Connect with us

ഒരു പ്രമുഖ ‘കുമ്പിടി’യുടെ ഭൂതകാല തനിനിറങ്ങൾ, ബൈജു സ്വാമിയുടെ കുറിപ്പ്

ഈ മാന്യൻ മേരി റോയിയെപ്പോലെ ഒരു പ്രൌഡ വനിതയെ വിളിച്ചത് വട്ട്കേസ്(insane) എന്നാണ്. അത്രേയുള്ളൂ ഇവന്റെ നിയമം അനുസരിക്കൽ.
ഇന്നലെ ഒരു ചാനൽ ചർച്ചയിൽ ആ വ്യക്തി കർഷക സമരത്തിൽ

 5 total views

Published

on

Baiju Swamy

ചില മനുഷ്യർ ദശാബ്ദങ്ങൾ മുന്നേ തന്നെ, വളരെ ചെറുപ്പത്തിൽ തന്നെ കരുക്കൾ നീക്കി അവരുടെ ആത്യന്തിക ലക്ഷ്യത്തിൽ എത്താൻ എന്തും ചെയ്യും. അങ്ങനെ പോസിറ്റീവ് ചേഞ്ച്‌ ലക്ഷ്യം വെയ്ക്കുന്നവർ സമൂഹത്തിൽ വലിയ മാറ്റങ്ങൾ വരുത്തും. മറ്റു ചിലർ സങ്കുചിതമായ സ്വകാര്യ നേട്ടങ്ങളും അധികാരം നൽകുന്ന സുഖസൗകര്യം, പ്രശസ്തി എന്നിവക്ക് വേണ്ടി ദുഷ്ടലാക്കൊടെ പ്രവർത്തിക്കും, അതിനു വേണ്ടി കൃത്യമായ ഇടവേളകളിൽ വലിയ ഇമേജ് ഉണ്ടാക്കൽ നടത്തി വാർത്തകളിൽ ഇടം പിടിക്കും. ഇതൊക്കെ പാവങ്ങൾ വിശ്വസിക്കുന്ന കാലം ഉണ്ടായിരുന്നു. പക്ഷേ ന്യു ജെൻ മീഡിയ, ഇൻഫർമേഷൻ എക്സ്പ്ലോഷൻ മൂലം പാണ്ടൻ നായയുടെ പല്ലിന്റെ ശൗര്യം കുറഞ്ഞു.
പറഞ്ഞു വരുന്നത് കേരളത്തിലെ ഒരു ഡെസ്പറേടോ, IAS പുലി turned രാഷ്ട്രീയ ദേശാടന പക്ഷിയെക്കുറിച്ചാണ്. കോട്ടയത്ത്‌ ജില്ലാ കളക്ടർ ആയി തുടങ്ങി ഇപ്പോൾ ജാൻഡെവാലയിൽ കാക്കി അണ്ടർവെയർ അലക്കി ജീവിക്കുന്ന ഒരാളെക്കുറിച്ചാണ്.

അവനവനിസത്തിന്റെ ആൾരൂപം ആയിരിക്കുമ്പോൾ തന്നെ എല്ലാം സമൂഹത്തിനു വേണ്ടി അർപ്പിച്ച ജീവിതം എന്ന കൺകെട്ട് വിദ്യയിൽ കടമറ്റത്ത് കത്തനാർ തന്നെ ഈ ക്രിസംഘി. രാഷ്ട്രീയ തെരുവ് നാടകത്തിൽ രാജാപാർട്ട് മുതൽ കോമാളി വരെയും ഏത് വേഷവും കെട്ടും.അത് കൊണ്ട് വിപ്ലവ സൂര്യൻമാർ മുതൽ കാവി മോറൻ മാർ വരെയും നാടക കമ്പനിയിൽ വിളിച്ചു സീസൺ നാടകത്തിൽ ഒരു വേഷം കൊടുക്കും. കേരളത്തിലെ കുപ്രസിദ്ധരായ ചില “മാർ ളോഹകളുടെ” നോമിനി ആണെന്ന് എല്ലാ മോറന്മാർക്കും അറിയാം. പക്ഷേ ചില കച്ചോടത്തിൽ മാമാസ് വേണമല്ലോ? അങ്ങനെ ഉള്ളവർ ഉദ്യോഗസ്ഥലോബിയിൽ നിന്നുള്ളവർ ആകുമ്പോൾ അവരുടെഒക്കചങ്ങായിമാരുടെ പിന്തുണയും കിട്ടും.

ഈ കക്ഷി വലിയ ഒരു സാമൂഹ്യ പരിഷ്കാർത്താവ് ആയി കോട്ടയത്ത്‌ എൺപതുകളുടെ അവസാനം തുടങ്ങിയത് സമ്പൂർണ ചാച്ചരത എന്ന ലേബലിൽ ആയിരുന്നു.നിരക്ഷരരെ അറ്റ കുറ്റ പണി എന്നത് അറ..റ കുറ.. റ പണി എന്നൊക്കെ വായിക്കുന്ന ലെവലിൽ എത്തിച്ചു കൊണ്ട് പുള്ളി തന്നെ 100% സാക്ഷരത അങ്ങ് പ്രഖ്യാപിച്ചു. പിന്നെ ചേരി രഹിത നഗരം ആക്കാൻ കോട്ടയം നാഗമ്പടത്ത് ഉള്ള ചേരി നിവാസികളെ വെള്ളം, കറന്റ് ഒന്നുമില്ലാത്ത ദൂരെ ഒരു കുന്നിൻ മുകളിൽ കൊണ്ട് തള്ളി.പിന്നെ തിരിഞ്ഞു നോക്കിയില്ല.അതും ഭൂമി കുലുങ്ങുന്ന വാർത്തയായി മാറാൻ ശ്രദ്ധിച്ചു. ഇതിനിടയിൽ മാധ്യമങ്ങളിൽ സ്ഥിരമായി വ്യത്യസ്തനായ ബാർബർ സോറി ധ്വര എന്ന ധ്വനി വരുത്തി ലക്ഷ്യം നേടാനുള്ള കരുക്കൾ ആരും അറിയാതെ നീക്കി.അങ്ങ് ടൈം വാരികയിൽ പോലും “എത്തിപ്പറ്റി”.

അക്കാലത്ത് വിദ്യാർത്ഥി (എസ് എഫ് ഐ 😀)ആയിരുന്ന ഞാൻ അന്ന് തന്നെ ഇതൊക്കെ എന്തോ വൻ ഉദ്ദേശത്തോടെയുള്ള ഏകാങ്ക നാടകം എന്ന് സംശയിച്ചു. കാരണം ഇപ്പോൾ തിരിഞ്ഞു നോക്കുമ്പോൾ നാട്ടുകാർക്ക് തന്നെ മനസിലാകും.എൺപതുകളിൽ ഇന്ത്യയിൽ വർഗീയത ആരുടെയും ഞരമ്പുകളിൽ, രക്തത്തിൽ കളർന്നിട്ടില്ല. സന്ഘികൾ അമ്പലത്തിലെ ആൽത്തറയിൽ ഇരുന്നു നേരംപോക്ക് പറഞ്ഞു പോകുന്ന കുറച്ചു സാധു സവർണ അമ്പലവാസി കിളവന്മാർ മാത്രം. റാഡിക്കൽ ഇസ്ലാം ലോകത്ത് പോലും തലപൊക്കിയിട്ടില്ല. സോവിയറ്റുകൾ അഫ്ഗാനിൽ പഷ്ട്ടൂനുകളുമായി പോരാടുന്ന കാലം. ലോകം മുഴുവൻ പൊതുവെ പ്യുവർ രാഷ്ട്രീയക്കാർ മാത്രം. ഇന്ത്യയിൽ രാജീവ്‌ ഗാന്ധിയുടെ തേരോട്ടത്തിൽ തകർന്നു തരിപ്പണമായി ബിജെപി കുറച്ചു സീറ്റുമായി പാർലമെന്റിൽ മൂലയ്ക്ക് ഇരിക്കുന്നു.വിപി സിംഗ് ,ചന്ദ്രശേഖർ ഒക്കെയാണ് രാഷ്ട്രീയത്തിൽ മുൻ നിരയിൽ. കേരളത്തിൽ കരുണാകരൻ -സിപിഎം ഏറ്റുമുട്ടൽ.. ബിജെപി യുടെ നേതാക്കൾ രാമൻപിള്ള പോലെ കോമഡി താരങ്ങൾ. ഇത്രയും പറഞ്ഞത് രാഷ്ട്രീയത്തിൽ, ഭരണത്തിൽ മത ശക്തികൾ അത്രയ്ക്കങ്ങ് നേരിട്ട് ഇടപെടാൻ ശക്തിയില്ലാത്ത കാലമെന്നു പറയാനാണ്.

അക്കാലത്ത് ഇയാൾ മുഖംമൂടിയിട്ട ക്രിസ്ത്യൻ വർഗീയ വാദി ആയിരുന്നു എന്ന് ചരിത്രത്തിൽ രേഖപ്പെടുത്തിയ സംഭവം ഉണ്ട്. പിന്നീട് പുള്ളി സിപിഎം ന്റെ കൂടെ നടന്ന് കൃതാവ് ആയി നിയമസഭയിൽ എത്തി. ഇപ്പോൾ ആ costume ഊരി മാറ്റി ക്രിസംഘി ആണ്. ലക്ഷ്യം മാർഗത്തെ സാധൂകരിക്കും.വെറും നിസ്വാർത്ഥ പൊതു ജന സേവനം…അത് വേറെയൊരു ആശ്വാസം 😀.ഇദ്ദേഹം ക്രിസ്ത്യൻ വർഗീയത ഇറക്കിയത് കോട്ടയത്തെ വിശ്വ പൗരയും എന്റെ യുഗത്തിൽ ഞാൻ കണ്ട ഏറ്റവും ഉജ്വല വനിതയോടായി പോയി. ഒരു സുസംഘടിത സമുദായ പ്രമാണിമാരെ മുഴുവൻ ഒറ്റയ്ക്ക് പോരാടി മുട്ട് കുത്തിച്ച സാക്ഷൽ മേരി റോയിയോട് ആയി പോയി. ആ കഥ സൊല്ലട്ടുമാ..

മേരി റോയ് 1990 ഒക്ടോബർ മാസം 15 ന് അവരുടെ സ്‌കൂളിൽ ജീസസ് ക്രൈസ്റ്റ് ദി സൂപ്പർസ്റ്റാർ എന്ന ലോകപ്രശസ്ത കൃതിയുടെ നാടക അവതരണം നടത്താൻ പോകുന്നു എന്ന് ഇദ്ദേഹം അറിയുന്നു. ആരുടേയും പരാതി കിട്ടാതെ ഇദ്ദേഹം ആ നാടകം മതവികാരം വ്രണപ്പെടുമെന്ന് കാരണം പറഞ്ഞു കൊണ്ട് നാടകം തുടങ്ങാൻ അര മണിക്കൂർ ഉള്ളപ്പോൾ എക്സിക്യു്റ്റീവ് മജിസ്റ്ററേറ്റ് എന്ന കളക്ടറുടെ അധികാരം ഉപയോഗിച്ച് കൊണ്ട് ഉത്തരവുമായി ആളെ സ്‌കൂളിൽ അയച്ചു.സ്‌കൂളിൽ തന്നെ താമസിക്കുന്ന മേരി റോയി തത്കാലം ആ ഉത്തരവ് കൈപറ്റി.അഭിനയിക്കാൻ ഡ്രസ്സ് ധരിച്ചു നിന്ന കുട്ടികൾ കരച്ചിലായി.അവരോട് മേരി റോയ് പറഞ്ഞു “ഞാൻ ജീവനോടെ ഉണ്ടെങ്കിൽ ഈ നാടകം ഇതേ വേദിയിൽ നടത്തിയിരിക്കും”.

തുടർന്ന് അവർ നിയമ പോരാട്ടം തുടങ്ങി.അവർ സുപ്രീം കോടതി വരെയും പോയി ആ ഉത്തരവ് മരവിപ്പിച്ചു കൊണ്ട് ഒരു തവണ സ്വകാര്യ വേദിയിൽ നടത്താമെന്നു താത്കാലിക വിധി നേടി.പക്ഷെ മേരി റോയ് അവിടം കൊണ്ട് ഉപേക്ഷിച്ചില്ല.2015 വരെയും നീണ്ട പോരാട്ടത്തിലൂടെ ആ ഉത്തരവ് നിയമവിരുദ്ധമെന്ന് സുപ്രീം കോടതിയിൽ നിന്ന് വിധി സമ്പാദിച്ചു.കുറച്ചു നൈറ്റികൾ വിശ്വ പ്രസിദ്ധമായ സ്ത്രീകളുടെ തുല്യാവകാശം എന്ന മേരി റോയ് കേസിന്റെ പ്രതികാരത്തിന് വേണ്ടി ഈ അവസരവാദിയെ ഉപയോഗിക്കുകയായിരുന്നു. പക്ഷെ കളിച്ചതു മേരി റോയിയെന്ന പെൺ സിംഹത്തിനോടായി പോയി.2015 ൽ ആ വിധി വന്നപ്പോൾ ഈ മാന്യൻ മേരി റോയിയെപ്പോലെ ഒരു പ്രൌഡ വനിതയെ വിളിച്ചത് വട്ട്കേസ്(insane) എന്നാണ്. അത്രേയുള്ളൂ ഇവന്റെ നിയമം അനുസരിക്കൽ.
ഇന്നലെ ഒരു ചാനൽ ചർച്ചയിൽ ആ വ്യക്തി കർഷക സമരത്തിൽ വ്യക്തി സ്വാതന്ത്ര്യത്തെ കുറിച്ചൊക്കെ ഗിരി പ്രഭാഷണം നടത്തുമ്പോൾ ചിരി വന്നു പോയി.

Advertisement

ഞാൻ ഇതിനിടെ ഒരു കാര്യം ഓർത്തു പോയി.കാലമെത്ര മാറി പോയി.ഇന്ന് മേരി റോയിക്കു പോലും ഇങ്ങനെ കേസ് നടത്താൻ ആവുമോയെന്നു സംശയം ഉണ്ട്. മിക്കവാറും അവർക്കെതിരെ യു എ പി എ തന്നെ ചാർത്തിയേനെ.അന്ന് ആവിഷ്കാര സ്വാതന്ത്ര്യത്തിനു വേണ്ടി സഫ്‌ദർ ഹാഷ്മി, സൽമാൻ റുഷ്‌ദി എന്നിവരുടെ ചിത്രം പേറി തെരുവിൽ ഇറങ്ങിയ ഡിഫി യുടെ ഒക്കെ നേതാക്കൾ റഹിം ,സിപിഎം എന്റെ സെക്രട്ടറി വിജയരാഘവൻ……56 ഇഞ്ചും ഇരട്ട ചങ്കനും ഒക്കെയാണ് സൂപ്പർ സ്റ്റാർ …നാടകമേ ഉലകം .

FACEBOOK

https://www.facebook.com/baiju.baiju.186/posts/2757297491151927?__cft__%5B0%5D=AZXSFEW-ulickv8D8MeilYjefM9XEq-tTzzG9AfnzZ5dBW-_EXFLrICheqMMfJJ7WA_HXY3lo20yPuUmMI2TP3xBaimWseWLTWEKiW8tCae12bEVo3f12jbTjxBK9bf873hx1nA2fW9USIx91jfZdpS3&__tn__=%2CO%2CP-R

 6 total views,  1 views today

ഇന്ത്യയിലെ ആദ്യത്തെ ബ്ലോഗ് പേപ്പർ & നമ്പർ വൺ സിറ്റിസൺ ജേർണലിസം പോർട്ടൽ.

Advertisement
Entertainment9 hours ago

നിങ്ങളിൽ സംശയരോഗികൾ ഉണ്ടെങ്കിൽ നിശ്ചയമായും ഈ ‘രഥ’ത്തിൽ ഒന്ന് കയറണം

Entertainment14 hours ago

ഒരു കപ്യാരിൽ നിന്നും ‘അവറാൻ’ പ്രതികാരദാഹി ആയതെങ്ങനെ ?

Entertainment18 hours ago

ജിതേഷ് കക്കിടിപ്പുറത്തിന്റെ ‘പാലോം പാലോം നല്ല നടപ്പാലം’, വിനോദ് കോവൂരിന്റെ മനോഹരമായ ദൃശ്യാവിഷ്‌കാരം

Entertainment1 day ago

ഫയൽ ജീവിതം, കേരളത്തിലെ ഉദ്യോഗാർത്ഥികളുടെ ദുരിതപർവ്വം

Entertainment1 day ago

‘ദി വീൽ ‘ ശക്തവും വ്യക്തവുമായ അവബോധം

Entertainment2 days ago

കഥയിലെ നായകന് സമയച്ചുറ്റിൽ നിന്നും രക്ഷപ്പെടാന്‍ സാധിക്കുമോ ?

Entertainment2 days ago

ആസ്വാദകരെ പിടിച്ചിരുത്തുന്ന കുരുതിമലയും മഞ്ഞുതുള്ളികളുടെ മരണവും

Entertainment3 days ago

റോളിംഗ് ലൈഫ് , അഹങ്കാരത്തിൽ നിന്നും വിധേയത്വത്തിലേക്കും…തിരിച്ചും

Entertainment3 days ago

കുരുതി മനസിനെ അസ്വസ്ഥമാക്കുന്നു, അവിടെ സിനിമ വിജയിക്കുന്നു

Entertainment4 days ago

ചുറ്റിക കൊണ്ട് ചിലരുടെ മണ്ടയ്ക്ക് പ്രഹരിക്കുന്ന സിനിമ

Entertainment4 days ago

മൈതാനം, മൈതാനങ്ങളുടെ തന്നെ കഥയാണ്

Entertainment5 days ago

നാടിന്റെ റേപ്പ് കൾച്ചറും ലോകത്തിന്റെ വംശീയതയും അഥവാ, ‘കല്പന’യും ‘ബ്ളാക്ക് മാർക്കും’

Humour1 month ago

നെ­ടുമ്പാശ്ശേരിയിൽ വന്നിറങ്ങിയ രോഗിയെ കണ്ടു സിമ്പതി, കാര്യമറിഞ്ഞപ്പോൾ എയർപോർട്ട് മുഴുവൻ പൊട്ടിച്ചിരി

1 month ago

സ്വന്തം മുടി പോലും മര്യാദക്ക് സ്റ്റൈൽ ചെയ്യാൻ പഠിക്കാത്ത ഒരാളോട് അഭിനയം നന്നാക്കാൻ പറയേണ്ട ആവശ്യം ഇല്ലല്ലോ

2 months ago

സ്പാനിഷ് മസാല സിനിമ കാരണമാണ് നൗഷാദ് എന്ന വലിയ മനുഷ്യന്റെ താളം തെറ്റിയത്

1 month ago

അധ്യാപകനായിരുന്നപ്പോൾ നാട്ടിലൂടെ നടക്കുമ്പോൾ ആളുകൾ എണീറ്റുനിൽക്കുമായിരുന്നു, നടനായതോടെ അത് നിന്നു

INFORMATION4 weeks ago

അറിഞ്ഞില്ലേ… ശ്രീലങ്ക മുടിഞ്ഞു കുത്തുപാള എടുത്തു, ഓർഗാനിക് കൃഷി വാദികൾ ഇവിടെ എവിടെയെങ്കിലും ഉണ്ടോ ?

1 month ago

ദുബായ് പോലീസിനെ കൊണ്ട് റോഡുകൾ അടപ്പിച്ചു റോഡ് ഷോ നടത്താൻ സ്റ്റാർഡം ഉള്ള ഒരു മനുഷ്യനെ കേരളത്തിലുണ്ടായിട്ടുള്ളൂ

1 month ago

ഇങ്ങനെയുള്ള മക്കൾ ഉള്ളപ്പോൾ എഴുപതാം വയസ്സിലും ആ അച്ഛൻ അദ്ധ്വാനിക്കാതെ എന്ത് ചെയ്യും ?

Movie Reviews3 weeks ago

‘ഒരു ജാതി പ്രണയം’ നമ്മുടെ സാമൂഹിക അധഃപതനത്തിന്റെ നേർക്കാഴ്ച

3 weeks ago

വിവാഹേതരബന്ധം എന്നത് തെറ്റല്ലല്ലോ പ്രണയം മനുഷ്യന് എപ്പോൾ വേണമെങ്കിലും….

1 month ago

റിമ കല്ലിങ്കലിന്റെ ഹോട്ട് ഡാൻസ്

Interviews3 weeks ago

ചിരി മറന്ന കാലത്ത് ചിരിയുടെ കമ്പക്കെട്ടുമായി ഒരു കൂട്ടായ്മ

Featured3 weeks ago

“പാട്രിയാർക്കി എന്നത് ഒരു വാക്കല്ല, അതൊരു ഹാബിറ്റ് ആണ്” , ആർ ജെ ഷാൻ ബൂലോകം ടീവിയോട് സംസാരിക്കുന്നു

Advertisement