പുരുഷന്മാരായ സുഹൃത്തുക്കളെ എൻറെ കാമുകന്മാർ ആയി ചിത്രീകരിക്കുന്നത് ഒന്ന് നിർത്താമോ; അഭയ ഹിരണ്മയി.

കഴിഞ്ഞ ദിവസങ്ങളിൽ സാമൂഹ്യ മാധ്യമങ്ങളിൽ വൈറലാകുന്ന ചിത്രമാണ് ഗോപിസുന്ദറിൻ്റെയും അമൃത സുരേഷിൻ്റെയും. ഇപ്പോളിതാ ഗോപിസുന്ദറിൻ്റെ മുൻ കാമുകിമാരായ അഭയ ഹിരണ്മയിക്കെതിരെ കടുത്ത സൈബർ അറ്റാക്കുകൾ ആണ് നടക്കുന്നത്. ഗോപിസുന്ദറിൻ്റെയും അമൃത സുരേഷിൻ്റെയും ചിത്രങ്ങൾ വൈറൽ ആയ അന്ന് അഭയ തൻ്റെ പിറന്നാൾ ചിത്രങ്ങൾ പങ്കുവെച്ചിരുന്നു. അതിൽ പുരുഷ സുഹൃത്തുക്കൾക്കൊപ്പം നിൽക്കുന്ന ചിത്രങ്ങളും ഉണ്ടായിരുന്നു. ഇപ്പോളിതാ അതുമായി ബന്ധപ്പെടുത്തി അപവാദ പ്രചാരണങ്ങൾക്കെതിരെ പ്രതികരിക്കുകയാണ് അഭയ.

“എനിക്ക് ഒരു ഉപകാരം ചെയ്യണേ.. പുരുഷന്മാരായ എന്റെ സുഹൃത്തുക്കളെ എന്റെ കാമുകന്മാരാണെന്ന് ചിത്രീകരിച്ച് അസംബന്ധം പറയുന്നതും ഗോസിപ്പ് ഇറക്കുന്നതും ദയവായി നിറുത്താമോ? അവര്‍ക്ക് ഭാര്യയും കുട്ടികളും പ്രായമായവരും അടങ്ങുന്ന ഒരു കുടുംബം ഉണ്ടെന്നും സുന്ദരമായ ജീവിതമാണ് ഉള്ളതെന്നും മനസിലാക്കുക.അവര്‍ പുരുഷന്മാര്‍ ആയ എന്റെ ഫ്രണ്ട്‌സ് ആയതിനാല്‍ ഒരു പബ്ലിക് ഡൊമെയ്നില്‍ ട്രോളുന്നതിന്റെ ബുദ്ധിമുട്ട് സഹിക്കേണ്ടതില്ല.

അത് തികച്ചും ക്രൂരമാണ്. നിലവിലെ സാഹചര്യങ്ങളെ കുറിച്ച് എന്റെ പ്രതികരണമെന്ന് അവകാശപ്പെടുന്ന ഓണ്‍ലൈന്‍ മഞ്ഞവാര്‍ത്തകളില്‍ നിന്നും യുട്യൂബ്ചാനലുകളില്‍ നിന്നും ദയവായി വിട്ടു നില്‍ക്കുക.ഒരു മാദ്ധ്യമത്തിനും ഞാന്‍ ഔദ്യോഗികമായ പ്രസ്താവനകളോ പ്രതികരണങ്ങളോ നല്‍കിയിട്ടില്ല. എന്റെ ജീവിതത്തില്‍ സംഭവിക്കുന്നത് തികച്ചും വ്യക്തിപരമാണ്. ദയവായി എന്റെ പരിചയക്കാരെയോ സുഹൃത്തുക്കളെയോ ഇതിലേക്ക് വലിച്ചിഴക്കരുത്.”-അഭയ പറഞ്ഞു.