ബിനീഷ് കെ അച്യുതൻ

” കൊച്ചി പഴയ കൊച്ചിയല്ലെന്നറിയാം പക്ഷേ ബിലാല് പഴയ ബിലാല് തന്നെയാ….”
മലയാള യുവ പ്രേക്ഷകർ ഏറ്റെടുത്ത ഈ ഡയലോഗ് പിറന്നിട്ട് ഇന്ന് ഒന്നര പതിറ്റാണ്ട് പിന്നിടുന്നു . മലയാള സിനിമ അന്ന് വരെ കാണാത്ത പുതുമയും വ്യത്യസ്തതയും ഉള്ള മേക്കിംഗുമായി അമൽ നീരദിന്റെ ബിഗ് ബി റിലീസാവുന്നു . മേക്കിംഗിലെ പുതുമ ടൈറ്റിൽ കഥാപാത്രത്തെ അവതരിപ്പിക്കുന്ന മെഗാ സ്റ്റാർ മമ്മൂട്ടിയുടെ അഭിനയത്തിലും പ്രകടമായിരുന്നു , മുമ്പൊരിക്കലും കണ്ടിട്ടില്ലാത്ത ഒരു മമ്മൂട്ടി. നോക്കിലും വാക്കിലും നടപ്പിലും സംസാരത്തിലും എന്ന് വേണ്ട അടിമുടി വ്യത്യസ്തമായ മറ്റൊരു മമ്മൂട്ടി . ഇമയനക്കാതെയുള്ള ഒരു പ്രത്യേക രീതിയിൽ ഉള്ള മമ്മൂട്ടിയുടെ അഭിനയം നിരൂപക പ്രശംസ പിടിച്ചു പറ്റി . പ്രശസ്ത സാഹിത്യകാരൻ ഉണ്ണി . ആർ . എഴുതിയ ഓരോ വൺ ലൈൻ ഡയലോഗുകളും തീയറ്ററുകളിൽ ആരവമുയർത്തി . ‘

2005 -ൽ റിലീസ് ചെയ്ത ഹോളിവുഡ് ചിത്രമായ ഫോർ ബ്രദേഴ്സ് – ൽ നിന്നും സ്വാധീനമുൾക്കൊണ്ടാണ് , അമൽ നീരദ് ബിഗ് ബി ചെയ്യുന്നത് . ദത്തെടുക്കപെട്ട വ്യത്യസ്ത മതവിഭാഗത്തിൽ പെട്ട നാല് മക്കൾ തങ്ങളെ വളർത്തി വലുതാക്കിയ അമ്മയുടെ കൊലപാതകികളോട് പ്രതികാരം ചെയ്യുന്നതാണ് ബിഗ് ബിയുടെ ഇതിവൃത്തം : മമ്മൂട്ടിയോടൊപ്പം മനോജ് കെ.ജയൻ , ബാല , വിനായകൻ , മംമ്ത , ലെന തുടങ്ങിയ വൻ താര നിര ഈ ചിത്രത്തിൽ അണിനിരക്കുന്നു . പ്രധാന വില്ലൻ കഥാപാത്രമായ സായിപ്പ് ടോണിയെ അവതരിപ്പിച്ച ബോളിവുഡ് താരം ഷെർവീർ വക്കിൽ തന്റെ മാനറിസങ്ങൾ കൊണ്ടും ആറ്റിറ്റ്യൂഡ് കൊണ്ടും ശ്രദ്ധ നേടി .

തോക്ക് ചൂണ്ടി ഉച്ചത്തിൽ ഗിരി പ്രഭാഷണം നടത്തുന്ന ” തന്തക്ക് പിറന്ന നായകരെ ” തട്ടി നടക്കാൻ പറ്റാത്ത മലയാള സിനിമയിൽ ഒരു വ്യത്യസ്ത സംരംഭമായിരുന്നു ബിഗ് ബി . 2007 വിഷു റിലീസ് ചിത്രങ്ങളിൽ തീയറ്റർ പെർഫോമൻസിൽ വിനോദ യാത്രക്കും ഛോട്ടാ മുംബൈക്കും പിന്നിൽ ഓടിക്കിതച്ച് തളർന്ന് ശരാശരി വിജയത്തിൽ ഒതുങ്ങിയെങ്കിലും പിന്നീട് കൾട്ട് സ്റ്റാറ്റസ് കരസ്ഥമാക്കി . ബിലാലിന്റെ ഡ്രസ്സിംഗും മാനറിസവും ഡയലോഗുകളും യുവ പ്രേക്ഷകർ ഏറ്റെടുത്തു . ഒന്നാം ഭാഗം ഒരു വൻ വിജയ ആയില്ലെങ്കിൽ തന്നെയും ബിലാലിനായുള്ള പ്രേക്ഷകരുടെ കാത്തിരിപ്പ് ആ കഥാപാത്രം കൈവരിച്ച സ്വാധീനത്തിന് തെളിവാണ് . ബിഗ് ബി യെ അപേക്ഷിച്ച് ബിലാൽ ഒരു വൻ വിജയം ആയിത്തീരട്ടെ എന്ന് ഭീഷ്മപർവ്വം നേടിയ വിജയത്തിന്റെ ഈ വേളയിൽ ആശംസിക്കുന്നു .

Leave a Reply
You May Also Like

പോക്കിരി രാജ ഇപ്പോൾ ഇറങ്ങിയിരുന്നു എങ്കിൽ പരാജയപ്പെട്ടേനെ എന്ന് വൈശാഖ്

പോക്കിരി രാജ ഇപ്പോൾ ഇറങ്ങിയിരുന്നു എങ്കിൽ പരാജയപ്പെട്ടേനെ എന്ന് ഹിറ്റുകളുടെ സംവിധായകൻ വൈശാഖ് പറയുന്നു. പോക്കിരി…

നീലക്കുറിഞ്ഞി സന്ദര്‍ശനം ഒരു ദുരന്തമായി മാറിയിരിക്കുകയാണെന്ന് നീരജ് മാധവ്

ഇടുക്കി ശാന്തൻപാറയിൽ ഇപ്പോൾ നീലക്കുറിഞ്ഞി വസന്തമാണ് . പന്ത്രണ്ടുവർഷത്തിൽ ഒരിക്കൽ പ്രകൃതി ഒരുക്കുന്ന വസന്ത വിസമയം…

ഫാന്റസിയും സാഹസികതയും ചേർത്ത് ഇന്റർനാഷണൽ ക്വാളിറ്റിയിൽ ഒരു സയൻസ് ഫിക്ഷൻ – ‘എലൂബ്’

ഫാന്റസിയും സാഹസികതയും ചേർത്ത് ഇന്റർനാഷണൽ ക്വാളിറ്റിയിൽ ഒരു സയൻസ് ഫിക്ഷൻ ! ‘എലൂബ്’ ജനുവരിയിൽ ആരംഭിക്കുന്നു…

എത്ര കണ്ടാലും മടുക്കാത്ത എന്തോ ഒരുതരം മാജിക്‌ ഉണ്ട് പിൻഗാമി എന്ന സിനിമക്ക്

രാഗീത് ആർ ബാലൻ എത്ര കണ്ടാലും മടുക്കാത്ത എന്തോ ഒരുതരം മാജിക്‌ ഉണ്ട് പിൻഗാമി എന്ന…