‘മെഡിക്കൽ അശ്രദ്ധ’ എന്ന ആരും മറുപടി പറയേണ്ടതില്ലാത്ത അവസ്ഥ മാറണം

0
198

Baiju Swamy

ട്രാൻസ് വുമൺ അനന്യ കുമാരി അലക്സ്‌ ന്റെ ആത്മഹത്യ ആ സമൂഹത്തിന്റെ ദുരിതങ്ങളെക്കാൾ മറ്റൊരു ഗുരുതമായ പ്രശ്നത്തിലേക്ക് വിരൽ ചൂണ്ടുന്നു. അതാണ് ഇന്നത്തെ അവസ്ഥയിൽ ആരും മറുപടി പറയേണ്ടതില്ലാത്ത മെഡിക്കൽ negligence.

രോഗികൾ എന്ന സമൂഹം അസംഘടിതരായവരും ചികിത്സ നൽകുന്ന ഡോക്ടർ, ആശുപത്രി എന്നിവക്ക് അവർ പറയുന്ന ബിൽ നൽകി സേവനം വാങ്ങുന്ന ഉപഭോക്താക്കളുമാണ്. വ്യാജ ഡോക്ടർ മുതൽ വ്യാജ മരുന്നുകൾ വരെയും പ്രയോഗിച്ച് രോഗികളെ ഊറ്റിഎടുത്ത് ജീവച്ഛവം ആക്കുന്ന വലിയൊരു കാർട്ടൽ ഈ രംഗത്തുണ്ട്. അശ്രദ്ധ, പരിഞ്ജനം കുറവ് , മെഡിക്കൽ രംഗത്തെ നൂതന കാര്യങ്ങൾ അപ്ഡേറ്റ് ചെയ്യായ്ക ഇങ്ങനെ വിവിധ കാരണങ്ങളാൽ ചില സ്ഥലങ്ങളിൽ എങ്കിലും രോഗികൾ ഇവരുടെ പിഴവുകൾ മനഃപൂർവം ആണെങ്കിലും അല്ലെങ്കിലും തകർന്ന് പോകാറുണ്ട്. അതിൽ ഫൈവ് സ്റ്റാർ ആശുപത്രി മുതൽ ഇടുക്കിയിലെ തമിഴ് മേഖലയിൽ വ്യാജ ക്ലിനികുകൾ വരെയുണ്ട്.

ഡോക്ടർ ദൈവം ആകാം അല്ലായിരിക്കാം. അതൊക്കെ ഓരോരുത്തരുടെ അഭിപ്രായം പോലെ. പക്ഷേ അത്യന്തികമായി ഭീമമായ ബിൽ കൊടുക്കുന്ന ഒരു ഉപഭോക്താവിന് കുറ്റമറ്റ ചികിത്സ എന്ന സേവനം കൊടുക്കുന്ന പ്രൊഫെഷണൽ കൂടിയാണ്. അതിൽ വരുന്ന പിഴവുകൾ ചോദ്യം ചെയ്യാനോ അർഹമായ നഷ്ടപരിഹാരം കിട്ടാനോ ഇപ്പോൾ ജീവിതം തന്നെ നശിച്ചു പോയ രോഗികൾക്ക് പരാതി പറയാൻ പോലുമൊരു സംവിധാനം ഇല്ല.

ഒരുദാഹരണം പറയാം. കോട്ടയത്തെ ഒരു പ്രോമിസിങ് രാഷ്ട്രീയ നേതാവായിരുന്ന സജി ഒലിക്കര ഇങ്ങനെ മെഡിക്കൽ നെഗലിജിൻസ് മൂലം കാൽ നഷ്ടമായി വീൽ ചെയറിൽ ആയ വ്യക്തി ആണ്. വലതു കാൽ ഒടിഞ്ഞതിന് ഇടത് കാൽ പ്ലാസ്റ്റർ ഇട്ടത് നേരിട്ട് അറിയാം. ഇങ്ങനെ എത്രയെത്ര സംഭവങ്ങൾ.

ഏറ്റവും രസകരമായ കാര്യം ചികിത്സ പിഴവ് മൂലമുള്ള കംപ്ലിക്കേഷൻ ഇൻഷുറൻസ് കമ്പനികൾ സെറ്റിൽ ചെയ്യില്ല എന്നതാണ്. എങ്കിൽ പോലും പിഴവ് വരുത്തിയ ആശുപത്രിയും ഡോക്ടറും പോറൽ പോലുമേൽക്കാതെ മുന്നോട്ട് പോകും. വിദേശത്ത് ഇങ്ങനെ മെഡിക്കൽ നെഗലിജിൻസ് മൂലം ഉണ്ടാകുന്ന പ്രശ്നം നഷ്ടപരിഹാരം കൊടുക്കേണ്ടി വരും. അത് കൊണ്ട് ആണ് ബിൽ കൂടുന്നത് എന്നാണ് ഇവരുടെ ന്യായീകരണം. വിദേശത്ത് ഉള്ള ചികിത്സ അവിടത്തെ സാമ്പത്തിക സാമൂഹ്യ ചുറ്റുപാട് കൂടി കണക്കിലെടുത്തു വേണം താരതമ്യം ചെയ്യാൻ. അങ്ങനെ നോക്കിയാൽ ഇവിടെ ഇപ്പോൾ തന്നെ ചികിത്സ ചിലവുകൾ അന്താരാഷ്ട്ര നിലവാരത്തിൽ ആണ്. പക്ഷേ അവിടെ രോഗിക്ക് കിട്ടുന്ന നഷ്ട പരിഹാരം ഇല്ല താനും.

ഡോക്ടർമാർ വിദേശത്ത് അവരുടെ റിസ്ക് കുറക്കാൻ ഇൻഷുറൻസ് എടുക്കും. ആശുപത്രിയിൽ അവരുടെ റിസ്ക് അവരും കവർ ചെയ്യും. ഇൻഷുറൻസ് കമ്പനികൾ ആശുപത്രിയെ റേറ്റ് ചെയ്യും. എല്ലാത്തിനും മീതെ സർക്കാർ മികച്ച സേവനം ഉറപ്പാക്കും.ഇവിടെ കള്ള് വിറ്റ് കള്ളപ്പണം ഉണ്ടാക്കിയവനും ഡോക്ടറുടെ മകൻ ആണെങ്കിലും ഒരു തേങ്ങയും അറിയാത്തവനെ ഉക്രൈനിൽ വിട്ട് എംബിബിസ് എടുത്തിട്ട് ചികിൽസിക്കാൻ ഇരുത്തിയും നാട്ടുകാരുടെ ചോര ഊറ്റുന്ന കുറേ ആശുപത്രികൾ ആഡംബര ഹോട്ടൽ തോറ്റു പോകുന്ന കെട്ടിടത്തിനുള്ളിൽ അറവ് ശാല നടത്തുകയാണ്. ആരും ചോദിക്കാനുമില്ല, ആർക്കും ആരോടും ഉത്തരവാദിത്തവുമില്ല. പോയാൽ രോഗിക്കും കുടുംബത്തിനും പോകും.

ഈ രംഗത്ത് അത്യാവശ്യം വേണ്ടത് ഒരു ഇൻഡിപെൻഡന്റ് റെഗുലേറ്റർ ആണ്. അവിടെ രോഗികളുടെ പ്രശ്നം ഫയൽ ചെയ്തു നഷ്ടപരിഹാരം വ്യവസ്ഥ ചെയ്യുന്നതും അൽഗുൽത് ആശുപത്രികളെയും ഡോക്ടർമാരെയും റേറ്റിംഗ് നടത്തി രോഗികൾക്ക് കൃത്യമായി സപ്പോർട്ട് കൊടുക്കുന്ന സിസ്റ്റം ഉണ്ടാകണം.

അടിക്കുറിപ്പ് – ഡോക്ടർ സുഹൃത്തുക്കൾ ഇത് ഒറ്റപ്പെട്ട സംഭവം എന്ന് പറയരുത്. ഇത് അങ്ങനെ തള്ളാൻ ആകില്ല. നാട്ടിലെ പൊതു അഭിപ്രായം ആണ് ഞാൻ പറഞ്ഞത്. നൂറ് രൂപയുടെ ബിരിയാണി വാങ്ങി റേറ്റിംഗ് നടത്താവുന്ന ലോകത്താണ് നാം ജീവിക്കുന്നത്. അപ്പോൾ 10 ലക്ഷത്തിന്റെ ബിൽ അടച്ചിട്ട് കട്ടിലിൽ ബാക്കി ജീവിതം ആയവരുടെ അവകാശം സംരക്ഷിക്കപ്പെടണം.