2002ൽ രജനികാന്ത് അഭിനയിച്ച ചിത്രമായിരുന്നു ബാബ. രജനിയുടെ ബ്ലോക്ക്ബസ്റ്റർ ഹിറ്റുകളായ ബാദ്ഷയും അണ്ണാമലൈയും ഒരുക്കിയ സുരേഷ് കൃഷ്ണയാണ് ഈ ചിത്രം സംവിധാനം ചെയ്തത്. മനീഷ കൊയ്‌രാളയാണ് രജനിയുടെ നായികയായി അഭിനയിച്ചത്. എ ആർ രഘുമാനാണ് ചിത്രത്തിന് സംഗീതം നൽകിയിരിക്കുന്നത്.രജനികാന്ത് തന്റെ സ്വന്തം നിർമ്മാണ കമ്പനിയായ ലോട്ടസ് ഇന്റർനാഷണലിലൂടെയാണ് ചിത്രം നിർമ്മിച്ചത് എന്നതാണ് ചിത്രത്തിന്റെ മറ്റൊരു പ്രത്യേകത. കൂടാതെ ചിത്രത്തിന്റെ കഥയും തിരക്കഥയും എഴുതിയത് രജനികാന്താണ്. അതുകൊണ്ട് തന്നെ ചിത്രത്തിന് വലിയ പ്രതീക്ഷകളായിരുന്നു. എന്നാൽ അതെല്ലാം നിറവേറ്റാത്തതിനാൽ ചിത്രം പരാജയപ്പെട്ടു.
ബാബ ഫ്ലോപ്പ് ആയിരുന്നെങ്കിലും രജനിയുടെ ഹൃദയത്തോട് ചേർന്ന് നിൽക്കുന്ന ചിത്രമായി ഇന്നും അത് നിലനിൽക്കുന്നു. ഇക്കാരണത്താൽ, ബാബ ചിത്രം ഡിജിറ്റലായി മെച്ചപ്പെടുത്തുകയും ക്ലൈമാക്‌സ് ഉൾപ്പെടെയുള്ള ചില രംഗങ്ങൾ മാറ്റുകയും രജനിയുടെ ജന്മദിനത്തോടനുബന്ധിച്ച് ഗംഭീരമായി വീണ്ടും റിലീസ് ചെയ്യുകയും ചെയ്തു. ആരാധകര് ചിത്രം ആഘോഷമാക്കിയെങ്കിലും പൊതുജനം ചിത്രം പ്രതീക്ഷിച്ച പോലെ ആഘോഷിച്ചില്ല. ഈ സാഹചര്യത്തിൽ ബാബയുടെ റീ റിലീസ് ദയനീയമായി പരാജയപ്പെട്ടെന്ന് സിനിമാ വിമർശകനും നിരൂപകനുമായ ബ്ലൂ സട്ടൈ മാരൻ വിമർശിച്ചു . യുവതലമുറ സിനിമയെ നിരസിച്ചു എന്നും . രജനികാന്തിന്റെ വ്യക്തിപരമായ വിശ്വാസങ്ങളും ക്രിഞ്ച് ഉപദേശങ്ങളും ഹാസ്യ രാഷ്ട്രീയ പഞ്ച് ലൈനുകളും ആരും കാണാൻ ആഗ്രഹിക്കാത്ത സിനിമയാണെന്നും അദ്ദേഹം പറഞ്ഞു. ഇത് കണ്ട് കടുത്ത ആരാധകർ ബ്ലൂ സട്ടൈ മാരനെ വിമർശിക്കുന്നു.
**
