controversy
റേസ് സംഘടിപ്പിച്ചത് അനുമതിയില്ലാതെയാണെന്ന് അറിയില്ലായിരുന്നു; മോട്ടോർ വാഹന വകുപ്പിന് മുമ്പിൽ ഹാജരായി ജോജുജോർജ്.
മലയാളികളുടെ പ്രിയപ്പെട്ട നടനാണ് ജോജു ജോർജ്.
71 total views

മലയാളികളുടെ പ്രിയപ്പെട്ട നടനാണ് ജോജു ജോർജ്. വാഗമണ്ണിലെ ഓഫ് റോഡ് റേസിൽ പങ്കെടുത്ത് അപകടകരമായ രീതിയിൽ വാഹനമോടിച്ചതിന് കഴിഞ്ഞ പത്താം തീയതി ഇടുക്കി വാഹന വകുപ്പ് നടന് നോട്ടീസ് നൽകിയിരുന്നു. വാഹനത്തിൻറെ രേഖകളും ലൈസൻസുമായി നേരിട്ട് ഹാജരാകാൻ ആയിരുന്നു നിർദ്ദേശം.
ഇപ്പോഴിതാ കഴിഞ്ഞദിവസം രഹസ്യമായി വാഹന വകുപ്പ് ഓഫീസിൽ നടന് എത്തി എന്നാണ് അറിയാൻ കഴിയുന്നത്. ലൈസൻസ് റദ്ദാക്കാതിരിക്കാൻ എന്തെങ്കിലും കാരണം ഉണ്ടെങ്കിൽ ബോധിപ്പിക്കണം എന്നും ഇടുക്കി ആർടിഒ താരത്തെ അറിയിച്ചിരുന്നു.
റേസ് സംഘടിപ്പിച്ചത് അനുമതി ഇല്ലാതെയാണെന്ന് അറിയാതെയാണ് പങ്കെടുത്തതെന്നും, എസ്റ്റേറ്റ്നുളളിൽ ആയതിനാൽ മറ്റാർക്കും അപകടമുണ്ടാക്കുന്ന തരത്തിലല്ല വാഹനമോടിച്ചതെന്നും ജോജു മൊഴിനൽകി.
ആറുമാസം വരെ ലൈസൻസ് റദ്ദാക്കാൻ ആകുന്ന കുറ്റമാണിത്. സംഭവത്തിൽ കുറ്റക്കാർക്കെതിരെ നടപടിയെടുക്കാൻ മോട്ടോർ വാഹന വകുപ്പിന് ഇടുക്കി ജില്ലാ കളക്ടർ നിർദ്ദേശം നൽകിയിട്ടുണ്ട്.
72 total views, 1 views today