ക്രിസ്റ്റഫർ ‘മരണ മാസ് ‘! തിയേറ്ററിൽ തന്നെ കാണേണ്ട സിനിമ, പ്രേക്ഷാഭിപ്രായങ്ങൾ ഇങ്ങനെ…

മമ്മൂട്ടി – ബി. ഉണ്ണികൃഷ്ണൻ – ഉദയ കൃഷ്ണ ഒന്നിക്കുന്ന ‘ക്രിസ്റ്റഫർ’ ഇന്നു പുറത്തിറങ്ങി. മികച്ച അഭിപ്രായങ്ങളാണ് വരുന്നത്. ഉണ്ണികൃഷ്ണൻ-ഉദയകൃഷ്ണ സമീപകാല സിനിമകളിൽ നിന്നും തികച്ചും വ്യത്യസ്തമായ ചിത്രം എന്നാണു അഭിപ്രായങ്ങൾ. സ്നേഹ, അമലപോൾ, ഐശ്വര്യ ലക്ഷ്മി, ശരത് കുമാർ, ഷൈൻ ടോം ചാക്കോ, വിനയ് റായ്, ദിലീഷ് പോത്തൻ, സിദ്ദിഖ്, ജിനു എബ്രഹാം തുടങ്ങിയവരാണ് പ്രധാന താരങ്ങൾ. ഫൈസ് സിദ്ദിഖ് ആണ് ചിത്രത്തിൻ്റെ ഛായാഗ്രഹണം നിർവ്വഹിക്കുന്നത്. സംഗീതം: ജസ്റ്റിൻ വർഗീസ്, എഡിറ്റിംഗ്: മനോജ്, പ്രൊഡക്ഷൻ കൺട്രോളർ: അരോമ മോഹൻ, കലാ സംവിധാനം: ഷാജി നടുവിൽ, വസ്ത്രാലങ്കാരം: പ്രവീൺ വർമ്മ, ചമയം: ജിതേഷ് പൊയ്യ, ആക്ഷൻ കൊറിയോഗ്രഫി: സുപ്രീം സുന്ദർ, ചീഫ് അസോസിയേറ്റ്: സുജിത്ത് സുരേഷ്, പി ആർ ഒ: പി ശിവപ്രസാദ്, നിയാസ് നൗഷാദ്, മാർക്കറ്റിംഗ്: ഒബ്സ്ക്യൂറ എൻ്റർടൈൻമെൻ്റ്സ്, സ്റ്റിൽസ്: നവീൻ മുരളി, ഡിസൈൻ: കോളിൻസ് ലിയോഫിൽ.

Faisal K Abu

ഉദയകൃഷ്ണ , ബി ഉണ്ണികൃഷ്ണൻ…. സമീപകാലത്തു ഇവരുടേത് ആയി പുറത്തു വന്ന സിനിമകൾ വിലയിരുത്തുമ്പോൾ, പ്രത്യേകിച്ച് ഉദയകൃഷ്ണയുടെ സിനിമകൾ… ക്രിസ്റ്റഫർ എന്ന സിനിമക്ക് ഇപ്പോ തല വയ്ക്കണോ എന്നൊരു സംശയം സ്വാഭാവികം ആയും ഉണ്ടാകാം… ആ സംശയത്തിന്റെ പുറത്തു ഈ സിനിമ സ്കിപ്പ് ചെയ്യാൻ ആണ് നിങ്ങളുടെ തീരുമാനം എങ്കിൽ നല്ലൊരു തീയേറ്റർ എക്സ്പീരിയൻസ് നൽകുന്ന സാമൂഹിക പ്രസക്തി ഉള്ളൊരു ചിത്രം ആണ് നിങ്ങൾക്കു നഷ്ടപ്പെടാൻ സാധ്യത ഉള്ളത്.പേര് സൂചിപ്പിക്കുന്നതു പോലെ തന്നെ ഈ സിനിമ പൂർണമായും ക്രിസ്റ്റഫർ എന്ന വിജിലാൻടി പോലീസുകാരന്റെ ജീവചരിത്രം തന്നെ ആണ്.

നീതിയും നിയമവും എന്നത് പണവും സ്വാധീനവും ഉള്ളവർക്ക് എങ്ങിനെ വേണം എങ്കിലും വളച്ചൊടിക്കാൻ കഴിയുന്നതാണ് എന്ന് മനസ്സിലാക്കിയ ഒരു പോലീസുകാരനും അയാളുടെ തോക്കും സ്വന്തം നിലക്ക് നീതി നടപ്പാക്കാൻ തുനിഞ്ഞിറങ്ങുന്നതിന്റെ കഥയാണ് സിനിമ പറയുന്നത് .മേൽ പറഞ്ഞതിനെ ഉദയ് കൃഷ്ണ എന്ന എഴുത്തുകാരൻ നീറ്റ്‌ ആയി എഴുതി വച്ചിട്ടുണ്ട് …. പതിവ് ഉദയകൃഷ്ണ സ്ക്രിപ്റ്റുകൾക്കു ഇല്ലാത്ത ഒരു ടോൺ ആദ്യത്തെ 20 മിനിറ്റിനു ശേഷം സിനിമയിൽ ഉടനീളം നമുക്ക് കാണാൻ സാധിക്കുന്നുണ്ട്… ബി ഉണ്ണികൃഷ്ണൻ മേക്കിങ് ചിലയിടത്തു പ്രത്യേകിച്ച് മാസ്സ് മൊമെന്റ്‌സ്‌ ബിൽഡ് ചെയ്ത രീതി ഒക്കെ personally അത്ര സെറ്റ് ആയി തോന്നിയില്ല എങ്കിലും ഓവർ ആൾ നോക്കിയാൽ നന്നായി തന്നെ സിനിമയെ മുന്നോട്ടു കൊണ്ട് പോകുന്നുണ്ട് .സിനിമയിൽ എടുത്തു പറയേണ്ടത് ഫൈസ് സിദ്ദീക്കിന്റെ DOP & ജസ്റ്റിൻ വര്ഗീസ് BGM രണ്ടും കിടു …🔥

ഒരുപാട് പോലീസ് വേഷങ്ങൾ ചെയ്തിട്ടുള്ള മമ്മൂട്ടി വീണ്ടും ഒരു പോലീസുകാരൻ ആയി എത്തുമ്പോൾ ഇതുവരെ കാണാത്ത ഒരു പോലീസ് വേഷം തന്നെ ആണ് ക്രിസ്റ്റഫർ. തന്റെ ഉള്ളിൽ ഒരു അഗ്നിപർവതം തന്നെ ഒളിപ്പിച്ചു വച്ച് മുഖത്തു നിസ്സംഗ ഭാവവും ആയി നടക്കുന്ന ക്രിസ്റ്റഫർ ആയി ഗംഭീരപ്രകടനമാണ് മമ്മൂട്ടി കാഴ്ചവെച്ചിരിക്കുന്നത്.അതോടു ഒപ്പം ചേർത്ത് പറയണം വില്ലൻ ആയി എത്തുന്ന വിനയ് റായുടെ പ്രകടനവും .ആകെ തുകയിൽ എന്നിലെ പ്രേക്ഷകന് തൃപ്തി നൽകിയ ശരാശരി സിനിമാ അനുഭവം തന്നെ ആയിരുന്നു ക്രിസ്റ്റഫർ…

***

Sanal Kumar Padmanabhan

നിർഭയ കൊലക്കേസിലടക്കം പ്രതികൾക്ക് അർഹമായ ശിക്ഷ ലഭിക്കാൻ വർഷങ്ങളോളം കാലതാമസം എടുക്കുന്നതും പണവും സ്വാധീനവുമുള്ള പ്രതികൾ കോടതിമുറിയിൽ നിന്നും നിറ ചിരിയോടെ ഇറങ്ങി പോരുന്നതും നിസ്സഹായരായ ഇരകളുടെ ഒഴിയാത്ത കണ്ണുനീരും..കണ്ടു…..നീതിന്യായവ്യവസ്ഥയോട് തന്നെ അമർഷവും സഹതാപവും തോന്നിയ ഇരട്ട ചങ്കുള്ളൊരു പോലീസ് ഉദ്യോഗസ്ഥൻ തോക്കിൻകുഴലിലൂടെ നിയമം നടപ്പിലാക്കാൻ ഇറങ്ങുന്ന കഥ പറയുന്ന “ക്രിസ്റ്റഫർ” ഇഷ്ടമായി .

അനാവശ്യമായ വലിച്ചു നീട്ടലുകളോ , ഡബിൾ മീനിങ്‌ കോമെഡികളോ , പാളിപ്പോയ ക്ലൈമാക്സ് ട്വിസ്റ്റുകളോ ഒന്നുമില്ലാതെ ഒരു പോലീസ് ഓഫിസറുടെ ജീവിതം നല്ല നീറ്റ് ആയ എഴുതിയ ഉദയ കൃഷ്‌ണയും .കയ്യിൽ കിട്ടിയ അത്യാവശ്യം കൊള്ളാവുന്നൊരു തിരക്കഥ നന്നായി സ്ക്രീനിൽ അവതരിപ്പിച്ച ബി ഉണ്ണികൃഷ്ണനും തിരകഥ ആവശ്യപ്പെടുന്ന വൈകാരികതയും , ആവേശവും , ത്രില്ലും എല്ലാം അതെ അളവിൽ പ്രേക്ഷകരിലേക്ക് എത്തിക്കാൻ പിന്നണിയിൽ തന്റെ സംഗീതം കൊണ്ടു നന്നായി പണിയെടുത്ത ജസ്റ്റിൻ വർഗീസിസും പിന്നെ ഗ്രാൻഡ് മാസ്റ്ററിൽ മോഹൻലാലിന് ലഭിച്ചത് പോലെ , തന്റെ പ്രായത്തിന് അനുസരിച്ച ഒരു പോലീസ് വേഷം “ഉണ്ട” ക്കു ശേഷം വീണ്ടുമൊരിക്കൽ കൂടെ തന്നെ തേടിയെത്തിയപ്പോൾ ആ കഥാപാത്രത്തിനു ഇന്നോളം അയാൾ അവതരിപ്പിച്ച കഥാപാത്രങ്ങളിലൊന്നുമായി പോലും വിദൂര ഛായ തോന്നാതെ ക്രിസ്റ്റിയെ അസാധ്യമായി അവതരിപ്പിച്ച മമ്മൂട്ടിയും കൂടി. കാണികൾക്ക് നൽകുന്നതു ശർശരിക്കും മുകളിൽ നിൽക്കുന്നൊരു സിനിമ അനുഭവം ആണ്‌…..

ബാക്കി വരുന്ന ചോറ് അരച്ച് പിറ്റേന്ന് ഇഡലിയും , പരിപ്പ് വട പൊടിച്ചു സാമ്പാറിലും, ഉഴുന്ന് വട തൈരിലും ഇട്ടു വിളമ്പിയിരുന്ന ശീലം കട തുറന്ന കാലം മുതൽ ഫോളോ ചെയ്തിരുന്ന കടയിൽ കയറി ആശങ്കയോടെ “കഴിക്കാൻ ഉള്ളതു എടുക്കു ” എന്ന് പറഞ്ഞു ബ്രേക്ക് ഫാസ്റ്റിനായി നോക്കിയിരുന്നപ്പോൾ നല്ല ചൂടൻ പൊറോട്ടയും മൊട്ടക്കറിയും കിട്ടിയ അവസ്ഥ…..!
റേറ്റിംഗ് 3.5/5

***

Jibin James Kammodayil

ഉദയകൃഷ്ണ അവസാനത്തേക്ക് ട്വിസ്റ്റ് ഉണ്ടാക്കാന്‍ നിന്നില്ല എന്നത് തന്നെയാണ് ഏറ്റവും വലിയ ഹൈലൈറ്റ് ..😊
മാസ് & സ്റ്റൈലിഷ് അപ്പിയറ൯സ് തന്നെയാണ് ഉണ്ണികൃഷ്ണന്‍ ബി മമ്മൂട്ടിക്ക് നൽകിയരിക്കുന്നത് ഇ൯വസ്റ്റിഗേഷ൯ ത്രില്ല൪ വിഭാഗത്തില്‍ പെട്ട സിനിമയല്ല ക്രിസ്റ്റഫ൪ ടൈറ്റിലിൽ സൂചിപ്പിക്കുന്ന പോലത്തെ താന്തോയിയാ എന്നാല്‍ അതിന് ഒരു കാരണവും ഉള്ള ഒരു പൊലിസ് ഒഫിസറടെ പാസ്റ്റും എല്ലാം ചേ൪ത്ത് ഒരു സെമി മാസ് സ്റ്റൈലിഷ് പൊലിസ് സ്റ്റോറിയാണ്.മമ്മൂക്കയുടെ ആറ്റിറ്റ്യൂഡ് സക്രീ൯ പ്രസ൯സ് ,ഡീസന്റ് മേക്കിംഗ് കിടുവായ ഛായാഗ്രഹണം ,സിനിമയെ താങ്ങി നി൪ത്തുന്ന വലിയൊരു ഘടകമായി ബിജെഎം പലയിടത്തും നന്നായി തന്നെ വന്നിട്ടുണ്ട് ഉണ്ണികൃഷ്ണന്‍ അത്യാവശ്യം ഹാ൪ഡ് വ൪ക്ക് ചെയ്തിട്ടുണ്ട് എന്നത് ഒരു വസ്തുത തന്നെയാണ് .ഫാമിലി പ്രേഷക൪ക്ക് പ്രത്യേകിച്ചും സത്രീകൾക്ക് കുറച്ച് ഇഷ്ടമാവുന്ന രീതിയില്‍ ആണ് ചില ഭാഗങ്ങള്‍ സമകാലിക പ്രശ്നങ്ങള്‍ കൂട്ടി ചേ൪ത്ത് എക്സിക്യൂട്ടീവു് ചെയ്തേക്കുന്നത്.എബൊവ് ആവറേജ് ആദ്യ പകുതിയും അവേറജ് രണ്ടാം പകുതിയുമാണ് എനിക്കു വ്യകതിപരമായി തോന്നിയത് പക്ഷേ എന്നിരുന്നാലും അവസാനമായി വന്ന ഉക്രിമാരുടെ സിനിമകളുടെ അത്രയും മോശം അഭിപ്രായം വരാ൯ സാധ്യതയില്ല.

******
ലൂക്ക് ആന്റണി

Dop, Bgm, മമ്മൂക്ക സ്റ്റൈൽ,മമ്മൂക്ക ഫൈറ്റ്, വില്ലൻ +നായകൻ ഫേസ് to ഫേസ് സീൻ, ഷൈൻ ടോം, അങ്ങനെ കുറച്ചു എടുത്ത് പറയേണ്ട സീൻ ഒഴിച്ചാൽ ബാക്കിയൊക്കെ ഒരു ശരാശരി അനുഭവം മാത്രം ആണ് സിനിമ. ആദ്യ പകുതി നായകന്റെ ചരിത്രം കാണിക്കുമ്പോൾ, സെക്കന്റ്‌ ഹാഫ് വില്ലനിലേക്കും നായകനിലേക്കും പോകുന്നെങ്കിലും ഒരു ഇമ്പാക്ട് കൊണ്ട് വരാൻ സാധിച്ചില്ല. പ്രതേകിച്ചു വില്ലനെ ഭയങ്കര സംഭവം ആയി കൊണ്ട് വന്നിട്ട് ക്ലൈമാക്സ്‌ സിംപിൾ ആക്കി കളഞ്ഞു എന്നത് ജസ്റ്റ്‌ ചുമ്മ കണ്ടു മറക്കാം എന്ന ഒരു ഫീൽ ആക്കി കളഞ്ഞു 🙏മോൺസ്റ്റർ, ആറാട്ട് പോലെ വധം ആകില്ല എന്നതിൽ ഉറപ്പ് ആണ് സിബിഐ പോലെ ബോക്സ്‌ ഓഫീസ് ഹിറ്റ്‌ കിട്ടേയാകാം.

***

 Aswin Rj

തന്‍റെ കരിയറിലെ മികച്ച സമയങ്ങളിലൊന്നില്‍ നില്‍ക്കുന്ന മമ്മൂട്ടിയും ഏറ്റവും മോശം ഫോമില്‍ നില്‍ക്കുന്ന ഉദയകൃഷ്ണ- ബി. ഉണ്ണികൃഷ്ണന്‍ കൂട്ടുകെട്ടും ഒന്നിക്കുമ്പോള്‍ ഉണ്ടാകുന്നതെന്താണെന്ന് അറിയാനുള്ള കൗതുകമാണ് ക്രിസ്റ്റഫര്‍ കാണാന്‍ പ്രേരിപ്പിച്ചത്. ആറാട്ടും മോണ്‍സ്റ്ററും തന്ന നിരാശ കൊണ്ട് പ്രതീക്ഷകളൊന്നുമില്ലാതെയാണ് ക്രിസ്റ്റഫറിന് കയറിയത്. ഗ്രാന്‍റ്മാസ്റ്റര്‍ എന്ന ഇഷ്ടപ്പെട്ട ത്രില്ലര്‍ സിനിമയുടെ സംവിധായകന്‍, വില്ലനില്‍ മോഹന്‍ലാലിനെ ഫലപ്രദമായി ഉപയോഗിച്ച സംവിധായകന്‍ എന്ന നിലയില്‍ ഉണ്ണികൃഷ്ണന്‍ ത്രില്ലര്‍ ജോനറില്‍ വീണ്ടും കൈ വെച്ചപ്പോള്‍ ലഭിച്ചത് നിരാശ പകരാത്ത ഒരു ത്രില്ലര്‍ സിനിമാനുഭവമാണ്. കണ്ട് ശീലിച്ച ഒരു കഥയാണെങ്കില്‍ പോലും, ഗംഭീരമായ മേക്കിങ്ങും പശ്ചാത്തലസംഗീതവും മമ്മൂട്ടിയുടെ ഗംഭീര സ്ക്രീന്‍ പ്രസന്‍സും എല്ലാമായി ത്രില്ലിങ്ങായ ഒരു സിനിമയായി മാറുന്നുണ്ട് ക്രിസ്റ്റഫര്‍. എടുത്ത് പറയത്തക്ക പുതുമകളൊന്നും തിരക്കഥയില്‍ ഇല്ലെങ്കിലും, ഉദയകൃഷ്ണയുടെ സ്ഥിരം ശൈലി വിട്ട് പിടിച്ചിട്ടുണ്ട് എന്നത് കൊണ്ട് ഒരു സിനിമയെന്ന നിലയില്‍ ക്രിസ്റ്റഫര്‍ നിരാശപ്പെടുത്തുന്നില്ല.

***

Divin Das

പടത്തിന്റെ ട്രെയിലർ കണ്ടപ്പോൾ തന്നെ മനസ്സിൽ ഉറപ്പിച്ചതാണ് ഈ ചിത്രം തിയേറ്ററിൽ തന്നെ കാണും എന്ന് ! എന്തായാലും ആദ്യ ദിവസം ആദ്യ ഷോ തന്നെ ഈ ചിത്രം കാണാൻ കയറി! ഇതിന് കാരണം ഞാനൊരു മമ്മൂക്ക ആരാധകനായ കൊണ്ട് മാത്രമല്ല ഇതിലെ അണിയറ പ്രവർത്തകരും എൻറെ ഫേവറൈറ്റുകളാണ്! യാദൃശ്ചികമായി കണ്ടതാണെങ്കിലും ട്രെയിലർ വളരെ നന്നായി ഇഷ്ടപ്പെട്ടു! മമ്മൂക്കയുടെ തകർപ്പൻ പെർഫോമൻസ് ! മമ്മൂട്ടി എന്ന നടനും മെഗാസ്റ്റാർ മമ്മൂട്ടി എന്ന സൂപ്പർതാരവും ഒരുപോലെ അഴിഞ്ഞാടി! ഈ ചിത്രം റിപ്പീറ്റ് ഓഡിയൻസിനെ അർഹിക്കുന്നുണ്ട് ! ഈ സിനിമ ഇത്രയും Re-watchable ആയി തോന്നാൻ കാരണം അതിലെ പശ്ചാത്തല സംഗീതവും ഫ്രെയിമുകളും ആണ്! വളരെ മനോഹരമായ ഫ്രെയിമുകളാണ് ചിത്രത്തിൽ ഉള്ളത്! അതോടൊപ്പം ചിത്രത്തിലെ മമ്മൂക്കയുടെ ചില ഡയലോഗുകളും നല്ല രസം ഉണ്ടായിരുന്നു! എന്തായാലും ഈ ചലച്ചിത്രം തിയേറ്ററിൽ ഇരുന്നു തന്നെ ആസ്വദിക്കേണ്ട സിനിമ തന്നെ!

***

Jishnu Jishnu

ത്രില്ലെർ സിനിമകൾ എന്നും എനിക്കൊരു വീക്ക്നെസ്സ് ആണ്.. അത് കൊണ്ട് തന്നെ christopher കാണാൻ കേറി…
ശരിക്കും ഞെട്ടിച്ചു കളഞ്ഞു.. സാധാരണ ത്രില്ലെർ സിനിമകൾ കാണുന്ന പോലെയുള്ള ആ ക്‌ളീഷേ ഒന്നും പടത്തിലില്ല.. തീരെ പ്രെഡിക്റ്റ് ചെയ്യാൻ പറ്റാത്ത സീനുകൾ ആണ് കാണാൻ പറ്റിയത്.. ബിജിഎം placement ഒക്കെ അന്യായം എന്റെ പൊന്നോ.. ത്രില്ല് അടിച്ചിരുന്നു പോയി 🔥as usual മമ്മൂക്ക എജ്ജാതി സ്ക്രീൻപ്രെസെൻസ് &പെർഫോമൻസ്.. പഹയൻ വരുന്ന ഓരോ സീനും സ്‌ക്രീനിൽ നിന്ന് കണ്ണെടുക്കാനെ തോന്നുന്നില്ല.. ഈ പ്രായത്തിലും എജ്ജാതി സ്വാഗ് 🙏ആക്ഷൻസ് ചെയ്യുമ്പോൾ ഉള്ള ഫ്ളക്സ്ബിലിറ്റി.. 👌വയസ്സ് 71ആണെന്ന് വല്ലപ്പോളും ഒന്ന് ഓർക്ക് എന്റെ പൊന്നിക്ക🙄🔥

സ്ക്രിപ്റ്റ് ഒക്കെ ഉദയകൃഷ്ണ വേറെ ലെവൽ എഴുത്ത് ആയിരുന്നു.. ഇങ്ങനെ ഒക്കെ ഒരാൾക്ക് സ്ക്രിപ്റ്റ് എഴുതാൻ പറ്റുമോ എന്ന് അതിശയിച്ചു പോയി🫣ആ ട്വിസ്റ്റ്‌ ഒക്കെ എന്റെ മോനെ… ഉണ്ണികൃഷ്ണന്റെ മേക്കിങ് ഒക്കെ തീ ആയിരുന്നു.. ഹോളിവുഡ് ലെവൽ ആയി തന്നെ തോന്നി.. ഞാൻ ഈ കാണുന്നത് മലയാളസിനിമ തന്നെയാണോ എന്ന് വരെ തോന്നി പോയി.കാസ്റ്റിംഗ് ഡിപ്പാർട്മെന്റ് +ടെക്നിക്കൽ സൈഡ് ഒക്കെ ഹെവി ആയിരുന്നു.. ഉണ്ണികൃഷ്ണൻ&ഉദയനും നന്നായി തന്നെ പണി എടുത്തിട്ടുണ്ട്… അതിന്റെ റിസൾട്ട്‌ പടത്തിൽ കാണാനുമുണ്ട്..ക്ലൈമാക്സ്‌ ഒക്കെ കോരി തരിച്ചാണ് ഇരുന്നത്.. ട്വിസ്റ്റ്‌ ഒക്കെ കണ്ടിട്ട് സീറ്റിൽ ഇരിക്കാൻ പറ്റിയില്ല അമ്മാതിരി seat edging ആയിരുന്നു 🙄🔥2022എടുത്ത പോലെ 2023ഉം മമ്മൂക്ക അങ്ങ് എടുക്കുവാ മക്കളെ 😌കൂടുതൽ പറഞ്ഞ് spoiler ആകുന്നില്ല… തിയേറ്ററിൽ പോയി തന്നെ കണ്ടറിഞ്ഞോ..
Highly Recommended /Must watch

***

Mohammed Ali Kottappurath

കണ്ട് പഴികിച്ച കഥ വീണ്ടും ഒന്നും കൂടി ഇട്ട് തന്നിരിക്കുന്നു. പഴയ വീഞ്ഞ് പുതിയ കുപ്പിയിൽ. Mammootty മമ്മൂക്ക യെ കുറച്ച് നല്ലത് മാത്രം. സ്റ്റൈലിഷ്. പക്ഷെ ഓവർ ഓൾ പടം നന്നായാൽ അല്ലെ പുള്ളിക്കും സന്തോഷം ആവുക ഉള്ളു.കെട്ട് ഉറപ്പ് ഇല്ലാത്ത തിരക്കഥ . അതിലും ദുർബലം ആയ സംവിധാനം. എത്ര കൊണ്ടാലും പടിക്കില്ലേ ബി. ഉണ്ണികൃഷ്ണൻ. ഇത് ഒരു 10 വർഷം മുമ്പേ ഇരിക്കിയിരുന്നു എങ്കിൽ കുറച്ച് എങ്കിലും കണ്ട് ഇരിക്കാം ആയിരുന്നു.ഉണ്ണികൃഷ്ണൻ ന്റെ സ്ലോ മോഷൻസ് കണ്ട് അമൽ നീരദ് ഇനി സിനിമ എടുക്കുമൊ എന്ന് ആണ് സംശയം.

First half പകുതിയോളം മീഡിയകാർ ആണ് ഫ്രെമിൽ കൂടുതൽ. മമ്മൂക്കക് ഒപ്പം അഭിനയിച്ച മിക കഥാപാത്രങ്ങളും മോശം ആണ്, ദിലീഷ് പോത്തൻ നന്നായിട്ടുണ്ട് എന്ന് പറയാം. സ്നേഹ കുറച്ച് ഉള്ളെങ്കിലും കുറച്ച് കൂടി നന്നാവാം ആയിരുന്നു. അമല പോൾ ന് സ്ക്രീൻ സ്പേസ് കുറച്ച് കൂടുതൽ ഉണ്ട്, അനേഷണം ഉദ്യോഗസ്ഥ എന്ന നിലയിൽ ബേധപ്പെട്ട പ്രകടനം നടത്തി എന്ന് പറയാൻ പറ്റില്ലെങ്കിലും കുഴപ്പമില്ല. ഐശ്വര്യ ലക്ഷ്മി, നിങ്ങൾ തന്നെ കണ്ട് പറയു. വിക്രത്തിലെ agent ടീന കുറച്ച് ഉള്ളെങ്കിലും നന്നായിട്ടുണ്ട്.
ഷൈൻ ടോം ചാക്കോ നന്നായിട്ടുണ്ട്, അത്യാവിശ്യം കൈ അടി ഉണ്ട് പുള്ളിക്കാരന്റെ അഭിനയിതിന്.സിദ്ദിഖ് ന് പിന്നെ ചെയറിൽ നിന്നും എഴുന്നേൽക്കേണ്ടി വന്നില്ല. പുള്ളിയുടെ മകൻ ഷഹീനും ഒരു കഥാപാത്രം ചെയ്തിട്ടുണ്ട്.

ബി. ജി. എം കൊള്ളാം എങ്കിലും ചില ഇടത് വെറുപ്പിക്കൽ ആയി തോന്നി, പ്രേതെകിച്ചു സ്ലോ മോഷൻനുകളിൽ.എല്ലാ തന്നെ പ്രെഡിക്റ്റബിൾ ആണ്. കേട്ട് മടുത്ത ഡയലോഗ്സ്, എന്തിനോ ഒരു വില്ലൻ.ഫസ്റ്റ് ഹാഫ് മീഡിയ, അടി, ഇടി, വെടി. ഉറക്കം വന്നില്ല. സെക്കന്റ്‌ ഹാഫ് എല്ലാം കൂടി കൊണ്ട് ഉടച്ച് കൈയിൽ തന്നു. ഉറക്കം വന്നു ക്രിസ്റ്റഫർ ഉണ്ണികൃഷ്ണൻ നും ഉദയകൃഷ്ണ കും വീണ്ടും തിരിച്ചടി. പ്രേഷകർക് ഏറ്റില്ല. ഇനി പുതിയത് ആയി വരാൻ ശ്രെമിക്കു. നമ്മൾ എല്ലാരും സ്ത്രീകളെ ബഹുമാനിക്കുവർ തന്നെ ആണ്. Molesty against women കഥകൾ ഒക്കെ കണ്ട് മടുത്ത് ആശാന്മാരെ. ഇതിൽ വെറും അത് തന്നെ ആണല്ലോ നിങ്ങൾ കേറ്റി പിടിപ്പിച്ചിരിക്കുന്നത്.എന്റെ അഭിപ്രായം മാത്രം. നിങ്ങൾ പ്രേക്ഷകർ കാണു, വിലയിരുത്തൽ നിങ്ങൾ ചെയ്യൂ. എന്റെ അഭിപ്രായത്തിൽ ആവറേജ് പോലും ഇല്ലെങ്കിലും, ഒരു ആവറേജ് പടം.( With all do respect to women )

***

Alvin Bianca Biansa

മമ്മുട്ടി പോലീസ് വേഷത്തിൽ എത്തിയ മറ്റൊരു വിജയ ചിത്രം എന്ന് പറയാം. വളരെ നന്നയി തന്നെ Unnikrishnan B യും Udayakrishna നും കൂടി എടുത്തു വെച്ചിട്ടുണ്ട് എടുത്തു പറയേണ്ടത് അതിലെ ബിജിഎം മമ്മുക്കയുടെ സ്റ്റൈലിഷ് മെയ്ക്കിങ് ആക്ഷൻ എല്ലാം ആണ്. ഒരു ഡാർക്ക്‌ മൂഡിൽ കഥക്ക് അനുയോജ്യമായ രീതിയിൽ പോവുന്ന സിനിമ. മേക്കിങ് എല്ലാം നല്ല കിടിലൻ ആയി തന്നെ ഫീൽ ചെയ്തു. അത് പോലെ തന്നെ മമ്മുട്ടിയുടെ fight എല്ലാം അത്യാവശ്യം നല്ല രീതിയിൽ തന്നെ ചെയ്തു വെച്ചിട്ടുണ്ട്.അമല പോൾ ഐശ്വര്യ എല്ലാം മികച്ച രീതിയിൽ തന്നെ പെർഫോം ചെയ്തു.അതിനൊക്കെ അപ്പുറം ഇന്നത്തെ കാലത്തേക്ക് ആവിശ്യം ആയ രീതിയിൽ അല്ലങ്കിൽ ഇന്നത്തെ കാലത്ത് നടക്കുന്ന ഒരുപാട് സംഭവുമായി കണക്ട് ചെയ്യുന്ന ഒരു സ്റ്റോറിയാണ്. നല്ലൊരു മെസ്സേജ് ഈ സിനിമയിൽ കൂടെ പ്രക്ഷകരിലേക്ക് എത്തിക്കാൻ ഇതിലെ അണിയറ പ്രവർത്തകർക്ക് സാധിച്ചു എന്ന് തന്നെ പറയാം. ഒട്ടും ലാഗ് അടിക്കാതെ തന്നെ തുടക്കം മുതൽ അവസാനം വരെ കണ്ടിരിക്കാവുന്ന 💯 ത്രില്ലെർ സിനിമ തന്നെയാണ് christopher.സ്വയം നീതി നടപ്പാക്കുന്ന ഒരു പോലീസ് കഥാപത്രമാണ് ഫസ്റ്റ് ഹാഫ് സെക്കന്റ്‌ ഹാഫ് കൂടുതൽ പറയുന്നില്ല സ്പോയിലർ ആയി പോവും.പോലീസ് വേഷത്തിൽ മലയാളി പ്രേക്ഷകരെ നിരാശപ്പെടുതാത്ത മമ്മുക്ക ഈ സിനിമയിലും ഒരു പ്രേക്ഷകനെ പോലും നിരാശപെടുത്തില്ല എന്ന് പറയാം. പോവുക സിനിമ കാണുക ഒരിക്കലും നിങ്ങളെ നിരാശപ്പെടുത്തില്ല.

***