ഒരു കൂട്ടത്തിലെ അഞ്ചാമനായി.

ഒരു സ്ത്രീയെ നാട്ടുകാർ ചേർന്ന് കല്ലെറിയുകയും ചീത്തവിളിക്കുകയും ചെയ്യുന്ന രംഗമാണ്. ഈ ചേച്ചിയെ എന്തിനാണാവോ ഇങ്ങനെ ചെയ്യുന്നത്. അടുത്ത കൂട്ടത്തിലെ ഫോണിലേക്ക് കണ്ണുമിഴിച്ചിരിക്കുന്ന ചങ്കിന്റെ തോളിൽ ചാരിനിന്ന് അവരുടെ ഫോണിൽ കണ്ട കാഴ്ചയായിരുന്നു ഞാൻ കണ്ട ആദ്യ തുണ്ട്.. നേരെത്തെ കണ്ട ചേച്ചി ഒരു ചെക്കന്റെ മുന്നിൽ തുണിയഴിച്ചു നിക്കുന്നു. മോണിക്ക ബെലൂച്ചിയിൽ ഞാൻ അന്ന് വീണു. ആദ്യമായി കാണുന്ന പെണ്ണിന്റെ നഗ്നത എന്നിൽ ഉണർത്തിയത് പലതുമായിരുന്നു. മലേന എന്ന ആ പടം പറഞ്ഞത് മറ്റൊന്നാണെങ്കിലും ഞാൻ കണ്ടത് അതിലും വലിയ എന്തൊക്കെയോ ആയിരുന്നു. അവർ പറയുന്നത് ഇറ്റാലിയൻ ഭാഷ ആണെന്ന് പോലും അറിയാതെ കണ്ടിരുന്നു. എന്നിലെ കന്യകനും ഒരു വിരാമം വേണമെന്ന മോഹം.. പെണ്ണിനെ പറ്റിയും ലൈഗികവികാരങ്ങളെ പറ്റിയും കൂടുതൽ അറിയാനുള്ള ത്വര.പെണ്ണെന്നാൽ സെക്സിനു വേണ്ടിയുള്ളതാണെന്ന ചിലവന്മാരുടെ അഭിപ്രായങ്ങൾ ഞാനും ശരിവെച്ചു..ആ പഠനയാത്രയിൽ ഞാൻ പഠിച്ചതും പഠിക്കാൻ തുടങ്ങിയതും അതെല്ലാമായിരുന്നു.ആരോഗ്യമാസികയിലെ അവസാന താളുകൾ ആദ്യം മറിച്ചു നോക്കുന്ന ശീലമായി പിന്നീട്. ലൈബ്രറിയിലെ എന്റെ സ്ഥിരം ജോണറായ കുറ്റാന്വേഷണകഥാകഥകളിൽ നിന്നും പമ്മൻ കഥകളിലേക്കും ഒറോത എന്ന പെണ്ണിന്റെ വികാരങ്ങളിലേക്കും വായന തുടങ്ങി.

അന്നും ഒരു കാസെറ്റോ സിഡിയോ വീട്ടിൽ കൊണ്ടുവന്നു ഒളിച്ചു കാണാനുള്ള ധൈര്യം ഇല്ലായിരുന്നു. എന്നാൽ ഇടക്ക് ചില കലോത്സവങ്ങളിലെ റിഹേഴ്സൽ സമയങ്ങളിൽ കൂട്ടുകാർ കൊണ്ടുവന്ന കുഞ്ഞു പുസ്തകങ്ങൾ എല്ലാവരും കേൾക്കേ ഉറക്കെ വായിക്കാനായി മുന്നോട്ട് വന്നതും ഞാൻ തന്നെ..
കട്ടിലിന്റെ ഇളക്കവും കുളിയുടെ എണ്ണവും കൂടിവന്നു. ടീവിയിൽ കാണുന്ന മാദകശരീരങ്ങളിലെ നഗ്നത മനസ്സിൽ ആലോചിച്ചു. കാലം കടന്ന് പോകുമ്പോൾ അറിവും ഏറി വന്നു. കയ്യിൽ ഫോൺ വന്ന കാലത്ത് കൂട്ടുകാരിൽ നിന്നും മലേന കണ്ടുപിടിച്ചു ഒരു സ്മാരകം പോലെ സൂക്ഷിച്ചു. ഷക്കീലയും മറിയയും രേഷ്മയും എന്നിലെ രോമം പോലും ഉണർത്തിയില്ല എന്നതാണ് സത്യം. കാരണം അവർക്ക് മുന്പേ ഇംഗ്ലീഷ് നടിമാർ മാദക ശരീരം കാണിച്ചുതന്ന് കഴിഞ്ഞു.

സ്വകാര്യതയിൽ സ്വകാര്യമായ കാര്യങ്ങൾ മാത്രമായിരുന്നു സെക്സ് എന്നത് എനിക്ക്. അതിൽ എന്റെ ഉള്ളിലുള്ളത് പങ്കുവെക്കാൻ പോലും ഇഷ്ടമല്ലായിരുന്നു. അതൊരു ചമ്മലാണോ നാണം കൊണ്ടാണോ എന്നറിയില്ല. പിന്നീട് അടുത്ത കൂട്ടുകാരോട് തുറന്ന് പറഞ്ഞപ്പോൾ അവരുടെ അഭിപ്രായങ്ങൾ കൂടെ അറിഞ്ഞപ്പോൾ എല്ലാ ആണുങ്ങൾക്കും ചില അഭിരുചികൾ വ്യത്യസ്തമാണെന്ന് മനസിലായി. അവർ റെകോമെന്റ് ചെയ്ത അറിവുകൾ ക്രോഡീകരിച്ചു ഞാൻ എന്റെ ഉള്ളിൽ തന്നെ ഒരു പുസ്തകം എഴുതി.
പിന്നീട് ജീവിതത്തിൽ കടന്നുവന്ന ഓൺലൈൻ സൗഹൃദങ്ങളിലെ പെൺമനസുകൾ പറഞ്ഞതും അറിയിച്ചതും എന്നിലെ വികാരങ്ങളുടെ മേലുള്ള തിരുത്തലുകൾ ആയിരുന്നു.

ഒരു തുടര്ച്ചയായ മാറ്റമല്ലായിരുന്നു അത്. കലാകാലങ്ങളായുള്ള പതുക്കെയുള്ള മാറ്റങ്ങൾ. അടിയിൽ പിടിച്ച ബിരിയാണി പോലെ ചിലതൊക്കെ വേസ്റ്റ് ആയി. ശിവാജി സിനിമയിലെ ശ്രേയയും അന്ന്യൻ സിനിമയിലെ സദയും ശരീരത്തെ ഇളക്കിയെങ്കിലും ഒന്നിലും തൃപ്തനല്ലായിരുന്നു. ഓരോ കാലത്ത് ഓരോ നടിമാര് വന്നു പോയി. പിന്നീടൊരു സുപ്രഭാതത്തിൽ കൂടുകാരന്റെ കമ്പ്യൂട്ടറിലെ ഇന്ത്യൻ താരത്തിൽ കണ്ണുടക്കുന്നത് വരെ.. സാക്ഷാൽ സണ്ണി ലിയോൺ. മേനിയഴകും വികാരപ്രകടനങ്ങളും ഞാനാഗ്രഹിച്ചതും മനസ്സിൽ വരച്ചിട്ടതുമായ ചിത്രങ്ങൾ. ഫോണിലേക്കും മെമ്മറി കാർഡിലേക്കും പിന്നീട് പെൻഡ്രൈവിലേക്കും സണ്ണി ഉദിച്ചുയർന്നു. ബേബി ഡോള് ആയി വന്നു ബോളിവുഡിൽ ഞെട്ടിച്ചത് എന്നിൽ ആരാധന വളർത്തി. ഇത്രയും തൊലികട്ടി. ബോൾഡ്, ഇന്റർവ്യൂകളിൽ തന്റെ ഭൂതകാലം മറച്ചുവെക്കാത്ത സൂപ്പർലേഡി. കൂട്ടുകാർക്കിടയിൽ സണ്ണി ഫാൻ എന്ന ലെബിൾ പതിച്ചു കിട്ടാൻ അതികം കാലമെടുത്തില്ല. സണ്ണി ലിയോൺ പിന്നീട് സണ്ണി ചേച്ചി ആയി.

പലരുടെയും പേരെടുത്തു പറയുകയെങ്കിൽ സാഷ ഗ്രെ, വാലെന്റിന, ആഷ്‌ലിൻ ബ്രുക്, ഡാനി ഡാനിയേൽസ്, അലേറ്റ ഓഷ്യൻ, ജെസ്സി ജെയിൻ, ടോറി ബ്ലാക്ക്, സോഫി ഡീ, ഡയാന വെന്റെറ്റ, മിയാ കാലിഫ്ര വരെ മനസ്സിൽ തങ്ങി നിന്നുപോയ പോൺസ്റ്റാറുകളിൽ ഇന്നും ഇഷ്ടം സണ്ണി മാത്രം.
സിനിമകൾ ദിനചര്യ ആക്കിയ കാലം വന്നപ്പോൾ ഒരു മാസം മുഴുവൻ അന്വേഷിച്ചതും കാണാൻ ഉത്സാഹിച്ചതും ഇന്ത്യയടക്കം നിരോധിച്ച സിനിമകൾ മാത്രമായി. സെൻസർ ബോർഡിനെ പേടിക്കാത്ത സിനിമകൾ എന്റെ ഇഷ്ടജോണറുകളായി. അതിൽ തുടക്കം തന്നെ മലെന കണ്ട്‌ തന്നെ ഹരിശ്രീ കുറിച്ചു.
പിന്നീട് മലെസിയ, ലിറ്റിൽ ചിൽഡ്രെൻ, Blue is the warmest color, mulholand dr, parched, kamasutra, Cosmic sex American pie series എന്നീ സിനിമകൾ വിസ്മരിക്കാനാകാത്തവയാണ്. പിന്നീട് വളരെ പൈശാചികമായ Serbian, lolita, Sins, incendies, Old Boy, China Town, Womb(2010) Dogtooth(2009),  Attenberg (2010), Murmur of the Heart (1971), Dreamers (2003), The Damned (1969), Lust, Killing me softly, Fifty shades of grey എന്നീ സിനിമകൾ കണ്ടപ്പോൾ ലൈംഗികതയോട് തോന്നിയ മനോബലം ഏറെ വഴികളിലേക്ക് തിരിച്ചു വിടേണ്ടി വന്നു. കേവലം സെക്സ് മാത്രമായിരുന്നില്ല ഞാനീ സിനിമകളിൽ കണ്ടത്. മറിച്ച് പെണ്ണും അവളുടെ വികാരങ്ങളിലെ വേലിയേറ്റങ്ങളുടെ അറിവ് തന്നെയാണ്. സിനിമ കണ്ട്‌ പഠിച്ച പാഠങ്ങളിൽ എല്ലാം വ്യക്തി ജീവിതത്തിലും വലിയ മാറ്റമാണ് ഉണ്ടാക്കിയത്.

ഏതാണ്ട് സ്വത്ത് ചോദിക്കാൻ വന്ന് സെന്റിമെൻസ് പറഞ്ഞു കരയിപ്പിച്ചു വിട്ടപോലെ ആയി. പോൺ സിനിമകളിലെ അറിവും വായിച്ചറിഞ്ഞവയും സിനിമകളിൽ സ്വാധീനിച്ചവയുമെല്ലാം ചേർത്തു ഞാൻ മുമ്പെഴുതിയ മനസിലേ പുസ്തകങ്ങളിൽ തിരുത്തലുകൾ വരുത്തി. പെണ്ണെന്നാൽ ആണിന്റെ അടിയിൽ കിടക്കാനുള്ളവളാണ് എന്ന കിടപ്പറ സങ്കല്പികതയിൽ നിന്നും ആണും പെണ്ണും ഒരുപോലെ ആസ്വദിക്കേണ്ടതാണ് ലൈംഗികത എന്ന തിരിച്ചറിവിലേക്ക് ഞാൻ എത്തിയപ്പോൾ പുതിയ അറിവുകളും രഹസ്യങ്ങളും ഏറി വന്നിരുന്നു.

അനുഭവിക്കാത്തത് എഴുതാനോക്കാത്തത് കൊണ്ട് മറ്റു ചിലതൊക്കെ വിസ്മരിച്ച എന്നെ ഒരിക്കൽ പോലും വികാരങ്ങൾ കീഴടക്കിയിരുന്നില്ല. എന്റേതുമാത്രമായ സ്വകാര്യതയുടെ പാട്ടപെട്ടിയിൽ ഞാൻ അവയെ അടച്ചുപൂട്ടി. മുന്നിൽ കാണുന്ന ഇഹലോകത്തിലെ എല്ലാവരോടും അത്തരത്തിൽ ഒരു വികാരങ്ങളും അണപൊട്ടി ഒഴുകാതിരിക്കാൻ ഞാൻ ഇന്നും ശ്രദ്ധിക്കുന്നു.മഹേന്ദ്രബാഹുബലിയുടെ മുന്നിൽ അവന്തിക ഊരിമാറ്റിയ കച്ച ടീവിയിൽ ഇന്ന് കാണുമ്പോൾ പോലും ഇളക്കം തട്ടാത്ത ഒരു മനസിനെ ഞാൻ ഇന്ന് രൂപപ്പെടുത്തിയിരിക്കുന്നു ജനസംഖ്യയിൽ രണ്ടാം സ്ഥാനത്തുള്ള നമ്മുടെ രാജ്യത്തെ പലരും പറയാൻ മടിക്കുന്ന ഇത്തരം കാര്യങ്ങൾ നാണം കൊണ്ടും സാധാചാരബോധം കൊണ്ടും മാത്രം പേടിച്ചു പറയാതിരിക്കുന്നവർക്ക് അയ്യേ എന്ന് തോന്നിയാൽ എനിക്കൊരു തേങ്ങയും ഇല്ലെന്ന് വീണ്ടും പറഞ്ഞുകൊണ്ട് മലേന നൽകിയ അറിവുകളിൽ നിന്നും ആരംഭിച്ചു വിക്ഷേപണം തുടങ്ങിയ എന്നിലെ ത്വര മുന്നോട്ട് പോവുമ്പോൾ ചെഗുവേര പറഞ്ഞത് പോലെ മാറിയത് ലോകം മാത്രമല്ല .ഞാൻ തന്നെ ആയിരുന്നു എന്നെനിക്കും തോന്നുന്നു…

Leave a Reply

Your email address will not be published. Required fields are marked *

LATEST

കോണ്ടം കൂടാതെ, മറ്റ് ഗർഭനിരോധന ഉൽപ്പന്നങ്ങളെക്കുറിച്ച് നിങ്ങൾക്ക് അറിയാമോ?

കുട്ടികളെ വേണ്ടെന്ന് കരുതുന്ന പല ദമ്പതികളും ഗർഭനിരോധനത്തിനായി കോണ്ടം ഉപയോഗിക്കുന്നതായി പഠനങ്ങൾ കാണിക്കുന്നു.