ഉത്തരേന്ത്യൻ ഗാനങ്ങളുമായി താരതമ്യം ചെയുമ്പോൾ ദക്ഷിണേന്ത്യൻ ഭാഷകളിൽ ഈ വിഭാഗത്തിൽ പെട്ട ഗാനങ്ങൾ കുറവാണ്

ബൂലോകം
ബൂലോകം
Facebook
Twitter
WhatsApp
Telegram
23 SHARES
276 VIEWS

Bhagavatheeswara Iyer

ഇട തടവില്ലാതെ പെയ്യുന്ന മഴ. കവിയും ഗായകനുമായ നായകൻ (ഭാരത് ഭൂഷൺ ) ജനാല വഴി പുറത്തു പെയ്യുന്ന മഴയെ നോക്കി നിൽക്കുകയായിരുന്നു. പെട്ടന്ന് ആണ് ശ്രദ്ധ റോഡരികിൽ മഴയിൽ നനഞ്ഞു കുതിർന്ന യുവതിയിലേക്ക് (മധുബാല )നീങ്ങിയത് കടയുടെ വരാന്തയിൽ മഴയിൽ നിന്നും രക്ഷ പ്രാപിക്കാൻ അവൾ നിൽക്കുന്നത് അയാൾ കണ്ടു. പട്ട് പോലെ മൃദുലമായ അവളുടെ തലമുടിയിൽ നിന്നും ഇറ്റിറ്റു വീഴുന്ന മഴ തുള്ളികൾ പൂവ് പോലെ മൃദുലമായ കവിളത്തു വന്നു നീന്നു താഴേയ്ക്ക് വീഴാൻ മനസ്സില്ലാതെ അവിടെ തന്നെ തുടരാൻ ആഗ്രഹിക്കുന്ന മഴ തുള്ളികൾ വീണുടയുന്നത് കണ്ട് അവനിലെ കവി പാടി

हाए वोह रेशमी ज़ुल्फ़ों से बरसता पानी
फूल से गालोँ पे रुकने को तरस्ता पानी
दिल में तूफ़ान उड़ाते हुवे जस्बात की रात
ज़िंदगी भर नहीं भूलेगी वोः बरसात की रात
(Barsat ki Raat 1960. Sahir Roshan Rafi)

ഇന്ത്യൻ ചലച്ചിത്ര ഗാനങ്ങളിൽ പ്രത്യക്ഷപ്പെട്ടിട്ടുള്ള ഏറ്റവും മികച്ച റൊമാന്റിക് വരികൾ ആണിത്. ഇന്ത്യൻ ശാസ്ത്രീയ സംഗീതം പരിശോധിച്ച് കഴിഞ്ഞാൽ മനസ്സിലാക്കാം അത് പ്രകൃതിയുമായി, പരിസ്ഥിതിയുമായി എത്ര പൊരുത്തപ്പെട്ടിരിക്കുന്നുവെന്ന്. നമ്മുടെ ഋതുക്കളും പ്രകൃതിയിൽ വരുന്ന മാറ്റങ്ങളും ഒക്കെ നമ്മുടെ സംഗീതത്തിൽ ഇടം നേടിയിട്ടുണ്ട് . ഋതു ഭേദങ്ങളെ നമ്മുടെ ശാസ്ത്രീയ സംഗീതത്തിന് പൂർണ്ണമായി ഉൾക്കൊള്ളാൻ കഴിഞ്ഞുവെന്നതാണ് സത്യം
അതിൽ പ്രധാനപ്പെട്ട ഒന്നാണ് മഴ അല്ലെങ്കിൽ കാലവർഷം. സംഗീതത്തിൽ മഴയും മഴയിൽ സംഗീതവും അലിഞ്ഞു ചേർന്നിരിക്കുന്നു

ഇന്ത്യൻ ശാസ്ത്രീയ സംഗീതത്തിൽ മഴയ്ക്ക് വളരെയേറെ പ്രാധാന്യമുണ്ട്. മഴയെ പ്രകീർത്തിക്കുന്ന ഗാനങ്ങൾ മഴയുടെ ആത്മാവ് തൊട്ട് ഉണർത്തുന്ന രാഗങ്ങൾ നമുക്കുണ്ട് ധാരാളം.ശുദ്ധ് മൽഹാർ അല്ലെങ്കിൽ മൽഹാർ ഹിന്ദുസ്ഥാനി സംഗീതത്തിൽ മഴയ്ക്ക് വേണ്ടി ഒരുക്കപ്പെട്ട പ്രധാനപ്പെട്ട ഒരു രാഗമാണ്. അത് പോലെയുള്ള പ്രധാനപ്പെട്ട മറ്റൊരു രാഗം “മേഘ് ” ആണ്. മൽഹാറിൽ തന്നെ ഒട്ടനവധി വൈവിദ്ധ്യ രാഗങ്ങൾ അടങ്ങിയിട്ടുണ്ട്. മേഘ് മൽഹാർ, ഗവൂർ മൽഹാർ, മിയാൻ മൽഹാർ, ദേശ് മൽഹാർ മധു മൽഹാർ മിശ്ര മൽഹാർ ദുലിയ മൽഹാർ എല്ലാം മഴയെ ആരാധിക്കുന്ന രാഗങ്ങൾ

കർണ്ണാടക സംഗീതത്തിൽ “അമൃത വർഷിണി” യാണ് പ്രധാന മഴയെ സ്വായത്തമാക്കിയ രാഗം. വരുണ പ്രിയ മേഘ രഞ്ജിനി തുടങ്ങിയ കർണ്ണാടക രാഗങ്ങളും മഴയ്ക്ക് വേണ്ടി രചിക്കപ്പെട്ടവയാണ്. ഹിന്ദുസ്ഥാനി ശാസ്ത്രീയ സംഗീതത്തിൽ മഴക്കാലത്തിന് അനുയോജ്യമായ ധാരാളം തുമ്റി, ഘയാൽ കജ്‌രി തുടങ്ങിയ ഗാനവിഭാഗങ്ങൾ ഉണ്ട്.കൊൽക്കത്ത, മുംബൈ, ഇൻഡോർ, പൂനെ തുടങ്ങിയ നഗരങ്ങളിൽ മഴക്കാലങ്ങളിൽ ഇത്തരം മഴ സംബന്ധപ്പെട്ട രാഗങ്ങൾ ഉൾക്കൊള്ളിചിട്ടുള്ള സംഗീത സദസ്സുകൾ അരങ്ങേരാറുണ്ട്, അത് ആസ്വാദകർ സ്വീകരിക്കുകയും ചെയ്യുന്നു കൊട്ടിച്ചൊരിയുന്ന മഴയത്തു നിറഞ്ഞ സദസ്സിൽ സംഗീതം ആസ്വദിക്കുന്ന ആ നിമിഷം എത്ര ധന്യമാണ്

മഴ സംബന്ധിയായ ചലച്ചിത്രഗാനങ്ങളുടെ സംഗീത സദസ്സുകളും മഴക്കാലങ്ങളിൽ ആയോജനം ചെയ്യപ്പെടാറുണ്ട്. ഇന്ത്യൻ ചലച്ചിത്രങ്ങളിലും ചലച്ചിത്രഗാനങ്ങളിലും മഴ ഒരു അഭിവാജ്യ ഘടകമായി മാറിക്കഴിഞ്ഞിരിക്കുന്നു. പ്രേമത്തിനും വിരഹത്തിനും ഏറ്റുമുട്ടലിനും ഒക്കെ മഴ ഒഴിച്ചുകൂടാനാകാത്ത കഥാപാത്രമായി തീർന്നിട്ടുണ്ട്.മഴയിൽ കുതിർന്ന കാമുകി കാമുകന്മാരും മഴയത്തു ഒറ്റയ്ക്ക് നടന്നു നീങ്ങുന്ന നഷ്ട്ടപ്പെട്ട പ്രേമത്തിന്റെ അവശ കാമുകനും മഴയിൽ കെട്ടിപ്പിടിച്ചു ഉരുണ്ട് തമ്മിൽ തല്ലുന്ന നായകനും വില്ലനും ഒക്കെ നമ്മുടെ സിനിമയുടെ ഭാഗങ്ങളാണ്

ഗൈഡ് (1965) ലഗാൻ (2001) വൈശാലി (മലയാളം 1988) എന്നീ സിനിമകളുടെ ക്ലൈമാക്സ്‌ തന്നെ മഴയെ ചൊല്ലിയായിരുന്നു. മഴയ്ക്കു വേണ്ടി വലയുന്ന കാത്തിരിക്കുന്ന ഒരു ജനത മഴ ആകസ്മികമായി ലഭിച്ചപ്പോൾ അത് എങ്ങനെ ആഘോഷിക്കുന്നുവെന്നതാണ് ഈ സിനിമകളുടെ പ്രമേയം.
ഹിന്ദി ചലച്ചിത്രഗാനങ്ങളിൽ മഴയുടെ സംഗീതവും മഴയും ഒഴിച്ചുകൂടാനാകാത്ത ഒരു വിഭവമായിരുന്നു എഴുപതുക്കൾ വരെ.

ശ്രുതിമധുരങ്ങളായ ഗാനങ്ങൾ എത്ര കേട്ടാലും മതിവരാത്ത ഈണങ്ങൾ ആകർഷണീയമായ ദൃശ്യവൽക്കരണം ലോകത്തിൽ സംഗീതമുള്ളിടത്തോളം കാലം ഈ ഗാനങ്ങൾ ജീവിച്ചിരിക്കും. Shri 420 (1955) ലെ ‘Pyar huva ikraar huva hai pyar se phir kyom dartha hai dil” (Shailendra Shankar Jaikishan Lata Mannada) കോരിച്ചൊരിയുന്ന മഴയത്തു ഒരു കുടക്കീഴിൽ നർഗ്ഗീസും രാജ് കപൂറും പാടി നടന്നു നീങ്ങുന്ന ഫ്രെയിം ആസ്വാധകരിൽ ഇന്നും കുളിരു കോരിയിടുന്നു

Barsat ki Raat (1960) എന്ന ചിത്രത്തിലെ “Garjat barsat sawan aayo re”(Sahir Roshan Suman Kalyanpur Kamal Baroat) അതിമനോഹരമായ ഗാനം മൽഹാർ രാഗത്തിൽ ചിട്ടപ്പെടുത്തിയിട്ടുള്ളതാണ്. ശ്രവണമാത്രയിൽ ഒരു നനുത്ത മഴയുടെ ഫീൽ കൊണ്ടുവരാൻ ഈ ഗാനത്തിന് കഴിയും.”Sharabi Sharabi ye sawan ka aalam” എന്ന രാഗമാലിക മൽഹാറും കാമോധും ചേർന്ന ഒരു ഹൃദ്യമായ പാട്ടാണ് ( ചിത്രം Noorjahan 1967. Shakeel Roshan Suman Kalyanpur )
ഹിന്ദി ചലച്ചിത്രഗാനങ്ങളിൽ മൽഹാർ രാഗം കൂടുതൽ ഉപയോഗിച്ചിട്ടുള്ള രണ്ടു സംഗീതസംവിധായകർ റോഷനും വസന്ത് ദേശായിയും എന്നത് ആണ് സത്യം Shaque (1976) ലെ “Megha barsane lagaa hai aaj ki raat” (Gulzar Vasant Desai Asha ) മൽഹാർ രാഗത്തിലെ ഒരു ക്ലാസ്സിക്‌ ഗാനമാണ്. ആകാശത്തിൽ കാർമേഘം ഉരുണ്ടു കൂടിയാൽ അന്നും ഇന്നും വിവിഡ് ഭാരതി പ്രക്ഷേപണം ചെയ്യുന്ന ഒരു ഗാനമുണ്ട് അനശ്വര ഗാനം. “Oh sajna, barkha bahaar aayiRas ki puhar layi ” ചിത്രം Parakh (1960). Shailendra Salil Choudhary. Lata) കമാജ് രാഗത്തിൽ സലിൽദാ ഒരുക്കിയ ഈ പാട്ടിനു സിതാർ വായിച്ചത് പണ്ഡിറ്റ്‌ ജയറാം ആചാര്യഎത്ര കേട്ടാലും മതി വരാത്ത പാട്ടാണിത്
ഇതേ ടീം Shailendra Salilda Lata യുടെ മറ്റൊരു മനോഹര ഗാനം “Jhuk jhuk jhuk jhoom ghata chaye re” (Char Diwari 1961) മഴയെ എതിരേൽക്കുന്ന സുന്ദരസൃഷ്ടിയാണ്

“kajre badarwa re ” ചിത്രം Pati Patni 1966 Ananand Bakshi R D Burman Lata. മേഘ് രാഗത്തിൽ കമ്പോസ് ചെയ്യപ്പെട്ട പാട്ടാണ്
R D ബർമ്മന്റെ മറ്റൊരു ശ്രവണ സുഖം പകരുന്ന ഗാനം “Rim jhim gire sawan sulag sulag jaaye man” ചിത്രം Manzil (1979) (Yogesh Lata ). കീരവാണി രാഗത്തിൽ ഒരുക്കിയ ഈ ഗാനം ചിത്രീകരിക്കപ്പെട്ടത് മഴയിൽ നനയുന്ന ബോംബെ നഗരത്തിൽ.അമിതാബും മൗസമി ചാറ്റർജിയും മഴയിൽ നനഞ്ഞു പ്രേമപരവശരാ
യി നഗരത്തിൽ കൂടി നടന്നു നീങ്ങുന്നത് അതി സുന്ദരമായിരുന്നു
അറുപതുകളിലും എഴുപതുകളിലും മഴ ആസ്വദിക്കാൻ വേണ്ടി മാത്രം ബോംബെയിലും ഗോവയിലും ധാരാളം വിദേശികൾ എത്തുമായിരുന്നു പ്രത്യേകിച്ചും അറബികൾ
മഴ പ്രണയത്തിന്റെ പ്രതീകം കൂടിയാണ്. മഴ വരുമ്പോൾ കാമുക സാമിപ്യം കൊതിക്കാത്ത കാമുകിയോ കാമുകി അരികിൽ ഉണ്ടാകണമെന്ന് ആഗ്രഹിക്കാത്ത കാമുകനോ വിരളമാണ്
“Rathon ko chori chori bole mora kangna
ab ke jo barkha aaye aayenge sajna” ( ചിത്രം Mohabat Zindgi hai 1967. S H Bihari O P Nayyar Asha Bosle ). ശ്രംഗാര രസം തുളുമ്പുന്ന ഈ ഗാനം മഴ കാലത്ത് കാമുകൻ വരുമെന്ന് കാത്തിരിക്കുന്ന വിരഹിണിയായ കാമുകിയുടെ ഉൽക്കണ്ടയാണ്
മറ്റൊരു ഹൃദ്യമായ മെലഡീ

‘Pal bhar mere kya ho gaya
woh mein gayi woh man gaya
chunri kahe sun ri pawan
sawan laaya ab ke sajan
din bhar muje yun sataye
un bin ab to raha nahin jaye ( ചിത്രം സ്വാമി 1977 Amit Khanna Rajesh Roshan Lata )

അതി മനോഹരമായി മഴ ചിത്രീകരിച്ച ഒരു ഗാനം കൂടിയാണിത്. ഇവിടെ കാമുകി മഴക്കാറ്റിനോട്‌ പറയുന്നു എന്റെ കാമുകനില്ലാതെ എനിക്ക് ഒരു നിമിഷം പോലും തള്ളി നീക്കാനാവില്ല.മാണ്ട് രാഗത്തിൽ തീർത്ത ഈ ഈണം അവളുടെ രാവുകൾ എന്ന മലയാള സിനിമയിൽ ഉപയോഗിച്ചിട്ടുണ്ട്
Sawan ka mahina pawan kare sor
jiyarare jhoome aise jaise banma naache mor
(ചിത്രം Milan 1965. Anand Bakshi Laxmikant Pyarelal Mukesh Lata). പഹാടി രാഗത്തിൽ ഒരുക്കിയ ഈ ഗാന ചിത്രീകരണത്തിൽ ഒരിടത്തും മഴ വരുന്നില്ല എന്നാൽ ഈ പാട്ട് മഴയുടെ എല്ലാ പ്രതീതിയും ശ്രോതാക്കളിൽ ഉണർത്തുന്നുണ്ട്

എണ്ണിയാൽ തീരാത്ത ഗാനശേഖരങ്ങളാണ് ഹിന്ദി ചലച്ചിത്ര ഗാനശാഖയിൽ മഴയുമായി ബന്ധപ്പെട്ടതായി തീർത്തു വച്ചിരിക്കുന്നത്.അതുമായി താരതമ്യം ചെയ്യുമ്പോൾ ദക്ഷിണേന്ത്യൻ ഭാഷകളിൽ ഈ വിഭാഗത്തിൽ പെട്ട ഗാനങ്ങൾ കുറവാണ്.മേഘ് മൽഹാർ രാഗത്തിൽ കമ്പോസ് ചെയ്യപ്പെട്ട മധുരിതമായ ഒരു തമിഴ് ചലച്ചിത്ര ഗാനമാണ്

“മുത്തുക്കളോ കണ്കൾ തിത്തിപ്പാതോ കന്നം ” ( ചിത്രം നെഞ്ചിരിക്കും വരൈ 1967 കണ്ണദാസൻ എം എസ് വിശ്വനാഥൻ ടി എം എസ്. പി സുശീല ).
മേഘ് രാഗവും മൽഹാർ രാഗവും ഇടകലർത്തിയാണ് മേഘ് മൽഹാർ രാഗം രൂപപ്പെടുന്നത്
മറ്റൊരു ഗാനം “മഴൈ പൊഴിന്തു കൊണ്ടേയിരിക്കും, ഉടൽ നനയിന്ത് കൊണ്ടേയിരിക്കും “( ചിത്രം കുടുംബ തലൈവൻ 1962 കണ്ണദാസൻ കെ വി മഹാദേവൻ പി സുശീല ) കുളിരു കോരുന്ന ഒരു ഫീൽ ശ്രോതാക്കളിൽ കൊണ്ടുവരുന്നുണ്ട്

“അടടാ മഴയ്ടാ അട മഴയ്ടാ ” ( ചിത്രം. പയ്യാ 2010. നാമുത്തുകുമാരൻ യുവൻ ശങ്കർ രാജ. രാഹുൽ നമ്പ്യാർ. സൈന്ധവി )ജനപ്രീതി നേടിയ ഗാനമാണ്
“മഴൈ വരുത് മഴൈ വരുത് കുടയ് കൊണ്ടു വാ മാനേ ഉൻ മാറാപ്പിലെ “( രാജാ കൈയ്യയ് വച്ചാ 1990 വാലി ഇളയരാജ യേശുദാസ് ചിത്ര,) മെലഡീ കലർന്ന ഭാഗേശ്രീ രാഗത്തിലെ പാട്ട്.
വാലി, ഇളയരാജ ടീംന്റെ മറ്റൊരു മഴയിൽ കുതിർന്ന ഗാനമാണ് “ഓഹോ മേഘം വന്തത് “( ചിത്രം മൗന രാഗം 1986 ഗായിക S ജാനകി )ഇനി മലയാളത്തിലേയ്ക്കു കടന്നാൽ “പെരുമഴക്കാലം ” “മേഘ് മൽഹാർ ” ”
മഴ ” “രാത്രി മഴ ” “തുലാവർഷം ” മഴക്കാറ് “”എന്നിങ്ങനെ മഴയ്‌ക്ക് പ്രാധാന്യം നൽകിയ സിനിമകൾ ധാരാളം നമുക്ക് ഉണ്ട്.

“പനിനീർമഴ പൂമഴ തേൻമഴ
മഴയിൽ കുതിരുന്നൊരഴകേ
നനയുന്നതു കഞ്ചുകമോ സഖീ
നിന്നെ പൊതിയുന്ന യൗവ്വനമോ ”
(ചിത്രം. ഭൂമിദേവി പുഷ്പിണിയായി.1974 വയലാർ ദേവരാജൻ യേശുദാസ് ) ശ്രംഗാരം തുളുമ്പുന്ന ഈ ഗാനം ഇറ്റിറ്റ് പെയ്യുന്ന മഴ തുള്ളികൾ പോലെയുള്ള ഈണം
മേഘ് രാഗത്തിൽ രവീന്ദ്രൻ മാഷ് കമ്പോസ് ചെയ്ത ” ഗോപികേ ഹൃദയമൊരു വെൺശംഖു പോലെ “( നന്ദനം 2002 ഗിരീഷ് പുത്തഞ്ചേരി യേശുദാസ് )
മിയാമൽഹാറിൽ പത്തോളം ഗാനങ്ങൾ മലയാളത്തിൽ ഉണ്ട് അത് മറ്റൊരു ലേഖനത്തിൽ നേരത്തെ സൂചിപ്പിച്ചിരുന്നു.

അമൃതവർഷിണി രാഗത്തിലുണ്ട് ഇരുപതോളം ചലച്ചിത്ര ഗാനങ്ങൾ.
“ആഷാടം പാടുമ്പോൾ ” (മഴ 2000 കെ ജയകുമാർ രവീന്ദ്രൻ യേശുദാസ് ചിത്ര )ഈ രാഗത്തിലെ ഒരു മധുര ഗാനം ആണ്
“തുള്ളിക്കൊരു കുടം പേമാരി ” (ചിത്രം ഈറ്റ 1978 യൂസഫലി ദേവരാജൻ യേശുദാസ് മാധുരി ) നർത്തകർ കൂടിയായ സീമയും കമൽ ഹാസനും അതിമനോഹരമാക്കിയ നൃത്ത ഗാന വൈഭവം ആയിരുന്നു.
“ഇടയ്ക്കൊന്നു ചിരിച്ചും ഇടയ്ക്കൊന്നു കരഞ്ഞും
ഇടവപ്പാതിയുമോടിയെത്തി “( ഓളവും തീരവും 1970 പി ഭാസ്കരൻ ബാബുരാജ് ജാനകി ) മഴയുടെ മറ്റൊരു മുഖം കാട്ടുന്ന ഗാനം.
“കറുത്ത പെണ്ണേ കരിങ്കുഴലി
നിനക്കൊരുത്തൻ കിഴക്കുദിച്ചു ”
(ചിത്രം അന്ന 1964 വയലാർ ദേവരാജൻ യേശുദാസ് ) മറ്റൊരു മഴയിൽ കുതിർന്ന ഗാനം, ഇളയരാജയുടെ ഇഷ്ട ഗാനവും കൂടിയാണ്.

ബിച്ചു തിരുമല രചിച്ച എം എസ് വിശ്വനാഥൻ സംഗീതം നൽകി വാണി ജയറാം ആലപിച്ച “മാരിവില്ലിന്റെ പന്തൽ “( ചിത്രം വാടക വീട് 1979) അമൃത വർഷിണി രാഗത്തിൽ നെയ്തെടുത്ത ഒരു മധുര ഗാനം കൂടി ഇവിടെ ചേർക്കാം എടുത്താലും എടുത്താലും തീരാത്ത കാമധേനുവിനെപൊലെയാണ് ഈ ഗാനങ്ങളുടെ നിലവറ.

വാൽക്കഷണം.
ഇന്ത്യയിൽ പല സംസ്ഥാനങ്ങളിലും മഴ ഒരു ആഘോഷം ആണ്. സംഗീതം നൃത്തം അനുയോജ്യമായ ആഹാര വിഭവങ്ങൾ ഒക്കെ ആ ആഘോഷത്തിൽ ഉൾപ്പെടും

Leave a Reply

Your email address will not be published. Required fields are marked *

LATEST

ഒരു പെണ്ണിന്റെ മാറിലെ തുണി ഒരല്പം മാറി കിടന്നാല്‍ ഒന്ന് കണ്ണോടിക്കാത്ത സദാചാര വാദികള്‍ ആരേലും ഇന്നീ നാട്ടില്‍ ഉണ്ടോ…? എന്നാണു അമേയ മാത്യുവിന്റെ ചോദ്യം

പ്രശസ്ത നടിയും മോഡലുമാണ് അമേയ മാത്യു. 2017ല്‍ പുറത്തിറങ്ങിയ ആട് 2വിലൂടെയാണ് ചലച്ചിത്രരംഗത്തേക്ക്

ടീച്ചറുടെ ലെഗ്ഗിൻസ്

ഇന്ന് മാധ്യമങ്ങളും സോഷ്യൽ സോഷ്യൽ മീഡിയയും ചർച്ച ചെയ്യുന്ന പ്രധാനവിഷയത്തിന്റെ മാധ്യമ തലക്കെട്ട്

സിൽക്ക് സ്മിതയുടെ ബിഗ്രേഡ് ചിത്രത്തിൽ നായകനായ, ഉർവശിയുടെ സഹോദരൻ നന്ദുവിന് പിന്നെന്തുസംഭവിച്ചു ?

കൗമാരക്കാരനായ വീട്ടുവേലക്കാരൻ ആ വീട്ടിലെ മുതിർന്ന മൂന്നു സ്ത്രീകളുമായി ഉണ്ടാകുന്ന അസാധാരണ ബന്ധത്തിന്റെ