മലയാളത്തിലെ മികച്ച ചിത്രങ്ങളിൽ ഒന്നായ സ്ഫടികം റിലീസ് ചെയ്തിട്ട് 27 വർഷങ്ങൾ പൂർത്തിയായ ദിവസം സംവിധായകൻ ഭദ്രൻ ഫേസ്ബുക്ക് ഒരു പോസ്റ്റിടുകയുണ്ടായി. അന്ന് തീയേറ്ററിൽ കാണാൻ കഴിയാത്തവർക്കെല്ലാം പുതിയ സാങ്കേതി മികവോടെ അതേ ചിത്രം വീണ്ടും കാണാനൊരു അവസരം ഒരുക്കുകയാണ് അണിയറ പ്രവർത്തകർ എന്ന വിവരം ഷെയർ ചെയ്ത പോസ്റ്റ് . എന്നാൽ അതിനു താഴെ വന്ന ഒരു കമന്റിന് ആണ് ഇപ്പോൾ ഭദ്രൻ മറുപടിയായി പുതിയൊരു കുറിപ്പ് പങ്കുവച്ചിരിക്കുന്നത്. കുറിപ്പ് വായിക്കാം.

Bhadran Mattel

“സ്‌ഫടികം റിലീസ് ചെയ്തിട്ട് 27 വർഷം പൂർത്തിയായ അന്ന് ഞാൻ ഒരു പോസ്റ്റ്‌ ഇടുകയുണ്ടായി.ആ ചലച്ചിത്രത്തെ വാനോളം സ്നേഹിക്കുന്ന ലക്ഷകണക്കിന് ആരാധകർ, മനുഷ്യരുടെ പിറന്നാൾ ഘോഷിക്കും പോലെ ഈ ചിത്രത്തിന്റെ പിറവിയും കൊണ്ടാടുന്നു. അനേകരുടെ ഫേസ്ബുക്ക്‌ പോസ്റ്റുകൾ ഞാൻ കാണുകയുണ്ടായി.അതിൽ ഒരു വിരുതന്റെ പോസ്റ്റ്‌ വളരെ രസാവഹമായി തോന്നി.”പശു ചത്തിട്ടും മോരിന്റെ പുളിപ്പ് തീരുന്നില്ലല്ലേ, ഈ സിനിമ അല്ലാതെ ഇതിനെ വെല്ലുന്ന മറ്റൊരു സിനിമ സൃഷ്ടിച്ചൂടേ? ”

ആ സഹോദരന്റെ അഭിപ്രായം വളരെ സത്യസന്ധമാണ്. അത് ഞാൻ അറിയാതെ ആണ് എന്ന് അയാൾ കണക്കുകൂട്ടിയെങ്കിൽ തെറ്റി.
സ്‌ഫടികം സിനിമയെ കുറിച്ച് വാചാലം ആകാൻ ഞാൻ ഒരിക്കലും മെനകെട്ടിട്ടില്ല എന്നത് സത്യമായിയിരിക്കേ, റിലീസിനു ശേഷം ഞാൻ ആ ചിത്രം ഇന്നു വരെ പൂർണമായി കണ്ടിട്ടില്ല എന്ന് പറഞ്ഞാൽ നിങ്ങൾ വിശ്വസിക്കുമോ? അത് കാണാൻ ആഗ്രഹിക്കാത്തതിന്റെ കാരണം, ഒരു പിഴവുകളും ഇല്ല എന്ന് ആരാധകർ മുക്തകണ്ഠം വിലയിരുത്തുമ്പോഴും ഞാൻ അന്ന് കാണാതെ പോയ പിഴവുകൾ ഇപ്പോഴും അവശേഷിക്കുന്നു എന്ന സത്യം ആരാധകർ മനസിലാക്കുക.
ഈ സിനിമ ഒരിക്കൽക്കൂടി റീലോഡ് ചെയുന്നതിന്റെ ഉദ്ദേശ്യം തന്നെ ബിഗ് സ്‌ക്രീനിൽ കാണാത്ത പതിനായിരകണക്കിന് ആൾക്കാരുടെ കത്തുകളും റിക്വസ്റ്റുകളും കണ്ടും കേട്ടും ഉണ്ടായ പ്രചോദനം ആണെന്ന് കൂട്ടിക്കോളൂ.

അതിനെ ഇപ്പോഴത്തെ പുതിയ സാങ്കേതിക മികവോടെ കൊണ്ടുവരുക എന്നത് Its not a Joke! One has to spend lot of money and effort. ഇനി വരും തലമുറയ്ക്കുകൂടി വേണ്ടിയുള്ള ഒരു കരുതിവെക്കൽ കൂടി ആണ് ഈ ഉദ്യമം. “എന്റെ ഉപ്പൂപ്പാടെ കാലത്തെ ചക്കരമാവിൻ ചുവട് ഇളക്കി ആട്ടുങ്കാട്ടം കോരി വയറുനിറയെ ഇപ്പോഴും കൊടുക്കുന്നത് വരും തലമുറക്ക് അതിന്റെ ഫലങ്ങൾ കണികാണാൻ കൂടിയാണ്…. ” സ്നേഹത്തോടെ ഭദ്രൻ”

ഇതാണ് ഭദ്രൻ മാർച്ച് 30 -നു ചെയ്ത പോസ്റ്റ്

സ്ഫടികം എന്ന സിനിമയുടെ പേരിൽ 27 വർഷം തികഞ്ഞ ഈ ദിവസം വരെ ഞാൻ. അനുഭവിച്ചുകൊണ്ടിരിക്കുന്ന സന്തോഷം തൂക്കാൻ ലോകത്ത് ത്രാസുകൾ ഉണ്ടാവില്ല.
“It’s all because of you” മറക്കില്ല ഞാൻ.

ഒരു സഹോദരൻ എഴുതി കണ്ടു. അയാളുടെ ജ്യേഷ്ഠൻ ബിഗ് സ്ക്രീനിൽ സ്ഫടികം കണ്ട കണ്ണുകളെ പലവട്ടം ചുംബിച്ചിട്ടുണ്ടെന്ന്. We, Geometrics Film House, proudly presents the Iconic Movie “Spadikam” in 4K Dolby Atmos.
Stay tuned to witness this magnificent delight on Big Screen, releasing world-wide. ചില ഒരുക്കങ്ങളുടെ ഷൂട്ടുകൾ ആണ്.

***

 

Leave a Reply
You May Also Like

‘തന്റെ പ്രതിഭക്കിണങ്ങുന്ന വേഷങ്ങൾ അദേഹത്തിന് കിട്ടിയിട്ടില്ല’, ഇന്ന് നരേന്ദ്രപ്രസാദിന്റെ ചരമവാർഷിക ദിനം

Bineesh K Achuthan നവംബർ 3 നരേന്ദ്രപ്രസാദ് ചരമവാർഷിക ദിനം സാഹിത്യ നിരൂപകൻ, നാടകകൃത്ത്, നാടക…

ജയം രവി നായകനായ സൈറൺ ടീസർ പുറത്തിറങ്ങി, പോലീസ് വേഷത്തിൽ നായികയായി കീർത്തി സുരേഷ്

ജയംരവി നായകനായ സൈറൺ ടീസർ പുറത്തിറങ്ങി. നവാഗതനായ ആന്റണി ഭാഗ്യരാജാണ് സൈറൺ സംവിധാനം ചെയ്യുന്നത്. ചിത്രത്തിൽ…

“ലൈംഗികത ആവശ്യപ്പെടുന്ന സ്ത്രീകൾ ലൈംഗിക തൊഴിലാളികൾ “- വിവാദപരാമർശത്തിൽ പുലിവാല് പിടിച്ചു മുകേഷ് ഖന്ന

1988 -1990 കാലത്തു ദൂരദർശനിൽ സംപ്രേക്ഷണം ചെയ്ത മെഗാഹിറ്റ് പരമ്പരയായി മഹാഭാരതത്തിലെ ഭീഷ്മരുടെ വേഷത്തിലൂടെ പ്രശസ്തനായ…

മഴക്കാലം തുടങ്ങുമ്പോൾ തവളകൾ പേക്രോം.. പേക്രോം.. എന്ന് ബഹളം വയ്ക്കുന്നത് എന്തുകൊണ്ട് ?

പലജാതി തവളകളുടേയും ശബ്ദങ്ങൾ പല തരത്തിലും, താളത്തിലുമുള്ളതാണെങ്കിലും സ്വന്തം ഇണയെ തിരിച്ചറിയുവാനുള്ള കഴിവ് എല്ലാ തവളകൾക്കുമുണ്ട്.