കഴിഞ്ഞ ദിവസങ്ങളിൽ സോഷ്യൽ മീഡിയയിൽ വൈറലായ ഒരു വീഡിയോ ആയിരുന്നു ഒരു കാലിൽ ഒരു കിലോമീറ്റർ നടന്ന് സ്കൂളിലെത്തുന്ന പത്തുവയസ്സുകാരിയുടെ വീഡിയോ. ബിഹാറിലെ ജമുയി ജില്ലയിൽ താമസിക്കുന്ന സീമ എന്ന പെൺകുട്ടിയുടെ വീഡിയോ ആണ് വൈറലായത്. രണ്ടുവർഷം മുമ്പ് ഒരു അപകടത്തിലാണ് കുട്ടിയുടെ കാൽ നഷ്ടമായത്.
പിന്നീട് സീമ സ്കൂളിലെത്തുന്നത് ഒറ്റക്കാലിൽ ആണ്. ഇപ്പോഴിതാ പെൺകുട്ടിക്ക് സഹായഹസ്തവുമായി എത്തിയിരിക്കുകയാണ് നടൻ സോനു സൂദ്. സീമയുടെ ആവേശം തന്നെ അത്ഭുതപ്പെടുത്തി എന്നും രാജ്യത്തുള്ള എല്ലാ കുട്ടികളും മികച്ച വിദ്യാഭ്യാസം നേടാൻ ആഗ്രഹിക്കുന്നുണ്ടെന്നും ഡൽഹി മുഖ്യമന്ത്രി അരവിന്ദ് കെജ്രിവാൾ സീമയെ അഭിനന്ദിച്ചുകൊണ്ട് പറഞ്ഞിരുന്നു.
ജുമായി ജില്ലാ മജിസ്ട്രേറ്റ് സീമയ്ക്ക് മുച്ചക്ര വാഹനവും വീഡിയോ കണ്ടതിനു ശേഷം സമ്മാനിച്ചിരുന്നു. ഇതിനുപിന്നാലെയാണ് സഹായഹസ്തവുമായി സോനു സൂദ് എത്തിയിരിക്കുന്നത്.
Bihar: जमुई में एक पैर से 1KM का सफर तय कर स्कूल जाती है बिहार की ये बेटी
— News24 (@news24tvchannel) May 25, 2022
एक हादसे में मासूम का काटना पड़ा था पैर, हौसला देख करेंगे सलाम pic.twitter.com/pc6vUV2iLb
“ഇനി സീമ ഒരു കാലില്‍ അല്ല രണ്ടു കാലുകള്‍ കൊണ്ടും ചാടി ആവേശത്തോടെ സ്‌കൂളില്‍ പോകും. ഞാന്‍ ടിക്കറ്റ് അയക്കുകയാണ്. സീമ രണ്ടുകാലുകളില്‍ നടക്കേണ്ട സമയമായി.”-സോനു സൂദ് പറഞ്ഞു.
