മുസ്ലിം യുവാക്കൾ ഹിന്ദു-ക്രിസ്ത്യൻ യുവതികളെ പിടിക്കാൻ കെണിയുമായി വൈകുന്നേരം ഇറങ്ങുമെന്ന്

107

Baiju Swamy

കേരളത്തിലെ പെണ്മക്കൾ ഉള്ള ഹിന്ദു, ക്രിസ്ത്യൻ അമ്മമാരുടെ നെഞ്ചിൽ സന്ധ്യ ആയാൽ തീ ആണെന്ന് കെ സുരേന്ദ്രൻ മറുനാടൻ അഭിമുഖത്തിൽ.  നൂറ്റാണ്ടുകൾക്ക് മുൻപ്, പണ്ട് ആധുനിക സമൂഹമാകുന്നതിനു മുൻപ് കേരളത്തിൽ പുല പേടി, മണ്ണാപേടി എന്നിങ്ങനെ ഉണ്ടായിരുന്നു എന്ന് ചരിത്രത്തിൽ വായിച്ചു കേട്ടിട്ടുണ്ട്. സുരേന്ദ്രൻ പറയുന്നത് എന്തെന്ന് വെച്ചാൽ മുസ്ലിം യുവാക്കൾ കെണിയുമായി വൈകുന്നേരം ഇറങ്ങും അത്രേ. രാത്രിയിൽ കുറുക്കനും മരപ്പട്ടിയും കോഴിയെ പിടിക്കാൻ ഇറങ്ങുന്നത് പോലെയെന്ന് ചുരുക്കം. പഴയ പുലപേടി മണ്ണാപേടി എന്നിവയുടെ കൂടേ സുരേന്ദ്രൻ വക ഒരു പുതിയ പ്രയോഗം ആണോ ആവോ ഈ മുസ്ലിം പേടി. ഒന്നുമില്ലെങ്കിലും ഒരു പൊതു പ്രവർത്തകൻ എന്ന അന്തസ് എങ്കിലും വേണ്ടെടോ. വേണ്ട, രാവിലെ ഇവരുടെയൊക്കെ പേര് പറഞ്ഞാൽ വീണ്ടും മൗത് വാഷ് ഇട്ട് വായ കഴുകേണ്ടി വരും.

പാലായിൽ മുസ്ലിം ഹോട്ടൽ തുടങ്ങി എന്നും അത് അനുവദിക്കില്ല എന്നൊക്കെ പറഞ്ഞുള്ള കൃസംഘികളുടെ കുത്തി തിരിപ്പ് പോസ്റ്റിനെക്കുറിച്ച് ഒരു അച്ചായൻ ചങ്ക് ബ്രോയുമായി സംസാരിക്കുകയായിരുന്നു.നല്ല വിദ്യാഭ്യാസം ഉള്ള, മാന്യൻ ആയ സുഹൃത്ത് പോലും എത്ര ഇസ്ലാംഫോബിക് ആയെന്ന് ഓർത്ത് പോയി.അത് ഞങ്ങൾ സമ്മതിക്കില്ല എന്നൊക്കെയാണ് സുഹൃത്ത് പറയുന്നത്.”അവർ അവർക്ക് മുൻ‌തൂക്കം ഉള്ളയിടത്തു ചെയ്യുന്നത് പോലെ ഞങ്ങളും ചെയ്യുന്നു “എന്നൊക്കെയാണ് ന്യായം പറയുന്നത്.ഉദാഹരണം ആയി കശ്മീർ എടുത്തിട്ട് കൊണ്ട് ഒരു ഡയലോഗ്. ഞാൻ സുഡാപ്പികളുടെ കാശ് വാങ്ങി തർക്കിക്കുന്നു അത്രേ.അവന്റെ അപ്പനോടുള്ള ബഹുമാനം കൊണ്ട് തന്തക്കു വിളിച്ചില്ല.

ഞാൻ ചോദിച്ചു ഇന്ത്യൻ പൗരൻ ആയ ആരെങ്കിലും എവിടെയെങ്കിലും സ്ഥലം വാങ്ങുന്നത് മതത്തിന്റെ അടിസ്ഥാനത്തിൽ വിലക്കിയിട്ടുണ്ടോ, കാശ്മീരിൽ പോലും മതപരമായ വിലക്ക് അല്ല, മറിച്ച് അത് ഭരണ ഘടനയിൽ ഉണ്ടായിരുന്ന ഒരു വകുപ്പ് ആണ്.അത് പോലും ഇപ്പോൾ ഇല്ല, അങ്ങനെ ഉള്ളപ്പോൾ പാലായിൽ കാശ് ഉള്ളവർ വാങ്ങിയാൽ നിനക്കെന്താ എന്ന് ചോദിച്ചു.
ദേഷ്യം കൊണ്ട് കലി തുള്ളിക്കൊണ്ട് അവന്റെ കുരിശ് യുദ്ധം ജയിക്കാൻ എന്നോട് ഒരു വെല്ലുവിളി.”നിന്റെ മകളെ വല്ല കാക്കയും അടിച്ചു മാറ്റുമ്പോൾ മനസിലാകും “. ഞാൻ മറുപടി പറഞ്ഞില്ല.എങ്കിലും മനസ്സിൽ ഓർത്തു. ഭൂമി വാങ്ങി ഹോട്ടലിന് കോടികൾ മുടക്കിയാണല്ലോ ഇതൊക്കെ ചെയ്യുന്നത്.

കേരളത്തിൽ ഇപ്പോൾ അതി ശക്തമായ മുസ്ലിം വിരുദ്ധ പ്രചരണം ആണ് നടക്കുന്നത്.യു പി ഒക്കെ എത്ര ഭേദം. കുറഞ്ഞ പക്ഷം വിവരം കെട്ടവർ ആണ് എന്നെങ്കിലും പറയാം. കേരളത്തിലോ? ആധുനികമായ വിദ്യാഭ്യാസം, exposure എല്ലാമുണ്ട്. പക്ഷേ ഉള്ളിൽ ഇരുണ്ട യുഗ ചിന്ത. തീക്കൊള്ളിക്ക് തല ചൊറിഞ്ഞോട്ടെ. എവിടെ വരെ പോകുമെന്ന് നോക്കാം.